श्री राम द्वारा स्थापित ज्योतिर्लिंग रामेश्वरम मंदिर

shri ram dvara sthapit jyotirling rameshvaram mandir  

Ank ke aur Lekh | Sambandhit Lekh | Views : 14105 |  
shri ram dvara sthapit jyortiling rameshvaram mandir da. bhagvan sahay shrivastav, ilahabad rameshvaram bhagvan shankar ke dvadash jyotirlingon men se ek hai. jab bhagvan shri ram sitaji ki khoj men sugriv ki sena ke sath yahan ae the aur lanka par akraman karne ke lie unhen samudra par karna tha tab unhonne samudra se marg chaha, parantu samudra ne unka agrah thukra diya tha. is par bhagvan ram kruddh hue aur unhonne agniban se samudra ko sukha dena chaha. tabhi samudra ne brahman rup men prakat hokar unse aisa n karne ka anurodh kiya aur unhen ek pul banvane ka sujhav diya. bhagvan ram ne vishvakarma ke mahan shilpi putron nal aur nil ko bulaya. nal aur nil ne apni shilp vidya ke prabal pratap se lakri patthar ko pani par taira-taira kar sau yojan lanba aur das yojan chaira pul taiyar kar diya. shriram ne lanka par akraman se pahle yahan shankar bhagvan ki aradhna kar mandir ki sthapna ki. tab prasann hokar shiv ji svayan padhare aur bole, ‘‘he ramchandra ji. ap ke kar kamlon dvara sthapit shivling ke jo darshan karega, vah papon se mukt hokar kailash par vas karega. jab shri ram ke hathon ravan ka vadh ho gaya, tab agastya samet sabhi rishiyon ne shri ram se ravan vadh ka prayashchit karne ko kaha kyonki ravan brahman tha aur rishi pulatsya ka nati tha. prayashchit svarup ram ko shiv ji ka ek jyotirling sthapit karna tha. shriram ne bharat aur hanuman ko kailash jakar shankar bhagvan se hi unki upyukt pratima bhent svarup lane ko kaha. hanuman kailash pahanuche, lekin abhisht murti nahin mili. tab unhonne vahin tap karna shuru kar diya. idhar hanuman ji ke ane men lagatar hote vilanb se rishiyon ne murti sthapna ka shubh muhurt ganvana thik nahin samjha. islie bhagvan ne jyeshth shukla dashmi, budhvar ko, jab chandra hast nakshatra men aur surya vrish rashi men tha, sita mata dvara nirmit, balu ke shivling ki sthana ki. yahi mandir rameshvaram ke nam se jagat prasiddh hua. jab hanuman ji bhi ek shivling lekar kailash se laute to ram ke pratiksha n karne par unhen khed hua. bhakt ke bhav ko bhanpte hue shriram ne rameshvaram ki bagal men hi hanuman ji dvara lae gae shivling ki sthapna ki. sath hi yah ghoshna bhi ki ki rameshvaram ki puja karne se purva bhakt hanuman dvara lae gae shivling ki puja archana ki jani chahie. aj donon lingon ki vidhivat aradhna hoti hai. kale patthar se bane shivling ko rameshvaram ya ramnath nam se pukara jata hai. shri rameshvaram jyotirling ka mandir 1000 fut lanba, 650 fut chaira aur 125 fut uncha hai. vishal mandir ki vastukla adbhut hai. shri rameshvaram jyotirling par gangotri se lakar gangajal charhane ka bara mahatmya hai. rameshvaram mandir dvip ke purvi tat par hai. iska bhavan lanba chaira aur chaten unchi-unchi hain. chaton par rangin chitrakari atyant akarshak hai. mandir dravir shaili aur dakshin bhartiya vastu kala ka bejor namuna hai. mandir ke mukhya dvar par sau fut uncha gopuram hai. uÿar, dakshin aur purva men tin gopuram hain. bhitri prakoshth men bhagvan rameshvaram virajman hain. sath hain unki shakti parvati samip hi garur stanbh hai, jis par sone ke paÿar charhe hain. rameshvaram ling ke garbhagrih ke piche madhav tirth, setu sadhna ka mandir, gavaksh aur nal-nil tirth hain. mul mandir ke samne nandi mandap hai. nandi ki jibh bahar latki hai. mandap ke dakshin men shiv tirth aur uÿar men navagrahon ki murtiyan hain. svarn pattaron se sajedhje kai dhvaj stanbh, chandi ke rath aur ramnathpuram ke rajaon ki pratimaen bhi