ऋणानुबंधन पीड़ा निवारण

rinanubandhan pida nivarn  

Ank ke aur Lekh | Sambandhit Lekh | Views : 3507 |  
rinanubandhan pira nivaran om prakash darshanik pratyek vyakti par janm ke sath hi tin rin arthat dev rin, rishi rin v pitri rin to anivarya rup se badhyakari ho jate hain. parantu ye badhyakari kyon hote hain aur jyotish men inhen kin yogon se jana ja sakta hai. aur is dosh ke nivaran ke lie aise kya samanya upay kiye ja sakten hai parhe is lekh men. janm ke sath hi badhyakari hone jane vale rinon se yadi prayas purvak mukti prapt n ki jaye to jivan ki praptiyon ka arth adhura rah jata hai. in doshon s e pidit kadanu li shapit kudan li kahi jati hai. aise vyakti apne matri-paksh arthat mata ke atirikt mama-mami, mausa- mausi, nana-nani, tatha pitri paksh arthat dada-dadi, chacha-chachi, tau-tai adi ko kasht v dukh deta hai aur unki avhelna v tiraskar karta hai. janmakundli men yadi chandra par rahu-ketu ya shani ka prabhav hota hai to jatak matri-rin se pirit hota hai. chandrama man ka pratinidhi grah hai, atah aise jatak ko nirantar mansik ashanti se bhi pirit hona parta hai. aise vyakti ko matri-rin se mukti ke pashchat hi jivan men shanti milni sanbhav hoti hai. pitri rin ke karan vyakti ko man-pratishtha ke abhav se pirit hone ke sath-sath santan ki or se kasht, santanabhav, santan ka svasthya kharab hone ya santan ka sadaiv buri sangti jaisi sthitiyon men rahna parta hai. yadi santan apang, mansik rup se vikshipt ya pirit hai to vyakti ka sanpurn jivan usi par kendrit ho jata hai. janma-patri men yadi surya par shani, rahu, ketu ki drishti ya yuti dvara prabhav ho to jatak ki kundli men pitri-rin ki sthiti mani jati hai. mata-pita ke atirikt hamen jivan m anek vyaktiyon ka sahyog v sahayta prapt hoti hai, gay, bakri adi pashuon se dudh milta hai. fal-ful v anya sadhnon se hamara jivan sukhamay hota hai, inhen banane v inka jivan chalane men yadi hamne apni or se kisi prakar ka sahyog nahin diya to inka bhi rin hamare upar ho jata hai. jan-kalyan ke karyon men ruchi lekar ham is rin se urin ho sakte hain. dev rin arthat devtaon ke rin se bhi ham pirit hote hain. hamare lie sarvapratham devta hain hamare mata-pita parantu hamare ishtadev ka sthan bhi hamare jivan men mahatvapurn hai. vyakti bhavya v shandar bangla bana leta hai, apne vyavsayik sthan ka bhi vistar kar leta hai, kintu us jagat svami ke sthan ke lie sabse ant men sochta hai ya sochta hi nahin hai jiski anukanpa se samast aishvarya, vaibhav v sakal padarth prapt hota hai. uske lie ghar men koi sthan nahin hoga, to vyakti ko dev-rin se pirit hona parega. nai pirhi ki vichardhara men parivartan ho jane ke karan n to kul devta par astha rahi hai aur n hi log bhagvan ko mante hain. falasvarup ishvar bhi apni adrishya shakti se unhen nana prakar ke kasht pradan karte hain. rishi-rin ke vishay men bhi likhna avashyak hai. jis rishi ke gotra men ham janme hain, usi ka tarpan karne se ham vanchit ho jate hain. ham log apne gotra ko bhul chuke hain. atah hamare purvajon ki itni upeksha se unka shrap hamen pirhi-dar pirhi pareshan karega. ismen katai sandeh nahin karna chahie. jo log in rinon se mukt hone ke lie upay karte hain, ve prayah apne jivan ke har kshetra men safal ho jate hain. unke parivar men rin nahin hai, rog nahin hai, grih klesh nahin hai, patni-pati ke vicharon men samanjasya v ekrupta hai, santane mata-pita ka samman karti hain, parivar ke sabhi log paraspar mil-jul kar prem se rahte hain. apne sukh-dukh bantte hain, apne anubhav ek dusre ko batate hain. aisa parivar hi sukhi parivar hota hai. pitri rin ke karan vyakti ko man-pratishtha ke abhav se pirit hone ke sath-sath santan ki or se kasht, santanabhav, santan ka svasthya kharab hone ya santan ka sadaiv buri sangti jaisi sthitiyon men rahna parta hai. yadi santan apang, mansik rup se vikshipt ya pirit hai to vyakti ka sanpurn jivan usi par kendrit ho jata hai. dusri or koi-koi parivar to itna shapit hota hai ki use manhus parivar ki sangya di jati hai. sare