is mira ka jivan us reshmi sari ki tarah hai jo use samay par mili to sahi lekin vakt se pahle hi vah sari chinna-bhinn hokar tar-tar ho gayi. aur use jitna saheja utna hi sanbhlne men n ai. aie dekhen is din-dukhiya ki grah sthitiyon evan dashaon ka jyotishiya vishleshan. abhi hal hi men meri mulakat divya se hui. divya se batchit ke dauran bahut si purani yaden taja ho gai. divya ne apni saheli mira ke bare men bahut kuch bataya aur uske bhavishya ke bare men puchne lagi to sab kuch chalchitra ki tarah ankhon ke samne ghumne laga.
divya aur mira bahut hi ghanishth saheliyan thi jo hamare paros men hi rahti thin. mira ka vivah choti umra men hi kar diya gaya tha. samay samay par mujhe divya se khabar milti rahti thi ki mira bahut khush hai. uska vivah kanpur men hua tha aur uske sasural vale kafi dhanadhya v susanskrit parivar se the, mira ka pati bhi atyant medhavi tha tatha apne ghar ke bijnes men hi karyarat tha. ek din sham ko achanak divya rote hue mere ghar ai, uski ankhe ro rokar suji hui thi. main isse pahle ki kuch samajh pati aur use santavana de pati, vah fut fut kar rone lagi aur bataya ki mira ka pati ‘rohit’ ek tren eksident men mara gaya hai. sun kar jabaradast dhakka laga ki itni choti si umra men itna bara hadsa kaise sahan karegi.
bad men pata chala ki rohit kisi kam se chandigarh gaya tha aur vapis ate hue uska pair tren se fisla aur vah sidha mrityu ko prapt ho gaya. vakai bara hi dardanak hadsa hua tha mira ke sath. us vakt mira aur rohit ki chah mah ki beti bhi thi. sasural valon ne mira aur uski beti sneha ko najron se bilkul bhi ojhal nahin hone diya aur unko pura pyar v har tarah se mansik sahyog pradan kiya.
chunki mira ke mata-pita ki arthik sthiti bahut achchi nahin thi islie sasural valon ne use apne mayke men bhi jyada din nahin rahne diya aur man-beti donon ko apne bachche se bhi adhik pyar diya aur use apni beti ki tarah rakhne lage. mira ki arthik sthiti to achchi thi par itni choti umra men rohit ka abhav bahut khalta tha tatha vah bahut bujhi-bujhi si rahti. uska dukh uske sas sasur se chupa hua nahin tha, ve bhi is bat se atyant dukhi rahte the ki unke bad mira ka kya hoga, uske samne to pahar-si jindgi hai.
islie unhonne mira ka dusra vivah karne ka faisla liya. samaj men pahle to iska virodh hua parantu jab unhonne apna paksh rakha to sabhi ne unke vishal hriday ki tarif ki. kafi chanbin ke pashchat mira ka dusra vivah sanjay se kiya gaya. sanjay ki pahli patni ka nidhan ho chuka tha tatha uska barh-terah sal ka ek beta tha. mira ki beti bhi ab 8 varsh ki ho chuki thi. mira ka kanyadan uske sasur ne kiya aur bilkul beti ki tarah use vida kiya. mira aur uski beti sneha ke lie naye ghar men samanjasya bithana kafi kathin tha. yah ghar unhen bilkul ajnbi sa lagta tha aur sanjay ka beta utsav bhi bahut nakaratmak soch rakhta tha.
vah mira aur sneha ko man aur bahan ke rup men bilkul svikar nahin kar pa raha tha, n hi vah mira ko apne pita sanjay ke sath dekh sakta tha. vah roj koi n koi bahana bana kar sanjay se mira ki shikayat karta aur unka jhagra karvata. vaise bhi vah ek kumar avastha ka larka tha tatha uske dil men navyauvan ke ankur janm le rahe the, aise men kisi navyuvti ke ghar men hone se uske hav-bhav bhi badal gaye the. mira ko samajh nahin ata tha ki vah utsav ko kaise sanbhalen.
