वास्तुशास्त्र का उद्गम

vastushastra ka udgm  

Ank ke aur Lekh | Sambandhit Lekh | Views : 3757 |  
vastushastra ka udgam manav sharir panch tatvon se bana hai. hamare rishi-muniyon ne manushya ke jivan par parne vale in tatvon ke prabhav par gahan shodh kiya aur prakriti tatha in tatvon ki labhaprad urja ki prapti hetu anupam sutron evan siddhanton ki rachna ‘vastushastra’ ke rup men ki. parantu, asthavan evan yogya shishyon ke abhav men, guru shishya paranpra dvara hastantrit hone vala yah gyan kalantar men itihas ke pannon men simat gaya. saubhagyavash pichle kuch dashkon purva hamare desh ke katipay shodhakartaon ne in vilupt smritiyon ko khoj nikala aur unka parikshan, prayog evan vishleshan punah aranbh kiya. parinam adbhut aur vilakshan mile, faltah janmanas men is shastra ka ashatit prachar-prasar hua. yah manav jati ka saubhagya hai ki bharat varsh ke mahan maharshiyon evan vidvanon dvara rachit ye sutra evan siddhant aj punah upalabdh hain. kintu, vahin yah durbhagya bhi hai ki aj bhavan nirman ke kram men log aksar prakriti ke niyamon ka ullanghan karte hain aur falasvarup vibhinn vastu doshon ke shikar ho jate hain. vastu dosh kya hai? kisi bhi sthan ke akar, akriti ya antrik sajja ke vastu niyamon ke anurup n hone par, vahan panchatatvon ki labhaprad brahmandiya urja ka asantulan ya abhav ho jata hai. yahi vastu dosh hai. sadharan lagne vala yah asantulan manushya ke jivan men uthal puthal macha deta hai aur iska nivaran n karne par use jivanaparyant kashton, badhaon evan vyadhiyon ka samna karna parta hai. kaise ho vastu dosh ka nivarn? kisi bhukhand par kisi bhi tarah ka nirman karne se purva yah dekh lena chahie ki vah vastusammat hai ya nahin. yadi nahin ho, to yogya vastuvid ke paramarsh ke anusar upyukt upay apnakar use vastusammat kar lena chahie. kya upyukt vastu bhagya badal sakta hai? ek prashn aksar pucha jata hai ki kya vastusammat bhavan nirman se bhagya ko badla ja sakta hai? yah svabhavik bhi hai. iske uttar men yahan yah spasht kar dena samichin hai ki vastu shastra ke siddhanton ke anurup bhumi, bhavan evan vastuon ka prayog kar manushya prakritik urja evan shakti ko apne anukul bana sakta hai. vastusammat nirman evan usmen parivartan ke falasvarup, panchatatva ki urja ka samuchit sanchar manushya ke mastishk evan sharir men hone lagta hai. faltah uske nirnay evan karm bhi shubh aur sahi hone lagte hain, jisse uske bhagya ke uske anukul hone ki sanbhavna prabal ho jati hai. isse spasht ho jata hai ki vastushastra ke siddhanton ke anurup bhavan nirman ya usmen parivartan kar bhagya ko badla ja sakta hai. vastu dosh nivaran evan parinam sadharntah log vastu-dosh sudhar ke pashchat, turant kisi chamatkar ki apeksha karne lagte hain, jo uchit nahin hai. kisi sthan par vastu sudhar ke pashchat, vahan vyapt dirghakalin nakaratmak urja ke unmulan men kuch samay avashya lagta hai. nakaratmak urja ke unmulnke pashchat hi sukhad parinam prapt hone lagte hain, jo chirkalik hote hain. jahan tak vyavsayik evan arthik kathinaiyon evan asfltaon ka prashn hai, sudhar ke turant bad sthiti ka kharab hona prayah ruk jata hai aur sukshm rup se sakaratmak parinam prapt hone lagte hain. fir dhire-dhire pragti evan saflta ka marg prashast hone lagta hai. parantu dekha gaya hai ki svasthya, adhyayan, svabhav, adalti mamlon, vaivahik jivan, parivarik paristhiti adi ke sudhar men kuch adhik samay lagta hai. aksar dekhne men ata hai ki vastu visheshagya ek hi nirikshan men sanpurn sudhar ek sath karne ka nirdesh dekar chale jate hain. aise men doshon ki ganbhirta evan grihasvami ki anekshah vivshtaon ke karan, sabhi sujhavon ka ann-fanan men karyanvayan sanbhav nahin hota. faltah adhikansh log asmanjas ki sthiti m avashyak sudhar bhi nahin karva pate aur samasyaen jyon ki tyon bani rah jati hain. vastutah kisi bhavan, flait, dukan, karyalay ya udyog men vastu doshon ke nivaran se sakaratmak urja ka sanchar asani se hone lagta hai, jiska sidha asar vahan ke logon ki mansikta par parta hai. iske falasvarup anya doshon ka sudhar bhi svatah hone lagta hai. is tarah panchatatvon ki purn samanupatik urja ke sthayi pravah ke parinamasvarup sthiti sahaj aur sukhad ho jati hai. yahan yah spasht kar dena uchit hai ki bhukhand aur bhavan men vyapt vastu doshon ka nivaran anubhvi vastu visheshagya ke paramarsh ke anusar karna chahie. sath hi kisi vidvan jyotishi ke margadarshan men shastrokt vidhi se asthapurvak grah-shanti ka karya kisi yogya vyakti se karana chahie. kuch ati prabhavshali vastu tips ishan disha ko sadaiv shuddh, svachch tatha anya dishaane ki apeksha nicha rakhen. is disha men lal ya narangi rang ka istemal n karen. uÿar-purva ke darvaje aur khirkiyon ko pratahkal kholakar rakhen taki ghar men sakaratmak urja evan surya ki kirnon ka pravesh ho sake. dakshin-pashchim ki disha ko sadaiv anya dishaon ki apeksha bhari evan uncha rakhen. aprahn se suryast tak dakshin-pashchim ke darvaje aur khirkiyon ko band rakhen athva unhen parde se dhak de. ghar ya karyalay men jangli pashu-pakshi, udas stri, yuddh evan samudra manthan ke chitra aur sho-pis kadapi n lagaen. nadi, pahar, jharne adi ke chitra bhi vastusammat sthan par hi lagaen anyatha ve anarthakari ho sakte hain. anavashyak vastuon evan upkrnon ka jahan-tahan anbar n lagaen. ye sakaratmak urja ke prabhav men gatirodh utpann karke kathinai evan badha khari karte hain. vatavaran men vyapt shabda-pradushan ko dur karne hetu roj subah vaidik mantron ka jap evan prarthana avashya karen athva unka tep ya sidi sunen. ishan men pujagrih ki sthapna ko lekar bhramit n hon. pujagrih uÿar evan purva men bhi atyant faldayi hote hain. farsh aur sirhiyon par lakshmi ji ke charan, svastik tatha ¬ ke stikar kadapi n lagaen. band ghariyan kadapi n rakhen, inka ruka hua samay saubhagyavriddhi men rukavat paida karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2009

vastu ka maulik rup evan manav jivan par iska prabhav evan mahatva, skul / kalej, aspatal, mandir, uddog evan karyalay hetu vastu niyam, jyotishiya upayon dvara vastu jyotish nivaran, bina tor-fod kie vastu upay di gae hai.

Subscribe

Apne vichar vyakt karein

blog comments powered by Disqus
.