ग्रह योग कराते हैं विदेश यात्रा

grah yog karate hain videsh yatra  

Ank ke aur Lekh | Sambandhit Lekh | Views : 10042 |  
vartaman yug men yatayat evan sanchar ke adhunik sadhnon ke falasvarup pura vishva simat kar ek vaishvik gram yani global vilej ka rup le chuka hai. niahsandeh videsh-yatraen bhi pahle se asan hui hain tatha isi lie logon men videsh gaman ki lalsa bhi barhi hai. parantu sabhi logon ki videsh jane ki yah chah puri nahin hoti. jahan kuch logon ko bina kisi vishesh prayatn ke hi videsh bhraman ke avasar prapt ho jate hain, vahin kuch log ghor prayas ke bavjud isse vanchit rah jate hain. kuch log to sthayi rup se hi videsh men bas kar khub dhanarjan evan yash prapt karne men safal hote hain. anek log aise bhi hote hain jo videsh jate to hain par videsh ki dharti par unhen apman, niradar, tiraskar evan duahkh ke siva kuch bhi prapt nahin hota. janm kundli men maujud vividh grah-yog in sabhi sthitiyon ke liye jimmevar hote hain. videsh bhraman ki sanbhavnaon ke nirdharan hetu janm kundli men nimn sthitiyon evan grah-yogon ka adhyayan avashyak hai: 1. lagn evan lagnesh: kundli ka pratham bhav sharirik svasthya ke atirikt vyakti ki mansik sthiti ko bhi vyakt karta hai. lagn evan navansh lagn men char rashi ka hona tatha lagnesh ki char rashi men upasthiti vyakti ki yatra ke prati tivra utkantha pradarshit karti hai. aise men lagn evan lagnesh ka yatra karak grahon aur tritiya bhav se sanbandh jatak ko uske janm sthan tatha sthayi nivas se dur jane ko prerit kar videsh yatraen karata hai. 2. tritiya evan chaturth bhav: janm kundli men chaturth bhav janm sthan evan sthayi nivas ka dyotak hai. pap prabhav ya anya kisi bhi prakar se is bhav ya iske svami ki hani jatak ko uske janm sthan ya sthayi nivas se dur le jati hai tatha videsh yatra ka marg prashast karti hai. kundli ka tisra bhav chaturth se barhvan hone ke karan chaturth ka vyay sthan hai. atah tritiya bhav bali ho kar chaturth bhav ki hani karta hai aur jatak ko sthayi nivas se dur karta hai. is prakar tritiya bhav, tritiyesh tatha iske karak grah mangal ki kundli men balvan sthiti aur tritiya bhav men char rashi ki upasthiti videsh yatra ke yog banati hai. iske viprit kundli men chaturth bhav ki balvan sthiti tatha is par shubh grahon ki drishti jatak men yatraon se parhej karne ki pravritti paida kar uske lie ghar men hi sukhpurvak rahne ki sthitiyan utpann karti hai. 3. saptam bhav: kundli ke saptam bhav se vyavsayik tatha anand prapti hetu paryatan sanbandhi ki gayi yatraon ka vichar kiya jata hai. yadi saptamesh ka navmesh, dvadshesh ya tritiyesh se sanbandh ho to vyavsay ke lie videsh yatraen hoti hain. saptamesh evan shukra ki yuti tritiya, navam aur dasham bhavon men hone par vivahoprant anand prapti hetu videsh yatraon ke yog bante hain. 4. ashtam bhav: ashtam bhav samudra ka dyotak hai. atah ashtam bhav se samudri yatraon ka adhyayan kiya jata hai. vartaman samay men samudra se yatra bahut kam hi hoti hai; atah kal evan paristhiti ke anusar vartaman men aisi yatraon ko videsh yatraon ke rup men hi dekha jata hai. ashtam bhav tatha ashtamesh par pap grahon aur jaliya rashiyon ke prabhav se videsh yatraen hoti hain. ashtam men surya bhi videsh yatra karata hai. am taur par ashtam bhav ke prabhav men ki gayi yatraen kashtaprad hoti hanai. kabhi-kabhi is prakar ki yatraen svasthya labh ya bimariyon ke ilaj hetu bhi ki jati hain, visheshakar un paristhitiyon men jab ashtam bhav shashtham ya shashthesh se sanbandh sthapit karta hai. 5. navam bhav: navam bhav videsh yatra ki drishti se ati mahatvapurn hai. isse lanbi yatraon ki sthitiyon ka adhyayan kiya jata hai. yadi navam bhav men char rashi ho, navmesh char rashisth ho, navam bhav men char rashiyon ke svami grah sthit hon tatha navam bhav evan navmesh char grahon ya yatrakarak grahon se drisht hon to videsh yatraen hoti hanai. navmesh ki tritiya, navam ya dvadash bhav men sthiti bhi videsh yatra karati hai. yadi navam bhav men budhaditya yog ho tatha us par brihaspati ki shubh drishti ho to nishchay hi videsh yatra hoti hai. 