ke sare sadasya tirth yatra par jate hain athva kahin sair sapate par bhraman ke lie nikal jate hain aur gari ki durghatana men sabhi ek sath mrityu ko prapt karte hain. piche bach jata hai, parivar ka koi ek sadasya, samast jivan unka shok manane ke lie. is prakar ka pura ka pura vansh hi shapit hota hai. is prakar ke log karan talashte hain. jab sukhi the, tab n jane kis-kis ka hissa harap liya tha, kis ki sanpatti par adhikar jama liya tha, kisi nirdhana-kamajor arosi-parosi ko dukh diya tha athva apne vriddh mata-pita ki avhelna aur durdasha bhi ki aur uski atma se ah niklti rahi ki ja, tera vansh hi samapt ho jae, koi pani dene vala bhi n rahe tere vansh men. ataev apne sukhi jivan men bhi manushya ko dar kar chalna chahie. manushya ko pitri rin utarne ka satat prayas karna chahie. jis parivar men koi dukhi hokar atma-hatya karta hai ya use atmahatya ke lie vivash kiya jata hai, to is parivar ka bad men kya hal hoga? is par vichar karen. atm hatya karna saral nahin hai, apne jivan ko koi yun hi to nahin mita deta, uski atma to vahin bhatkegi. vah ap ko kaise chain se sone degi, thora vichar karen. kisi kanya ka athva stri ka balatkar kiya jae to vah ap ko shrap kyon n degi, is par vichar karen. vah yadi atma-hatya karti hai, to kasur kiska hai. uski atma pure vansh ko shrap degi. sidhi atma ke shrap se bachna sahaj nahin hai. apke vansh ko ise bhugtna hi padega, yahi pret badha dosh v yahi pitri dosh hai. ise samjhen. pitri dosh ke jyotishiya yog: û lagnesh ki ashtam sthan men sthiti athva ashtamesh ki lagn men sthiti. panchmesh ki ashtam men sthiti ya ashtamesh ki pancham men sthiti. navmesh ki ashtam men sthiti ya ashtamesh ki navam men sthiti. tritiyesh, chaturthesh ya dashmesh ki uprokt sthitiyan. tritiyesh v ashtamesh ka sanbandh hone par chote bhai-bahnon, chaturth ke sanbandh se mata, ekadash ke sanbandh se bare bhai, dashmesh ke sanbandh se pita ke karan pitri dosh ki utpatti hoti hain. surya, mangal v shani panchve bhav men sthit ho ya guru, rahu barhven bhav men sthit ho. rahu-ketu ki pancham, navam athva dasham bhav men sthiti ya inse sanbandhit hona. rahu ya ketu ki surya se yuti ya drishti sanbandh (pita ke parivar ki or se dosh). rahu ya ketu ka chandrama ke sath yuti ya drishti dvara sanbandh (mata ki or se dosh). chandra, rahu putra ki ayu ke lie hanikarak. rahu ya ketu ki brihaspati ke sath yuti athva drishti sanbandh (dada athva guru ki or se dosh). mangal ke sath rahu ya ketu ki yuti ya drishti sanbandh (bhai ki or se dosh). vrishchik lagn ya vrishchik rashi men janm bhi ek karan hota hai, kyonki vah rashi chakra ke ashtam sthan se sanbandhit hai. shani-rahu chaturth ya pancham bhav men ho to matri-dosh hota hai. mangl-rahu chaturth sthan men ho to mama ka dosh hota hai. yadi rahu-shukra ki yuti ho to jatak brahman ka apman karne se pirit hota hai. mote taur par rahu-surya pita ka dosh, rahu-chandra mata ka dosh, rahu-brihaspati dada ka dosh, rahu-shani sarp aur santan ka dosh hota hai. in doshon ke nirakaran ke lie sarvapratham janmakundli ka uchit tarike se vishleshan karen aur yah gyat karne ki cheshta karen ki yah dosh kis-kis grah se ban raha hai. usi dosh ke anurup upay karne se apke kasht samapt ho jayenge. amavasya ke din apne purvajon ke nam par mandir men dudh, chini, shvet vastra v dakshina adi den. pipal ki 108 parikrama nirantar 108 din tak lagayen. parivar ke kisi sadasya ki akal mrityu hone par uske nimitt pinddan avashya karayen. grahan ke samay dan avashya karen. durga saptashati ka path karen. jan-kalyan ke karya karen, vriksharopan karen. jal ki vyavastha men sahyog den. pitridosh nivaran ke lie vishesh rup se nirmit yantra lagakar ek vishesh yantra ka 45 din vidhivat path karke grih shuddhi karen. shrimadbhagavat ka path karen ya shravan karen. isse pitridosh samapt ho jata hai, aur pitron ka ashirvad prapt hota hai. unke ashirvad se hamara parivar jo vastav men unka hi ek ansh hai, sukhi ho jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.