वास्तु दोष निवारक यन्त्र

vastu dosh nivarak yantra  

Ank ke aur Lekh | Sambandhit Lekh | Views : 7412 |  
vastu dosh nivarak yantra chanda jain vastudosh ke nivaran ke lie hamare rishi-manishiyon ne kai yantra batae hain. inmen se kuch pramukh yantron ka vivaran yahan prastut hai. siddh bisa yantra yah shaktishali yantra hai. ismen mata jagadamba ke navarn mantra ki shakti samavisht hai. ise dukan ki chaikhat ya dahlij ke upar lagane se najar nahin lagti. yah kisi ke shrap ya baddua se dukan ki raksha karta hai. iska mul mantra ek prakar se dukan ka raksha kavach hai. shuddh dhatu se bane siddh bisa yantra ko, uski pran pratishtha kar, dukan men sthapit karna chahie. indrani yantra yah vastutah ek suraksha kavach hai. kisi vyavsay ke vyavsayik drishtikon ke anurup hone tatha nanavidh yatn ke bavjud hani ho rahi ho, to kisi yogya vastuvid se paramarsh lekar indrani yantra ki sthapna karni chahie. mangal yantra yah ek ati prabhavshali yantra hai. yadi dukan ya karyalay men chori hoti ho, to kisi yogya vastuvid se paramarsh lekar ise purvottar kon athva purva disha men farsh se niche do fut gahra gaddha khodakar vidhivat sthapit karna chahie. yah yantra agni se bhi raksha karta hai. yam kilak yantra yadi vyavsayik sthal surya ki kranti se vedhit ho arthat sthapna ke samay nich ka surya ho, to vah kasht pradan karne vali hoti hai. vyavsayi bhi nich rashi ke surya se prabhavit ho, to aisi sthiti men labh hone par bhi kasht bana rahta hai. dukan ka mukh thik n ho athva asamajik tatva lutpat karte hon, to is yantra ki sthapna karni chahie. yah yantra agjni se bhi raksha karta hai. sarvavighn nivaran surya yantra yadi sarkari tantra dvara bar-bar pareshan kiya ja raha ho athva kisi anya prakar se badha pahunchai ja rahi ho, to sarvavighn nivaran surya yantra ki sthapna karni chahie. yadi vyavsay ke labhaprad hone par bhi ashanti bani rahe, vivad hota rahe, kalah ki sthiti bani rah,e to is sthiti men bhi sarvavighn nivarak surya yantra ki sthapna karni chahie. maruti yantra yah maruti nandan shri hanuman ji ka yantra hai. ichcha ke anurup koi jamin bik nahin rahi ho, ya us par koi vivad ho, to manglvar ko dopahar barah baje is yantra ko us jamin men sava hath gaddha khod kar purvabhimukhi hokar gar den. fir is par dudh aur gangajal charhaen. yah kriya grihasvami ko svayan karni chahie. jamin shighra bik jaegi ya vivadmukt ho jaegi. yah yantra dohri shakti se yukt hai. yah vahan ki raksha bhi karta hai. kali yantra yah yantra faiktri, udyog ki bhatthi, baeyalar, transfaermar ya jenretar par sthapit kiya jata hai. taki udyog men agni ka sanchar santulit rahe. varun yantra yah yantra jal sanbandhi samast doshon ko dur karta hai. yadi jal sthan, nalkup ya pani ki tanki agney men ya galat disha men bani ho, to is yantra ko us sthal par sthapit karna chahie, jal sanbandhi sabhi dosh dur honge. disha dosh nashak yantra yah vastu dosh shaman ka sarvadhik mahatvapurn yantra hai. yah ek chamatkarik yantra hai. koi vastu galat disha men ban gai ho aur usmen sudhar karna kathin ho raha ho, to is yantra ki sthapna karni chahie. sarvamangal vastu yantra yah prabhavshali yantra hai. iski sthapna se vastu sanbandhi sabhi prakar ke dosh dur ho jate hain. durga yantra is yantra ko durga ke nimnokt mantra se 108 bar abhimantrit karke mukhya pravesh dvar par lagaen. mantra: ‘‘¬ namo bhagvti vastudevaye namah’’ shri yantra agar vyavsay n chalta ho, partanaron ke bich jhagre hote hon, to is yantra kisi pandit ke dvara pran pratishtha karakar sthapna karni chahie. baglamukhi yantra is yantra ki pran pratishtha kar sthapna karne se kisi ki buri najar ya totkon se athva shatru se ghar ya dukan ki raksha hoti hai. rinmochak mangal yantra is yantra ko gangajal se abhishikt kar kisi shubh din sthapit karen. fir us par munga rakhen aur uske samaksh mangal ke ikkis namon ka uchcharan karen. iske bad mangal ke ikkis namon ka uchcharan niyamit rup se karte rahen, rin se mukti shighra mil jaegi. is tarah ukt yantra atyant prabhavshali hain. inki vidhivat sthapna aur puja aradhna se vastu doshon se mukti milti hai aur jivan sukhamay hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2009

vastu ka maulik rup evan manav jivan par iska prabhav evan mahatva, skul / kalej, aspatal, mandir, uddog evan karyalay hetu vastu niyam, jyotishiya upayon dvara vastu jyotish nivaran, bina tor-fod kie vastu upay di gae hai.

Subscribe

Apne vichar vyakt karein

blog comments powered by Disqus
.