नये जीवन की ओर

naye jivan ki or  

Ank ke aur Lekh | Sambandhit Lekh | Views : 890 |  
pratyek manushya jivan men anek prakar ke nae sapne dekhta hai aur nai umangon, akankshaon aur ashaon ke sath jivan path par khushiyan hasil karne ke lie prayas karta hai lekin kabhi aisa bhi ho jata hai ki hanste khelte jivan men kuch aisi anhoni ho jati hai ki sab kuch hath se fislta sa pratit hota hai aur aisi sthiti ke bad yadi vah anayas hi apni vipatti se chutkara pa jae to jivan ki khushi dugni ho jati hai. aisi sthiti ko har prani chamatkar ya ishvar kripa se kam nahin manta. kuch aisa hi hua, akash, neha aur vikas ke sath. aie, janen........... ushakalin surya ke darshan karna bahut hi achcha lagta hai. yah usha sukhad aur bahut hi paejitiv lagti hai. jis tarah har vyakti rat ko kam khatm karne ke bad thak kar naye sapne sanjo kar sota hai aur pratah uthakar in soche hue sapnon ko sakar karne men jut jata hai usi tarah har naya varsh bhi hamare lie nayi ashaen, naye vichar, naye sankalp, nayi yojnaen aur naye shikhar lekar ata hai. ham varsh ke ant men yahi sochte hain ki jo galtiyan is varsh men hui, naye varsh men n hon aur jo kam is varsh men pure nahin hue, ve kam kamar kas kar agle varsh men sanpann karne ke lie taiyar ho jaen. isi prakar bachche yah yojna banate hain ki naye varsh ka agaz kisi sundar sthan par kiya jae jisse ki aranbh se hi sab kuch khushnuma rahe. akash ki lanbe arse se thailaind jane ki dili khvahish thi. usne apne janm din par naya varsh thailaind men manane ka gift manga. uske papa vikas ne uski khushi dekhte hue sasti dar ki tikat milne ke karan aktubar men hi thailaind ki tikat buk kara di thi aur akash se vada le liya tha ki vah man laga kar parhega aur apni pariksha men e gred lakar dikhaega. vah pure manoyog se apni parhai men juta hua tha ki ek rat sote hue achanak usko murcha a gai aur usi dauran usne kafi hath pair mare aur uske munh se jhag niklne lagi. pas men so rahi bahan ko jaise hi pata chala, usne mammi-papa ko jagaya aur unhen laga ki pet men kharabi ya kam nind ke karan aisa hua hai. agle din jab daektar ko dikhaya to unhonne em. ar. ai karvane ki salah di. em. ar ai men rirh ki haddi ke upar ek ganth hone ka andesha hua. dubara edvans em. ar ai karane par pata chala ki akash ki gardan ke niche ek ganth hai jo kainsar bhi ho sakti hai aur daektaron ke anusar uska fauran aepreshan hona chahie. akash ke mata-pita to yah sun kar sann rah gaye aur unke hosh ur gaye. itne chote bachche ko kainsar ! abhi to navin kaksha men parh raha hai, kitne sapne dekhe hain unhonne uske lie. unhen sab sapne tutte- se dikhne lage aur akash ki mammi neha ka to ro- rokar bura hal tha. akash ke aepreshan ki tarikh agle hi saptah men rakhi gai. kahan to vah thailaind jane ki taiyari kar raha tha kahan ab aspatal men bharti hona para. akash bahut hi mayus ho gaya tha sabke utre hue chehre use aur mayus bana rahe the. tabhi kisi ne vikas aur neha ko jyotishiya salah lene ki salah di. jyotishi ne ashvasan diya ki is balak ki dirghayu hai aur islie is par aya bara sankat nishchit rup se tal jaega. bhale hi daektar kuch bhi kahen kyonki iski janmapatri men kisi bhi prakar ke khatre ka koi sanket nahin hai. balak par ae sankat ko talne ke lie unhen mahamrityunjay yagya karne ki salah di gai. aspatal jane ke pahle hi ikkis panditon ke sath atyant jor shor se mahamrityunjay yagya ka aranbh kiya gaya aur karib 4-5 din ke andar atyant garimapurn aur shuddh uchcharan se hue sava lakh mantron ke yagya ki purnaahuti pandit ji ne akash ke ghar par hi di. isi dauran akash ka apreshan bhi aspatal men ho gaya aur purnahuti ke agle din akash ke dubara taist karae gaye to sabhi log chakit rahe gaye kyonki uski sabhi riport bilkul sahi thi. kisi ko bhi ek bar to vishvas nahin hua aur daektaron ne dubara do din bad janch ki to fir se sabhi taist riport sahi