janmapatrika men shani bhav vishesh men sthit hokar hamen hamare karmon ke hisab se fal pradan karte hain jaise- yadi kendra men shani dev virajman hote hain to ham apne vyaktiyon ka palan purva janm men nahin kar paye uski saja rup men is janm men jyada jimmedariyon ka bojh uthana parega, yah nishchit hai. bhagya bhav par shani sthit hone se kisi bhi prakar ki yog sadhna jatak avashya karega. usmen ek anokhi shakti dekhne ko milegi. shani bhagvan surya tatha chaya suvarna ke putra hain. ye papi grah mane jate hain. inki drishti men jo krurta hai vah inki patni ke shrap ke karan hai. brahmapuran men inki katha is prakar ayi hai- bachapan se shani dev bhagvan shri krishn ke param bhakt the. ve krishn ki bhakti men lin raha karte the. vayask hone par inka vivah chitrarath ki kanya se hua. unki patni sati-sadhvi aur param tejasvini thi. ek rat ritu snan karke putra ki ichcha prapti se inke pas pahunchi, par shanidev shri krishn ki bhakti men itne lin the ki bahri sansar ki unhen sudh n rahi, patni pratiksha karke thak gayi. uska ritu kal nishfal ho gaya islie krodhit hokar usne shanidev ko shrap de diya ki aj se tum jisko dekh loge vah nasht ho jaega.
dhyan tutne par usne apni patni ko manaya. patni ko apni bhul ka pashchattap hua, kintu shrap ke pratikar ki shakti usmen n thi. tabhi se shani devta sir nicha karke rahne lage kyonki vo nahin chahte ki kisi ka anisht ho. shani ke adhidevta prajapti brahma aur pratyadhidevta yam hanai. inka varn krishn, vahan giddh tatha rath lohe ka bana hua hai. shani dev nyayadhish hain, dandnayak hain. pratyek prani ko uske karmon ke anusar fal pradan karte hain. visheshakar jab shani ki dhaiyya ya sarhesati ati hai to sadharntya dekha jata hai ki shani dev apne achche ya bure fal purnarup se dete hain. atah shanidev ki upasna v mantra jap karke unhen prasann karte rahne se kshama bhi mil jati hai aur hamare karmon men sudhar bhi hota hai. raja aur rank banane ka samathrya keval shani dev men hi hai. aise udaharan hamare itihas men bahut hain. raja vikramaditya, raja harishchandra jaise udaharan jinse hamen ek achchi sikh milti hai. yah param satya hai ki shani dev men manushya ko raja se rank banane ka samathrya hai. yah sab is bat par nirbhar karta hai ki jatak ka shani janmapatrika men kitna shubh v balvan hai.
iske sath-sath jatak ke purva janm ka hisab shani is janm men leta hai. shani lagn se kendra men, svakshetri, uchch ka, mul trikon men ho to hi apni dasha men uttam faldayak hota hai. yah shash yog ka nirman karta hai, uchch pad pradan karta hai. vyakti samaj men sammanit vyakti kahlata hai yahan tak ki rajniti men uchch pad pradan karvata hai. janmapatrika men yadi chandrama se dvitiya bhav men shani se sunfa yog ka nirman ho to aisa jatak bahut labh prapt karta hai. shubh karm karne vala, uttam vahan prapt karne vala aur sammanit hota hai. samaj men, kul men pradhanapad prapt karta hai aur shani chandrama se barhven bhav men sthit ho to jatak shatruon par vijay prapt karne vala, kshamashil, gunvan hota hai. hora shastra ke anusar janmakundli men shani-chandra ki yuti pancham, shashth, dasham ya ekadash bhav men ho to is yog men utpann jatak raj kul men janm leta hai. shani kendra v trikon ka svami hokar, kendra trikon men baithe to raj yogkarak hota hai. shani par budh-shukra ka drishti sanbandh ho to ati uttam fal prapt hote hain. uprokt diye gaye yog tabhi falit hote hain jab inki dasha-antardasha aye evan vyakti sadkarmon men hamesha sanlagn rahe. shani grah par jitna likha jaye kam hai. iska mul mantra amajan ko hamesha yad rakhna chahie.
