भगवान् शिव का आशीर्वाद - रुद्राक्ष

bhagvan shiv ka ashirvad - rudraksh  

Ank ke aur Lekh | Sambandhit Lekh | Views : 13860 |  
bhagvan shiv ka ashirvad - rudraksh dae. sanjay buddhiraja rudraksh ka parichay rudraksh vah adbhut vastu hai jise karuna ke sagar, sansar ko vish ki jvala se bachane vale, utpatti-paln-vinash ke katrta bhagvan shiv svayan dharan karte hain. rudraksh ka arth hai - rudra ka aksh arthat shiv ke ansu. arthat rudraksh shiv svarup hi hai. rudraksh manav ke liye apne antarman men gahraiyon tak jane ka srot hai. ise prithvi v svarg ke bich ka setu mana jata hai. bharat ke prachin granthon v puranon men rudraksh ka varnan bakhubi milta hai jaise ki shivmhapuran, nirnayasindhu, lingpuran, padmapuran, mantramharnav, mahakal sanhita, rudrakshajabalopnishad, vrihajjabalopnishad, aur sarvollastantra men rudraksh ke bare men bahut kuch likha gaya hai. ek samay bharatavarsh men rudraksh ka bahut prachalan tha. sabhi chote-bare vyakti rudraksh ki mala avashya pahnte the. parantu angrejon ke ane ke bad rudraksh ka mahattva kam ho gaya kyonki angrej log rudraksh pahnne vale logon ko asabhya v jangli kahte the. dhire dhire log bhi rudraksh ke gunon ko bhul kar iska prayog kam karne lage. rudraksh darasal bhure rang ke dane hote hain jo ki rudraksh namak fal ke bij hote hain. yah fal rudraksh ke per par lagta hai. jiv vigyan men rudraksh ke ped ko ‘‘utrasam bid tri’’ kaha jata hai. iske patte hare rang ke hote hain. fal bhure rang ka aur svad kasaila hota hai. rudraksh vriksh adhikatar indoneshiya, nepal, bharat, java, sumatra, bali aur iran, men paye jate hain. ek anuman ke anusar lagabhag 65 pratishat rudraksh vriksh indoneshiya men, 25 pratishat nepal men aur 5 pratishat bharat men paye jate hain. rudraksh ke janm ki katha dharmik ganrath ‘‘devi bhagavat puran’’ ke anusar jab sabhi devta tripurasur namak rakshas ke atyacharon se dukhi ho gaye to ve madad ke liye bhagvan shiv ke pas panhuche. shiv to sabhi ki madad ke liye agrasar rahte hain to unhone tripurasur ka vadh karne ke liye rudra (krodh) ka rup dhara aur uska ant kiya. tatpashchat shiv kuch samay ke liye anrtadhyan ho gaye aur jab unhone apni kamal saman ankhen kholi to unmen se kuch ansu dharti par gir gaye. bad men ve hi ansu rudraksh ke vriksh ban kar ubhre. ratnon se bhinn rudraksh shastra kahte hain ki kitne bhi mukh vala rudraksh pahna ja sakta hai. ye ratnon ki tarah se hani nahin panhuchate kyonki rudraksh kabhi bhi rinatmak urja utsarjit nahin karte. ratnon ko to kisi suyogya jyotishi se hi salah lekar pahna ja sakta hai kyonki galat ratn pahnne se labh ki jagah hani bhi ho sakti hai jabki amtaur par rudraksh ko koi bhi vyakti kabhi bhi dharan kar sakta hai. kisi bhi ratn ki mala se rudraksh mala adhik pavitra, shubh v shaktishali hoti hai. rudraksh ki karyapranali pratyek insan ki apni apni ‘‘ora’’ (urja kshetra) hoti hai jo uske sharir ke charo or 2 se 4 inch tak ki paridhi men rahti hai. yah insan ki atmik urja ko darshati hai. yah apne andar indradhnush ke sabhi rang samete hoti hai. yahi urja v rang