किस देवता या ग्रह के लिए कौन सा दीप जलाएं

kis devta ya grah ke lie kaun sa dip jalaen  

Ank ke aur Lekh | Sambandhit Lekh | Views : 46364 |  
kis devta ya grah ke lie kaun sa dip jalaen ? shubhesh sharman jab ham kisi devta ka pujan karte hain to samanyatah dipak jalate hain. vastutah kisi bhi puja ka mahattvapurn ang hai dipak. hamare mastishk men samanyatya ghi athva tel ka dipak jalane ki bat ati hai aur ham jalate hain. jab ham dharmik granthon ke anusar bhinna-bhinn devi-devtaon ki sadhna athva siddhi ke marg par chalte hain to dipak ka mahatva vishisht ho jata hai. dipak kaisa ho, usme kitni battiyan hane, iska bhi ek vishesh mahattva hai. usmen jalne vala tel v ghi kis-kis prakar ka ho, iska bhi vishesh mahattva hai. us devta ki kripa prapt karne aur apne uddeshya ki purti ke lie ye sabhi baten mahatvapurn hain. agar hamen arthik labh prapt karna ho to niyam purvak apne ghar ke mandir men shuddh ghi ka dipak jalana chahie. agar hamen shatruon se pira ho to sarson ke tel ka dipak bhairav ji ke samne jalana chahiye. bhagvan surya ki prasannata ke lie ghi ka aur shani ke lie sarson ke tel ka dipak jalana chahie. pati ki dirghayu ke lie giloy ke tel ka dipak jalana chahie. rahu tatha ketu grah ke lie alsi ke tel ka dipak jalana chahie. kisi bhi devi ya devta ki puja men gay ka shuddh ghi tatha ek ful batti ya til ke tel ka dipak avashyak rup se jalana chahie. vishesh rup se bhagvti jagdanba v durga devi ki aradhna ke samay evan mata sarasvati ki aradhna ke samay tatha shiksha-prapti ke lie do mukhon vala dipak jalana chahie. bhagvan ganesh ki kripa-prapti ke lie tin battiyon vala ghi ka dipak jalana chahie. bhairav sadhna ke lie sarson ke tel ka chaimukhi dipak jalana chahie. mukdma jitne ke lie panch mukhi dipak jalana chahie. bhagvan kartikey ki prasannata ke lie gay ke shuddh ghi ka panch mukhi dipak jalana chahie athva pili sarson ke tel ka dipak jalana chahie. bhagvan shiv ki prasannata ke lie ath tatha barah mukhi dipak tatha sath men pili sarson ke tel ka dipak jalana chahie. bhagvan vishnu ki prasannata ke lie solah battiyon ka dipak jalana chahie. lakshmi ji ki prasannata ke lie ghi ka sat mukhi dipak jalana chahie. bhagvan vishnu ki dashavtar aradhna ke samay das mukhi dipak jalana chahie. ishta-siddhi tatha gyan-prapti ke lie gahra tatha gol dipak prayog men lena chahie. shatrunash tatha apatti nivaran ke lie madhya men se upar utha hua dipak prayog men lena chahie. lakshmi-prapti ke lie dipak samanya gahra hona chahie. hanumanji ki prasannata ke lie tikone dipak ka prayog karna chahie aur usmen chameli ke tel ka prayog karna chahie. dipak kai prakar ke ho sakte hain. jaise mitti, ata, tanba, chandi, loha, pital athva svarn dhatu ka. mung, chaval, gehun, urad tatha jvar ko saman bhag men lekar uske ate se bana dipak sabhi prakar ki sadhnaon men shreshth hota hai. kisi-kisi sadhna men akhand jyoti jalane ka bhi vishesh vidhan hai jise gay ke shuddh ghi aur til ke tel ke sath bhi jalaya ja sakta hai. yah prayog visheashtah ashramon aur dev sthanon ke lie karna chahie. agar hamen arthik labh prapt karna ho to niyam purvak apne ghar ke mandir men shuddh ghi ka dipak jalana chahie.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  May 2012

fyuchar samachar patrika ke ratn visheshank men ratn chayan v dharan vidhi, ratna: sakaratmak urja srot, navaratn, uparatn, ratnon ki vividhta, vaigyanik vishleshan evan chikitsiya upadeyta, lagnanusar ratn chayan, jyotishiya yogon se tay karen ratn chayan, ratnon ki karya shauli ka upyog, budh ratn panna, chikitsa men ratnon ka yogdan, kai vyadhiyon ki aushdhi hai karanj tatha anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.