रुद्राक्ष के बहुआयामी गुण-विशेष

rudraksh ke bahuayami gun-vishesh  

Ank ke aur Lekh | Sambandhit Lekh | Views : 2973 |  
rudraksh ke bahuayami gun-vishesh dae. tipu sultan ‘‘faij’’ rudraksh vastutah eliyokapas jainitras namak vansh ki vanaspati ya paudhe se utpann hue ek fal ki guthli hai, jo fal dikhne men khumani jaisa pratit hota hai. iski bahri patli, chikni tvacha jamuni v nili jhalak lie hue hoti hai tatha andar ka khatta, mitha kasaila gudedar bhag bara hi svadisht hota hai, jise bare hi chav se log khaya bhi karte hain. yadi bij ki or drishti le jai jae to prayah is ka akar lanbotra ya golakar-sa hota hai, jiski upri satah par jhurridar si dhariyan ya rekhaen pai jati hain, jiske donon kinare thore ubhre hue se hote hain, bich ka bhag kinchit nali ke saman gahrai lie hue tatha in dhariyon ki spasht chotiyan vividh rupon men alankrit hoti-si pratit hoti hain, jise rudraksh ke mukh ki sangya di jati hai aur inhin rup-rekhaon ke adhar par rudraksh ko kai prakaron men vargikrit kiya jata hai. atah in alankrit prakaron men ikkis mukhi tak ke rudraksh bhi shamil hain, parantu puranon men mukhya rup se chaidah mukhi tak ke hi rudraksh ka ullekh milta hai. rudraksh ki prajatiyan v unke akar-prakar: jis vanaspati ke vansh ka yah sadasya hai uski lagabhag 120 se adhik prajatiyan pai jati hai, jismen bharat ke purvi himalay ke tarai v nepal ke unche parvatiya kshetron men pae jane vale saurets v lensokoyis prajatiyon ke paudhon ke nam pramukh hain. bharat ke nilgiri, maisur v annamlai ke pathari kshetron ke janglon mane utpann rudraksh ke paudhon ko tyebarakletas prajati ki vanaspati shreni men rakha gaya hai. in peron ki kaya anya peron ki apeksha adhik vishal hoti hai, jismen se do, tin, char, panch v gyarah mukhi prakar ke rudraksh utpann hote hain. in kshetron ke alava dakshinapurva eshiya ke desh indoneshiya ke janglon men bhi rudraksh ke per bahutayat se pae jate hain jinhen kisi mukhya jati-vishesh ke antargat nahin rakha jata. akar ke drishtikon se ye jharberi ke ber ke bij ke saman chote athva kali mirch ke barabar tak ke hote hain, jinki mala prayah sharir par dharan nahin ki jati balki inhen mantra-jap adi men adhik prayukt kiya jata hai. inke dane purn gol nahin hote tatha in lanbe chapte danon ka ek bhag parvatnuma ya shanku ke saman ubhra hua-sa hota hai, jiske karan is kism ki tulna gaurishankar rudraksh se ki jati hai. java v bali ke jangli kshetron mane pae jane vale rudraksh chandrakar hote hain, jinki parvatiya rekhaen kam ubhri hui arthat anya sthanon ke rudrakshon ki apeksha inke bahri satah ki jhuriyan adhik dabi hui hoti hai jinmen adhikatar ek mukh paya jata hai. atah in sabhi sthanon ke rudrakshon ki yadi tulna ki jae to jati v kism ke adhar par anya ki apeksha nepal ke rudraksh adhik shreshth v uchch shreni ke hote hain. rudraksh ki parkh: rudraksh ek prakar ka bij hai, jise kath arthat lakri ki sangya bhi di ja sakti hai. vastutah in bijon ke andar rasaynik tatvon ke sath-sath jal ki kuch matraen bhi vidyaman hoti hain, jis ka ghanatva prakritik sanrchnaon, samay v sthan vishesh ke parivartanon ke karan prayah kisi men kam to kisi men adhik ho jaya karta hai. jaise-jaise ye bij purane hote jate hain, inka ghanatva din-pratidin ghatta jata hai tatha is avastha men inhen yadi jal men dala jae to ye dubte nahin balki tairte rahte hain. islie satyata ki siddhi hetu dubne v tairne jaisi in prachlit paranpragat vidhiyon ko purnatah karagar nahin kaha ja sakta. atah prayogshala men rudraksh ke akar-prakar, us ke andar ke rasaynik tatvon ka avlokan tatha maikroskop ke dvara uske upar ki lakiron ya kinchit jhurriyon ke anshon ko dekhakar iski satyata ki parakh ki ja sakti hai. rudraksh ki adhyatmik v jyotishiya prishthabhumi: bharat ki prachinatam paranpraon ke vidit itihason, atharvaved, puranon, upnishdon adi jaise adhyatmik granthon ke ullekhit vivrnon men rudraksh ke asankhya gunon ki charchaen hui hain. skand puran men iski utpatti ke sandarbhon men, ullekhon ke sath-sath ise sharir men dharan karne ki vidhi, ghar men sthapit karne ki mahatta v pran-pratishtha ya abhimantran adi vishyon par bhi prakash dala gaya hai. in varnit ullekhon