ayu ke kaun se varsh men kis rashi nanv khana nan. ke grah prabhavi honge pan. umesh sharma lal-kitab paddhati se faladesh karte samay is sutra ko dhyan men rakhna bhi avashyak hai. ismen bataya gaya hai ki ayu ka kaun sa varsh men kaun se khana tatha kaun si rashi ke prabhav men hoga.
kundali ka vistar purvak adhyayan karne ke lie yah sutra ek mahatvapurn jankari deta hai. ayu ke kis varsh men kaun si rashi v khana apna prabhav rakhta hai vah ek talika ke dvara vistar rup se bataya gaya hai. umra ke hisab se, asar ka khana nan0 dekhte jaain agar koi khana nan0 khali hi a jaye to us khali khana nan0 ki rashi ke svami grah jis khana men ho vah khana len magar yah vaham na karen ki ek hi khana ke grah kai bar kyon bole.
udaharan ke lie man len kisi jatak ka 25van varsh chal raha hai. uprokt talika ke anusar 25-27 varsh tak kanya rashi arthat kundli ke khana nan. 6 men sthit grahon ka prabhav hoga. aur agar khana nan. 6 khali ho to khana nan. 6 ka svami budh jis bhav men sthit ho us bhav ko vichar ke liye lanege.
kai bar ek hi bhav ek se jyada bar vichar karne ke lie bhi a sakta hai. grah ka asar har grah ke lie uski unch-nich halat, uska pakka ghar v uski apni rashi ka svamitva sada ke lie nishchit hai chahe vah kisi aur grah ki rashi men hi kyon n baitha ho.
udahrn: jaise ki mangal ki unch rashi makar hai aur nich rashi kark hai tatha vah ek v ath nan0 ki rashiyon ka svami hai evan uska pakka ghar tisra hai ab kundli men mangal kisi bhi khana v rashi men ho uska apni rashi adi se svamitva n hatega. isi prakar pratyek grah apni nishchit rashi men shubh fal hi karega chahe vah rashi kisi dusre grah ka pakka ghar ho gayi ho. udahrn:
shukra svami hai nan0 2 aur 7 nan0 ka parantu 2 nan0 pakka ghar hai brihaspati ka.
ab agar shukra 2 nan0 men baitha hone par shubh fal hi dega aur nan0 7 pakka ghar hai budh aur shukra ka atah shukra ka fal to shubh hoga aur budh ka fal shubh hone ke sath sath dusron ko bhi madad dega. isi prakar anya graho ko legen.
jaise budh nan0 3 aur 6 ka svami hai nan0 3 pakka ghar hai mangal ka ab budh ka fal shubh hoga agar kundli men mangal shubh fal ka ho to.
nan0 6 ke svami budh aur ketu dono hai parantu nan0 6 pakka ghar hai ketu ka.
atah budh ka uttam magar ketu ka apni svayan ki vastuon par ashubh magar dusro par achcha prabhav hoga.
nan0 5 rashi hai surya ki parantu pakka ghar hai brihaspati v surya ka aur ismen surya ka shubh prabhav hoga.
nan0 8 ka svami hai mangal aur pakka ghar hai mangal, chandra v shani ka is nan0 men yah tinon grah agar alag alag baithe to inke fal shubh hogen parantu ek sath baithe hone par inka fal ashubh ho jayega.
nan0 11 ka malik hai shani parantu pakka ghar hai brihaspati ka ismen shani ka fal shubh hoga. grah baitha hone vale khana men grah ki karak vastuen sthit hone se us grah ka prabhav barhta hai.
jaise ketu nan0 9 ho to jaddi yani apne paitrik makan men kutta rakhne se, apne dohte ki seva karne adi se ketu ke shubh prabhav men vriddhi hogi.
kundli men grah jis prabhav ka hota hai vah apna prabhav ( achcha-bura, unch-nich adi) sirf us varsh dega jis varsh ki vah varshafal men us baitha hone vale prabhav ke lie nishchit ki hui rashi ya pakke ghar men a jaye.
udaharan ke taur par mana ki kundli men brihaspati khana nan0 4 men baitha hai to brihaspati unch ka fal sirf us varsh hoga jis varsh vah varshafal men apne nek hone ke khana nan0 4 ya 2 adi men a jaye.
janm se unch to hai magar vastav men unchapan sirf nirdharit varsh aur rashi ya khana nan0 ya pakke ghar men ane par hi pratyaksh hoga. isi tarah hi sab grahon ka aur sab tarah se hoga n hamesha shubh aur n hamesha ashubh hoga.
varshafal ke anusar kundli men lagn arthat khana nan0 1 men aya hua grah sabse pahle us khana par apna prabhav (achcha ya bura) prakat karega jahan ki vah kundli men baitha hai. uske bad apne dushman grahon par chahe vah usi khana men hi kyon n hon jismen ki vah svayan baitha tha. agar ek hi khana men kai dost ya dushman grah sthit hon to grah kramvar se ( brihaspati ke bad surya ke bad chandrra adi) prabhav karega.
agar kundli ke bhavon men mitra aur dushman grah alg-alag bhavon men hon to kramvar bhavon (khana nan0 1 ke bad, khana nan0 2 ke bad khana nan0 3 adi) par prabhav dalega. pratyek grah apna shubh prabhav khana ke lie nirdharit falon ke anusar karta hai parantu svayan nirdharit falon ke viprit karya karne par unke prabhav men badlav ho jayega.
udahrnarthah- agar kundli men rahu khana nan0 4 men ho to jatak ko nai adat visheshakar pakhanen ki adat nahin badlni chahie, aise vyakti se vyaparik sajhedari nahin karni chahie jiske larka n ho, dat par kachche koylon ki boriyan nahie rakhni chahie parantu aisa karne par rahu shubh ki apeksha ashubh prabhav dena prarambh kar dega.
kundli men brihaspati khana nan0 4 jismen vah uench mana jata hai ho aur jatak brihaspati se sambandhit vastuain jaise pipal ka vriksh katvana, bujurgon ka apman karna, sadhu-santon ka apman karne se brihaspati ka sona mitti ho jayega arthat brihaspati ke shubh fal nasht ho jayenge.
pratyek grah apna prabhav apne khana se sambandhit vastuon v rishtedaron dvara pradarshit karega. varshafal ke surya ke hisab se mahvari chakkar par jab grah apne ichchit khane men ane par apna prabhav prakat karega. yadi koi grah apne mitra/shatru grah ke khana men sthit ho to us grah ki samyavdhi men mitra/shatru grah jiske khana men grah sthit hai ki samyavdhi ka yog karke do se vibhajit kar den jo bhagafal ayega us varsh men grah ke shubh/ashubh fal avashya prapt hongen.
udahrn: jaise kisi jatak ke kanudlie men surya navam khana men sthit ho to surya ke 22varsh aur brihaspati ke 16 varsh ke jor 38 ko 2se bhag dene par uttar 19 aya arthat 19 ven varsh men jatak ko avashya surya ke shubh falon ki prapti hogi. isi prakar agar surya agar shani ke dasham ya ekadash khana men ho to surya ke 22 aur shani ke 36 varsh kul jor 58 varsh ko 2 se bhag dene se 29 ven varsh avashya apna ashubh fal dega.
jivan men jarurat hai jyotishiya margadarshan ki? abhi bat karen fyuchar point jyotishiyon se!