श्री कूर्म जयंती व् व्रत

shri kurm jayanti v vrat  

Ank ke aur Lekh | Sambandhit Lekh | Views : 2330 |  
shri kurm jayanti v vrat (06.05.2012) pan. brajkishor sharma brajvasi shri kurm jayanti v vrat vaishakh shukla purnima ko manaya jata hai. matantar se vaishakh krishn amavasya shri hari anant hariktha ananta ke anusar manya hai. samudra-manthan ke samay kurm bhagvan ka prakatya samudra ke andar sayankal ki bela men dev danvon ki sahaytarth hua tha. karmon ke sakushal sanchalan ki nirvighnata ke lie v jalachar jivon se raksharth is vrat ka palan avashya karna chahie. rog-shokadi ke nivarnarth tatha dharma-artha-kam-moksh rupi purusharthon ki prapti hetu is din pratahkal men dainik kriyaklapon se nivriÿa hokar bina kuch grahan kiye, surya narayan bhagvan v vrat ke devta bhagvan vishnu ke avtar kurm bhagvan ko pranam kar, nishkam ya sakam vrat ka sankalp len ki ‘aj main amuk kamna-siddhi ke lie ya bhagavat charnarvind prityarth kurma-vrat ka palan karunga ya karungi.’ sankalpoprant trailokyadhipti tribhuvanakamal sundar bhagvan kachchap (kurma) ke divya nam mantron ka smaran karte hue sanykalin bela men punah shuddh achrnyukt hokar svastivachan, sankalp tatha punyahvachan karmon ko karte hue ganesh, ambika, varun, navagrahadi devon tatha pradhan-devta kachchap bhagvan ka shodshopchar pujan karen. bhagvan kurm ke lilavataran ka prasang shravan karen. punah prasad vitaran kar, sanbhav ho to nishchay hi sadgun sanpann brahman ko bhojan karakar svayan bhi prasad grahan karen. bhagvan kurm lilavataran charitra: ‘jis samay bhagvan ne kachchap rup dharan kiya tha aur unki pith par bara bhari mandrachal mathani ki tarah ghum raha tha, us samay mandrachal ki chattanon ki nok se pith ke khujlaye jane ke karan bhagvan ko tanik sukh mila. unhen nind-si ane lagi aur unke shvas ki gati thori barh gayi. us samay us shvas-vayu se jo samudra ke jal ko dhakka laga tha, uska sanskar aj bhi usmen shesh hai. aj bhi samudra usi shvas vayu ke thaperon ke falasvarup jvar-bhaton ke rup men din-rat charhta-utrta rahta hai, use ab tak vishram n mila. bhagvan ki vahi param prabhavshali shvas vayu ap logon ki raksha kare.’ ek bar bhagvan shankar ke anshavtar maharshi durvasa ne sanand prithvi tal par vicharan karte hue ek vidyadhri ke hath men atyant suvasit mala ko dekhakar usse kaha. ‘sundri! apne hath men sushobhit santank-pushpon ki atyant sungdhit divya mala mujhe de do.’ vidyadhri ne maharshi ke charnon men shraddhapurvak pranam kar unke kar-kamlon men mala dete hue atyant vinamratapuvark madhur vani men kaha. ‘mera param saubhagya hai.’ ‘‘main to kritarth ho gayi.’’ maharshi ne mala lekar apne gale men dal li aur age barh gaye. udhar se trailokyadhipti devraj indra airavat par charhakar devtaon ke sath a rahe the. maharshi durvasa ne prasann hokar vah atyant sundar aur sungdhit mala apne gale se nikal shachipti indra ke upar fenk di. sureshvar ne vah mala airavat ke mastak ke upar dal di. airavat ne us suvasit mala ko sund se sungha aur fir use prithvi par fenk diya. yah drishya dekhakar maharshi durvasa ke netra lal ho gaye. unhonne atyant kupit hokar sahasraksh ko shap de diya- ‘re mudh! tune meri di hui mala ka kuch bhi adar nahin kiya, islie tera triloki ka vaibhav nasht ho jayga. tune meri di hui mala ko prithvi par fenka hai, islie tera yah tribhuvan bhi shighra hi shrihin ho jayega.’ bhayakrant shachipti airavat se utarakar maharshi ke charnon par gir pare aur hath jorakar anek prakar ki stutiyon se unhen prasann karne ka prayatn karne lage. tab maharshi durvasa ne kaha- re indra! tu baranbar anuny-vinay ka dhong kyon karta hai? tere is kahne-sunne se kya hoga? main tumhen kshama nahin kar sakta.’ maharshi durvasa vahan se chale gaye aur indra bhi udas hokar amravti pahunche. usi kshan se amrendra sahit trailokya ke vriksh tatha trin-latadi kshin hone se shrihat evan nasht hone lage. triloki ke shrihin evan saÿvshunya ho jane se prabal parakrami daityon ne apne tikshn astron se devtaon par akraman kar diya. devagan parajit hokar bhage. svarg danvon ka krida-kshetra ban gaya. ashay, nirupay evan durbal devtaon ki durdasha dekhakar indra, varun adi devta samast devtaon ke sath sumeru ke shikhar par lok pitamah ke pas pahunche. sankt-grast devtaon ke tran ke lie chaturanan sabke sath bhagvan ajit ke dham vaikunth men pahunche. vahan kuch bhi n dekhne par unhonne vedvani ke dvara shribhgvan ki stuti karte hue prarthana ki. devtaon ke stavan se santusht hokar amit tejasvi, mangldham evan naynananddata bhagvan vishnu mand-mand muskarate hue unhin ke bich prakat ho gaye. devtaon ne punah dayamay, sarvasamarth prabhu ki stuti karte hue apna abhisht nivedan kiya. ‘daityon dvara parast hue ham log atur hokar apki sharan men aye hain. ap ham par prasann hoiye aur apne tej se hamen sashakt kijie.’ jagatpati bhagvan vishnu ne megh ganbhir svar men devtaon se kaha. ‘punah sashakt hone ke lie tumhen jara-mrityunivarini sudha apekshit hai.’ ‘amrit samudra-manthan se prapt hoga. yah kam akele tum devtaon se nahin ho sakta. iske lie tum log samniti ka avlanban kar asuron se sandhi kar lo. amrit pan ke prashn par ve bhi sahamat ho jayenge. fir samudra men sari aushdhiyan lakar dal do. iske uprant mandrgiri ko mathani evan nagraj vasuki ko neti banakar meri sahayta se samudra-manthan karo. tumhen nishchay hi sufal prapt hoga; par alasya aur pramad tyag shighra hi amrit prapti ke lie prayatn karo.’ liladhari prabhu vahin anrtadhyan ho gaye. indradi devta daityaraj bali ke samip pahunche. buddhiman indra ne unhen apne bandhutva ka smaran karaya aur bhagvan ke adeshanusar bali se amrit-prapti ke lie samudra-manthan ki bat kahi. ‘amrit men devtaon aur daityon ka saman bhag hoga’- is labh ki drishti se daityeshvar bali ne surendra ka prastav svikar kar liya. vahan upasthit anya senapti shanbar, arishtanemi aur tripurnivasi daityon ne bhi iska samarthan kiya. fir to dharadham ki sari aushdhiyan, trin aur lataen kshirsagar men dal di gayin. devtaon aur daityon ne apna matbhed tyagakar mandrgiri ko ukhara aur use kshirabdhi tat ki or le chale; kintu mahan mandrachal unse adhik dur nahin ja saka. vivshtah un logon ne use bich men hi patak diya. us sone ke mandrgiri ke girne se kitne hi dev aur daitya hatahat ho gaye. devon aur daityon ka utsah bhang hote hi bhagvan garuradhvaj vahan prakat ho gaye. unki amritmyi kripadrishti se mrit devta punah jivit ho gaye aur unki shakti bhi purvavat ho gayi. dayadham sarvasamarth shribhgvan ne ek hath se dhire se mandrachal ko uthakar garur ki pith par rakha aur devta tatha daityon sahit jakar use kshiroddhi ke tat par rakh diya. devta aur daityon ne mahan mandrgiri ko samudra men dalakar nagraj vasuki ki neti banayi. sarvapratham