चिकित्सा में रत्नों का योगदान

chikitsa men ratnon ka yogdan  

Ank ke aur Lekh | Sambandhit Lekh | Views : 3126 |  
chikitsa men ratnon ka yogdan om prakash darshanik akash mandal men gatiman pramukh navagrahon ka sanbandh panchbhut nirmit sharir ke kin-kin tatvon ke kis rup men karya karta hai, yah janna n keval rochak hai balki in ratnon ki chikitsiya upadeyta ka bhi pura labh liya ja sakta hai. aiye janen, kis rog men kaun sa ratn dharan karen. manav sharir panch mahabhuton arthat agni, jal, vayu, prithvi evan akash nam ke panchmhatatvon se milakar nirmit hua hai. inmen nyunta ya adhikta a jane se hi us tatva vishesh se sanbandhit vikar, rog ya kami a jati hai kyon ki in panchatatvon ka santulan hi sharir ko nirogi rakhne men sahayak hota hai. ayurved bhi vat (vayu), piÿa (agni) evan kaf (jal) tatva ke samanupat par hi nirogta batata hai. kalpurush ke anusar jal tatva ke grah chandrama aur shukra tatha rashiyan kark, vrishchik evan min hain. vaise to shukra grah ko jal tatva evan prithvi tatva ka mishrit grah mana jata hai. budh grah ko agni, jal evan akash tatva evan prithvi tatva ka mishrit mana gaya hai jabki kuch vidvan ise akash tatva evan prithvi tatva ka hi mishrit grah mante hain. lekin anubhav kahta hai ki prithvi tatva ko grah budh tatha rashiyan- vrish, kanya evan makar hain. akash tatva men keval brihaspati grah ka adhikar hai tatha koi rashi vidyaman nahin hai. vastutah brihaspati men vayu tatva ki adhikta hai, vaise to vayu tatva ka grah shani tatha rashiyan mithun, tula evan kunbh hain tatha agni tatva ke grah surya, mangal tatha rashiyan mesh, sinh evan dhanu hain. yurenas arthat harshal men vayu tatva, pluto men agni tatva tatha nepchyun men vayu tatva ki pradhanta mani gayi hai. in grahon tatha kalpurush ke vibhinn bhagon v avyvon ka sidha sanbandh is prakar hai- surya se sir, dahina netra, hriday tatha haddi ka, chandrama se fefre, chati, hriday tatha banye netra ka, mangal se, andakosh, ant, haddi ka, antrik tatva majja ka tatha budh se shvas nalika, anton, tvacha (chamri), gurdon, kanpti, gardan v kohni ka, brihaspati se charbi, livar (jigr), pair, nitanb ka tatha shukra se virya, nabhi, jibh, gala tatha guptendriyon ka shani se tangon ke bich vale bhag evan nichle bhag, pasliyon, danrhon, thodi adi ka sanbandh hai. isi prakar vibhinn rashiyan bhi sharir ke vibhinn angon ka pratinidhitva karti hain. hamare purvajon evan rishiyon ne rogon se mukti ke lie ratnon ki bhasmon ka tatha ratnon ke dharan karne se rogon ke nidan ka vidhan bataya hai.inhin manishiyon ne apne divya chakshuon se bhavishya ki jirn sthiti ko jante hue lokopkar men ratnon se n keval rogon ko dur karna bataya balki bhagya v dirghayu barhane ka gun bhi bataya hai. vartaman anusandhan bhi ratnon ke mahatva ko svikarta hai. jinmen 16 prakar ke tatva nyunadhik sthiti men vidyaman hain. in ratnon men karban, elyuminiyam, beriyam, kailshiyam, tanba, haidrojan, loha, fasforas, maignij, poteshiyam, gandhak, sodiyam, evan jasta hai. akash mandal men bhraman kar rahe grah bhi apne vishesh tap tatha rashmiyon se in ratnon ko uparyukt tatvon ki pramukhta dete hain jisse ye ratn grahon tatha rogon ko shant karne ki prabal kshamata rakhte hain. in ratnon men hira, moti, manikya, panna, nilam, pukhraj, gomed, munga tatha firoja nam ke das ratn pramukh hain. bhartiya chikitsa paddhati men svasth evan nirog rahne ke lie ratnon ke prayog ka varnan ayurved men prachurta se milta hai. ayurved men ratnon aur dhatuon ki bhasm banane ki anek vidhiyan prachlit hain. ratn chikitsa ke lie prayah jin ratnon ko dharan kiya jata hai, usse manvanchit labh prapt hota hai. ratnon aur rogon ke vishay men yah tathya spasht hai ki in ratnon ko is prayojan se prayog men late samay kisi bhi prakar se abhimantrit karne ki avashyakta nahin hoti hai. ap apni suvidhanusar kisi bhi din, kisi bhi samay, kitne hi taul ka ratn dharan karke bharpur labh prapt kar sakte hain. chikitsa men prayog hone vale ratn talika men varnit