शनि का परिचय एवं उपाय

shani ka parichay evan upay  

Ank ke aur Lekh | Sambandhit Lekh | Views : 3921 |  
shani ka parichay evan upay prem prakash vidrohi shani aur hanuman ka gahra sanbandh hai. samanyatah shani ki charcha men hanuman ka ullekh jarur hota hai. vastutah donon ke sanbandh ka adhar lanka dahan ke samay ghati ek ghatna hai. jab shri hanuman ki punch lanka men ag laga rahi thi to ek karunapurn chikh sunai di ‘‘bachao?’’ daya ke sagar hanuman ji avaj ki disha men ja pahanuche to dekha shani dusht ravan ke mahal men ulta latka hai. hanuman ne turant shani ko bandhnmukt kar diya aur pucha ‘‘apki yah durdasha kisne aur kyon ki hai?’’ shani ne bataya, ‘‘ravan ne apne putra ki janm kundli men meri pratikul sthiti se aprasann hokar meri dayin tang tor di aur ulta latka diya. lekin hanuman apse main prasann hun. jo vyakti meri kharab dasha bhukti men apka pujan v bhajan karega, main use kasht nahin hone dunga.’’ itna kahte hue shani langrata hua vahan se chala gaya. dhire chalne ke karan hi iska nam shanaishchar par gaya. kundli ke ek bhav men yah 2 varsh 6 mah rahta hai. barah bhavon ka chakkar lagane men ise lagabhag tis varsh lag jate hain. navagrahon men ise nyayadhish ka adhikar prapt hai. yah papiyon ko dand deta hai, kintu dharmatmaon ka apni dasha men utthan karta hai. shani pad- shani ki dhaiya ya sarhe sati ke shubhashubh prabhav ka vichar shani pad se kiya jata hai. shani janm kundli men janm rashi se pahli, chathi ya 11vin rashi men ho to svarn pad, dusri, panchvi ya 9vin men ho to rajat pad, tisri, satvin ya 10vin men tamra pad aur chaithi 8vin ya 12vin men ho to lauh pad kahlata hai. gocharavash shani ke padon men parivartan hota hai. lauh v svarn pad ashubh aur rajat tatha tamra pad shubh mane jate hanai. vastav men shani ki sarhe sati vyakti vishesh ko sahnshil, dharmik, danshil, karmashil bana deta hai. is dauran use apne-paraye ki pahchan ho jati hai. raja harishchandra aur raja nal iske pratyaksh udaharan hain. shani ki dhaiya v sarhe sati shani ki sarhe sati men shani ka prabhav sarhe sat varsh tak lagatar rahta hai jabki dhaiya men keval dhai varsh. dhaiya men bhi prayah janm kundli men shani ki shubhashubh sthiti ke anusar fal milta hai. shani shanti ke upay- shani ki shubh dasha ho, sarhe sati shubh ho ya janm lagn shani ke shubh prabhav men ho to unnati aur saflta prapt hoti hai. shani ki ashubhavastha men rog, durghatana, apman, parajay, bandhu ya janm sthan se algav, nirdhanata adi ki prapti hoti hai. atah is avdhi men shani ki shanti avashyak hai. s shanivar ko dakshinmukhi hanuman ki pratima ko sindur v chola charhakar raja dasharath krit shani stotra, hanumat kavach ya sundrkand ka path karen aur garib v jarurtmand vyaktiyon ko urad, kale til, kale vastra, charm paduka, lohe ki bani vastuon adi ka dan karna chahie. sath hi til ya til ke tel men bana bhojan karna chahie. shani shanti- nimn mantra ka kisi shani mandir men ya shami athva pipal ke per ke niche roj ek mala jap kar dan-dharm karna bhi shubh hotea hai- ‘‘namaste kon sansthay pinglay namostute. namaste babhru rupay krishnay ch namostute.. namaste raudra-dehay namaste vatkay ch. namaste yam sangyay namaste saurye vibho.. namastemand sangyay namaste shannaushchar namostute. prasadan karu me devesh dinasya pranastasyach.’’ shani ashtak mantra ka jap karna bhi shubh hota hai. jagrat shanidhamon jaise shani mandir shignapur, shani dham birjhapur, shani dham kokila van, shani dham sirko, shanimandir ujjain adi men vidhipurvak shani ka pujan karna bhi shubh hota hai. kale ghore ki nal ki anguthi ya bilayi (kali) ki jar niyamanusar dharan karen. garibon, vriddhon, rogiyon aur vidhvaon ki arthik sahayta v seva karne se shani pira se mukti milti hai. shani yantra ko shanivar ya shanaishchari amavasya ko panchamrit, ganga jal ya til ke tel se dhokar pran-pratishtha kar roj shani stotra, shani chalisa, hanuman chalisa adi ka path karna chahie. grah shanti yantra- prin rahve namah prin suryay namah prin shukray namah prin kujay namah prin guruve namah prin shanaishcharay namah klim budhay namah klim ketve namah prin somay namah pratah shivji v pipal ko jal charhakar pujan karne ke pashchat is yantra ke age tel ka dipak v dhup jalakar navagrah stotra ka ek mala jap roj karne v grah sanbandhi dan karne se sabhi grah shant hokar shubh fal dete hain. shivji ka pujan, vrat tatha shiv tandav stotra ka path karne se shani ki kharab dasha ka fal samapt ho jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.