शनि के फलों का विभिन्न दृष्टियों से अध्ययन

shani ke falon ka vibhinn drishtiyon se adhyayn  

Ank ke aur Lekh | Sambandhit Lekh | Views : 24746 |  
shani ke falon ka vibhinn drishtiyon se adhyayan ramapravesh mishra shastron men varnan hai ki shani vriddh, tikshn, alsi, vayu pradhan, napunsak, tamoguni, aur purush pradhan grah hai. iska vahan giddh hai. shanivar iska din hai. svad kasaila tatha priya vastu loha hai. shani rajdut, sevak, pair ke dard tatha kanun aur shilp, darshan, tantra, mantra aur yantra vidyaon ka karak hai. usar bhumi iska vasasthan hai. iska rang kala hai. yah jatak ke snayu tantra ko prabhavit karta hai. yah makar aur kunbh rashiyon ka svami tatha mrityu ka devta hai. yah brahm gyan ka bhi karak hai, isilie shani pradhan log sannyas grahan kar lete hanai. shani surya ka putra hai. iski mata chaya evan mitra rahu aur budh hain. shani ke dosh ko rahu aur budh dur karte hain. shani dandadhikari bhi hai. yahi karan hai ki yah sarhe sati ke vibhinn charnon men jatak ko karmanukul fal dekar uski unnati v samriddhi ka marg prashast karta hai. krishak, majdur evan nyay vibhag par bhi shani ka adhikar hota hai. jab gochar men shani bali hota hai to isse sanbaddh logon ki unnati hoti hai. kundli ki vibhinn bhavon men shani ki sthiti ke shubhashubh fal- shani 3, 6,10, ya 11 bhav men shubh prabhav pradan karta hai. pratham, dvitiya, pancham ya saptam bhav men ho to arishtakar hota hai. chaturth, ashtam ya dvadash bhav men hone par prabal arishtakarak hota hai. yadi jatak ka janm shukla paksh ki ratri men hua ho aur us samay shani vakri raha ho to shanibhav balvan hone ke karan shubh fal pradan karta hai. shani surya ke sath 15 ansh ke bhitar rahne par adhik balvan hota hai. jatak ki 36 evan 42 varsh ki umra men ati balvan hokar shubh fal pradan karta hai. ukt avdhi men shani ki mahadsha evan antardasha kalyankari hoti hai. shani nimnavargiya logon ko labh dene vala evan unki unnati ka karak hai. shani hast kala, das karm, lauh karm, plastik udyog, rabar udyog, un udyog, kalin nirman, vastra nirman, laghu udyog, chikitsa, pustakalay, jildasaji, shastra nirman, kagaj udyog, pashupalan, bhavan nirman, vigyan, shikar vriÿia adi se jure logon ki sahayta karna hai. yah karigron, kuliyon, dakiyon, jel adhikariyon, vahan chalkon adi ko labh pahunchata hai tatha vanya jantuon ki raksha karta hai. shani se anya labh shani aur budh ki yuti jatak ko anveshak banati hai. chaturthesh shani balvan ho to jatak ko bhumi ka purn labh milta hai. lagnesh tatha ashtamesh shani balvan ho to jatak dirghayu hota hai. tula, dhanu, evan min ka shani lagn men ho to jatak dhanvan hota hai. vrish tatha tula lagn valane ko shani sada shubh fal pradan karta hai. vrish lagn ke lie akela shani rajyog pradan karta hai. kanya lagn ke jatak ko ashtamasth shani prachur matra men dhan deta hai tatha vakri ho to apar sanpÿia ka svami banata hai. shani yadi tula, makar, kunbh ya min rashi ka ho to jatak ko man-samman, uchch pad evan dhan ki prapti hoti hai. shani se shash yog- shani lagn se kendra men tula, makar ya kanubh rashi men sthit ho to shash yog banta hai. is yog men vyakti garib ghar men janm lekar bhi mahan ho jata hai. yah yog mesh, vrish, kark, sinh, tula vrishchik, makar evan kunbh lagn men banta hai. bhagvan ram, rani lakshmi bai, pan. madan mohan malviya, sardar ballabh bhai patel, adi ki kundli men bhi yah yog vidyaman hai. vibhinn lagnon men shani ki sthiti ke shubhashubh fal- mesh: is lagn men shani karmesh tatha labhesh hota hai. is lagn valon ke lie yah naisargik rup se ashubh hai, lekin arthik mamlon men labhdayak hota hai. vrish: is lagn men kendra shani tatha trikon ka svami hota hai. uski is sthiti ke falasvarup jatak ko rajyog evan sanpÿia ki prapti hoti hai. mithun: is lagn men yadi shani ashtamesh ya navmesh