pahle to uski harkton ko usne najar andaj kiya. par jab use laga ki pani sir se upar ja raha hai aur ab kuch n kuch to karna hi parega to usne sanjay se halke rup se utsav ke bare men kaha. sanjay apne bete ke bare men kuch bhi sunna nahin chahta tha aur use bete ki bajay mira men hi sari galti dikhai di. usne utsav ko dantne ki bajay mira ko hi ulta-sidha suna diya jisse utsav ko aur barhava mil gaya.
itne men hi divali ka tyauhar a gaya aur sanjay ne mira aur sneha ko apne man-bap ke ghar divali manane bhej diya. divali ke pashchat mira ne kai bar sanjay ko fon kiya aur vapis le jane ke lie kaha, lekin sanjay ne use vapis ane ke lie saf mana kar diya aur kah diya ki ab unka sath rahna sanbhav nahin. yah mira ke lie ek bahut bara jhatka tha. pati ka sukh dusri bar usse chin gaya tha. usne apni taraf se puri koshish ki thi, par vidhata ko shayad yah manjur nahin tha.
sneha bhi vahan jana nahin chahti thi. jaise hi uske sas-sasur ko pata chala, unhonne fauran unhen apne ghar bulva liya. ab mira aur sneha donon kanpur men hi hai. mira ne apne sasur ki faiktri men thora samay dena shuru kiya hai par vah ab bhi rohit ko yad karti hai. use ek aise sathi ki talash hai jisse vah apne dukh-dard bant sake, apne man ki bat kah sake aur jiske kandhe par sir rakh kar apne sare gam bhul jae. tis sal ki choti si umra men usne itna kuch dekh liya hai ki vah apni asli umra hi bhul jati hai lekin vah jab bhi akeli hoti hai
uska man kisi apne ke lie tarpta hai aur vah yahi janna chahti hai ki kya uski jindgi aise hi bitegi ya usmen kuch badlav aega. mira ki kundli ka avlokan karen to uski kundli men saptamesh mangal labhesh guru ke sath chaturth bhav men sthit hai tatha dhanesh budh se drisht hai. jiske falasvarup iska vivah ek dhanadhya parivar men hua. iske atirikt chaturthesh surya bhi dasham bhav men hai jo sasural ki achchi samajik sthiti ko bhi darshata hai. dashmesh aur bhagyesh shani ka panchmesh evan dhanesh budh se vinimay sanbandh hai aur yah bahu sundar rajyog bana raha hai.
lagnesh shukra labh bhav ekadash men apni uchch rashi men baithe hain. isilie mira ko kabhi bhi dhan ka abhav nahin hoga aur use apni mitron se bhi purn sahyog prapt hota rahega. is kundli men uchchasth lagnesh shukra tatha karmesh v bhagyesh shani ki ek dusre par purn drishti bhi hai jo ek atyant shubh raj yog bana rahi hai. yah rajyog mira ko atyant bhagyavan bhi bana raha hai. kyonki yahan lagnesh, panchmesh, karmesh, bhagyesh v labhesh sabhi ka apsi sanbandh ban raha hai.
isilie mira ka vivah ek dhanadhya parivar men hua tatha unhonne use tatha uski santan ko apna pura sahyog pradan kiya. vaivahik sukh ki drishti se mira ki kundli men anek tarah se grahon ki sthiti ashubh banti hai jiske karan use vaivahik jivan men kasht bhogne pare. mira ki kundli men saptamesh, saptam sthan tatha patikarak grah guru sabhi pap pirit sthiti men hai. saptam sthan par pap grah shani aur mangal ki purn drishti par rahi hai. ye dono grah naisargik pap evan krur grah hai. shani, vrish lagn ke lie yog karak hone ke sath hi badhak grah bhi hai, islie yogkarak shani hone ke bavjud shani aur mangal ki drishti adhikanshtah ashubh fal hi pradan kar rahi hai.