hain. inke atirikt aur bhi kai tirth hain jaise madhav chakra, amrit, shiv, sarva, koti adi. bhige vastron men, mitti lepakar, bhaktagan in sabhi 24 tirthon men kram se snan karte hain. chakra tirth aur shankh tirth ke madhya rameshvaram ke nij mandir ki or jane vala marg hai. mandir prangan mane nandi hai. iski unchai 18 fut aur lanbai 22 fut hai . nandi se dakshin men shivtirth namak chota sa sarovar hai. rameshvaram mandir ke uÿar pashchim men lagabhag tin kilomitar dur hai gandhmadan parvat. ret ke unche-unche tile hain. jin par jane ke lie sirhiyan hain. samne sagar ki unchi uthti lahren parvat ki chotiyon ko chune ki koshish karti rahti hain. piche rameshvaram dvip dikhai deta hai. parvat par avasthit mandir ko ram jharokha kahte hain, aur yahin ankit hain ram ke charan chihn. sita ki khoj men lanka ravana hone ke lie shri hanuman ne yahin se unchi uran bhari thi. shri ram ke charan chihnon ke karib hanuman ki lal rang ki divya pratima hai. purva pashchim ki or dhanush koti hai. yahan par prabhu ram ne dhanush ki tankar se samudra ko bhaybhit kiya tha. kahte hain, pul bandhne ka karya nirvighn samapt ho, iske lie ram ne puja ki thi. aur purohit ka karya ravan ne kiya tha. aj yahan pul nahin hai. lanka se vijay karke jab ram laute to vibhishan ne shanka jatai ki pul se to koi bhi raja lanka par akraman kar sakega. tab ram ne dhanush par sharsandhan kar pul ko ura diya shayad isi lie iska nam dhanush koti bhi hai. dhanush koti ka apna dharmik mahatva hai. mahabharat yuddh ke atharhven din ratri men ashvatthama ne shiv ji ki ghor tapasya kar vardan men ek karishmai talvar pai aur pandvon ke dere men ghusakar dhrishtadyumn aur panchon pandav putron ka nidra men vadh kar diya. sote kshatriyon ke vadh ke ghor pap se ashvatthama pirit hua aur vedavyas ki sharan men gaya. vyas ji ke adeshanusar ashvatthama ne dhanush koti men tis dinon tak snan kiya jiske parinamasvarup samast papon se mukt hokar shanti pai. kaha jata hai ki dhanush koti jakar samudra snan ke bad hi rameshvaram ke darshan karne chahie. snan ka vidhan lakshman tirth men bhi hai. yahan mithe jal ke 22 kup hain. yah tirth rameshvaram mandir se 2 kilomitar pashchim hai. yahan lakshmaneshvar shivmandir hai. yahan se lautte samay sita tirth kund ata hai. kuch age jakar ramtirth namak bara sarovar hai. kinare par shriram mandir hai. rameshvaram ke karib 3 kilomitar purva sthit tangchimadam ganv men villarpi tirth hai. yahan samudra ke khare pani ke bich mithe jal ka kund hai. kinvdanti hai ki ek bar sita ji ko pyas lagne par bhagvan shri ram ne ban ki nok se is kund ko ubhara tha. char dishaon ke dhamon men rameshvaram dakshin ka dham hai. dvip par sthit rameshvar mandir men bhakti v kala ka anutha sangam dekha ja sakta hai. rameshvaram tamilnadu ki rajdhani chennai se karib 600 kilomitar dur hai. chennai ke ramnathpuram jile men bhartiya sima ke antim chor par rameshvar dvip hai. yahin bangal ki khari arab mahasagar se milti hai. lagabhag 25 kilomitar lanbi aur 2.16 kilomitar chaire is dvip ko puranon men gandhmadan parvat ke nam se abhihit kiya gaya hai. shri ram ne is dvip ko basaya isilie iska nam hai rameshvaram rakha gaya.
Kya aapko lekh pasand aaya? Subscribe

Kya aapko lekh pasand aaya? Subscribe


shri ram visheshank  April 2008

shri ram ki janm tithi, samay evan sthan tatha astitva se sanbandhit katha evan sakshya, shri ramsetu evan shri ram ka sanbandh, shri ram dvara krit –krityon ka vivechan, shri ram ki janm patri ka unke jivan se tulnatmak vivechan, shri ram ki van yatra sthalon ka vistrit varnn

Subscribe

Apne vichar vyakt karein

blog comments powered by Disqus
.