शनि के बारे में क्या आप जानते है

shani ke bare men kya ap jante hai  

Ank ke aur Lekh | Sambandhit Lekh | Views : 3995 |  
shani ke bare men ap kya jante hain pan. sunil joshi junnarakar saurmandal men guru ke bad shani grah sthit hai, jo bhumi se ek tare ke saman dikhai deta hai, parantu uska rang kala sa hai. shani ke purvi pashchimi vyas ki apeksha dakshinottar vyas lagabhag 12,000 kimi kam hai arthat shani purnatah gol n hokar chapta hai. iske saman chapta anya koi grah nahin hai. shani ke pind ka vyas 120000 kimi se bhi jyada hai jo prithvi ke vyas se 9 guna adhik hai, iska prishth bhag prithvi ki apeksha 81 guna aur akar 700 guna adhik hai, parantu iske akar ke hisab se vahan drav nahin hai. shani ka prakritik vatavrn: shani ka ghanatva sabhi grahon se kam hai, jo prithvi ke ghanatva ka satvan hissa hai. shani par drav padarth prithvi ke pani se bhi patla hai, kyonki vahan ushnata adhik hai. is karan vahan bhap uthti hai. uska vatavaran vayurup hone ke karan pravahi hai. yah vatavaran praniyon ke lie anukul nahin hai, islie vahan jivan nahin hai. shani ke prishth bhag par nana prakar ke rang chamkte hain. iske dhruv ki or nili, madhya men pili aur shesh bhag men safed ret ka patta tatha bich-bich men chamatkari bindu dikhai dete hain. shani prithvi se bilkul bhinn hai. iska vatavaran dhul ke kanon aur gais ke badlon se bhara hai. in aparadarshi badlon ke karan hi uske svayan ka jo thora sa prakash hai, vah bahar nahin a pata hai, islie vah nistej dikhai deta hai. surya putra shani: shani apne pita surya se 140 karor 80 lakh kimi ki duri par sthit hai. is atyadhik duri ke karan hi surya ka bahut kam prakash us tak pahunch pata hai, islie vahan andhera rahta hai. surya se chandra ko jitna prakash milta hai uska keval 90van hissa hi shani ko mil pata hai. chandra se jo prakash hamen milta hai, uska keval 16van bhag hi shani ko uske 7 prakashit chandron se mil pata hai. in karnon se vahan jyadatar andhera hi chaya rahta hai. lekin, shani ki ushnata uske ghatak dravyon ko urja dene ke lie kafi hai, yahi karan hai ki vah nistej hokar bhi tejasvi hai. shani ka kailendr: shani ka ek din prithvi ke ek saur mas ke barabar hota hai aur prithvi ke dhai varsh ke barabar shani ka ek saur mas hota hai. lagabhag itne samay tak shani ek rashi men bhraman karta hai. is dauran vah kai bar vakri aur margi ho jata hai, is karan uska prabhav pichli aur agli rashiyon men bhi barabar bana rahta hai. prithvi ke sarhe 29 varshon ke barabar shani ka ek saur varsh hota hai. itne hi varshon men shani surya ki sirf ek parikrama purn kar pata hai. iski mand gati ke karan hi shastron men ise shanaishchar kahte hain. shani ke valy: shani ke prishth bhag ke charon or 16000 kimi ka sthan khali hai. shani ke bhavya pind ke charon or do challe dikhai dete hain. ye uske valay hain. in valyon ke karan hi shani ki akriti parthiv shivling ki bhanti dikhai deti hai. ye valay shani ke vishuvritt ke charon or purva se pashchim men faile hue hain. shani ki kaksha apne vishuvat vritt se 27 ansh ka kon banati hai. iske vishuvvritt par surya sarhe 29 varsh men do bar ata hai. jab shani uttari golarddh men hota hai tab valay ka dakshini bhag aur jab dakshini golarddh men hota hai tab uttari bhag dikhai deta hai. krishn paksh ki andheri rat men hi ise dekh pana sanbhav hai. iske antrik valay ka vyas 2,33,000 kimi tatha bahri ka 2,81,000 kimi hai. kaisini upagrah dvara bheji gai tasviron ka adhyayan karne par jet propalshan leb ke pramukh donald shemanaski ne paya ki shani ke valyon ka ksharan ho raha hai aur agle 10 arab varshon men valyon ka astitva samapt ho sakta hai. grahon ki jyotishiya ganna ke adhar par ham kah sakte hain ki do arab chaintis karor varsh bad shani ki valyon ke sath-sath shani aur sanpurn brahmand ka astitva hi khatm ho jaega arthat sanpurn brahmand shunya men vilin ho jaega. dharmashastron men ise jagat ka parmatma men vilay kaha gaya hai. prachin bhartiya khagolvidon ke anusar shani ka valay chakra barhte-barhte shani ke prishthabhag ke charon or failti ja raha hai. 60 nahin 8 chandrama: shani ke 8 upagrah hain, jo uske charon or ghumte hain. inmen se 7 upagrahon ki kaksha valyantargat hi hai. in 7 prakashit chandron ke karan hi shani ko sapt netron vala kaha gaya hai. ye upagrah hi uske chandrama hain. shani ke andar ka chandrama shani se matra 1,92,000 ki.mi. ki duri par hai, jabki prithvi ka chandrama prithvi se iski apeksha doguni duri par sthit hai. valay par sthit 7 chandramaon men se ek chandrama budh se bhi bara hai. ho sakta hai vah mangal ke barabar ho. vaigyanikon ne iska nam taitan rakh diya hai. karoron varshon ki avdhi men shani ke in chandramaon ke yog se hi valay ban gaye hain. ye chandrama paraspar nikat hone se alg-alag drishyaman nahin hote. vaise pratyek chandrama svatantra rup se shani ke charon or ghumte hain. shani ke charon or valay men chamkte hue chandrama aise lagte hain, jaise manon shani ne apne kanth men chamkte hue safed motiyon ka har pahan liya ho. yah chandra har hi shani ko sabhi grahon se anutha banata hai. shani ke chandra prithvi se adhik duri par hone ke karan barik taron ke saman najar ate hain. in chandron ki kaksha ke madhya 28 ansh ka kon hai, is karan grahan adi kam hi hote hain. shani ka vatavaran praniyon ke rahne yogya nahin hai, kintu uske chandron par sukshm jivon ke lie vatavaran anukul hai. antriksh vaigyanikon ki pahle manyata thi ki shani ke 42 chandra hain, kintu ajakal vaigyanik kah rahe hain ki shani par 60 chandra hai.. yah manyata is sanbandh men vaigyanikon ki anishchitta ko ujagar karti hai. bhartiya khagolvidon ne shani ke sirf 8 chandra batae the. vastutah kisi bhi grah ke chandra n to nasht hote hain aur n hi barhte hain. yadi aisa hota to prithvi ke bhi ek-do chandra aur utpann ho chuke hote. is prakar, 8 aur 60 men 52 chandron ka antar hai jo bahut bara hai. ye baki 23 shani ke chandra nahin, balki koi khandagrah ya kshudragrah honge, jinhen vaigyanik bhramavash chandra man baithe hain. abhi thore dinon pahle, jab shani prithvi ke karib aya tha, uske sirf 4 chandra hi dekhe gae. iska tatparya yah hua ki baki 4 chandrama shani-pind ke piche hone ke karan dikhai nahin die. nishkarsh yah ki shani ke 8 hi chandra hain.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.