unhen dekhakar anya devta bhi vasuki ke mukh ki or chale gaye. daityon ne virodh karte hue kaha- ‘punch sarp ka ashubh ang hai. ‘ham ise nahin pakrenge’ aur daityagan dur khare ho gaye. devtaon ne koi apÿia nahin ki. ve punch ki or a gaye aur daityagan sagarva mukh ki or jakar sotsah samudra-manthan karne lage. kintu mandrgiri ke niche koi adhar nahin tha. is karan vah niche samudra men dubne laga. yah dekhakar achintya shakti sanpann shribhgvan vishal evan vichitra kachchap ka rup dharan kar samudra men mandrgiri ke niche pahunch gaye. kachchapavtar bhagvan ki ek lakh yojan vistrit pith par mandrgiri upar uth gaya. devta aur daitya samudra-manthan karne lage. bhagvan adi kachchap ki suvistrit pith par mandrgiri atyant tivrata se ghum raha tha aur shribhgvan ko aisa pratit hota tha, jaise koi unki pith khujla raha hai. samudra-manthan ka karya sanpann ho jay, etadarth shribhgvan shakti-sanvarddhan ke lie asuron men asur rup se, devtaon men devrup se aur vasuki nag men nidra rup se pravisht ho gaye. itna hi nahin, ve mandrgiri ko upar se dusre mahan parvat ki bhanti apne hathon se dabakar sthit ho gaye. shribhgvan ki is lila ko dekhakar brahma, shiv aur indradi devagan stuti karte hue unke upar divya pushpon ki vrishti karne lage. is prakar kachchapavtar shribhgvan ki pith par mandrachal sthir hua aur unhin ki shakti se samudra manthan hua. bhagvan kachchap lilavataran charitra: pralay men bhagvan shesh-shayya par yog-nidra ka ashray kiye hue the. unke sharir se adyashakti prakat hui. usi se is brahmand ke brahma, vishnu, mahesh prakat hue. shakti svarup men ve brahma ke pas gayi. use unhonne charon or se dekha, faltah ve chaturmukh ho gaye. vishnu ne use dur se lauta diya. sau bar sharir badlne par shiv ne use svikar kar liya. shakti sthir ho gayi; kintu brahma srishti n kar sake kyonki prithvi nahin thi. bhagvan vishnu ne karnamal se do daitya utpann kiye. ve donon rusht hokar brahma ji ko marne daure. bhagvan vishnu ne unhane mar dala. un daityon ke med se medini-prithvi bani. unki asthiyan parvat banin. prithvi ko sthir karne ke lie bhagvan ne kachchap rup dharan kiya. bhagvan ke avtar nitya hain. vahi prabhu prithvi ko dharan karte hain, vahi mandar dharan karke amrit-manthan ke hetu bante hain. vahi manushya ki ghriti bante hain aur tabhi manav akshay dham ke path men sthir hota hai. ve hi sabke adhar hain.’ japniya mantra: un namo naraynay. un purnanandakachchapay namah. un siddhisadhan kurmay namah. un dharadhray namah un vishnave namah. ratri men jagaran karte hue uprokt mantron ka jap karen. kurm bhagvan ne jis prakar dev-danvon ka karya sadhan kar dharm ki sthapna ki, usi prakar vrati ke karyon ka sadhan bhi bhagvan kachchap ki kripa se avashya hi hota hai. kurm bhagvan ka svarup ghar men rakhne v pujan karne se sanpurn manorthon ki siddhi karne vala hai.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  May 2012

fyuchar samachar patrika ke ratn visheshank men ratn chayan v dharan vidhi, ratna: sakaratmak urja srot, navaratn, uparatn, ratnon ki vividhta, vaigyanik vishleshan evan chikitsiya upadeyta, lagnanusar ratn chayan, jyotishiya yogon se tay karen ratn chayan, ratnon ki karya shauli ka upyog, budh ratn panna, chikitsa men ratnon ka yogdan, kai vyadhiyon ki aushdhi hai karanj tatha anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.