hota hai. yah jatak ko dirghayu banata hai. karka: is lagn men shani ati akarak hota hai. sinh: is lagn men yah shashth evan saptam ghar ka svami hota hai. is sthiti men yah rog evan karj deta hai tatha dhan ka nash karta hai. kanya: is lagn men shani pancham tath shashth sthan ka svami hokar samanya fal deta hai. yadi is lagn men ashtam sthan men nich rashi ka ho to vyakti ko karorpti bana deta hai. tula: is lagn ke lie shani chaturthesh tatha panchmesh hota hai. yah atyant yogkarak hota hai. vrishchikah is lagn men shani tritiyesh evan chaturthesh hokar akarak hota hai, kintu bura fal nahin deta. dhanu: is lagn ke lie shani nirmal hone par dhandayak hota hai, lekin ashubh fal bhi deta hai. makr: is lagn ke lie shani ati shubh hota hai. kunbh: is lagn ke lie bhi yah ati shubh hota hai. minah shani min lagn valon ko dhan deta hai, lekin svasthya ke lie hanikarak hota hai. bhav ke anusar shani ka fal- pratham bhav men shani tantrik banata hai, kintu sharirik kasht deta hai aur patni se matbhed karata hai. dvitiya bhav men shani sanpÿia deta hai, lekin labh ke srot kam karta hai tatha vairagya bhi deta hai. tritiya bhav men shani parakram evan purusharth deta hai. shatru ka bhay kam hota hai. chaturth bhav men shani hriday rog ka karak hota hai, hin bhavna se yukt karta hai aur jivan niras banata hai pancham bhav men shani rogi santan deta hai tatha divaliya banata hai. shashth bhav men shani hone par chor, shatru ya sarkar jatak ka koi nuksan nahin kar sakta hai. use pashu-pakshi se dhan milta hai. saptam bhav men sthit shani jatak ko asthir svabhav ka tatha vyabhichari banata hai. uski stri jhagralu hoti hai. ashtam bhav men sthit shani dhan ka nash karata hai. iski is sthiti ke karan ghav, bhukh ya bukhar se jatak ki mrityu hoti hai. durghatana ki ashanka rahti hai. navam bhav men shani jatak ko sannyas ki or prerit karta hai. use dusron ko kasht dene men anand milta hai. 36 varsh ki umra men uska bhagyoday hota hai. dasham sthan ka shani jatak ko unnati ke shikhar tak pahunchata hai. sath hi sthayi sanpÿia bhi deta hai. ekadash bhav men sthit shani ke karan jatak avaidh sroton se dhanoparjan karta hai. uski putra se anaban rahti hai. dvadash bhav men shani apni dasha-atanrdasha men jatak ko karorpti banakar divaliya bana deta hai. laghu kalyani ya dhaiya jab shani gochar men janm rashi se chaturth bhav men bhraman karta hai to is avdhi ko laghu kalyani dhaiya kaha jata hai. do varsh chah mah ki is avdhi men jatak ko adhik kasht nahin hota hai. thori mansik pareshani hoti hai. kintu yadi shani tula, dhanu, makar, kunbh ya min ka ho to bhavan aur vahan deta hai. dhaiya ke anya shubhashubh fal: jab shani gochar men janm rashi se ashtam bhav men jata hai to vyakti vat rog se grast hota hai. uske pairon men dard ki sanbhavna hoti hai, lekin dasha evan mahadsha achchi ho to dard ka anubhav nahin hota hai. kanya lagn vale ko yah dhaiya apar sanpÿia deti hai, kyonki dvitiya bhav par shani ki uchch drishti hoti hai. shani ki sarhe sati: dirghayu logon ke jivan men sarhe sati tin bar ati hai. prathmbar ki sadhe sati jatak ke sharir evan man-bap ko prabhavit karti hai. dvitiya sarhe sati karya, ruchi, arthik sthiti evan patni par prabhav dalti hai. tritiya sarhe sati jatak ke svasthya par atyadhik prabhav dalti hai. kisi-kisi jatak ki mrityu bhi ho jati hai. sarhe sati ka bhi anukul prabhav: shani ki sarhe sati hamesha ashubh hi ho, yah jaruri nahin. apne vibhinn charnon men yah shubh fal bhi deti hai. vibhinn rashiyane men iske shubh prabhav ka vishleshan yahan prastut hai. mesh: is rashi ke logon ko antim dhai varshon ke dauran shubh fal milta hai. vrish: is rashi valon ke lie madhya tatha ant ke dhai varsh shubh hote hain. is dauran jatak ki unnati hoti hai aur us sanpÿia ki prapti hoti hai. mithun: is rashi