saptamesh grah mangal ki sthiti bhi ashubh grah rahu ke sath hone se pap pirit hai aur brihaspati bhi ashtamesh hone ke karan mangal ko koi shubhatva pradan nahin kar raha hai. stri jatak men chaturth bhav men shubh grah ka hona atyant avashyak hai tabhi use ghar ka sukh prrapt hota hai. parantu mira ki kundli men akarak grah guru pap grah mangal aur rahu ke sath pisa hua hai. parantu chaturth bhav ke svami surya evan budh ki drishti se mira ka do bar vivah hua. saptam ke karak guru ki sthiti ka akalan karen to vah bhi do ashubh grah rahu aur mangal ke sath sthit hai arthat guru bhi pap pirit hai.
aur iske sath-sath mangal algavvadi grah ketu ke nakshatra men sthit hai. kundli ke navansh men bhi saptamesh mangal apni nich rashi men uchchasth guru ke sath hai aur navansh men saptamesh surya barhven bhav men apne shatru grah shani ke sath shani ki rashi men baithe hain. saptam bhav se ashtamasth chandrama ko shani ki drishti bhi vaivahik sukh men ek bari arachan paida kar rahi hai. in sabhi karnon se mira ko sthayi vivah ka tatha apne pati ka sachcha sukh prapt nahin hua. mira ka pratham vivah mai 2001 men hua jab shani men shukra ki antardasha praranbh hi hui thi. mira ki janmakundli men shukra apni uchch rashi men baithe hain aur gochar men bhi us samay shukra min rashi men gochar kar rahe the aur shani vrishabh rashi se saptam bhav ko purn drishti se dekh rahe the.
vivah karak guru bhi gochar men saptam bhav ko purn drishti de rahe the tatha janmakalin guru bhavesh mangal ko purn drishti se prabhavit kar rahe the. arthat bhav, bhavesh tatha bhavkarak tinon shubh sthiti men the. islie mira ka vivah 21 varsh ki ayu men hi sanpann ho gaya. rohit ki mrityu ke samay mira ki shani men shukra ki antardasha v shani ki pratyantar dasha chal rahi thi aur shani ki sarhesati charam sima par thi. gocharasth shani janmasth mangal (saptamesh) ko drishti de rahe the aur mangal par kisi shubh grah ki drishti bhi nahin thi isilie mira ko pati-mrityu ki vedna se gujrna para.
dusre vivah ke samay shani men rahu ki antardasha v rahu ki hi pratyantardasha chal rahi thi. janmakundli men rahu saptamesh mangal ke sath sthit hai tatha gocharasth rahu mangal ko purn drishti de rahe the shani bhi gochar men mangal par gochar kar rahe the. islie rahu ki antardasha men vivah to hua par usmen mira bhramit hi rahi aur uska vivah safal nahin hua aur shani men rahu men shani ki pratyantar dasha shuru hote hi mira apne mayke vapis a gai aur fir lautakar vapis sasural nahin ja payi.
arthat shani ne badhak aur vakri hokar apni dasha men mira ke vaivahik jivan ko tahs-nahas kar diya aur apni janmasth v gocharasth donon sthitiyon se uske jivan men gahan uthl-puthal macha di. ajakal shani men guru ki antardasha ka antim daur chal raha hai. chunki guru chandra lagn se saptamesh hokar apne ghar ko dekh rahe hain. islie is avdhi tak mira ke jivan ka khalipan bharne ke lie shayad koi dost bhi uske jivan men dastak de sakta hai.
mai 2013 men budh ki mahadsha aranbh ho jaegi. budh ki dasha mira ke lie atyant shubh rahegi kyonki budh panchmesh v dhanesh hokar dasham bhav men vakri hokar baithe hain. is dasha men mira avashya hi koi bijnes kar sakti hai aur svatantra rup se use ek vistrit rup bhi de sakti hai