se vidit hota hai ki bhakshya abhakshya men antar n rakhne vale, nitya dushkarmon men lipt rahne vale vyakti bhi yadi ise dharan kare to avashya hi unke vichar param shuddhata ki gati ko prapt kar sakte hain tatha anek papon se yukt mlechch athva chandal bhi shuddh karmon ki disha pakar papon se mukt ho sakte hain. rudraksh ki sakaratmak urja ke sashakt madhyam ko jyotishiya vidhan men bhi anusrniya mana gaya hai, jismen rashiyon ke gannakram v anko tatha ankshastra men mulankon v bhagyanko ke ankon ki prakriti v unki vyavhariktaon ke svarupon tatha rudrakshon ke mukhon ke ankon ke meljol v samantaen pramukh hain. grahon, rashiyon v ankon ke sath-sath is prakaran men nakshatra adi ki bhumikaon ko bhi mahatvapurn mana gaya hai. atah rudraksh ke mukhon ki vividhtaon men chupe gun-visheshon ke kuch jyotishiya vivaran yahan prastut kie ja rahe hain. ekmukhi rudraksha: dharma-karm v artha-siddhi men ekmukhi rudraksh ki bhumika atyant prabal mani gai hai. vastutah surya dvara shasit yah rudraksh moksh ki prapti, sansarik aishvarya, pad-pratishtha adi men purn sahayak hota hai tatha ise dharan karne se anishtata dur hoti hain. domukhi rudraksha: ardhanarishvar ka svarup hone ke karan do mukhi rudraksh ko dampatya jivan men madhurta, prem, arthik unnati v sansarik vaibhav jaise vishyon ke lie mukhya rup se vicharniya mana gaya hai. is rudraksh ki sari kriyatmakataen chandrama dvara niyantrit hoti hai. trimukhi rudraksha: is rudraksh ko satvik, rajsi v tamsi shaktiyon ka pratik mana gaya hai, jo buddhi, vidya, smarana-shakti atm samman adi ki vriddhi tatha vivek v paropkar jaisi rachnatmak pravrittiyon ki nirantrta men purn rup se sahayak hota hai. mangal is rudraksh ka adhipti grah hai. ank shastra men ise brihaspati ke svamitva ke antargat mana gaya hai. char mukhi rudraksha: mansik v sharirik pira, vani-dosh, tvacha, rakt v hriday se sanbandhit rogon men is rudraksh ki bari hi prabal v mahatvapurn bhumika mani gai hai. char vedon ke svarup arthat dharm, arth kam v moksh ke karak ke rup men is rudraksh ko svikara gaya hai. jyotish shastra men is rudraksh ki sabhi kriyatmakataen chandra grah ke antargat niyantrit batai jati hai. ank shastra men ise rahu grah ke antargat bataya jata hai. panchmukhi rudraksha: is rudraksh ko panch maha tatvon ka pratik mana gaya hai jo dirghayu, sarvakalyan, uparjit dhan-jaydad men vriddhi, buddhi-kaushal v mangalapradayak karyon ki siddhi men purn rup se sahayak hota hai. jyotish shastra men is rudraksh ki rashi sinh tatha svami grah surya ko bataya gaya hai. ank shastri ise budh grah ke antargat mante hain. chahmukhi rudraksha: atma-sankalp, kam-shakti v rog pratirodhak kshamata ki vriddhi men yah rudraksh purn rup se sahayak mana gaya hai. ise dharan karne se lobh, krodh, moh-maya v shukra janit rogon se mukti tatha jivan men danpatya sukh athva paraspar prem adi jaise sanbandh svatah siddh hote hain. jyotish shastra men budh ko iske svami grah ke rup men svikar kiya gaya hai. parantu ank shastra men ise shukra grah dvara niyantrit bataya jata hai. sapt mukhi rudraksha: ise dharan karne se arthik samriddhi, man-pratishtha men vriddhi tatha rog, tanav, nirasha adi jaise dukhon se mukti milti hai. yah akarshan ki kshamata ko viksit karta hai. jyotish shastra ke anusar shukra iska svami grah hai, parantu ank jyotish men ise ketu grah ke svamitva ke antargat nihit bataya jata hai. asht mukhi rudraksha: yah rudraksh prakriti ke ath prakaron arthat bhumi, gagan, agni, jal, vayu, man, maya v ahankar par vijay prapti men purn sahayak hota hai. ise dharan karne se atho dishaon ki badhaen dur hoti hain. jyotish shastra men iski rashi vrishchik tatha iske svami grah ke rup men mangal ko svikar kiya gaya hai. parantu ankshastra men ise shani grah ke svamitva ke antargat mana jata hai. nau mukhi rudraksha: is rudraksh ke dharan karne se vyakti ke andar virta, dhirta, parakram, sahas, sahnshilta, danshilta adi jaise gunon ki kriyaen purn rup se viksit hoti hain. yah akasmik ghatnaon se bachav karta hai. ank shastra men ise mangal grah dvara shasit bataya gaya hai. parantu jyotish shastra men iski rashi dhanu mante hue iske svamitva ke rup men