jyotish aur adhyatm kaise karya karte hain. (0 views)

jyotish purnata: vaigyanik hain. jyotish manav kalyan ka ek bahut bara sadhan hain. iska prayog kar vyakti svayan ko shreshth bana sakta hai. jyotish n keval bhavishya ko samjhne ka sadhan hain balki yah man ko samjhne ka sabse mahatvapurn sadhan hain. jo vyakti apne man par niyantran rakhne lagta hai vah apne jivan ki sabhi gatividhiyon par niyantran kar leta hai. aisa vyakti apne bhagya ka nirman svayan karne lagta hai. jyotish hamara jivan behatar bana sakta hai. shreshth abhibhavak banne men jyotish hamara sahyogi ban sakta hai. yah bhi atal satya hai ki jyotish ke dvara purn bhavishya nahin jana ja sakta hain. isilie bhavishya purnata: nirdharit nahin hai. hamari sima rekhaen nirdharit hai. jivan men in simaon se bahar jakar ham karya nahin kar sakte hain. in sima rekhaon men ham svatantra rup se vicharan karte hain. isi vicharan ko niyantrit karne ke lie jyotish ki jarurat hain. jyotish men adhyatm ka prayog kar jyotish se jani gai samasyaon ka samadhan adhyatm ke dvara kiya ja sakta hai.

adhyatm karmavadi banata hai aur jyotish vyakti ko anshik rup se bhagyavadi banata hai. bhagya nirdharit nahin hain aur n hi vah nirdharit ho sakta hai. isi prakar jivan ka ant bhi nirdharit nahin hain. adhyatm ke dvara ap apne jivan ke ant ko bhi tin bar badal sakte hai aur prachin rshi, yogi evan adhyatm shastri jivan ke ant ko isse bhi adhik bar badal sakte hai. yadi ishvar ya rishiyon ko jyotish ke dvara yah malum hota ki jivan ka ant kis prakar hoga to fir dharm karm kriyaon, mantra, upay, puja path kyon jata. parantu aisa nahin hain. bhagya ko karm aur vivek se badla ja sakta hai.