hi insan ke svabhav, garima, mansik sthiti, bhavnaon, ichchaon adi ke bare men sanket dete hain. yah ora anguthe ki chap ki tarah hoti hai jo ki pratyek insan ki apni alag hoti hai aur yah batati hai ki insan apne ap men purn rup se kya hai. yah mana jata hai aur ab to siddh bhi ho gaya hai ki rudraksh ki apni kuch khas chunbkiya aur vidyutiya tarangen hoti hain. jab koi vyakti rudraksh ko dil ke pas pahnta hai to usmen se kuch vishesh rashmiyan ya kirnen niklti hain jinki gunavatta rudraksh ke mukhon ke anusar hoti hain. ye kirnen hi us vyakti ke dimag ke tantuon aur koshikaon ko prabhavit kar uski ora ko pavitra aur shuddh rakhne men madad karti hain. medikal sanis men bhi yah bat siddh ho chuki hai ki rudraksh men ainti aijing gun hote hai jo uski daynemik poleriti ke karan hote hain. isi karan rudraksh ki hiling shakti kisi bhi chunbak adi se adhik hoti hain. rudraksh ko kisi dhatu vishesh jaise ki sone, chandi ya kaepar ke sath bhi pahna ja sakta hai jo ki rudraksh ki chunbkiya v vidyutiya gunon ko aur adhik badha sakte hain. gunavatta ki janch rudraksh ke pani men dubne ya tairne ki vidhi bhi pramanik janch nahin hai. sabse achcha janch ka tarika to anubhav hi hai aur koshish karen ki vahan se len jahan par bharosa ho. ek anya tarika hai ki rudraksh ko yadi yah asli rudraksh hai to iska kuch bhi nahin bigdega aur yadi yah nakli rudraksh hai to ismen dararen par jayengi, iska rang utar jayega, iska akar badal jayega ya yah badbu dene lagega. rudraksh se sanbandhit kuch savdhaniyan rudraksh samanya rup se kisi bhi vyakti ko svasthya, shanti v samriddhi deta hai. halanki rudraksh ki shakti kisi bhi ratn, yantra, tantra ya mantra se adhik hai fir bhi rudraksh dharak ko rudraksh ki shakti aur pavitrata banaye rakhne ke liye kuch niyam manne chahiyen jo ki is prakar hain: rudraksh ko kisi shubh muhurt men somvar ya guruvar ko pahnna chahiyeû rudraksh ko dharan karne se pahle dudh, ghi, tel adi se dhokar saf v shuddh karna chahiye. tatpashchat rudraksh ke mukh sankhya ke anusar mantron se jap kar rudraksh ko urja deni chahiye v karyashil banana chahiye. rojana subah nahane ke pashchat purva disha ki or mukh kar rudraksh mantron ka 9 bar jap karke aur rudraksh ko ghup-dip dikhakar pahnna chahiye. yahi prakriya sone se pahle bhi dohrani chahiye aur sone se pahle rudraksh ko utar kar puja sthal par rakh dena chahiye. rudraksh dharak ko mansahari bhojan v madira sevan nahin karna chahiye. use hamesha sach bolna chahiye v rojana bhagvan shiv ke mandir men unke arshivad ke liye jana chahiye. ashubh sthanon jaise ki shmashan adi par rudraksh ko nahin le jana chahiye. rudraksh ko us sthan par bhi nahin le jana chahiye jahan kisi shishu ne janm liya ho. snan v shauchalay ke samay bhi rudraksh ko dharan nahin karna chahiye. sabun rudraksh ke gunon ko prabhavit karta hai. stri prasang ke samay bhi rudraksh ko utar dena chahiye. yadi rudraksh dharak stri hai to use apne mahavari ke dinon men rudraksh ko utar dena chahiye. rudraksh ko hamesha saf rakhna chahiye. dhul aur mitti rudraksh ke danon ke