brihaspati grah ko svikar kiya gaya hai. dash mukhi rudraksha: is rudraksh ko sakshat janardan ki sangya di gai hai. ise dharan karne se bhut, pishach, vaital, surya adi ke bhay samapt ho jate hain. nav grah ki shanti men is rudraksh ki prabal, upyogi v mahatvapurn bhumika mani gai hai. ank shastra men yah rudraksh ank ek ka pratinidhitva karta hai, jis karan iski sari kriyatmakataen surya ke svamitva ke antargat nihit batai jati hai. ekadash mukhi rudraksha: puranon men is rudraksh ko sakshat rudra ke svarup ki sangya di gai hai. sankat mochan ka pratik yah rudraksh sansarik aishvarya men vriddhi v santan sukh ki prapti men prabal rup se sahayak mana gaya hai. ise dharan karne se chandragrahan se utpann dosh shidhra hi samapt ho jate hain. ank shastra men yah ank do ka pratinidhitva karta hai, jiski sari kriyatmakataen chandrama dvara niyantrit hoti hain. dvadshmukhi rudraksha: ise sakshat rudra ke svarup ke rup men svikara gaya hai. ise dharan karne se vyadhiyon v hinsak janvron se manushya ki raksha hoti hai. yah dhan-sanpattiyon men vriddhi tatha daridrata ka nash karta hai. ank shastra men yah ank tin ka pratinidhi mana gaya hai. terhmukhi rudraksha: yah kartikey ke saman samast aishvarya v manokamnaon ko svatah purn karta hai. ise dharan karne se dhatuon v rasaynon se jure tatva purn siddh hote hain jisse samast papon se shighra hi mukti milti hai. kuch vidvanon ne ise niahsantan ko santti pradan karne vala, sukh-shanti men saflta v arthik samriddhi pradayi rudraksh ke rup men bhi svikar kiya gaya hai. ank shastra men ise ank char ka pratinidhi mana gaya hai. chaidhmukhi rudraksha: ise sakshat marut ke svarup ki sangya di gai hai jo vayu tatvon par adhipatya karne men purn sahayak hota hai. yah sakal siddhipradayak, arogyadayak v vyadhinashak yantra ka ek manak svarup hai. ise dharan karne se ek hi sath shani v mangal ke dosh svatah samapt ho jate hain. ank shastra men yah rudraksh ank panch ka pratinidhi mana gaya hai. rudraksh ki anya mahattaen: dhanvantari ke vidit tathyon se aisa gyat hota hai ki rudraksh ki mahatta keval adhyatmik, tantrik v jyotishiya kshetron tak hi simit nahin thi balki iski gun-visheshi upyogita ka gyan ayurvedik chikitsa paddhati men bhi purn rupen viksit tha tatha is vriksh ke fal, bij, pattiyan v chal ati prachin kal se hi rogopchar hetu prayukt kie jate the. yadi adhunik sarvekshanon ki or drishti le jaen to is pariprekshya men prasiddh shodhakarta jaun ganent ka nam sarvada yad kiya jata hai, jinhonne sarvapratham 1864 in. men eliyokarapas jainitras namak vanaspati ke rup men rudraksh ki ek aham pahchan banvai. iske atirikt karnal ar. en. chopra ne bhi apni ukt pustak ‘‘glosri af indiyan medisinal plantasa’’ men rog v vyadhiyon ke upchar ke sandarbh men rudraksh ke prayog v iski upyogitaane ko ullekhit kiya hai. atah rudraksh ki bahuayami upyogita v labh ki kuch sankshipt suchiyan apke samaksh prastut hain. rudraksh dharan karne ya aushdhi ke rup men prayog karne se kendriya tantrika tantra v hriday ki uttejak dhamniyan niyantrit rahti hai tatha hriday ka prakritik svarup v raktachap samanya rahta hai. rudraksh ke ushn svabhavi gun, rahyumetik pen, kaf, asthama, jukam, elarji, shoth adi jaise rogon ko dur karne ya samanya rakhne men purn sahayak hote hain. rudraksh dharan karne se sharir men kolestrol ka santulan bana rahta hai. rudraksh dharan karne se man ki tamsik v ugra vrittiyan shant hoti hain. rudraksh ki shaktidayak urja grahon ke ashubh prabhavon ke nirakaran men purn sahayak mani gai hain. islie karyon ki siddhi, vyavsay men unnati, shikshan karya men saflta v uttam svasthya ke hetu iski upyogita mukhya rup se vanchniya mani gai hai. rudraksh sharir par parne vale nakaratmak urja ke doshpurn prabhavon ko samapt karta hai. yadi ratri kal men sone ke samay ise takie ke niche rakh kar soya jae to daravne svapnon ka ana band ho jata hai. rudraksh ki shaktidayak urja grahon ke ashubh prabhavon ke nirakaran men purn sahayak mani gai hain. islie karyon ki siddhi, vyavsay men unnati, shikshan karya men saflta v uttam svasthya ke hetu iski upyogita mukhya rup se vanchniya mani gai hai.
Kya aapko lekh pasand aaya? Subscribe