ane par vikas aur neha ki khushi ka thikana n raha. unhonne shiv ji ko lakh-lakh dhanyavad diya. sath hi pandit ji ki tim ka jinki puja ne unke bete ko abhydan diya tha. mantron ki shakti adrishya hote hue bhi sakshat rup se unhen darshan de rahi thi. abhi akash daktaron ki nigrani men hai aur disanbar men thailaind ke daure ke bare men naye-naye plan bana raha hai aur usne daektaron se bhi vahan jane ki anumti le li hai. use andheri rat ke bad subah ki jivndayini kirnen bari suhavni lag rahi hain. uske lie naya varsh ek naye jivan ka sandesh lekar a raha hai aur naye bhavishya ki or le ja raha hai. aiye, karen akash, neha aur vikas ki kundliyon ka avlokan aur jane unke jivan men ghatne vali in apratyashit ghatnaon ka karan. shastron men likha hai ki vyakti ko is janm men kiye gaye karyon ka hisab agle janmoen men chukana parta hai aur is janm ke dukh sukh pichle janmon men kiye gaye karmon ka hisab hai. chote bachchon ka bhagya bhi mata-pita ke bhagya, unke purva janmon v mata-pita ke is janm ke karmon se bandha hota hai. akash ki kundli men lagnesh surya nichasth hai. shukra akarak aur kendradhipti dosh se grasit hokar chaturth bhav men baithakar aur balvan ho gaye hain aur pratikul prabhav de rahe navansh men bhi svagrihi hone se shukra aur adhik balshali ho gaye hain. shashthesh shani rog ke svami hokar apne hi ghar men kendrasth hai. chandra ke sath ketu navam bhav men grahan dosh se dushit hanai aur shani ki drishti men hai. chandra kundli ki bat karen to chandra se ashtam bhav men guru shukra aur mangal baithe hain aur chandra se rog bhav ke svami arthat shashthesh budh ast hokar surya ke sath saptam bhav men sthit hai. ab gochar men dekhen to guru chandra se dvadash bhav men tatha lagn se ashtam men aur shukra aur budh bhi chandra se ashtam men gochar kar rahe the isilie akash ke svasthya par pratikul prabhav para aur use kainsar ki ashanka men aspatal jana para. parantu akash ko purn ayu prapt hogi kyonki - 1. ashtamesh guru karak hokar ashtam bhav ko purn drishti se dekh rahe hain. 2. ayu karak shani svagrahi hone se balvan hai. islie akash ki ayu ko koi nuksan nahin ho sakta. 3. shubh grah guru, shukra v chandra lagnesh kendra men sthit hai. 4 lagnesh surya nich ke hote hue bhi navansh men uchch rashi men hai. islie uski rog pratirodhak kshamata achchi hai aur gochar ke grah pratikul hote hue bhi use bimari ko lanbe samay tak nahin jhelna para aur sahi samay par sahi upchar mil gaya. akash ki mammi neha ki kundli ke anusar uski sarhe sati chal rahi hai, panchmesh shani lagn se dvadash bhav men tatha chandra se dvitiya arthat marak bhav men baithe hain aur us par janmasth shani aur rahu ki purn kudrishti bhi hai. lekin sath hi guru ki drishti bhi hone se unke putra ka bachav ho gaya aur kuch kharcha karvane ke bad rog ka shaman ho gaya. isi tarah akash ke pita vikas ki kundli men bhi sarhesati chal rahi hai. lagnesh shani lagn se ashtam sthan men janmakalin rashi par gochar kar rahe hain tatha us vakt panchmesh budh bhi chandra se dvitiya marak bhav men ast budh tatha nichasth surya ke upar gochar kar rahe the arthat inhen bhi mrityu tulya kasht se gujrna para. guru ki drishti ne sanjivni buti ki tarah tinon kundliyon men sthit pratikul grahon ke gochar se bachav kiya aur yogya panditon dvara kiye gaye sava lakh mahamrityunjay mantron ke jap ne bhi akash ko ek suraksha kavach pahna diya aur aspatal men kiya gaya sabhi upchar thik raha aur akash chamatkrit dhang se kainsar jaisi asadhya bimari se mukt ho gaya. mantra hamare jivan men ek adrishya dhal ki tarah kam karte hain aur jab unka uchcharan sahi vidhi aur sahi dhang se kiya jae to nishchit rup se manovanchit lakshya ki prapti men madad milti hai. sarva mangal mangalye shive savarth sadhike sharanye trayambake gauri narayni namo'stute.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.