रुद्राक्ष : पहचान एवं उपयोग

rudraksh : pahchan evan upyog  

Ank ke aur Lekh | Sambandhit Lekh | Views : 19532 |  
rudraksha: pahchan evan upyog rudraksh am ke per jaise ek per ka fal hai. ye per dakshin eshiya men mukhyatah java, malyeshiya, taivan, bharat evan nepal men pae jate hain. bharat men ye mukhyatah asam, arunanchal pradesh evan dehradun men pae jate hanai. rudraksh ke fal se chilka utarakar uske bij ko pani men galakar saf kiya jata hai. iske bij hi rudraksh rup men mala adi banane men upyog men lae jate hanai. iske andar prakritik chidra hote hanai evan santre ki tarah fanken bani hoti hanai jo mukh kahlati hain. kaha jata hai ki sati ki mrityu par shivji ko bahut dukh hua aur unke ansu anek sthanon par gire jisse rudraksh (rudra$aksh arthat shiv ke ansu) ki utpatti hui. isilie jo vyakti rudraksh dharan karta hai use sabhi prakar ke kashton se mukti milti hai. chandrama shivji ke bhal par sada virajman rahta hai atah chandra grah janit koi bhi kasht ho to rudraksh dharan se bilkul dur ho jata hai. kisi bhi prakar ki mansik udvignata, rog evan shani ke dvara pirit chandra arthat sarhe sati se mukti men rudraksh atyant upyogi hai. shiv sarpon ko gale men mala banakar dharan karte hain. atah kal sarp janit kashton ke nivaran men bhi rudraksh vishesh upyogi hota hai. rudraksh samanyatya panchmukhi pae jate hanai, lekin ek se chaidhmukhi rudraksh ka ullekh shiv puran, padm puran adi men milta hai. rudraksh ke mukh ki pahchan use bich se do tukron men kat kar ki ja sakti hai. jitne mukh hote hain utni hi fankane najar ati hain. har rudraksh kisi n kisi grah ka pratinidhitva karta hai. inka vibhinn rogon ke upchar men bhi vishesh upyog hota hai. rudrakshon men ekmukhi ati durlabh hai. shuddh ekmukhi rudraksh to dekhne men milta hi nahin hai. nepal ka gol ekmukhi rudraksh atyant hi durlabh hai. iske sthan par dakshin bharat men paya jane vala ekmukhi kajudana atyant hi prachlit hai. asam men paya jane vala gol dane ka ekmukhi rudraksh bhi bahut prachlit hai. ikkis mukhi se upar ke rudraksh ati durlabh hain. iske atirikt atthais mukhi tak ke rudraksh bhi pae jate hain. malaen adhikanshtah indoneshiya se upalabdh rudrakshon ki banai jati hain. bare danon ki malaen chote danon ki malaon ki apeksha sasti hoti hain. saf, svachch, sakht, chikne v saf mukh dikhai dene vale danon ki mala kafi mahangi hoti hai. rudraksh ke anya rupon men gauri shankar, gauri ganesh, ganesh evan trijuti adi hain. gauri shankar rudraksh men do rudraksh prakritik rup se jure hote hain. ye donon rudraksh gauri evan shankar ke pratik hain. ise dharan karne se dampatya jivan men madhurta bani rahti hai. isi prakar gauri ganesh men bhi do rudraksh jure hote hain ek bara ek chota, mano parvati ki god men ganesh virajman hon. rudraksh ke bare men kuch bhram bhi prachlit hain. jaise ki pahchan ke lie kaha jata hai ki tanbe ke do sikkon ke bich men yadi rudraksh ko rakha jae aur vah asli ho to dhimi gati se ghumta hua najar aega. vastav men rudraksh jaisi kisi bhi gol kantedar vastu ko yadi is tarah pakra jaega to vah asantulan ke karan ghumegi. dusra bhram yah hai ki asli rudraksh pani men dubta hai, nakli nahin. yah bat is tathya tak to sahi hai ki lakri ka bana kritrim rudraksh nahin dubega. rudraksh ka bij bhari hone ke karan dub jata hai lekin yadi asli rudraksh pura paka nahin ho ya chidra men hava bhari rah gai ho to vah bhi pani se halka hi rahta hai, dubta nahin. adhik mukh vale rudraksh evan ekmukhi rudraksh mahange hone ke karan nakli bhi bana lie jate hain. prayah kam mukhi rudraksh men atirikt mukh ki dhariyan bana di jati hain jisse kam mulya ka rudraksh adhik mulya ka ho jata hai. is tathya ki janch karne ke lie rudraksh ko bich se katakar fankon ki ginti ki ja sakti hai. dusre, anubhav dvara in kritrim dhariyon aur prakritik dhariyon men antar kiya ja sakta hai. kabhi-kabhi do rudrakshon ko jorakar bhi ek mahanga rudraksh bana liya jata hai. gauri shankar, gauri ganesh ya trijuti rudraksh aksar is prakar bana lie jate hain. iski janch ke lie yadi rudraksh ko pani men ubal diya jae to nakli rudraksh ke tukre ho jaenge jabki asli rudraksh jyon ka tyon rah jaega. kai bar nakli rudraksh ko bhari karne ke lie chidron men para ya sisa bhar diya jata hai. ubalne se yah para ya sisa bahar a jata hai aur rudraksh tairne lagta hai. kai bar dekhne men ata hai ki rudraksh par sarp, ganesh, trishul adi bane hote hain. ye sabhi akritiyan prakritik nahin hoti hain, is prakar ke rudraksh keval nakli hi hote hain. atah mahange rudraksh kisi vishvasniya pratishthan se hi kharidna uchit hai. rudraksh pahnne men kisi vishesh savdhani ki avashyakta nahin hai, lekin jis prakar daivi shaktiyon ko ham pavitra vatavaran men rakhne ka prayas karte hain, usi prakar rudraksh pahanakar shuchita barti jae, to uttam hai. atah sadharntya rudraksh ko rat ko utar kar rakh dena chahie aur pratah snanadi ke pashchat mantra jap kar dharan karna chahie. isse yah ratri v praah ki ashuchita se bachakar jap ki urja se paripurn hokar hamen urja pradan karta hai. shiv sadaiv shakti ke sath hi purn hain. daivi shaktiyon men ling bhed nahin hota hai. stri-purush ka bhed keval prithvi lok men hi hota hai. rudraksh, jismen daivi shaktiyan vidyaman hain, striyan avashya dharan kar sakti hain. gauri shankar rudraksh v gauri ganesh rudraksh khasakar striyon ke lie hi hain. pahla safal vaivahik jivan ke lie evan dusra santan sukh ke lie. han shuchita ki drishti se rajo darshan ke tin dinon tak rudraksh n dharan kiya jae, to achcha hai. rudraksh dharan karne ke lie somvar ko pratah kal pahle kachche dudh se aur fir gangajal se dhokar v ashtagandh lagakar un namah shivay mantra ka jap kar dharan karna chahie. asli evan vishvasniya rudraksh ki prapti ke lie fyuchar paeint ratn evan rudraksh bhandar men apka svagat hai.
Kya aapko lekh pasand aaya? Subscribe