chidron men jama ho sakti hai. use turant kisi brash adi se saf kar dena chahiye. tatpashchat gangajal se dho lena chahiye. rudraksh ko tel se bhi dhona chahiye aur dhup adi bhi dikhana chahiye, visheshakar un dinon men jab rudraksh kuch samay ke liye prayog men nahin liya ja raha hai. jo log tvacha rog ke karan kisi tarah ki mala adi nahin pahan sakte, unhen rudraksh ko puja sthal par rakh kar puja-namaskar adi karna chahiye. rudraksh mala kisi anya vyakti se badlni nahin chahiye. rudraksh pahnne ke 40 din ke bad vyakti ko apne andar v apne vyavhar men badlav mahsus hone lagta hai. vibhinn prakar ke rudraksh evan unke labh vibhinn prakar ke rudraksh unki ‘‘mukh sankhya’’ ke anusar jane jate hain. rudraksh ke danon yani mankon par kuch dhariyan si hoti hain jinhen ‘‘mukh’’ kaha jata hai. inhin mukhon ke sahare hi rudraksh ki gunavatta bhi janchi jati hai. inhin dhariyon ya mukhon ke anusar hi rudraksh ek mukhi se bahumukhi kahe jate hain. shastron men 1 se 32 mukhi tak ke rudraksh ki bat ki gai hai lekin jyotishiya drishti se 1 se 14 mukhi tak ke rudraksh hi upyog men laye jate hain. 32 mukhi tak ke rudraksh asani se milte bhi nahin hain. keval 14 mukhi tak ke rudraksh hi asani se mil pate hain. kabhi kabhi 16 ya 18 mukhi rudraksh bhi upalabdh ho jata hai. lakshmanajhula ke svami kailashanand ji ke pas 14 se 27 mukhi rudrakshon ka sangrah hai. haridvar ke shri shivdas mulchand khatri ji ke pas 36 aur 37 mukhi tak ke rudraksh dekhe gaye hainlankapti ravan dvara likhe gaye ek granth men 108 mukhi tak ke rudraksh hone ki bat kahi gayi hai. parantu yah granth bhi sulbhta se upalabdh nahin hai. prachin pandulipi ‘‘rudraksh kalpa’’ men bhi 108 mukhi rudraksh ka varnan ata hai. janmakundli dekh kar hi yah nishchay kiya jata hai ki jatak ko kitne mukhi rudraksh pahnna chahiye. vibhinn mukhi rudrakshon ka varnan is prakar hai 1 mukhi - ek mukhi rudraksh to bhagvan shankar ka hi svarup mana jata hai. yah rudraksh surya se sanbandhit hain aur surya ke ashubh prabhav jaise atmavishvas ki kami, nistej chehra, dabbupna adi ko thik karta hain aur surya dvara diye jane vale rogon ko thik kar sakte hai jaise dayin ankh ke rog, sir dard, kan ke rog, hadidyon ki kamjori adi. sath hi samriddhi, shakti v netritvakshamata bhi deta hai. yah dharak ko uchch pad, adar v samman dilvata hai. jis ghar men ek mukhi rudraksh hota hai, us ghar men sada lakshmi ka vas hota hai, shatru svayan hi parast ho jate hain. 2 mukhi - do mukhi rudraksh shiv-shakti ka svarup hai. yah chandrama se sanbandhit hai aur chandrama ke ashubh prabhav ko kam karta hai. chandrama dvara diye jane vale rog jaise banyin ankh ke rog, kidni ka rog, ant ke reag ko thik karta hai. sath hi apsi sanbandhon men ai karvahat ko bhi dur karta hai aur mansik shakti badhata hai. jo vyakti gauri shankar rudraksh dharan nahin kar sakte, unhen gauri v shankar donon ko prasann karne ke liye do mukhi rudraksh hi dharan karna chahiye. vaktaon, nyayadhishon, vakilon, vaigyanikon, anusandhanakartaon v vidyarthiyon ke liye yah utam rudraksh hai. 3 mukhi - tin