shrishni aradhna ke pramukh mantra v stotra pan. sunil joshi junnarakar jatak ke jivan par shani atishighra prabhav dalte hain. shani sanbandhi chintaon ka nivaran karne men shani mantra, shani stotra vishesh rup se shubh rahte hain. shani mantra shani pira parihar ka karya karta hai.
surya putra shani grahon ke raja bane: navagrah parivar men surya ko raja v shanidev ko bhritya (naukr) ka sthan prapt hai. aisa anek prachin granthon men likha hai. kintu maharshi kashyap ne shani stotra ke ek mantra men surya putra shanidev ko mahabli aur grahon ka raja kaha hai- ‘saurigrrahrajo’ mahablah.’
shanidev ne shiv bhakti v tapasya se navagrahon men yah sarvashreshth sthan prapt kiya hai. iski pauranik katha bari hi rochak hai. shani pauranik katha: ek samay suryadev jab garbhadhan ke lie apni patni chaya ke samip gaye to chaya ne surya ke prachand tej se bhaybhit hokar apni ankhen band kar li thin. kalantar men chaya ke garbh se shanidev ka janm hua. shain ke shyam varn (kale rang) ko dekhakar surya ne apni patni chaya par yah arop lagaya ki shani mera putra nahin hai. tabhi se shani apne pita surya se shatruta rakhte hain.
shanidev ne anek varshon tak bhukhe pyase rahakar shiv aradhna ki tatha ghor tapasya se apni deh ko dagdh kar liya tha. tab shanidev ki bhakti se prasann hokar shivji ne shanidev se vardan mangne ko kaha. shanidev ne prarthana ki- yugon-yugon se meri man chaya ki parajay hoti rahi hai, use mere pita surya dvara bahut apmanit v pratarit kiya gaya hai islie meri mata ki ichcha hai ki main (shanidev) apne pita se bhi jyada shaktishali v pujya bananu. tab bhagvan shivji ne vardan dete hue kaha ki navagrahon men tumhara sthan sarvashreshth rahega. tum prithvi lok ke nyayadhish v dandadhikari rahoge.
sadharan manav to kya devta, asur, siddh, vidyadhar aur nag bhi tumhare nam se bhaybhit rahenge. yahan yah batana prasangik hoga ki shanidev kashyap gotriya hain tatha saurashtra unka janm sthal mana jata hai. rajya sukh ke data shanidev: jab shani ki ashubh mahadsha ya antardasha chal rahi ho athva gochriya shani janm lagn ya rashi se pratham, dvitiya, chaturth, ashtam, dvadash sthanon men bhraman kar raha ho tab shani anishtaprad v piradayak hota hai.
shani pradÿa pira ki shanti v parihar ke lie shraddhapurvak shanidev ki puja-aradhna mantra v stotra ka jap aur shanipriya vastuon ka dan karna chahie. ‘tushto dadasi vai rajyan rushto harsi tatkshanat’ shanidev prasann (santushta) hone par rajya de dete hain aur rusht hone par use chin lete hain.
shanidev ke prasann hone par vyakti ko sarvatra vijay, dhan, kam, sukh aur arogyata ki prapti hoti hai. shri shanidev ka dhyan avahna: niladyuti shuldhran kiritinan gridhrasthitan traskran dhanurdharam chaturbhujan suryasutan prashatan vande sada'bhishtakaran varenyam..
nilmni ke saman jinke sharir ki kanti hai, mathe par ratnon ka mukut shobhayman hai. jo apne charon hathon men dhanush-ban, trishul, gada aur abhay mudra ko dharan kiye hue hain, jo giddh par sthit hokar apne shatruon ko bhaybhit karne vale hain, jo shant hokar bhakton ka sada kalyan karte hain. aise suryaputra shanidev ki main vandna karta hun, dhyanpurvak pranam karta hun. shani namaskar mantra: un nilanjnan samabhasan raviputram yamagrajam. chaya martandasanbhutam tan namami shanaishcharam.. maharshi vedavyas rachit navagrah stotra ka yah shlok bhi atyant prasiddh v prabhavshali hai.
puja ke samay athva kabhi bhi shanidev ko is mantra se yadi namaskar kiya jae to shanidev prasann hokar pira har lete hain. shanidev ki kripa prapti kashtamukti ka achuk upay: shani stotra ka path, shani pratima ka pujan v dan- jinko shanidev ki kripa prapt karni ho unhen chahie ki ve shanidev ki ek lohe ki pratima banvaen, jiski char bhujaen hon- unmen dhanush, trishul, ban aur var mudra ankit karaen.
pira parihar ke lie stri/purush shanivar ko vrat rakhakar, tailabhyangasnan karke shani puja ke lie baithen. shanidev ki lohe ki murti ko kale til ke dher ke upar sthapit karen. til ke tel ya sarson ke tel se shanidev ki murti ka abhishek-snan karen.
