लाल किताब के द्वादश भावों में शनि के उपाय

lal kitab ke dvadash bhavon men shani ke upay  

Ank ke aur Lekh | Sambandhit Lekh | Views : 4989 |  
lal kitab ke dvadash bhavon men shani ke upay nirmal kothari shani ko kal bhairav arthat nyay ka svami mana gaya hai. ise surya putra bhi kaha gaya hai. iske prabhav anya grahon ki tulna men dirghakalik hote hain, kyonki bahut mand gati se chalne vala grah hai. iska ghanatva bhi anya grahon ki tulna men adhik hai. kuch log mante hain ki yah rahu evan ketu ki madad se papiyon ko dand deta hai. shani koi dushtagrah nahin balki ek tapasvi grah hai. shani ke dushprabhavon se bachne evan uski kripa ki prapti hetu niche die gae vishesh upay karne chahie. lagn sthit shani ashubh fal deta ho, to use bandron ki seva karni chahie tatha chini mila hua dudh baragad ke per ki jar men dalakar vahan gili mitti se tilak karna chahie. jhuth nahin bolna chahie aur dusron ki vastuon par buri drishti nahin dalni chahie. shani dvitiya bhavasth ashubh fal deta ho, to jatak ko apne mathe par dudh ya dahi ka tilak lagana chahie, bhains ki seva karni chahie tatha sapon ko dudh pilana chahie. shani tisre bhav men sthit shani ashubh fal deta ho, to jatak ko mans, madira adi ka sevan nahin karna chahie aur ghar ke kinare vale kamre men andhera nahin rakhna chahie. ghar ka mukhya dvar purva disha men hi rakhte hue ganesh ji ki upasna karni chahie. iske atirikt aise shani se pirit jatko ko til, ninbu v kele ka dan karna chahie. kale til ko pani men pravahit karne se bhi labh hoga. nau varsh se kam ayu ki kanyaon ko yadi aisa jatak khatta bhojan de, ghar men kala kuÿaa pale aur uski seva karen aur vyavhar aur chal-chalan achcha rakhe to pareshani kam ho jaegi. chaturth bhavasth shani ashubh fal de raha ho, to jatak kuen men dudh dalakar, sanpon ko dudh pilakar aur bahte pani men sharab dalakar labh utha sakta hai. use hare rang ki vastuon ka prayog nahin karna chahie, n hin kale kapre pahnne chahie. majduron ki sahayta karne aur bhains v kauon ko bhojan dene se bhi shani ki pira kam ho sakti hai. pancham bhav men sthit shani ashubh fal de raha ho to jatak ko apne pas sona evan kesar rakhna chahie. kabhi-kabhi mandir men kuch akhrot le jae, fir unmen se adhe vapas lakar safed kapre men lapet kar ghar men rakhe to labh milega. use artalis varsh ki ayu se pahle apne lie makan nahin banana chahie. sath hi, nak v danton ko saf rakhna chahie. bahan, sali aur mausi ki seva aise jatkon ko vishesh rup se karni chahie. lohe ka challa pahnne sabut hari mung mandir men dan karne evan durga ki puja karne se shani ki pira kam hogi. shashth bhavasth shani ashubh fal deta ho, to jatak ko chamre tatha lohe ki bani vastuen chorakar purani vastuen kharidni chahie. saptam bhavasth shani ashubh fal deta ho, to jatak ko shahad se bhara hua mitti ka bartan kisi nirjan sthan men rakhna chahie. bans ya bansuri men chini ya shakkar bharakar kisi nirjan sthan men gar dene se bhi labh milta hai. ashtamasth bhav shani ashubh fal deta ho, to jatak ko apne pas chandi ka tukra rakhna tatha sapon ko dudh pilana chahie. navam bhavasth shani ashubh fal deta ho, to apne ghar ki chat par indhan adi nahin rakhna chahie, hari ki puja karni chahie, chandi ke tukre men haldi ka tilak lagakar use apne pas rakhna chahie tatha ghar ke kisi kinare ke kamre men andhera rakhna chahie. pipal men jal dene ke sath-sath guruvar ka vrat bhi karna chahie. brahman, sadhu evan kul guru ki seva karne, pile dhage men haldi ka tukra lapet kar apni bhuja men bandhne chane ki dal aur kele mandir men dan karne se shani ki pira kshin hoti hai. dasham (karma) bhav men sthit shani ashubh fal deta ho, to jatak ko mans, sharab adi ka sevan nahin karna chahie. use artalis varsh ki ayu se pahle makan bana lena chahie aur chane ki dal tatha kele mandir men charhane chahie. ekadash bhav men sthit shani ashubh fal deta ho, to jatak ko apne ghar men chandi ki int rakhni chahie. use mans, madira adi ka sevan aur dakshinmukhi makan men vas nahin karna chahie. barhven (vyay) bhav men sthit shani ashubh fal deta ho, to jhuth nahin bolna chahie. mans, madira, ande adi ka sevan bhi nahin karna chahie. sath hi, ghar ki antim (bahri) divar men khirki ya darvaja ho to bhi hata dena chahie. uparyukt baton ko apni jivan shaili men lakar shani se pirit koi use vyakti apni pareshaniyon ko kam karke labh utha sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.