mukhi rudraksh brahma, vishnu aur mahesh tinon ka svarup hai. atah ise pahnne se tridev ki prasannata milti hai. yah mangal se sanbandhit hai. mangal dvara diye jane vale ashubh prabhav jaise ki rakt ke rog, uchch rakt chap, sharirik kamjori, mahavari ke rog, kidni ke rog, tanav, nakaratmak soch, papbodh adi ko thik karta hai. daya, dharm evan paropkar ke vicharon ko vishesh rup se badhata hai. vat, pitt v kaf ka sharir men uchit santulan rakhta hai. kamjor vidyarthiyon ke liye labhdayak hai. bar-bar bimariyon se pareshan rahne vale jatkon ko labh deta hai. 4 mukhi - yah devi sarasvati aur brahma ka svarup hai. yah budh se sanbandhit hai aur budh grah ke ashubh prabhavon jaise ki dimagi kamjori, kuch bhi samjhne ki kami, bol-chal ki dikkat, dimag ki nason ki kamjori adi se bachata hai. yah manushya ko dharm, arth, kam v moksh dene vala rudraksh hai. brahman, kshatriya, vaishya v shudra charon vargon se pujit hai. brahmachari, grihasth, vanaprasth v sanyasi sabhi ise dharan kar sakte hain. ved, puran, sanskrit padhne-parhane valon ko to yah avashya hi dharan karna chahiye. 5 mukhi - panch mukhi rudraksh parmeshvar ka svarup hai. yah guru se sanbandhit hai aur gyan, saundarya, mansik shanti, dhan, santan adi deta hai. yah guru ke ashubh prabhav jaise ki vaivahik jivan mane tanav, motapa, shugar, jangh v kidni ke rog ko thik karta hai. yah dirdh ayu v apurva svasthya pradan karta hai. tute dilon ko jodta hai v achanak hamle se raksha karta hai. 6 mukhi - chah mukhi rudraksh svami kartikey ka svarup hai. yah shukra se sanbandhit hai aur shukra ke ashubh prabhav v rog jaise ki prajanan angon ke rog, uchch raktachap adi rogon ko thik karta hai aur prem v sangit adi men ruchi jagata hai. vidya-adhyayan men bhi upyogi hai. dhan-sanpatti ke kashton se mukti milti hai. kam, kreadh, lobh, moh, mad, matsar namak chah durgunon ko dur karta hai. 7 mukhi - sat mukhi rudraksh lakshmi ka svarup hai. yah shani grah se sanbandhit hain aur shani ke ashubh prabhav jaise ki rog, mrityu, napunskta, sardi, nirasha, andhkar adi ko dur karta hain. yah saptakoti mantron ke samtulya hai. saptavaran ka moh bhang karvata hai. yah rudraksh dharan karne se sapt dvip darshan ki ichcha hone par yatra sugam hoti hai. sat mukhi rudraksh se vyapar v naukri men unnati milti hai tatha dhan-dhanya ki kami nahin rahti. 8 mukhi - ath mukhi rudraksh ganesh ji v rudra ka svarup hai. yah rahu grah se sanbandhit hai aur rahu ke ashubh prabhavon jaise ki fenfron ke rog, akasmat hone vali ghatnayen, motiyabind, pair, tvacha ke rog adi ko thik karta hai. lekhn-kala men nipunta deta hai. vyakti ko antarmukhi hone ki shakti deta hai. 9 mukhi - nau mukhi rudraksh man durga ka svarup hai. atah navratri vraton ka faldata hai. navagrahon men se anishtakarak ka nash karta hai. ye ketu grah se sanbandhit hai aur ketu ke ashubh prabhavon jaise ki fefron ke rog, jvar, ankh ka dard, tvacha rog, sharir dard adi ko thik karta hai v atmabal ki vriddhi karta hai. dil ki dhadakan, chalne se ghabrahat paida hona, shvas fulna, haenfna adi rogon