mantra sahit vidhipurvak pujan karte hue kumkum se tilak karen, nile pushp, kali tulsi, shami ke paÿo, urad, gur adi arpit karen. shani pujan, jap v dan ka sankalp nimn prakar se len. hath men jal lekar kahen- mam janmarasheah sakashat anishtasthanesthitshneah pira pariharthan ekadashasthanavat shubhafalapraptyarthan lohapratimayan shanaishchapujnan tatpritikran stotra japan evan dananch karishye.. (prithvi par jal choren). ath: dhyanam- aho saurashtrasanjat chayaputra chaturbhuj. krishnavarnarkagotriya banahast dhanurdhar.. trishulishch samagachch vardo gridhravahan. prajaptetu sanpujyah saroje pashchimedle..
dhyan ke pashchat ukt prakar se shri shanidev ka vidhivat pujan karen. shanidev ki pratima pujan ke bad raja dasharath krit shani stotra ka das hajar ki sankhya men jap karen. shri shani stotra (1) un konasthah pinglobabhru krishno raudrantako yamah. sauriah shanaishcharo mandah piplashray sansthitah.. jo vyakti pratidin athva prati shanivar ko pipal vriksh par jal arpit karke shanidev ke uprokt namon-
konasth,
pingal,
babhura,
krishn,
raudrantak,
yam,
sauri,
shanaishchar,
mand,
piplashray sansthit ko pipal vriksh ke niche baithakar japega usko shani ki pira kabhi nahin hogi.
ek bar shanidev pipladmuni ashrit ho gaye the tatha piplad muni ne shani dev ko antriksh men sthapit kiya tha islie shanidev ka dasvan nam ‘piplashray sansthit’ para hai.
maharshi piplad muni ne bhagvan shiv ki prerna se shanidev ki stuti ki thi jo is prakar hai- namaste konsansthay pinglay namostute. namaste babhrurupay krishnayach namostute.. namaste rodradehay namaste chantkay ch. namaste yamsangyay namaste saurye vibho.. namaste mandsangyay shanaishchar namostute. prasadan kuru devesh dinasya pranatasya ch.. is namaskar mantra ka uchcharan karte hue shanidev ka tailabhishek karen (tel charhaen) v kumkum se tilak karen.
kale urad, kale til, nile ful v sikka (paisa) charhaen. gur ka bhog lagaen. shani ke in stuti mantron ka shanivar ko pratahkal shani ki hora men athva pratidin 10 bar, ek mala, das mala athva 10 hajar ki sankhya men jap karne se shani pira se mukti milti hai. raja dashrthkrit (sankshipta) shani stotra - konasthah pinglo babhru krishno raudra'ntako yamah. sauriah shanaishcharo mandah pipladen sanstutah.. rudraksh ki mala se das hajar ki sankhya men is stotra ka jap karen, jap ka dashansh havan karen, jiski samagri kale til shamipatra, ghi, nil kamal, khir aur chini milakar banai jae.
havan ki samapti par das brahmanon ki ghi tatha dudh se nirmit padarthon ka bhojan karaen. akal mrityu ke nash v kashton ke parihar ke lie shani pratima ka unki priya vastuon ke sath dan karen. svarn, lauh dhatu, nilam ratn, urad, tel, kanbal adi kale vastra nile ful, bhains ya dudh dene vali gay (bachre sahit) shani pratima ka dan nimn mantra ka sath brahman ko den. shanaishcharapritikrandanan pira-nivarakam. sarvapÿia vinashay dvijagrayay dadamyaham.. yadi marnasann vyakti hetu dan karna ho to dan ki uprokt vastuon men namak, chata v chamre ke jute bhi shamil karen. iske falasvarup marne vale jiv ko yam yatna (nark) ka kasht nahin bhogna parta hai.
etani dash namani pratrutthay yah pathet. shanaishcharakrit pira n kadachidabhvishyati. jo dashrthkrit shanidev ke uprokt das namon ka 10 bar jap pratidin pratahkal karta hai use shanidev bhavishya men kabhi bhi kasht nahin dete hain tatha anya grahon dvara pradÿa kashton ko bhi dur kar dete hain. shani yantra ka chamatkarik prabhav: shanivar ko sayankal bhojapatra ya sade kagaj par kali syahi se nimnalikhit shani taitisa yantra ko hindi ke ank likhte hue savdhani v shraddhapurvak banaen.
yantra banate samay tantrik shani mantra- un pran prin praun sah shanaishcharay namah.’’ ka uchcharan karte rahen. is vidhi se 33 yantra likhakar un yantron par urad v kale til rakhen tatha in yantron ka dhup dip se pujan karke kale kapren men rupya paisa sahit bandhakar kisi shani mandir men shanidev ke charnon men arpit karen. is prakar ka totka lagatar tin shanivar karen. shani yantra dan ka chamatkarik prabhav dekha gaya hai. aisa karne se shani pira se shighra mukti milti hai.
siddh shani taitisa yantra - .. un pran prin praun sah shanaishcharay namah.. sabhi prakar ki shani aradhnaon ke ant men prarthana svarup shani pira har stotra parha jana chahie. un suryaputro dirghadehovishalakshah shivapriyah. mandachar prasannatma pira dahtu me shaniah..