शनि की साढ़ेसाती व ढैय्या का प्रभाव

shani ki sarhesati v dhaiyya ka prabhav  

Rajendra Kumar Sharma
Views : 3871 | February 2017

pratyek jatak ko apne jivan men do ya tin bar shani ki sarhesati ya dhaiyya ka samna karna hi parta hai. jin jatkon ki dirghayu hoti hai unke jivan men kul tin sarhesati ati hai kyonki 30 varshon ke pashchat hi shani vapas rashi men ata hai. yah avashyak nahin hai ki shani ki sarhesati ya dhaiyya apko kasht hi pradan karengi. anubhav men dekha gaya hai ki shani ki sarhesati men logon ne itni unnati ki hai jitni unhonne apne pure jivan men nahin ki. shani ki sarhesati evan dhaiyya ka prabhav kaisa hoga yah jatak ki janmapatrika men shani ki sthiti se pata chalta hai.

‘‘dvadshe janmage rashau, dvitiye ch shanaishcharah. sardhani saptavarshani tada duahkhauryuto bhavet..’’ ‘‘kalyani pradakshati vai, ravistuto rasheshchaturthashtame.’’ shanidev ek rashi men dhai varsh ke lagabhag rahte hain. shani ki gochar gati sabse kam hai. atah yah mandatam grah kahlate hain. iski adhikatam dainik gati sat kala tatha vakri se margi ya margi se vakri hote samay nyanunatam gati ek kala pratidin bhi ho sakti hai. shanidev ko bari vipatti ke nam se jana jata hai. prani shani ke gochar se bhaybhit rahte hain. atah gochar vichar men shani ka mahatva atyadhik hai. janmapatrika men shani ki sthiti yadi janmapatrika men shani uchch, svarashi ya mitrarashi men ho to shashth, ashtam ya dvadash (duahsthanon) bhav men sthit hote hue bhi shani hanikarak nahin hota, parantu shani nich rashisth, astangat ya shatrukshetri hone par adhik ashubh fal deta hai. isi prakar gochar men bhi uchch athva nich rashisth hone par fal par achcha ya bura prabhav parta hai. yadi shani par ashubh grahon ki drishti ho to uska fal adhik ashubh hota hai.

iske viprit yadi us par kisi shubh grah ki drishti ho to uske ashubh fal men kami ati hai. budh v shukra shani ke mitra hain. budh ki rashiyan mithun v kanya tatha shukra ki vrishabh v tula hain. shani makar v kunbh rashiyon ka svami hai, tula ka shani uchch ka hota hai. atah vrishabh, mithun, kanya, tula, makar tatha kunbh rashiyon men shani gocharavash aye ya shubh grahon se drisht ya yukt ho to ubh fal nahin deta hai. guru shani ke sanbandh sam hain. atah shani dhanu evan min rashiyon men adhik hani nahin karta, jabki shatru surya, chandra tatha mangal ki rashiyon mesh, kark, sinh tatha vrishchik men gocharavash ane par tatha ashubh grahon se drisht ya yukt hone par adhik kasht dega.

udahrnartha: kisi jatak ki rashi vrishchik hai. jab shani tula men gocharavash pravesh karega to tula shukra (mitra) ki rashi tatha svayan shani uchch rashi ka hone se lagti sarhesati (drishtikal) adhik hanikarak nahin hogi. vrishchik rashi mangal (shatru) ki rashi hone se shani ka bhogkal adhik kashtadayi hoga. utrti sarhesati (shani ke pair) dhanu rashi (guru sam hone se) men ane par adhik kashtadayak nahin hogi. shani ki sarhesati: jatak ki janmarashi se ek rashi purva (chandra lagn se dvadsh), janm rashi men (chandra lagn men) tatha janm rashi se ek rashi pashchat (chandra lagn se dvitiya) jab shani gocharavash ata hai to is avdhi ko sarhesati kahte hain.


get the most detailed kundli report ever with brihat horoscope predictions


ek rashi men dhai varsh rahne se tin rashiyon ka gochar kal sarhe sat varsh hua. udahrnarth kisi jatak ki tula rashi hai. jab shani gocharavash kanya rashi men ayega tab is jatak ki lagti sarhesati (shani ki drishti), tula rashi men ane par rashigat sarhesati (shani ka bhog) tatha shani ke vrishchik rashi men ane par utrti sarhesati (shani ke pair) kahlati hai. is jatak ke lie shani ka kanya se vrishchik tak in tin rashiyon ka gochar kal sarhe sat varsh hi shani ki sarhesati kahlati hai.

