shreshth abhibhavak banne men jyotish kis prakar sahyog kar sakta hain? (0 views)

jivan ke du:khon ke karnon ki jigyasa vyakti ko jyotish ki or khinch lati hain. yahi jigyasa vyakti ko jyotish men bahut kuch sikhati hain aur jiska labh vyakti ko svayan ko to milta hi hai sath hi iske dvara vyakti anyon ka bhi kalyan karta hain. kisi ghatna ke ghatit hone ka samay kya hoga? iske lie kundli ke grah yog dekhe jate hai. bhartiya jyotish ki ganna bahut gahri aur barik hain. svayan ko jyotish se jorne matra se ap vishesh ho jate hain. lagn kundli ke bad, navmansh kundli mahatvapurn hoti hai. iske bad dasha aur gochar dekha jata hain. gochar men badlav ke sath hi soch arthat paristhitiyon men badlav hota hain. bhachakra men grah sthiti men parivartan hone par hamare jivan ki ghatnaen svat: badlne lagti hain. yah badlav hamari soch ki disha bhi nirdharit karta hai. jyotish sikhne ke lie tatpar hai to sarvapratham prat: pujan ke bad panchang dekhne ki adat ralen. pratidin panchang ki jankari hona bhi jyotish ko gahrai se samjhne men sahyog karega. shuddh faladesh karne ke lie gochar ki sukshm jankari avashyak hain. gochar hamen dirghakal ke faladesh karne men bhi sahyog karta hain. dashaon se sthul ghatnaon ko jana ja sakta hain. parantu in ghatnaon ka sahi kram aur samay janne ke lie gochar aur nakshatron par majbut pakar honi chahie. faladesh karte samay grah jiski rashi men sthit ho uske svami ke gunon ka bhi dhyan rakhna chahie. nakshatron par bariki se samay dekar faladesh men shuddhata ka star barha sakte hai.

jyotish ka ek bahut bara upyog bachchon ke palan poshan men kiya ja sakta hain. aj ke samay men shreshth palan poshan kaise kiya jae iske lie bachchon ko samjhne ke sthan par mata-pita ke svabhav ko samjhna hoga. jyotish men ismen bahut mahattvapurn bhumika nibha sakta hain. ham log aj apne bachchon ko achchi shiksha nahin de pa rahe hen. achche sanskar nahin de pa rahe hen. achcha palan poshan nahin de pa rahe hain. iska karan hai ki ham aj bachchon ke man ko nahin samajh pa rahe hain. bachchon ke man ko samjhne ke lie ham jyotish ka sahyog le sakte hain.