jivan men safal hone ke samanya niyam (0 views)

jivan ki viprit paristhitiyon men jo vyakti samasyaon ka samna karne ki pravriti rakhta hain unka dhire-dhire samadhan nikalta hain. vah vyakti nishchit rup se jivan men age barhta hain. iske viprit jo vyakti samasyaon se bhagne lagta hai. vah apne sarvanash ko amantrit karta hain. aise vyakti ko satsang men jana shuru karna chahie. satsang se agla kadam sadhna hain. aise vyakti ko sadhna karni chahie. jis din ham samasyaon men hone par unka samadhan nikalna shuru karenge us din hamare mukhya grah shubh hokar fal dene lagenge. tatha jis din ham aisa n karke apne du:kh men dube rahenge us din hamare vishesh grah anukul fal nahin de payenge. karm kamjor hone par bhagya bhi sahyog nahin karta hain. jivan ki vibhinn avdhiyon men aise yog bante hai jismen karmavadi banna jivan ko viprit paristhitiyon se nikalakar age lekar jata hain. kuch varsh aise hote hai janm bhagya karm ke adhin ho jata hai. aise varshon men karm ko hi bhagya manna hoga. bhagya karm ka hi parinam hain. isilie tinon prakar ke karmon ko hamen karte rahna chahie. karm sadaiv se bhagya se shreshth raha hain. svayan ko bhagya ke bharose chor dena karmahinta hain. anushthan aur upay apka bhagyoday nahin kar sakte. islie karm karte rahna hoga. seva karya karne se vyakti vinamra hota hai. kundli ka mangal thik karna ho to dharm sthan par saf-safai karen. isse vyakti men vinamrata ayegi aur mangal shant hoga. ashubh grah yadi adhik shaktishali ho jaen to rajyog aur anya shubh yog apni purn fal nahin de pate hain. grah yog ka fal dekhne ke lie navansh kundli ka bhi bariki se adhyayan karna chahie. navansh men in grahon ki sthiti kaisi hai. yah bhi dashaon men milne vale fal par nirbhar karta hai.