men labhkari hota hai. grihasthi ki samasyaon ko dur karta hai. 10 mukhi - das mukhi rudraksh vishnu ka svarup hai. yah sabhi grahon ke ashubh prabhav ko kam karne men saksham hai tatha jatak ko ek sanpurn suraksha ka ahsas deta hai. ise pramukh das avtaron ka arshivad prapt hai. das indriyon dvara kiye gaye papakarmon ka nash karta hai. rajsi karyon men saflta milti hai. das dishaon men yash ki vriddhi karta hai. hriday v dimag ko majbut karta hai. aprichit vyakti bhi mitra banne lagte hain. 11 mukhi - gyarah mukhi rudraksh gyarhven rudra ka svarup hai. gyarhven rudra mahavir bajrangbli hain. yah jatak ko sahas v atmavishvas deta hai aur jatak himmat v bahaduri se jivan jita hai. vidyavan, guni aur chatur bhi banata hai. jatak men dusron ke man ki bat jan lene ka gun ane lagta hai. jhunjhlahat v adhirta se mukti dilvata hai. gamgin svabhav ko dur karta hai. yah kisi se puche bina bhi dharan kiya ja sakta hai. 12 mukhi - barah mukhi rudraksh surya dev ka svarup hai. yah surya grah se sanbandhit hai. barah mukhi rudraksh dharan karne se rajkiya kamon men saflta milti hai. mahattvakankshayen unchi hone lagti hai. yah apsi kalah bhi shant karta hai. 13 mukhi - terah mukhi rudraksh indra ka svarup hai. yah 6 mukhi rudraksh ki tarah se hi kam karta hai aur sansarik sukhon ki purti bhi karta hai. rajya men pad prapt karvata hai. udar v satvik bhav utpann hote hain. navin yojnaon ko safal karne ke liye yah labhdayak hai. 14 mukhi - chaidah mukhi rudraksh bhagvan shiv tripurari ka svarup mana jata hai. yah shani grah se sanbandhit hai. yah sabhi abhilashayen purn karta hai aur man ishvar men lagata hai. mastishk ki shanti dene vala hai, hriday ko majbut karta hai, uchch raktatap ko thik karta hai, tapedik dama kainsar jaise rogon men labhdayak hai. ise pani men ghisakar pine se anek rogon ka nivaran hota hai. gauri shankar rudraksh yah sarvashreshth rudraksh hai. do rudraksh apas men jud kar yah rudraksh banate hain. yah shsharirik v mansik shakti pradan karta hai. yah shiv ke ardhanarishvar rup ka pratik hai. yah ek mukhi v 14 mukhi dono rudrakshon ka bhi fal dene vala hota hai. ise dharan karne se dukh-daridrata pas nahin ati. man-samman men vriddhi hoti hai. vatavaran shuddh v pavitra banta hai. rudraksh ki mala rudraksh ko ek akele dane ke rup men ya mala ke rup men bhi dharan kiya ja sakta hai. ek hi mala ke sabhi dane ek hi prakar ke bhi ho sakte hain aur vibhinn prakar ke bhi ho sakte hain. rudraksh ki mala anek prakar se faldayini hoti hai. ismen gun hi gun hote hain tatha ismen koi avgun nahin paya jata. rudraksh ki mala par jap karne se anek rogon ka ilaj kiya ja sakta hai. rudraksh ki mala par kisi bhi devi devta ka jap kiya jaye to ve shidhra hi prasann ho jate hain. rudraksh ki mala rudraksh ke danon se banai jati hai. ismen danon ki sankhya jyotishiya drishti se shubh li jati hai jaise ki 108$1, 54$1, 27$1. inmen se ‘$1’ vale dane ko sumeru kaha jata hai jo ki jap ke samay par nahin kiya jata. lekin mala ko 108, 54 ya 27 rudrakshon ki mala hi kaha jata hai. ek mukhi rudraksh