prabhav: 1. drishtigat sarhesati ya lagti sarhesati chandra lagn se dvadash bhav men shani ke ane se shani ki tritiya purn drishti dvitiya bhav (dhan/vani) par, saptam purn drishti shashth bhav (ripu/ysh) par, evan dasham purn drishti navam (bhagya/ dharma) bhav par parti hai. lagn ke donon or dvadash evan dvitiya bhav shani ke dushprabhav se grasit hone par madhya lagn bhi dushit ho jata hai. dhan, yash tatha bhagya bhav to shani ke kuprabhav men a hi jate hain. lagn ke dushit hone par tan, man evan samman par bhi kuprabhav parta hai. isi karan sarhesati jatak ke lie kashtadayi hoti hai.

2. rashigat sarhesati ya shani ka bhogkal isi prakar chandra lagn men gocharavash shani ke ane par shani ki tritiya purn drishti tritiya bhav (parakram/ bhrata) par, saptam drishti saptam bhav (jivnsathi) tatha dasham drishti dasham bhav (karma/pita) par parti hai, jisse kramshah parakram, patni evan karm ke bhavon par kuprabhav parta hai.

3. utrti sarhesati ya shani ke pair jab shani chandra lagn se dvitiya bhav men ata hai tab shani ki tritiya, saptam evan dasham drishti kramshah chaturth bhav (sukh/mata), ashtam bhav (ayu) evan ekadash (labh/ay) bhav par parti hai jo kramshah sukh, mata, sanpatti, ay tatha labh bhav hain. shani ke gocharavash chandra lagn se dvitiya hone se tinon bhav bigar jate hain. is prakar sarhe sat varsh men adhikansh bhavon se sanbandhit hani hoti hai. shani ki sarhesati gat tinon bhavon ka prabhav uprokt sanlagn kundliyon men drishti ke adhar par darshaya gaya hai. shani ki dhaiyya: chandra lagn se chaturth bhav evan ashtam bhav men gochar shani ke ane se jatak ko dhaiyya lagti hai. ise laghu kalyani ya laghu panauti bhi kaha jata hai. chaturth bhav men sthit shani ki dhaiyya ko kantak shani bhi kahte hain. ashtam bhav men sthit shani ki dhaiyya ko ashtamasth shani bhi kaha jata hai.

prabhav: chaturthasth shani dhaiyya gocharavash jab shani jatak ke chandra lagn se chaturth bhav men ata hai tab ise shani ki dhaiyya ya laghu kalyani athva kantak shani kaha jata hai. shani ki tritiya drishti shashth bhav, saptam drishti dasham bhav par tatha dasham drishti lagn par parne se in bhavon ke falon par kuprabhav parta hai.


for immediate problem solving and queries, talk to astrologer now


2. ashtamasth shani dhaiyya isi prakar shani ke chandra lagn se ashtam bhav men hone par tritiya drishti dasham bhav par, saptam drishti dvitiya bhav par tatha dasham drishti pancham bhav par parti hai. atah kramshah karm, dhan tatha santan paksh dusht prabhav men a jate hain. dakshin bharat men vishesh rup se karnatak men sadhesati se adhik dushprabhav dene vala panchamasth shani ko mante hain. chandra lagn se panchamasth shani ki tritiya, saptam v dasham drishti kramshah saptam, ekadash tatha dvitiya bhavon par hoti hai. is karan ye bhav kuprabhav men a jate hain. yadi is avdhi men shani nich, astangat, shatrukshetri tatha papagrah yukt v drisht hon to atyant vaibhvshali jatkon ko bhi fute matke men roti khila deta hai. yadi shani mitra rashi, uchch rashi tatha shubh grahon se sanbandhit ho to shani ki sadhesati ya dhaiyya shubh prabhav pradan karti hai.

samanyatya sarhesati jatak ke jivan men pratham bachapan men, dvitiya yuvavastha men tatha tritiya vriddhavastha men ati hai. pratham sarhesati ka prabhav shiksha evan mata-pita par parta hai. dvitiya ka karya kshetra, arthik sthiti evan parivar par parta hai. parantu tritiya sadhesati svasthya par adhik bura prabhav dalti hai. pati-patni, pita-putra athva bhai-bhai par ek sath sarhesati ana adhik hanikarak hai.