Kya aapko lekh pasand aaya? Subscribe


Palmistry Issue  अप्रैल 2017

फ्यूचर समाचार के हस्त रेखा विशेषांक अप्रैल 2017 में हस्त रेखा विज्ञान सम्बन्धित विस्तृत जानकारी, विभिन्न शोधपरक लेख जिनमें अंगूठे का महत्व, हथेली में विभिन्न रोगों के लक्षण, जातक नौकरी करेगा अथवा व्यवसाय तथा हस्तरेखा से अनुमानित आयु आदि प्रमुख हैं। सत्य कथा में चैन्नई की राजनेता शशिकला के सितारे तथा विचार गोष्ठी में हस्तरेखा एवं कुण्डली मिलान के अतिरिक्त डाॅ. राकेश कुमार सिन्हा का पावन स्थल नामक स्थायी स्तम्भ में श्री हरिहर क्षेत्र का वर्णन अत्यन्त रोचक है। वास्तु परामर्श में फ्लैट का वास्तु विश्लेषण नामक विषय पर चर्चा की गई है। सम्पादकीय में यह दर्शाया गया है कि किस प्रकार हस्त रेखाओं का ज्ञान स्वास्थ्य सम्बन्धी जानकारी के लिए विशेष रूप से उपयोग में लाया जा सकता है। अन्य स्थायी स्तम्भों में दी गई जानकारी भी नियमित पाठकों के लिए उपायोगी सिद्ध होगी।

Subscribe

Apne vichar vyakt karein

blog comments powered by Disqus
.