mushkil se milta hai aur bahut shaktishali hota hai. 5 mukhi rudraksh ki mala puja ke kam ati hai. 16 rudraksh ke danon ki mala mathe par, 26 rudraksh ke danon ki mala sir par aur 50 rudraksh ke danon ki mala hriday par pahni jati hai. ek hi mala jap v pahnne dono kamon men upyog nahin ki ja saktiprantu is vishay par apvad bhi milte hain. kuch sant log to jap ki hui mala hi pahnna labhdayak samjhte hain. jap karte samay mala anamika aur madhyama ungliyon ke bich men rahti hai. keval rudraksh ki mala hi aisi mala hoti hai jise kisi bhi prakar ke jap ke liye upyog kiya ja sakta hai. rudraksh ki mala ki itni khubiyon ke karan hi aj yah amerika, japan, jarmani, inglaind adi pashchimi deshon men bahut lokapriya hai. granthon men kaha gaya hai ki rudraksh ki mala ko mantron ke dvara shuddh, pavitra aur urjavan karke hi pahna ja sakta hai. tab rudraksh nishchay hi kam karta hai aur agar yah shuddhata ki kasauti par bhi khara utra ho to yah aur bhi adhik shaktishali aur prabhavi ho sakta hai basharteki nirantar jap aur havan se iski urja aur shakti ko badhaya jaye. rudraksh ke mukhon ki sankhya ke anusar mantra 1 mukhi - un namah shivay , unen hrin namah 2 mukhi - shri gauri shankray namah, unen namah 3 mukhi - unen klin namah, un namah shivay 4 mukhi - unen hrin namah 5 mukhi - unen namah shivay , unen hrin namah 6 mukhi - svami kartikeyay namah, unen hrin han namah 7 mukhi - unen mahalakshmyai namah, unen han namah 8 mukhi - unen han namah, un ganeshay namah 9 mukhi - nav durgay namah, unen hrin han namah 10 mukhi - shri naraynay namah, shri vaishnavay namah, unen hrin namah 11 mukhi - unen shri rudray namah, un hrin han namah 12 mukhi - shri suryay namah 13 mukhi - unen hrin namah 14 mukhi - un namah shivay uprokt sabhi mantron ke bad mahamrityunjay mantra ka 9 bar jap kiya jata hai jo is prakar hai - un tryanbkan yajamhe sugandhin pushtivardhanam urvarukmiv bandhnanmritryomukshiya mamritat . rudraksh ki upyogita aur labh 1 mansik tanav se mukti pane men rudraksh ramban ki tarah se kam karta hai. 2 eshiya ke vibhinn sadhu v sanyasiyon ke anusar matra rudraksh dharan karne se hi unhen tapasya karne ke liye ghyan kendrit karne men aur vicharshil man ko kabu karne men atyant madad milti hai. 3 rudraksh sharir, man aur atma ke labh ke liye atyant upyogi siddh hota hai. yah sharir ko bal pradan karta hai aur bimariyon se ladne men madad karta hai. ayurved ke anusar rudraksh sharirik saranchna men sudhar lata hai. yah rakt ki ashuddhiyon ko dur kar sharir ko nirogi banata hai. 4 yah manav sharir ke andar ke sath-sath sharir ke bahar ki vayu men bhi jivanuon ka nash karta hai. 5 yah tanav, chinta aur dipreshan ka prabhav bhi kam karta hai. rudraksh siradard, khansi, lakva, aur matritva ki rukavton ko dur karne men bhi madad karta hai. 6 medikal sains ke anusar bhi yah siddh ho gaya hai ki rudraksh ko dharan karne se hi hriday gati men sudhar a jata hai tatha uchch raktachap thik hone lagta hai. 7. ve jatak jinko uchch rakt chap ki shikayat hai, unhen rudraksh ka labh nimn tarike se lena chahiye - ‘‘panch mukhi rudraksh ke do dane rat ko ek gilas pani men rakh den v subah khali pet us jal ko pi len. gilas kaepar ke atirikt kisi bhi dhatu ka ho sakta hai.’’ 40 din tak niyamit lene se fark mahsus kiya ja sakta hai. 8 ve jatak jo hamesha chinta men rahte hai, athva jinka atmavishvas kho-sa gaya hota hai ya jo kanpte jyada hain - unhen rudraksh ka labh nimn tarike se lena chahiye: ‘‘ aise jatak ek panch mukhi rudraksh hamesha apne pas rakhen aur jab jab ve jarurat mahsus karen, us rudraksh ko apni danyi hatheli men jor se bhinch len aur is prakar se das minat tak rahen. isse unka atmavishvas vapis a jayega aur unka sharir bhi sthir ho jayega.’’ 9 rudraksh ko pahnne se chehre par tej ata hai jo vyaktitva ko nikharne ke kam ata hai. 10 yah vyakti ki yaddasht ko badhane men bhi upyogi hai. 11 rudraksh jivan ki samast manokamnaon ko purn karta hai, sukh-shanti pradan kar man-samman men vriddhi karta hai. 12 rudraksh sharirik svasthya ke sath sath atma ki unnati ke liye bhi labhdayak hai. rudraksh ko dharan karne se purvajanm ke un papon se mukti milti hai jo ki is janm men bhi rukavten paida kar sakte hain. 13 agar koi vyakti apni buri adton se chutkara pana chahta hai aur shuddhata ka jivan jina chahta hai to use rudraksh ki mala pahnni chahiye, nishchit rup se labh milta hai. 14 rudraksh ashubh grahon ke prabhav ko bhi kam karne men upyogi hota hai. brahmand men 27 nakshatra hain jo ki 9 grahon ko chalate hain. pratyek nakshatra kisi n kisi rudraksh se juda hota hai jo ki sanbandhit grah se urja prapt karta hai. yah keval urja prapt hi nahin karta balki iska vitaran bhi karta hai. yah nishchit hai ki rudraksh grahon ke bal se unchi aur prabhavshali vastu hai. tabhi to vibhinn mukhi rudraksh vibhinn grahon ki shanti ke liye kam men liye jate hain. jo grah jatak ke liye ashubh hai, us grah se sanbandhit rudraksh hi dharan kar us ashubh grah ki shanti ki ja sakti hai. 15 pratyek rudraksh kisi n kisi devta ya devi se sanbandhit hota hai. yahi dhanatmak bal rudraksh ke dharak ko nakaratmak urja aur shatruon se bachata hai. 16 rudraksh jivan ki ati avashyak vastu hai kyonki yah bhagvan shiv se sanbandhit hai aur shiv devon ke dev mahadev hain. atah rudraksh pahnne vale ko agar rudraksh se adhik se adhik labh lena hai to usmen shraddha aur vishvas hona bahut jaruri hai.
Kya aapko lekh pasand aaya? Subscribe

Kya aapko lekh pasand aaya? Subscribe


Holi Evam Tantra Visheshank  मार्च 2017

फ्यूचर समाचार का मार्च 2017 का विशेषांक होली एवं तन्त्र को पूरी तरह से समर्पित है। इस विशेषांक में बहुत सारे अच्छे लेख होली व तंत्र पर लिखे गये हैं। उनमें से कुछ महत्वपूर्ण लेख इस प्रकार हैं- होली के मुहूत्र्त का चयन कैसे करें, होली की रात तंत्र साधना की बात, होली में शाबर मंत्रों से करें अपने व्यापार में वृद्धि, कैसे मनायी जाती है विदेशों में होली, होली के चमत्कारी टोटके, तंत्र साधना: एक परिचय, संतान प्राप्ति हेतु सिद्ध तंत्र प्रयोग आदि। इनके अतिरिक्त दूसरे महत्वपूर्ण लेख जो की हमारे स्थायी स्तम्भ हैं, पूर्व की भांति ही सम्मिलित हैं।

Subscribe

Apne vichar vyakt karein

blog comments powered by Disqus
.