hain. sahi ratnon ko vidhivat dharan karne athva ratnon ke gunon ka sevan nirdisht vidhi se karne se rog shaman men ashatit saflta bhi pai jati hai. yahan par vishesh rup se matra nau ratnon se sanbandhit kuch tathya nimnavat spasht hain- manikya: rakt sanbandhi vikar men manik ki bhasm ka shahad ke sath upyog labhkari hai. ghar men manik rakhne matra se kitanuon ka nash ho jata hai. namardi aur khuni bavasir men manik bhasm ashcharyajanak labh pahunchati hai. sangrahni, atisar ki bimari men manik vidhivat anguthi men dharan karne se labh hota hai. khuni dast ho to manik ka dhoya jal pilane se labh hota hai. moti: sharir men garmi adhik ho to vidhivat shuddh moti pahnne se labh milta hai. peshab men jalan hone par moti ki bhasm, kevra jal ke sath sevan karne se tatkal labh milta hai. pathri men moti bhasm, shahad ke sath sevan karne se labh hota hai. mahilaon ke udar vikar sanbandhi kasht hon, to sarvashreshth moti dharan karne se labh hota hai. munga: mandagni men munge ki bhasm gulab jal ke sath lene se labh hota hai. nirbalata men manuge ki bhasm jise praval bhasm ke nam se bhi jana jata hai. labhakar hai. raktachap men munge ki bhasm shahad ke sath chatna labhdayak hai. pet dard men munge ki bhasm malai ke sath khane se labh milta hai. panna: panna ghar men rakhne se sarpa-bhay nahin rahta hai. panne ko nirmal jal men panch minat tak ghumakar us jal se ankh dhone se netra kasht dur hota hai. garbhavati stri yadi kamar men panna bandh le to shighra prasav hota hai. stri ya purush anguthi men panna dharan karen to jadu-tone ka prabhav un par nahin parega tatha man ki udvignata samapt hoti hai. pukhraj: haddiyon ka dard, khansi, bavasir jaise rogon men pukhraj ki bhasm labhkari hai. gurda, tilli se sanbandhit rogon men pukhraj ko kevre ke jal men dhokar vah jal pine ke lie den to labhkari siddh hota hai. hira: jiska virya n banta ho, shighra skhalit ho jata ho, santan utpann karne men aksham ho, use hire ki bhasm malai ke sath sevan karne se shighra labh hota hai. hire ki bhasm shahad ke sath lene se bhukh lagti hai. nilm: nilam dharan karne se khansi, ulti, rakt vikar adi svatah nasht ho jate hain. ankhon ke rogon men yadi kevre ke jal men nilam dhokar ankhon men vah jal dala jay to labhkari hoga. gomed: mirgi, danton ke rogon men dudh ke sath gomed bhasm sevan karne se labh hota hai. bal-buddhi hras v prameh men gomed bhasm malai ke sath labhaprad hai. lahsuniya: shuddh deshi ghi ke sath lahsuniya ki bhasm ka sevan kane se virya garha hota hai. is bhasm ko shahad ke sath lene se garmi (sujak) ki bimari men labh hota hai. uparyukt ratnon ke gunon se labh tabhi sunishchit hoga, jab ratnon ki shuddhata pramanit ho. atah ratnon ka vidhivat praman, parikshan vidvadjnon ki ray evan chikitson ke sujhav evan paramarshanusar santusht hokar hi prayog karen. ek vishesh bat yah hai ki grahyog dekhakar ratn dharan karna hi uchit hoga. is sanbandh men vibhinn acharyon ke vibhinn mat hain. kuch acharya jan kundli men ashubh ko shubh tatha durbal grah ko sabal banane ke lie aur kuch acharya shubh grah ko aur shubh banane ke lie ratn dharan karne ka nirdesh dete hain. shraddha evan vishvas usmen atmabal barhate hain aur inke adhar par meri ray men lagn ki rashi, uske svami, nakshatra ke svami tatha uske upasvami, pancham bhav ki rashi, panchmesh, panchmesh ke nakshatra tatha nakshatra svami, upasvami tatha navmesh adi ka vistrit adhyayan karke hi vishesh karya ke lie vishesh ratn dharan karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  May 2012

fyuchar samachar patrika ke ratn visheshank men ratn chayan v dharan vidhi, ratna: sakaratmak urja srot, navaratn, uparatn, ratnon ki vividhta, vaigyanik vishleshan evan chikitsiya upadeyta, lagnanusar ratn chayan, jyotishiya yogon se tay karen ratn chayan, ratnon ki karya shauli ka upyog, budh ratn panna, chikitsa men ratnon ka yogdan, kai vyadhiyon ki aushdhi hai karanj tatha anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.