चित्र लगाएं वास्तु दोष दूर भगाएं

chitra lagaen vastu dosh dur bhagaen  

Ank ke aur Lekh | Sambandhit Lekh | Views : 7332 |  
chitra lagaen vastu dosh dur bhagaen dae. ashok sharma chitron ka itihas ati prachin hai. inka upyog manav sabhyata ke vikas ke aranbhik kal se hi hota aya hai. amir, garib sab chitron ka upyog kar apne apne gharon ka shringar karte hain. ghar men chitron ke upyog se vastu ke anekanek doshon se mukti mil sakti hai. iska ullekh vibhinn prachin granthon men milta hai. puranon men kai sthanon par vastu doshon ke shaman ke lie chitra, nakkashi, bel bute, manohari akritiyon adi ke upyog ka varnan hai. chitra banane men gay ke gobar ka upyog kiya jata tha. raja bhoj ka samrangan sutradhar, vishvakarma prakash, rajaballabh, shilp sangrah, vishvakarmiya shilp, brihadvastu mala adi vastu shastra ke mahatvapurn ganrath mane jate hain. in granthon men vastu doshon ke shaman hetu chitron ke upyog ka vishad varnan hai. tantra shastra men bhi bhavan ko vastudosh se mukt rakhne hetu alg-alag vanaspatiyon ko jalakar koyle se vibhinn yantrakritiyon ki rachna ka vidhan hai. ajakal log apni ichchanusar kahin bhi kisi ka bhi chitra laga lete hain, jo sarvatha anuchit hai. yahan ghar ko vastu doshon se mukt rakhne ke lie kaun se chitra kahan lagane chahie iska ek sankshipt vivaran prastut hai. ghar ke mandir men devi-devta ke samip apne svargiya parijnon ke foto kadapi nahin lagane chahie. parivar ke mrit vyaktiyon ke chitra uÿar ki divar par is tarah lagaen ki unka munh dakshin disha ki or ho. anya chitron ka upyog yadi ishan kon men shauchalay ho, to uske bahar shikar karte hue sher ka chitra lagaen. agni kon men rasoi ghar nahin ho, to us kon men yagya karte hue rishi-viprajan ki chitrakriti lagani chahie. rasoi ghar mane annapurna ka chitra shubh mana gaya hai, kintu rasoi men matsya, mansadi bhi banae jate hanai islie annapurna ka chitra nahin balki mahavidya chinnamasta ka chitra lagana chahie. yadi mukhya dvar vastu siddhant ke pratikul tatha chota ho, to uske irda-gird belbute is prakar lagane chahie ki vah bara dikhai de. shayan kaksh agni kon men ho, to purva madhya divar par shant samudra ka chitra lagana chahie. dakshinmukhi makan prayah shubh nahin hote kintu vastusammat upay kar unki shubhta men vriddhi ki ja sakti hai. is hetu svarn paelish yukt navagrah yantra mukhya dvar ke pas sthapit karna chahie. sath hi dvar par haldi ka svastik bhi banana chahie. vyapar tatha vyavsay ke anurup chitron ka chayan dukan, karyalay, karkhane adi men unke anukul chitra lagakar labh prapt kiya ja sakta hai. is bat ko dhyan men rakhte hue grahkon ko akarshit karne ke lie ajakal chitron ka bharpur upyog kiya jata hai. kintu rudan karte hue vyakti, band ankhon ke praniyon ke samuh, dukhi janon, suar, bagh, siyar, sanp, ullu, khargosh, bagula adi ke chitron ke sath-sath bhayanak akritiyon vale aur dinta darshane vale chitra kadapi nahin lagane chahie. sansthan se jure karyon ke chitra shubh hote hain. vyakti ko chahie ki vah jo vyapar karta ho vahi vyapar karne vale vishva prasiddh vyaktiyon ke chitra apne sansthan men upyukt sthan par lagae. apne prerna srot ka foto bhi achchi saflta men sahyogi hota hai. adhyayan kaksh men mor, vina, pustak, kalam, hans, machli adi ke chitra lagane chahie. bachchon ke shayan kaksh men hare faldar vrikshon ke chitra, akash, badal, chandrama adi tatha samudra tal ki shubh akriti vale chitra lagane chahie. pati-patni ke shayan kaksh men bhagvan krishn ki raslila, bansuri, shankh, himalay adi ke chitra dampatya sukh men vriddhi ke karak hote hain. baithak men ramayan, krishn lila tatha pauranik prasangon ke chitra lagane chahie. kintu yuddh, viklangta, bhaynak akriti vale tatha andhon ke chitra kadapi nahin lagane chahie. jin devtaon ke do se jyada hathon men astra hon unke chitra bhi nahin lagane chahie. ghar ke aspas jo mandir ho, usmen sthapit devi ya devta ka chitra mukhya dvar par lagana chahie. safed akre ki jar ki ganesh ji ki akriti banakar uski niyamit rup se vidhivat puja karte rahen, ghar vastu doshon se surakshit rahega.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2009

vastu ka maulik rup evan manav jivan par iska prabhav evan mahatva, skul / kalej, aspatal, mandir, uddog evan karyalay hetu vastu niyam, jyotishiya upayon dvara vastu jyotish nivaran, bina tor-fod kie vastu upay di gae hai.

Subscribe

Apne vichar vyakt karein

blog comments powered by Disqus
.