क्या आप रुद्राक्ष खरीदने जा रहे हैं.

kya ap rudraksh kharidne ja rahe hain.  

Ank ke aur Lekh | Sambandhit Lekh | Views : 4086 |  
kya ap rudraksh kharidne ja rahe hain ? ravindra lakhotiya rudraksh keval nepal ka hi shubh hota hai, yah bat mithya hai. hinduon men yah manyata hindu devta pashupti ke sath juri hui hai. nepal, jiski bhaugolik sima ko insan ne banta hai, bhi himalay ki tarai men basa hua hai, jabki himalay ki god men bhutan, sikkim, asam, himalay, uttarakhand adi bhi base hue hain. pashupti nath ka kshetra hone se hinduon men nepal ke prati gahri astha hai. parantu yatharth men kisi bhi desh-pradesh ke rudraksh ka svabhav aur tasir ek hi hai. rudraksh ke dane nepal men bare akar ke paida hote hain, jabki indoneshiya men chote akar ke dane sarvadhik matra men hote hain. rudraksh ka mukhya aur sidha sa karya mansik shanti pradan karna hai. iski apni ek chunbkiya shakti hoti hai, jo, raktachap ko santulit kar, hriday ko majbuti pradan karti hai. rudraksh ekyuperashar ka karya bhi karta hai. iski uthi hui nok ungliyon ko uchit dabav deti hain, jinmen hriday se sanbandhit anguli bhi hai, jisse hriday ko bal milta hai. is fal ke chilke majbut hote hain, jo ek vishesh prakriya ke dvara utare jate hain. fir bhi yada-kada kuch danon men chilke lage rah jate hain, jo is bat ka praman hain ki fal pakne se purva tora gaya hai. tatpashchat paelish adi kar ke (mala ke lie) use bajar men becha jata hai. rudraksh ki pahchan ke 4 tarike hain: prayogshala men parikshan samanyatah is tarah ka parikshan nahin kiya jata kyonki kabhikbhar dana sasta hota hai, parantu uska parikshan manhga parta hai. vyapari, ya kisi anya par vishvas: aj ke vyast aur adhunik jivan men ham kisi bhi bata/vastu ko mante to hain, par use jante nahin. islie samne vale par nirbhar karna parta hai aur yahi uchit bhi pratit hota hai. rudraksh ke dane ko suni se kureden: kuredne par resha nikle, to ‘lakri’, anyatha rasayan. tatpashchat usko gaur se dekhne par rudraksh ke dane par ubhre hue patharon se asli aur nakli men antar pata chalega. nakli men akritiyan, jaise shiv ling, trishul, sanp yoni adi spasht dikhai denge, jabki asli men aisa nahin hota. han, asli rudraksh ko atyadhik gaur se dekhne par apni kalpana shakti se koi akriti avashya mahsus kar sakte hain. jis prakar ungliyon ke chap alg- alag hote hain, usi prakar rudraksh ke uthe hue patharon ki banavat bhi do rudrakshon men bhinn hoti hai. 9 mukhi se 21 mukhi aur 1 mukhi rudraksh manhge hote hain. gauri-shankar rudraksh manhge hote hain. yadi inke mukhon, ya joron ko le kar shak ho, to inke parikshan ke lie ek katore men pani ko ubalen. jab pani ublne lage, tab rudraksh ko ublte hue pani men ek minat tak rakhen tatha ek minat pashchat katore ko chulhe se utar kar ek minat ke lie dhakkan se dhak den. tatpashchat rudraksh ka dana nikal len aur gaur se dane ko dekhen. yadi dane ke mukh ko jor-tor kar banaya gaya hoga, to jitni fanken jori hongi, ve fat jaengi tatha jor ko jorne vala solyushan bhi dikhega; anyatha thore/jyada fate prakritik rudraksh ko yadi garm pani men dalenge, to ve aur bhi fat jaenge. chatur karigar apna hast kaushal mahange rudraksh men dikhane se nahin chukte; arthat ve prakritik taur par bane rudraksh men mukh ko kam, ya jyada itni chaturai se karte hain ki ek bar to parkhi bhi dhokha kha jata hai. lal goliyon, ber ki guthli ke upar rang adi kar ke rudraksh bana kar dhurt logon dvara beche jate hain. rudraksh ka dana chote akar men kam milta hai. islie dana jitna chota hoga, utna hi mahanga hota jaega. isi prakar 5 mukhi rudraksh bahutayat men prapt hote hain. atah ye saste hote hain, jabki baki mukhvale isse manhge hote hain. inke mulyon men ghatt-barhat chalti rahti hai. bharat men visheshtah pashupti nath ki sthali nepal ke rudraksh ka mulya sarvadhik hota hai. 1 mukhi rudraksh kam milta hai. visheshtah nepal ka 1 mukhi rudraksh gol hota hai, jo ki aprapya hai. yadi prapt ho jae, to vah amulya hai. rudraksh ki 2 kismen hoti