6. dvadash bhav: dvadash bhav videsh yatra ka vishisht sthan hai. navam se chaturth hone ke karan yah bhav videsh ki bhumi ya videsh ke avas ko vyakt karta hai. is bhav se videsh gaman tatha videsh men rahne ka nirnay kiya jata hai. 7. videsh yatra ke karak grah: videsh yatra ke mukhya karak grah chandrama, brihaspati, shani evan rahu hain. chandrama se mukhyatah choti evan samudrik yatraon ka vichar kiya jata hai jabki brihaspati evan shani bari videsh yatraon ke karak hanai. rahu se rajnitik, kutnitik evan gopniya yatraon ka vichar kiya jata hai. kuch vidvan shukra ko videsh yatra ka vishesh karak mante hain. mangal ke prabhav men mukhyatah sarak marg se yatraen hoti hain. uparyukt sabhi bhavon, bhav svamiyon evan yatra ke karak grahon ke apsi sanbandhon ka adhyayan kar videsh yatra ki sanbhavnaon ka sahi sahi akalan kiya ja sakta hai. in bhavon, bhav svamiyon evan yatra karak grahon ke paraspar sanbandhon ke adhar par videsh yatra ke kuch pramukh grah yogon ka vishleshan is prakar hai: û lagn char rashi ka ho tatha lagnesh bhi kundli men char rashi men sthit ho aur lagn tatha lagnesh par char rashi men sthit kisi grah ki drishti par rahi ho to videsh yatra hoti hai. û tritiya, navam evan dvadash bhavon men char rashiyan hon, inke svami char navansh men sthit hon tatha in rashiyon men char rashiyon ke svami sthit hon to videsh yatra ke yog bante hain. û navam, dvadash evan tritiya bhavon ke bich sanbandh videsh yatra karata hai. û surya ashtam men ho to videsh yatra hoti hai. û shashtham ka brihaspati bhi videsh yatra karata hai. û lagn, dasham ya dvadash bhav men rahu ho to videsh yatraen hoti hain. û lagnesh navam men ho tatha navmesh lagn men ho to videsh yatra ke suyog prapt hote hain. û lagnesh evan navmesh apne apne gharon men hon to videsh yatra hoti hai. û dashmesh dvadash bhav men ho to videsh men karya karne ke yog bante hain. û lagnesh vyay bhav men ho tatha vyayesh lagn men ho to videsh yatra hoti hai. aisa dekha gaya hai ki dvadshesh evan lagnesh ke sanbandh se hone vali videsh yatraon men jatak ko aksar videsh men kathinaiyon ka samna karna parta hai. û dvadashasth lagnesh bhi videsh yatra ka yog banata hai. û dvadash bhav evan dvadshesh yadi pap prabhav men hon to videsh yatra hoti hai. û dvadshesh uchch ya bali ho ya dvadash bhav men uchchasth grah vidyaman hon to jatak videsh ki yatra karta hai. û navmesh ke dvadash bhav men uchch ke hone ki sthiti men jatak ko videsh men pratishtha prapt hoti hai. û dvadshesh yadi pancham bhav men ho to videsh men shiksha prapti ke avasar prapt hote hain. û chaturthesh yadi dvadash bhav men avasthit ho to videsh pravas ka yog banta hai. û lagnesh se barhven bhav ka svami yadi lagnesh ka shatru ya nichasth ho to videsh ki yatra hoti hai. û ashtam, navam ya dvadash bhav men uchch ka chandrama ho ya lagn men svagrihi chandra ho to videsh ki yatraen hoti hain. udaharan ke lie nimn kundli men videsh yatra sanbandhi yogon ka avlokan karte hain: nam: kumar paritosh, janm tithi: 16.08.1967, samy ah 4.20 aprahn, sthan ah shekhpura, bihar, deshantr: 85054’ purva, akshansh: 25007’ uttara udaharan kundli men lagn men dvisvabhav rashi dhanu avasthit hai, jo jatak ko satat bhramnshil banati hai. chaturth bhav men shani ki upasthiti evan chaturthesh ki ashtam bhav men maujudgi jatak ko uske sthayi nivas se dur rahne ka sanket deti hai. ashtam bhav men jaliya rashi evan navmesh surya ki upasthiti videsh yatra ka prabal yog bana rahi hai. dashmesh budh svayan ashtam bhav men baithakar budhaditya yog ka nirman kar raha hai. chunki ashtam bhav samudri yatraon ka pratinidhitva karta hai, atah kundli ke yogon ke anusar jatak lagatar samudri yatraen kar videsh bhraman karta rahega. jatak marchent nevi men ek uchchasth padadhikari hai tatha lagatar samudri yatraon ke madhyam se videsh bhraman karta rahta hai. is prakar kundli men maujud grah yogon ka adhyayan kar videsh yatra ki sanbhavnaon ka sahi pata kiya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2005

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.