ke lie aranbh ke dhai varsh anukul hote hain. is dauran jatak ki tirth yatra hoti hai evan shubh karya par dhan kharch hota hai. karka: aranbh ke dhai varsh shubh hote hain. sinh: ant ke dhai varsh shubh hote hain. kanya: ant ke dhai varsh shubh hote hain, arthik kasht nahin hota hai. tula: madhya ke dhai varsh shubh hote hanai. vrishchik: aranbh ke dhai varsh shubh hote hain. dhanu: madhya ke dhai varsh shubh hote hain. makr: aranbh tatha ant ke dhai varsh shubh hote hanai. kunbh: madhya evan ant ke dhai varshon ke dauran sukh-shanti milti hai. min: is rashi ke lie madhya ke dhai varsh shubh hote hanai. vishesh: is tarah dhaiya evan sarhe sati shubh tatha ashubh donon fal pradan karti hain. lekin jab gochar men shani tritiya, shashth ya ekadash bhav men pravesh karta hai to purn anukul fal pradan karta hai. shani ki kuch anya sthitiyon ke shubhashubh fal- tritiya bhav ka shani svasthya labh, aram tatha shanti pradan karta hai. sath hi, shatru par vijay dilata hai. shashth bhav ka shani saflta, bhumi bhavan, sanpÿia evan rajya labh karata hai. ekadash bhav ka shani padonnati, labh tatha man samman men vriddhi karata hai. sath hi bhumi tatha mashinri ka labh deta hai. jin jatkon ke janm kal men shani vakri hota hai ve bhagyavadi hote hain. unke kriya-kalap kisi adrishya bhakti se prabhavit hote hanai. ve ekantvasi hokar prayah sadhna men lage rahte hain. dhanu, makar, kunbh aur min rashi men shani vakri hokar lagn men sthit ho, to jatak raja ya ganv ka mukhiya hota hai aur rajtulya vaibhav pata hai. dvitiya sthan ka shani vakri ho to jatak ko pradesh tatha videsh se dhan ki prapti hoti hai. tritiya bhav ka vakri shani jatak ko gurh vidyaon ka gyata banata hai, lekin mata ke lie achcha nahin hota hai. chaturth bhavasth shani matri hin, bhavan hin banata hai. aisa vyakti ghar-grihasthi ki jimmedari nahin nibhata aur ant men sannyasi ban jata hai. lekin, chaturth men shani tula, makar ya kunbh rashi ka ho to jatak ko purvajon ki sanpÿia prapt hoti hai. pancham bhav ka vakri shani prem sanbandh deta hai. lekin jatak premi ko dhokha deta hai. vah patni evan bachche ki bhi parvah nahin karta hai. shashth bhav ka vakri shani yadi nirbal ho to rog, shatru evan rin karak hota hai. saptam bhav ka vakri shani pati ya patni viyog deta hai. yadi shani mithun, kanya, dhanu ya min ka ho to ek se adhik vivahon athva vivahetar sanbandhon karak hota hai. ashtam bhav men shani ho to jatak jyotishi daivagya, darshanik evan vakta hota hai. aisa vyakti tantrik, bhutvidya, kala jadu adi se dhan kamata hai. navamasth vakri shani jatak ki purvajon se prapt dhan men vriddhi karta hai. use dharm parayan evan arthik sankat ane par dhairyavan banata hai. dashamasth shani vakri ho to jatak vakil, nyayadhish, bairistar, mukhiya, mantri ya dandadhikari hota hai. ekadash bhav ka shani jatak ko chaplus banata hai. vyay bhavasth vakri shani nirdayi evan alsi banata hai. shani dosh nivaran ke saral upay shanivar ko suryoday se purva snanadi se nivriÿa hokar gur mishrit jal pipal ke vriksh ki jar men den evan sham ko til ke tel ka dip pipal ke niche jalaen. agar jatak ko kasht bahut ho, to use shanivar ko bhojan men namak nahin lena chahie aur acharan pavitra rakhna chahie ghar men dasharath krit shani stotra ka path shraddhapurvak karen. jab tak shani ki mahadsha antardasha, sarhe sati athva dhaiya ka prakop ho, tab tak mans, machli, sharab adi ka sevan n karen. kaue evan kale kuÿo ko prati din ek bar bhojan den. s kale ghore ki nal ki anguthi saptah bhar gobar men rakhakar pavitra karen aur fir use bayen hath ki madhyama men shanivar ko dharan karen. yathashakti kale urad, kale til, kulthi, loha, kale kapre, jute aur chate dakshina sahit dan karen. shanivar ko brahmacharya ka palan karen.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.