ek hi parivar ke anek sadasyon par ek sath sarhesati ane par parivar ke mukhiya par bhi sankat a jata hai. shani ki sarhesati ya dhaiyya sabhi ke lie hanikarak nahin shani ki sarhesati ya dhaiyya sabhi jatkon ke lie tatha puri avdhi ke lie anishtakari nahin hoti hai. shani sadaiv anishtakari nahin hota yah jatak ko jivan men ashcharyajanak unnati bhi deta hai- yatha ‘‘janmangrudreshu suvarnapadan dvipanchanande rajatasya vadanti. trisaptadik tamrapadan vadanti vedark sashte'pivah lauhpadam..’’ shani ke sarhesati ya dhaiyya men pravesh karte samay chandra kis rashi men hai, iska prabhav shani ke prabhav par parta hai. ise shani ka charan vichar kahte hain.

yadi shani ke sarhesati ya dhaiyya men pravesh karte samay chandra rashi se ek, chathe ya gyarhven sthan (rashi) men ho to svarnapad sadhesati, chandra rashi se do, panch ya nau men ho to rajtpad sarhesati, chandrama tin, sat ya das men ho to tamrapad tatha char, ath ya barah men hone par lauhpad sarhesati kahlati hai.

yatha- prabhav: ‘‘lauhe dhanvinashah syat sarva saukhyan ch kanchane. tamre ch samta jeya saubhagyan rajkan bhavet..’’ lauhpad men dhan nash, svarnapad sarvasukhapradayak, tamrapad men samanya faldayak tatha rajtpad men shani ka pravesh saubhagyaprad rahta hai. atah shani ke bare men pratyek jatak ko shantipurvak dhairya ke sath vichar karna chahie. nakshatriya prabhav: sarhesati ki avdhi men shani jin rashiyon men gochar karega unke nakshatron ke svamiyon ke sath yadi shani ki mitrata ya samta hai to shani adhik hani nahin karega.


apni kundli men sabhi dosh ki jankari paen kampalit dosh riport men


yadi un nakshatron ke svamiyon se shani ki shatruta hai to adhik hani karega. shani vahan vichar: jab shani ek rashi se dusri rashi gocharavash aye to us samay nimn tin kal sangyak angon ki ganna karte hain. tithi: amavasya se us din tak ki sankhya ginen. nakshatra: ashvini se shani ke gochar pravesh ke samay nakshatra sankhya ginen. var: var ki sankhya ravivar se ginen. uprokt tithi, var tatha nakshatra shani ke rashi pravesh ke samay ke hone chahie. in tinon sankhyaon ka yog kar yogafal men nau ka bhag lagayen jo shesh bache uske anusar shani ka vahan tatha uska fal nimnanusar hai:-

shesh vahan fal 1 gardabh dhan nash 2 ghora dhan labh 3 hathi dhan dharm labh 4 mahish shatru bhay 5 siyar bhay 6 sinh shatrunash 7 kaua anisht 8 mrig shubh 9 mayur sanpatti varsh madhye shani nivas: shani dev 3 mas 10 din mukh par, 1 varsh 1 mas 10 din dahini bhuja par, 10 mas dahine pair par, 10 mas baen pair par tatha 1 varsh 4 mas 20 din hriday par, 1 varsh 1 mas 10 din bain bhuja par, 10 mas mastishk, sir par tatha 3 mas 10 din bain ankh par, 3 mas 10 din dahini ankh par aur 6 mas 20 din guda par nivas karte hain.

iska sthan pratifal is prakar hai- sthan fal 1 mukh haniprad 2 dahini, bhuja, vijay, utsah 3 dahina, pair, bhraman 4 hriday dhan-dhanya, sanpda 5 bayin bhuja pira-vikar 6 mastishk shanti, vidyadhyayan 7 netra shubh falad 8 guda sthan chinta, vikar v pira

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shani visheshank  February 2017

futuresamachar-magazine

sarvashreshth jyotishiya patrika fyuchar samachar ka shani visheshank pathkon men vishesh lokapriya hai. gat 1 dashak men iski vishesh mang barhi hai. islie ise har varsh prakashit kiya jata hai. is visheshank men shani grah se sambandhit anek gyanavardhak lekh shamil kie gaye hain, jinmen shani ek parichay, sannyas ka karak shani, shani ki sarhesati v dhaiyya ka prabhav, surya shani yuti, shukra-shani ka vichitra sambandh tatha rog ka karak shani ityadi lekh samavisht hain. iske atirikt samyik charcha ke antargat panch rajyon ke agami vidhansbha chunavon par jyotishiya paricharcha vishesh akarshan ka kendra hai. is visheshank men virat kohli v anushka ke prem sambandh tatha vailentain de ke atirikt sthayi stambhon men shamil kie gaye lekh v panchang se sambandhit jankari bhi pathkon ke lie upayogi rahegi.

Subscribe


.