मानव जीवन में मुहूर्त की उपयोगिता

manav jivan men muhurt ki upyogita  

Ank ke aur Lekh | Sambandhit Lekh | Views : 1989 |  
manav jivan men muhurt ki upyogita pan. rajendra sharma ‘rajeshvar’ kal arthat samay ka prabhav jar aur chetan sabhi padarthon par parta hai. islie hamare rishi-muni acharyon ne janm se antyeshti tak sabhi sanskaron tatha anya manglik karyon ke lie muhurt ka vidhan kiya hai aur use avashyak bataya hai. muhurt ko panchvan ved aur manushya ka tisra netra kaha gaya hai. manushya yadi iska uchit upyog kare, to apne jivan ko nirapad, bhaymukt aur sukhamay bana sakta hai. brahmand men faile sabhi grah gatishil hain. apne apne gurutvakarshan ke karan ye grah kabhi ek dusre ke najdik ate hain to kabhi dur chale jate hain. isi tarah ye grah prithvi ke nikat bhi ate hain aur usse dur bhi chale jate hain. jab koi grah prithvi ke nikat ata hai, to uska prithvivasiyon par vishesh prabhav parta hai aur jab vah prithvi se dur chala jata hai, to prabhav kshin ho jata hai. tatparya yah ki inki gati aur shubhashubh sthiti par hi manav jivan nirbhar karta hai. isi adhar par jyotish aur bhavishya shastra ka nirman hua v isi adhar par vyakti ke bhavishya ka akalan kiya jata hai. grahon ki sthiti aur jyotish ki samyak ganna se kisi vyakti ke jivan men ghatne vali ghatnaon ka pata lagaya ja sakta hai aur unse bachne ke upay batae ja sakte hain. ek vishesh kshan men vishesh grahon ki sthiti aur uske manav jivan par parne vale prabhav ko muhurt kahte hain. yadi uchit aur upyukt muhurt men koi karya kiya jae to uske parinam anukul ho sakte hain. isse grahon ki kripa aur devtaon ki anukulta bhi prapt hoti hai. islie hamare shastron men vivah, yagyaopvit, yatra, vyapar aranbh tatha anya shubh karyon ke lie muhurt ki vyavastha ki gai hai. pratyek karya ke lie alg-alag grahon ke sanbandh dekhe jate hain aur unse nirmit kshanon ko muhurt ke rup men spasht kiya jata hai. varah mihir ke anusar pratyek kshan (sekend) apne ap men mulyavan hota hai aur pratyek kshan ka apne ap men alag mahatva hota hai. yadi inka uchit upyog kiya jae to vanchit fal ki prapti ho sakti hai. prashn pucha ja sakta hai ki kya aj ke yug men bhi muhurt vishleshan ki sarthakata aur avashyakta hai? iske uttar men kaha ja sakta hai ki yug bhale hi badal gaya ho, par manav apne mul svarup men vidyaman hai. uska svabhav, uske sukh dukh, jivan ke prati uski chintaen, uske jivan ke kriyaklap adi jaise pahle the vaise hi aj bhi hain. islie purva ki bhanti hi muhurt vishleshan ki sarthakata aur avashyakta aj bhi hai. yah vigyanasammat hai. ismen vigyan bhi badhak nahin hai, balki vah svayan svikar karta hai ki pratyek kshan apne ap men mahatvapurn hota hai aur us kshan ko pahchanna hi jivan ki purnata hai. us kshan ka upyog karna hi buddhimani hai. is tarah muhurt ki apni vaigyanikta aur mahatta hai. bhartiya jyotish men disha-shul, yogini, chandra adi ka ullekh hai. in sare tathyon ko dhyan men rakhakar hi shubh karya praranbh karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.