Kya aapko lekh pasand aaya? Subscribe


diabetes and astrology issue  जून 2017

आज प्रत्येक व्यक्ति खराब जीवन शैली एवं गलत खान-पान के कारण किसी न किसी बीमारी से ग्रसित है। उन्हीं में से एक बीमारी है मधुमेह, जो प्रत्येक वर्ग को बड़ी आसानी से अपनी गिरफ्त में ले लेती है। फ्यूचर समाचार के जून 2017 के मधुमेह एवं ज्योतिष विशेषांक में मधुमेह पर योग्य ज्योतिषियों ने अनेक अच्छे लेख लिखे हैं। साथ ही ज्योतिष के अच्छे आलेख भी प्रत्येक मास की तरह प्रस्तुत हैं जिनमें से मधुमेह पर कुछ लेख इस प्रकार हैं- मधुमेह रोग होने के कारण और निवारण, मधुमेह के ज्योतिषीय कारण व निवारण, मधुमेह रोग और और ज्योतिषीय दृष्टिकोण, मधुमेह रोग से संबद्ध मुख्य ग्रह एवं भाव नक्षात्रादि विवेचन, मधुमेह आहार और सावधानियां, ज्योतिष और मधुमेह, डायबिटीज और प्राकृति चिकित्सा, हस्तरेखा से मधुमेह रोग का ज्ञान, मधुमेह की गिरफ्त में सेलिब्रिटी वल्र्ड आदि। इनके अतिरिक्त ज्योतिषीय लेखों में स्थायी स्तम्भों में भी अच्छे लेख पूर्व की भांति रोचक व ज्ञानवर्धक हैं। सत्य कथा में इस बार एक चर्चित सैफ की कुण्डली का विवेचन किया गया है - क्वीन आॅफ इंडियन वेजिटेरियन रेसेपीज-निशा मधूलिका, पावन स्थल स्तम्भ में बाबा तारकेश्वर की महिमा को बताया गया है वास्तु में फ्लैट के नक्शे का वास्तु समाधान आदि।

Subscribe

Apne vichar vyakt karein

blog comments powered by Disqus
.