जब काल भैरव की महिमा से अभिभूत हुए हनुमान

jab kal bhairav ki mahima se abhibhut hue hanuman  

Ank ke aur Lekh | Sambandhit Lekh | Views : 8718 |  
jab kalbhairav ki mahima se abhibhut hue hanuman... laghu-vishal anek nagar, pur tatha puriyon ka avlokan karte hue guru hanuman tatha shishya narad ujjayini (ujjain) ki shipra nadi ke tat par basi avantikapuri, jise ujjayini ya ujjain bhi kahte hain. yahan mahakaleshvar nam ka jyotirling hai, jiski ganna shivji ke dvadash jyotirlingon ke sath-sath mokshadayini sapt puriyon evan 51 shaktipithon men bhi hoti hai. vahan pahunchakar guru aur shishya donon ne sarvapratham shipra mata ko pranam kiya aur fir snan karne ke bad puri men pravesh kiya. sabse pahle unhen shrikalbhairav ji ka mandir mila. avantika ke shri kalbhairav mandir men jab mahavir hanuman tatha devarshi narad ji ne pravesh kiya, tab vahan arti ho rahi thi. bhakt nana prakar ke vadya baja rahe the. kuch bhavuk jan tali bajate hue umang men jhum rahe the. pradhan pujari ji 33 dipon ki arti ghuma rahe the. 11-11 dipon ki tin prajvalit panktiyan atyant suhani lag rahi thin. arti ho jane par pujari ji ne nirajan ka jal chirka. sab ne bhaktipurvak apne mastak jhukakar us jal ko apne tan par parne diya aur apne ko kritarth mana. fir sabne karabaddh rup men bhagvan ki stuti aranbh ki. shrikalbhairav ji ki pujn-arti dekhakar guru-shishya atyant anandit hue. unhonne kuch der vahan rukne ka nishchay kiya aur mandir ke kone men, jahan kisi ko koi arachan n ho, donon asan lagakar dhyan-mudra men baith gae. dhyan ka to bahana tha, vastav men ve yah dekhna chahte the ki yahan aur kya-kya hota hai. gurud aur shishya ne dekha ki mandir men agnit shraddhalu bhakt akar shrikalbhairav ko madyapan karate hain. is naivedya-samarpan ki vidhi men bari vichitrata thi. pratyek bhakt apne madyapatra ka do tihai bhag bhagvan ke madyapatra (kapalpatra) men dalta tha, jiska do tihai bhag kuch hi kshanon men bhagvan grahan kar lete the. kapalpatra men bacha shesh madya pujari ji lane vale ke madyapatra men vapas dal dete the. ab chahe prasad rup men kuch bunden bhakt apne madyapatra men se saikron logon ko bant bhi deta, to bhi uska patra sadaiv do tihai bhara hi rahta tha. yah kram nirantar aharnish chalta rahta tha. ismen kisi prakar ka vyavdhan nahin parta tha. shri kalbhairav ko anavarat madyapan karte dekhakar guru hanuman aur shishya narad chakit ho gae. shishya ne prashn kiya, ‘‘gurudev! nirantar madya ka sevan karne vale ye devta kya aur kuch nahin khate-pite?’’ guru ne uÿar diya, ‘‘inhen mahakal ka ek rup samjho. yah mahakal bhairav bhi kahe jate hain. in par shmashan bhairvi ya chinnamasta bhairvi adrishya rup se sadaiv savar rahti hain. unhin bhairvi ki shakti se yah vigrah apna karya karta rahta hai. mahakal ya mrityu ke rup men prasiddh yah kalbhairav devta madya ke atirikt marne vale pratyek prani ke rakt adi saptadhatu ka pan bhi karte rahte hain.’’ is uÿar se shishya ki jigyasa shant nahin hui. usne anurodh kiya ki kuch anya padarth nivedan karke dekh liya jae. guru bole, ‘‘pujari ji se anumti lo, fir prayatn karo.’’ nardji koi sadharan vyakti nahin the, vah divya-shakti sanpann the. smaran karte hi unke hathon men ek thal upasthit ho gaya, jismen nana prakar ke svadisht fal, bhanti-bhanti ke sukhe meve aur mishtann adi rakhe hue the. shishya ne pujari ji ke pas jakar prarthana ki, ‘‘maharaj! mujhe bhog arpit karne ki agya dijie.’’ pujari ne kuch muskarate hue kapalpatra ki or sanket kiya ki ismen dalo. narad ji ne ek-ek karke sabhi padarth patra men dale, kintu devta ne ek kan bhi svikar nahin kiya. pujari ji ne sare padarth thal men vapas dal die. narad ji thal lekar piche ki or 5-7 pag chale ki thal lupt ho gaya. tab unhonne apni shakti se shipra ke jal se bhara hua ek kamandal hath men utpann kiya. usmen gangajal ka tatha kuch tulsidal ka avahan kiya aur fir pahle ki bhanti kamandal lekar pujari ji ke pas pahunche. pujari ji ne use bhi usi tarah kapalpatra men undel diya. paryapt samay tak pratiksha karne ke bad bhi ek bund tak svikar nahin ki gai. tab pujari ji ne sara jal kamandal men vapas bhar diya. atyant nirash hokar shishya guruji ke pas a gae. hatash ho jane par kabhi-kabhi koi vyakti hath pakar leta hai. kuch aisi hi manodsha devarshi narad ki thi. apne prayas men shat-pratishat asafal hone ke karan unke man men kuch khijhlahat bhi thi. unhonne apne guru se kaha, ‘‘gurudev! ap jaise sarvasamarth prabhu ke sang hote hue bhi meri parajay ho jae, yah bat uchit tatha nyaysangat nahin lagti. main kisi bhi prakar kalbhairav ko satvik evan vaishnavochit naivedya arpit karna chahta hun. apko kuch aisa upay karna hoga, jisse meri lalsa puri ho.’’ arddharatri ke samay gurudev ne shishya ko ek svarnapatra men gangajal lane ki agya di aur usmen thore tulsi dal bhi dalne ko kaha. yah karya karne men shishya ko adhik vilanb nahin hua. gangajal ke patra ko sammukh rakhakar jab guru hanuman bhairav mantron se use abhimantrit karne lage, tab shanaiah shanaiah gangajal ka rang badlne laga aur dekhte-dekhte vah madyark ke rup men parivartit ho gaya. yah dekhakar narad ji jab nak bhaun sikorne lage, to gurudev ne unhen shant rahne ka sanket kiya. fir gurudev uthe aur devta ke samaksh jakar pura patra devta ke kapalpatra men ulat diya. aisa karte samay ve kalbhairav ke mantron ka uchcharan bhi kar rahe the. dhire-dhire patra khali hone laga aur kuch hi kshanon men kapalpatra ke pende se garam tave par jal chirkne jaisi chanchnahat ki dhvani ai. fir patra ke bhitar se ek jvala nikalakar shant ho gai. tab ek chamatkar dikhai para. devta ka kapalpatra ratnapatra ho gaya aur vah tulsi dal sahit gangajal se paripurit ho gaya. guru aur shishya donon ati prasann hue aur unhonne shri kalbhairav ke is divya chamatkar ko shraddhapurvak naman kiya. jab gurudev ne us gangajal ko apne patra men bhar liya, tab ratnapatra men parivartit devta ka patra fir kapalpatra ban gaya. kaha jata hai ki yadi koi vayakti shri badrinarayan jakar tulsidal yukt alknanda ke jal se vahan pujan kare aur fir us jal ko bhairav ke mantron se abhimantrit kar mahashivratri parva ke avasar par arddharatri ke samay abhijit muhurt men shri kalbhairav ke kapalpatra men mantrochchar sahit dale, to pahle vah jal madyark men badal jata hai aur fir bad men gangajal ho jata hai. aj ka bhautik vigyan yadyapi anek durlabh sadhnon se sanpann hai, tathapi uske pas aise upyukt sadhan nahin hain, jinki kasauti par kas kar vah aisi alaukik ghatnaon ka satyapan kar sake. aisi sthiti men ise asatya ya kori kalpana manna uchit nahin hai. is katha ke rahasya ka udghatan abhi nahin ho paya hai. yah rahasya jab bhi udghatit hoga, manav jati ke lie param saubhagya ka sandesh lekar aega.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2009

vastu ka maulik rup evan manav jivan par iska prabhav evan mahatva, skul / kalej, aspatal, mandir, uddog evan karyalay hetu vastu niyam, jyotishiya upayon dvara vastu jyotish nivaran, bina tor-fod kie vastu upay di gae hai.

Subscribe

Apne vichar vyakt karein

blog comments powered by Disqus
.