shani ki kahani shani ki jubani ke. ke. nigam mujhe shanaishcharay sauray, krishnay adi anek namon se pukara jata hai. angreji men mujhe saitarn, farsi men kevan tatha arbi men juhal kaha jata hai. jyeshth krishn amavasya ko mera janm hua hai. mere pita surya hain tatha mata ka nam chaya hai. yamraj men chote bhai tatha yamuna meri bahan hai.
mera adhipatya makar evan kunbh rashi par hai tatha pushya, anuradha evan uÿarabhadrapad mere nakshatra hain. mera rang kala, netra sundar, akriti dirgh, napusank ling evan pair se viklang (langra) hun. meri prakritivat v kaf hai. main kale vastra dharan karta hun isi ke sath-sath vriddh, tamoguni, shishir ritu par adhipatya rakhta hun.
pashchim disha ka svami, shudra varna evan shramik varg ka pratinidhi hun. main shamsan evan sharab khana adi sthanon par krira karta hun, ratribli hun mera var shanivar hai tatha giddh par savari karta hun. mera ras kasaila evan dhatu loha hai. main naisargik rup se papi grah hun. mujhe kundli men 6ven evan 12ven tatha 10ven, 8ven bhav ka karakatva prapt hai tatha main apne baithe sthan se tritiya, saptam evan dasham bhav par drishtipat karta hun.
isi ke sath-sath tula rashi men 20 ansh tak uchch ka evan mesh rashi men 20 ansh ka nich rahta hun. meri rashi prishthodyi evan nivas usar bhumi hai. mainne jab bhagvan shiv ki aradhna ki thi tab, unhonne mujhe dandanayak grah ghoshit kar nyayadhish ki padvi di thi tatha navagrahon men sthan prapt kiya tha. yahi karan hai ki main manushya ho ya dev, pashu ho ya pakshi, raj ho ya rank unke karmanusar unhen milne vale dand bhi nirdharan kar nirnay deta hun, fir chahe vyakti ka vah dushkarm is janm ka ho ya purva janm ka ho.
aj kaliyug men bhi nyaypalika dvara chori apradh adi ki saja dene ka pravadhan hai. yah vyavastha samaj ki apradhik pravriÿia ko rokne ke lie li gai hai, jisse svachch samaj ka nirman ho sake tatha apradh ki punravriti n ho, islie manushyane ke karmon ke anusar main unhen puraskar evan dand adi deta hun. kripya ap log mujhe galat n samjhen. uprokt charitra mera pauranik evan jyotishiya hai.
ab mera vaigyanik svarup bhi jan lijie: main saurmandal men sabse sundar grah hun. saurmandal men guru ke bad main sthit hun. main bhumi se ek tare ke saman dikhai deta hun. mere purvi pashchimi vyas ki apeksha dakshinoÿar vyas lagabhag 12000 kimi. kam hai. arthat main gol n hokar chapta hun. mera vyas lagabhag 120000 kimi. se bhi jyada hai jo prithvi ke vyas se 9 guna adhik hai. main apne pita surya se 140 karor, 80 lakh kimi. ki duri par sthit hun. is duri ke karan hi surya ka bahut kam prakash mujh tak pahunch pata hai.
islie samanyatah mere yahan andhera hi rahta hai. mere yahan bhav aur vayu pravah adhik hone ke karan yah vatavaran praniyon ke lie anukul nahin hai, islie vahan jivan nahin hai. mere yahan ka vatavaran dhul ke kanon aur gais ke badlon se bhara rahta hun. mera ek din prithvi ke ek saur mas ke barabar hota hai aur prithvi ke dhai varsh ke barabar mera ek saur mas hota hai. is dauran main kai bar vakri aur margi hota hun. mere charo or nil, valay, kankar nam ke tin valay hain jo yamunakal men mujhse alag rahte hue bhi mere sath ghumte hain, jisse meri sundrta aur bhi barh jati hai.
vigyan ke anusar mere alava anya kisi bhi grah ke pas valay nahin hai. mere 10 chandrama hanai main sab grahon men nyunatam bhar vala grah hanu. main guru se thanda tatha akar men chota hun. navambar 1980 men prithvi vasiyon ne vaeyejr-1 upakaran mere pas bheja tha. jisne mere valyon ko mapa tha joki kanon se bane huye hain, in karan aon ka vyas usne kuch sentimitar se 8 mi. tak paya tha.
