लाजवाब है शुक्र रत्न हीरा

lajvab hai shukra ratn hira  

Ank ke aur Lekh | Sambandhit Lekh | Views : 5934 |  
lajbab hai shukra ratn hira pan. shrikrishn shama agni puran ki katha ke anusar vritrasur ne dev lok par akraman kiya tab bhagvan vishnu ki salah par devraj indra ne maharshi dadhichi se dan men prapt unki haddiyon se vajra namak astra ka nirman kiya. vastutah dadhichi ki haddiyon ke prithvi par girne vale sukshmakhand hi hire ki khane banakar prakat hue. vastutah chairasi ratna/uparatnon men sabse mulyavan manik aur hira hi hai. jahan tak hire ki utpatti ka prashn hai, iska janm shuddh koyle se hota hai. vaigyanik parikshan se gyat hota hai ki koyle (karbana) ka pramukh tatva karbanadai aeksaid jab ghanibhut hokar jam jata hai, to vah paradarshi kristal ka rup le leta hai. yahi paradarshi karban hira kahlata hai. hira ek mulyavan ratn hai. hire men sabse bari visheshta yah hoti hai ki yah ratnon men sarvadhik kathor evan abhanjnshil hai. inhen vishesh tarike se tarash kar chote-chote hire taiyar kiye jate hain. iska arth yah nahin hai ki hira tut gaya hai. dhup men hira rakh diya jae to usmen se indradhnush ke saman kirnen niklti dikhai dengi. isi prakar garm dudh men yadi hira dal diya jae to dudh apekshakrit kam samay men thanda ho jata hai. hire men anek dosh bhi paye jate hain. jinhen keval anubhvi jauhri hi bata sakta hai. mamuli dosh ki vajah se kisi bhi hire ka mulya asman se jamin par a jata hai. nirdosh hira atyant prabhavshali tatha doshyukt atyant ghatak siddh hota hai. hire ka prabhav: hajaron varshon se bharat ke suprasiddh vaidya mulyavan ratnon ki shastra sammat vidhi se pishti athva bhasm banakar anek bimariyon ke upchar karte a rahe hain. ratnon men rogon ko dur karne ki adbhut shakti hoti hai. hire ki bhasm se kshay rog, bhagandar, virya dosh, madhumeh, sujak adi samapt ho jate hain. vat-vyadhi ke lie hira ramban aushdhi hai. ‘‘ras ratn samuchchaya’ ke anusar yadi rogi antim sans le raha ho aur aisi avastha men hire ki bhasm ki ek khurak rogi ko de di jae, to rogi ko shighrata se hosh a jata hai aur pranon ki raksha ho jati hai. napunskta ko yah jar se samapt kar deta hai. bhut-pret ki badha v vish ki ashanka ko yah dur bhaga deta hai. lekin shukracharya ke kathnanusar putra ki kamna karne vali striyon ko hira dharan nahin karna chahie. yah putra santan-prapti men badhak ho sakta hai. kuch hiron ka akarshan sada-sarvada se raha hai. unko prapt karne ke piche ka vividh manoranjak itihas aur kathayen rahi hain. vishva prasiddh hiron ki apni ek alag hi dastan hain.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  May 2012

fyuchar samachar patrika ke ratn visheshank men ratn chayan v dharan vidhi, ratna: sakaratmak urja srot, navaratn, uparatn, ratnon ki vividhta, vaigyanik vishleshan evan chikitsiya upadeyta, lagnanusar ratn chayan, jyotishiya yogon se tay karen ratn chayan, ratnon ki karya shauli ka upyog, budh ratn panna, chikitsa men ratnon ka yogdan, kai vyadhiyon ki aushdhi hai karanj tatha anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.