dandnayak se kshama kaise mangen? yadi ap shani grah ke karan kisi bhi tarah se pareshani mahsus karte hain to nimnalikhit achuk evan prayogsiddh upay karen:
1. shanivar ko suryoday se purva uthakar snan ke pashchat pipal vriksh ke niche jayen, jal charhayane, pipal vriksh ko chukar apne karmon ki kshama mangane. kisi bhi tarah ke shanikrit kasht se ap mukt honge.
2. shanivar ko sandhya ke bad bhojan samagri, kale chane adi ka apne samathryanusar dan karen. dhyan rahe jo bhi bhojan pakayen usmen sarson ke tel ka prayog karen.
3. kisi ek shanivar ko 108 shani yantra abhimantrit karke pratyek yantra par kali hakik mala se shani mantra ka jap karen. pratyek yantra par ek mala jap karen. jab sabhi yantron par jap ho jaye to apne sir se 23 bar var kar jal pravah karen.
4. naukri, vyapar, dhan sanbandhi samasya dur karne hetu shanivar ko char batti ka dipak, pipal vriksh ke niche jalayen evan 3, 5 ya 9 parikrama karen.
5. makan banane vale majduron ko pratyek shanivar bhojan karvayen.
6. shanivar se aranbh kar 40 din lagatar pipal vriksh par jal charhayen. ravivar chor den. yah karya suryoday se purva karen, uttam parinam milenge. man hi man shani mantra ka jap karen.
7. sarvajnik sthan par pipal ka paudha amavasya ko lagayen.
krishn bhakt shanidev is katha se lagabhag, sabhi vidvan bhigya hain ki shani dev ki drishti ka tirchapan tritiya drishti nich kyon mani jati hai. ek bar shani dev bhagvan krishn ki aradhna men magn the. ratri pahar men unki patni apne pati ka intjar kar rahi thi. jab madhya pahar bitne ko hua to unki patni unke pas akar shani dev ko bulane lagi. shani dev apni aradhna men vidhn dalne par bahut krodhit hue kyonki vo bhagvan krishn ke ananya bhakt the. shanidev ke krodh se unki patni bahut ahat hui aur unhonne apne pati ko shrap de dala ki ap jisko bhi tirchi najar se dekhenge vo nasht ho jayega. bad men unhen pashchattap bhi hua kintu tir kaman se nikal chuka tha. is ghatna ko batane ke do karan hain. pahla shani dev ki tritiya drishti janmapatrika men jahan bhi ho us bhav ka, us bhav ke svami ka, us bhav ke sukh ka nuksan hota hai.
dusra karan jo bhi bhagvan krishn ki bhakti karta hai, shuddh hriday se nam japta hai shanidev unka kabhi bhi koi nuksan nahin hone dete, kasht nahin dete chahe shani ki dhaiyya ho ya sarhesati. lagabhag 70 pratishat jatak shani ki sarhesati v dhaiyya se grast hote hain. bharat ki 65 se 70 pratishat janta jyotish par vishvas karti hai. atah shani ki dhaiyya, shani ki sarhesati, shani mahadsha evan antardasha men hone vale kashton se mukti ke lie bhagvan krishn ki ananya bhakti karen. shani dev kabhi kisi ko kasht nahin dete vo sirf hamare karyon ka hisab karte hain unhin ke anusar hamen sukh ya duahkh prapt hote hain. yah hamen shanidev ki dasha, dhaiyya ya sarhesati men prapt hote hain kyonki shani dev to nyayadhish hanai atah kabhi bhi kisi ko shanidev ke lie apashabdon ka prayog nahin karna chahie. sirf apne karmon ka fal shant man se, khushi se svikarna chahie. apne achche-bure karmon ka bhog prasad rup men grahan karna chahie.