mere upar tej havaen chalti hain jinka veg 1760 ki.mi. pratighanta tak hota hai. meri mahima apranpar hai jab main tula, kunbh ya makar rashi men vicharan karta hun to us avdhi men kisi ka janm ho to rank ghar men paida hone ke bavjud use raja bana deta hun. yadi jatak ke janm ke samay main mithun, kark, kanya ya dhanu athva min rashi par sthit hota hun to samanya faldayak hota hun.
mesh, sinh tatha vrishchik rashiyane men vicharan karte samay janm lene vale jatak pratikul fal prapt karte hain hastarekha shastra men madhyama anguli ke niche evan guru evan surya parvat ke bich men sthit rahta hun tatha ankshastra men pratyek mah ki 8, 17, 26 tithiyon ka svami hun. apvad ko chor diya jaye to jatak ke jivan men 3 bar meri sarhesati prabhavit karti hai.
apne yah to suna hi hoga ki prabhu jisko uske karmon ke anusar fal dena chahte hain, uski buddhi ka pahle hi haran kar lete hain, mera bhi yahi siddhant hai ki jis vyakti ko mujhe dand uske dvara kiye gaye dushkarmon ka dena hota hai to main uski buddhi ka haran kar leta hun ya anya ki buddhi ka nash karke aise karan utpann kar deta hun ki manushya vaisa hi ho jaye. lijiye is sanbandh men apko kuch pauranik vritant batata hun.
raja harishchandra ki pareshani: rajahrishchandra ko meri dasha men dar-dar thokren khani pari thin. ravan ki durgati: prakand pandit ravan bhi parakram tinon lokon men faila hua tha. meri dasha men ravan ghabra gaya. apne bachav ke lie mujh par akraman karne par utaru ho gaya tatha shiv se prapt trishul se usne mujhe ghayal kar apne bandi grah men ulta latka diya. lanka ko jalate samay hanuman ji dvara mujhe ulta latkta dekhakar unhonne mujhe bandhan mukt kiya jiske pratikar men mainne hanuman ji se mere yogya seva batane ka anurodh kiya to hanuman ji ne kaha ki tum mere bhakton ko kasht mat dena. tab se lekar ab tak main hanuman ji ke bhakton ko kasht nahin pahunchata hun.
ant men ram-ravan yuddh men mainne uske parivar sahit usko nasht karne men apni kudrishti ka bharpur prayog kiya. kyonki meri drishti pralyankari hoti hai. parinam svarup shriram ki vijay hui. maharana vikramaditya par meri jab mahadsha ai to chitra hi ............ nigal gaya/ttha unhen teli ke ghar men kolhu chalana para. pandvon ka vanvas: jab pandvon ki janmakundli men dasha ai to mainne hi dropdi ki buddhi ko bhramit karke kaurvon ko karve vachan kah laye, parinam svarup pandvon ko vanvas bhogna para.
yadi ap prithvi vasi chahte hain ki main ap logon se prasann rahun to ap nimn upay karen main ap logon ka vishvas dilata hun ki apni dasha-mahadsha, gochar, ashubh bhav adi men baithne ke fal sarhesati dhaiya adi ke fal men nyunta rakhunga. chayadan karen. bhojan men kali mirch evan namak ka prayog karen. shramik varg evan ashay, viklang vyaktiyon ko bhojan karaen. shanivar ko suryast ke bad ate se bana dipak pipal vriksh ke niche jalaen.
shanivar ko hanuman chalisa ya sundrkand ka path karen. madak vastuon ka prayog n karen. varsh 12 bar pipal ki jar men sukhe nariyal men bura evan panchmeva bharakar dabaen. shani ki hora men koi bhi khadya padarth grahan n karen. jyotishi se paramarsh karke mera ratn nilam dharan karen.
patrika lagn men main akarak hanu to nilam ke sthan par bina jor ka lohe ka challa pradan pahnen. kale kapre men ath sau gram lakri ke koyle v ek nariyal rakhakar apne upar se utar kar jal men lagatar ath shanivar pravahit karen. mere 108 namon ka jap karen ya shaniashtak ka path karen. mujhko prasann karne ke anya aur bhi bahut se upay hain, parantu yadi uprokt varnit upay kar len to main shant ho jata hun.