hain: ek to khurdura, jiska am janta men chalan hai. dusri kism ka nam ‘pathri’ hai. inmen chiknapan jyada hota hai tatha ye kathor hote hain. inka mulya bhi adhik hota hai. nepal ko chor kar shesh sabhi jagah ke 1 mukhi rudraksh prayah arddh chandrakar hote hanai. kabhi-kabhi 3 aur 2 mukhi se bhi, prakritik taur par, 1 mukhi ban jate hain. aise 1 mukhi dane ko upar se dekhne par 2 ya 3 katav se dikhenge, parantu yah 1 hi hai. yadi inki pran pratishtha kar ke pahna jae, to inka prabhav purnatah 1 mukhi ka hi hota hai. ye kafi manhge dane hote hain. rudraksh garm aur tar hota hai. yadi danon ka kisi bhi prakar se upyog (puja, upchar, pahnna) nahin karte, to inhen tel men dubo kar rakhna chahie. isse rudraksh fatega nahin; anyatha prakritik taur par bhi fatne ka dar rahta hai. yah mana jata hai ki anguthe ke nakhun ke madhya rudraksh ko rakhne se yah kisi bhi disha men ghume, to asli, anyatha nakli. parantu yah pramanik nahin hai. karan kisi bhi gol/ nokdar vastu ko is tarah rakhenge, to vah ek nishchit disha men ghumegi hi. dusra bhram tanbe ki tar vala hai ki us par rudraksh ghumega, ya nahin. lekin sabse bara bhram janta men yah hai ki rudraksh ko pani men dalen; yadi dub jae, to asli, anyatha nakli. yah bhi sarvatha galat hai. hakikat yah hai ki dana pani men dub jae, to fal paka hua hai aur yadi tair jae, to kachcha hai, ya andar se kiron ka khaya hua hai. jaruri nahin ki ek hi per ke sare ke sare dane dub jae,n ya tair jaen. rudraksh par, bhagvan shiv ki puja ke alava, kisi bhi bhagvan ki puja, ya jap adi kar sakte hain. hindu shastron ke anusar rudraksh mala par kiye gaye jap se sabhi prakar ki malaon se, sahasron guna fal prapt hote hain. rudraksh ki mala ko dharan karne ke pashchat koi kathor yam-niyam adi nahin hai, kyonki shiv hi sanharak, aughrnath, bhutnath adi hain. rudraksh ka upyog 3 tarah se hota hai: 1. aushdhi ke rup men 2. dharan karna 3. vibhinn mukhi danon ki puja karna. gol dana jyadatar nepal men hi hota hain. gol dana vyapar aur dharmik drishti se sarvottam hota hai. shastron men rudraksh ke 4 rang bataye gaye hain tatha unko char varnaen men banta gaya haiah 1. safed - brahman 2. lal - kshatriya 3. pila - vaishya 4. kala - shudra. parantu vartaman men anubhav ke adhar par yah dekha gaya hai ki adhikanshtah rudraksh lal-pila mishrit, arthat bhure rang ke hi milte hain tatha pahnne ke kuch samay pashchat kale par jate hain. jahan tak rudraksh ke mukhon ka prashn hai, to yah jaruri nahin ki mukh keval 14 tak hi hote hain. ab tak 21 mukh ke dane bhi prapt hue hain. karan mukh prakriti dvara bante hain aur prakriti ka koi sakht niyam 14 mukh tak ke lie nahin hai. han, yah bat avashya hai ki 14 mukhi se upar ke rudraksh durlabh hain. isi prakar 2 mukhi gol bara dana bhi bahut kam prapt hota hai. rudraksh ke chote danon ki malaen 5 mukhi dane ki hoti hain. kabhikbhar usmen 4 mukhi, ya 6 mukhi ke dane bhi mishrit ho jate hain. atah jabbhi rudraksh khariden, to samne vale ke vyavhar, sakh aur vishvas ko dekh-samajh kar khariden. rudraksh mala se, bhagvan shiv ki puja ke alava, kisi bhi bhagvan ki puja, ya jap adi kar sakte hain. hindu shastron ke anusar rudraksh mala par kiye gaye jap se sabhi prakar ki malaon se, sahasron guna fal prapt hote hain.
Kya aapko lekh pasand aaya? Subscribe

Kya aapko lekh pasand aaya? Subscribe


Holi Evam Tantra Visheshank  मार्च 2017

फ्यूचर समाचार का मार्च 2017 का विशेषांक होली एवं तन्त्र को पूरी तरह से समर्पित है। इस विशेषांक में बहुत सारे अच्छे लेख होली व तंत्र पर लिखे गये हैं। उनमें से कुछ महत्वपूर्ण लेख इस प्रकार हैं- होली के मुहूत्र्त का चयन कैसे करें, होली की रात तंत्र साधना की बात, होली में शाबर मंत्रों से करें अपने व्यापार में वृद्धि, कैसे मनायी जाती है विदेशों में होली, होली के चमत्कारी टोटके, तंत्र साधना: एक परिचय, संतान प्राप्ति हेतु सिद्ध तंत्र प्रयोग आदि। इनके अतिरिक्त दूसरे महत्वपूर्ण लेख जो की हमारे स्थायी स्तम्भ हैं, पूर्व की भांति ही सम्मिलित हैं।

Subscribe

Apne vichar vyakt karein

blog comments powered by Disqus
.