यही है सदाशिव का प्राच्य पूजन केंद्र

yahi hai sadashiv ka prachya pujan kendra  

Ank ke aur Lekh | Sambandhit Lekh | Views : 2114 |  
yahi hai sadashiv ka prachya pujan kendra dae. rakesh kumar sinha ‘ravi’ ratavarsh men mandiron ka itihas ati prachin, gaurvpurn aur vishisht raha hai. sanatan devi devtaon ke samman men banae jane vale in mandiron ki sankhya desh bhar men kitni hai yah batana ek duruh karya hai, par dharmagya is tathya par ekamat hain ki desh men sarvadhik pujan sthal bhole bhandari ke hain jinhen vishishtata v mahanta ke adhar par adar v samman dete hue samast bhartiya devon men mahadev kaha gaya hai. sanpurn desh men kanyakumari se kashmir tak aur saurashtra se asam tak anekanek prachin shiv mandir hain par inmen prachinatam mandir hai magadh ka barabar parvat par avasthit siddheshvar nath mahadev mandir jo aj bhi puratan shilpakritiyon se mahimamandit prachin adarshon se yukt pujan paranpra ko apne men samete hue hai. yah mahabharat kalin jivant kritiyane men ek hai aur ise siddhanath tirth ke rup men bhi nirupit kiya gaya hai. sakshyon ke adhyayn-anushilan se gyat hota hai ki mahabharat kalin sthal shringverpur aur hastinapur men bhi shiv mandir vidyaman the parantu aj tak jis shiv mandir ka astitva us kal se barkar hai vah hai siddheshvar. vaise bareli ke nikatasth ramanagar men bhi i. shati ke praranbh ke shiv mandir ke avshesh milte hain. sath hi rajgir ke panchaparvaton men ek vaimar parvat par bhi ek prachin shiv mandir ke sakshya milte hain jo samrat jarasandh ki shivabhaktit ka pratifal kaha jata hai. par prapt vivaran, sthan-darshan aur murÿashilp ke adhyayan se spasht hota hai ki desh ke prachinatam mandiron men sarvapramukh shri siddheshvar nath mahadev mandir hai. bharatavarsh ke puratan aitihasik parvaton men ek barabar ke sarvochch shikhar (lagabhag 1100 fut uncha) par avasthit is mandir ki sthapna katha baliputra van se jori jati hai, jise vanasur bhi kaha gaya hai. gaya, patna relve lain par avasthit belaganj relve steshan se 92 kimi. dur barabar parvat ke shikhar par yugon-yugon se pujit shri siddheshvar nath ko nau svayam nathon men pratham bataya jata hai. inki pujan katha shivmantra vanasur se sanbandhit hone ke karan ise ‘vaneshvar mahadev’ bhi kaha jata hai. siddhanath shikhar se lagabhag do mil uÿar pashchim ‘kauadol parvat’ par bhi ek prachin shiv mandir virajman hai par yah aitihasik tathya purnataya satya hai ki mahabharat kal se jagrat shaiv tirth ke rup men siddheshvar nath pratham hanai. vanasur ke bad uski putri usha dvara is sthan men nitya pujan ka vivaran milta hai jise maukhri vansh ke jamane men mandir ka rup diya gaya. vidvanon ka manna hai ki purva mandir ke anurup hi naya mandir banaya gaya. jaisa ki barabar parvat ke aitihasik saptagufaon men vapik gufa ke ek taraf ankit shila par tathyon se gyat hota hai, iski sthapna yoganand namak brahman ne ki thi. mandir parikshetra men pashan kharo par ki gai utkirn kalakriti is pure kshetra ko prachya shivaradhna kshetra ke rup men sthapit karta hai. ek anya mat ke anusar adikal men magagh men kaul sanpraday ka jo varchasva tha, uska kendra isi parvat ko bataya jata hai. inhin kaul mahapashanikon ke pujan kendra ke rup men siddheshvar ka nam bhi ata hai. is prakar iski prachinta i. pu. 600 i. ke lagabhag svikari jati hai. dhyatavya hai ki pure desh men sadashiv ke anekanek sthan hain par yah sthal utna hi prachin hai jitni hamari sabhyata v sanskriti. n sirf dharm varan sabhyata sanskriti v itihas-puratatva se sarokar rakhne valon ke lie barabar prachya kal se ek sadabhar sairgah hai jahan sal bhar bhakton v paryatkon ka agaman hota rahta hai. shri vasant panchmi, maha shivratri, pure shravan aur anant chaturdashi ko bhakton ke agaman se yahan mela lag jata hai. itihas hai ki pal kal men bhi is mandir ka nav shringar karaya gaya aur madhyakal men bhi yahan ki utkrishtata bani rahi. angrejon ke karyakal men jab saton aitihasik gufaon ka pata chala tab ek bar fir siddheshvar mandir ke vikas ka naya marg prashast hua. aj yahan tak jane ke lie sirhi v durust marg ban jane se bhakton ko janen men koi pareshani nahin hoti. kul milakar yah kahna samichin jan parta hai ki sanpurn desh ke prachinatam shiv mandiron men barabar parvat ke siddheshvar nath pratham sthan par virajman hain jahan parva tyoharon, khasakar shiv devta se jure parva-tyoharon ke avasar par dur-dur se bhakton ka agaman hota hai. sachmuch prakriti darshan aur shaiv astha ka virat satra barabar ek yugyugin tirth sthal hai, jahan ke bhraman darshan ki bat varshon jivant bani rahti hai. shraddha v adar ki drishti se barabar ko ‘‘magagh ka himaly’’ kaha jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


baglamukhi visheshank  March 2008

baglamukhi ka rahasya evan parichay, baglamukhi devi ka mahatmya, baglamukhi tantra mantra evan yantra ka mahatva evan upyog, baglamukhi ki upasna vidhi, baglamukhi upasna men samagriyon ka mahatva is visheshank se jana ja sakta hai.

Subscribe

Apne vichar vyakt karein

blog comments powered by Disqus
.