विधान सभा चुनाव 2017 ज्योतिषीय विश्लेषण

vidhan sabha chunav 2017 jyotishiya vishleshn  

Umadhar Bahuguna
Views : 2753 | February 2017

farvri, march 2017 men vidhan sabha chunav ki ghoshna ki gai hai jiski vajah se panch rajyon men rajnaitik halachal barh gayi hai. 27 janvri 2017 se shani grah apni rashi badlenge jisse makar v dhanu rashi vali partiyane ya parti ummidvaron ko asha ke anurup fal nahin milenge. uttaranchal, gova aur mijoram men mukhya tin hi rajnaitik partiyan hain lekin panjab evan uttar pradesh men kai partiyan hain. is alekh men hamne sabhi partiyon aur partiyon ke ummidvaron ki janm kundli upalabdh n hone ke karan mukhya do pradeshon ko hi apni charcha men shamil kiya hai. jyotish ke adhar par samay purva nishkarsh prakashit kar diye hain. inka kisi vyakti ya parti se koi sanbandh nahin hai.

yah lekh matra jyotish ek vigyan hai is satya ko sabit karne ke uddeshya se likha gaya hai. ab ham sabhi parti aur ummidvaron ki kundliyon ka vishleshan karte hain: kangres: lagnesh brihaspati labh bhav men labhesh aur shashthesh shukra ke sath labh bhav men mahabli yog bana raha hai. isi karan uska 40-45 varshon ka itihas hai aur vah satta ya vipaksh men rahi hai. isi yog ke karan vipakshi partiyan lanbe samay tak ise satta ki bhagidari se dur nahin kar sakti. panchmesh vyayesh mangal dvitiya sthan men apni uchch rashi men hai. islie kai bar tutne ke bad fir parti apne purva sthiti men a jati hai, iska vajud nasht nahin ho sakta, islie yah parti girakar fir sanbhlti hai naye andaj men.

dvitiyesh tatha parakramesh pancham men apni nich rashi men ashtamesh ke sath sthit hone se yada-kada koi n koi galat jan virodhi nirnay iske lie samy-samay par vivad khare karte rahe hain. parakram sthan men rahu rajyog karak mana jata hai. tatha ek rajnaitik parti ke lie achcha mana jata hai. inhin yogon ke karan yah aj tak ek rashtriya parti hai lekin kuch samay se shani ki dhaiyya aur vinshottari dashaon ke karan kangres ki sthiti achchi nahin hai. vinshottari dasha men rahu ki dasha men shani ka antar aur chandra ka pratyantar kangres ke lie achcha nahin hai. pratyek rajya men inka bura prabhav parega, is chunav men bhi. bhajpa: lagnesh v sukhesh budh bhagya bhav men ketu ke sath sthit hai.


for immediate problem solving and queries, talk to astrologer now


mangal labhesh v shashthesh, shani bhagyesh v ashtamesh, brihaspati saptamesh v dashmesh, lagnesh budh ko purn drishti se dekh rahe hain jo ki ek prakar ka rajyog hai jisne budh ko upalabdhiyan dene vala, yojnakar aur kutnitik banaya hai. yah yuvaon aur mahilaon ko desh bhakt banata hai aur parti ko majbut bhi karta hai. dvitiyesh chandrama shashtham men vrishchik rashi men nich bhang rajyog bana raha hai. yahan par chandrama do rajyogon ka srijan kar raha hai, chandrama par yogkari shukra ki bhi drishti hai. yahan par yogkari rahu ki sthiti v viprit yogkari mangal ki sthiti yogkari brihaspati v shani kar sthiti ne bhajpa ki janmakundli ko bahut majbut bana diya hai.

char grah parakram men aur sanpurn grah kundli ke panch bhavon men sthit hain jo ki ek prakar ka rajyog hai islie farvri, march 2017 men hone vale vidhan sabha chunav men bhajpa ko uttar pradesh, uttarakhand, panjab men rajnaitik labh milega. iski sarkaren banengi. sapa: lagnesh v sukhesh brihaspati dasham men bhagyesh ke sath hone se sapa ka apna janadhar hai. isi karan inhen u. pra. jaise bare rajya ki satta mili, kendra ke sath samjhaute hue. dhanesh parakramesh shani ke dhan sthan men hone se achcha chanda mila, bahut samarthak mile. sukhesh v lagnesh brihaspati apne donon ghar par drishti dal raha hai, surya ke sath rajyog bana raha hai jo ki bahut achcha tha lekin farvri-march 2017 men hone vale vidhan sabha chunav 2017 men mangal ki vinshottari dasha men shukra ke antar men shani pratyantar men inhen satta chorni paregi, ye vipaksh men hi baithenge.

baspa: lagnesh parakram men tatha dvitiyesh surya dasham men uchch rashi men achcha mana jata hai, khub dhan dilata hai lekin matra 10 par sthit hone se kabhi-kabhi apayash bhi dilata hai, satta ke raste men avrodh paida karta hai. labh men rahu aur pancham men mangal rajyog karak hai. inhin yogon ne inhen uttar pradesh men char bar satta saunpi. vartaman samay men baspa ki rahu ki dasha men chandrama ka antar tatha chandrama ka pratyantar achcha nahin hai jo unhen satta se dur rakhenge. ‘ap’ ki shukra ki vinshottari dasha men mangal ke antar men shani ka pratyantar hai jo achcha nahin hai, use vanchit saflta nahin milegi. arvind kejrival ki brihaspati ki dasha men chandrama ke antar men shukra ka pratyantar man-samman ke lie achcha nahin hai.


apni kundli men sabhi dosh ki jankari paen kampalit dosh riport men


saflta nahin milegi. sushri mayavti: chunav ke samay budh ki dasha men shukra ke antar men surya ka pratyantar koi achcha parinam nahin dega. apman sahna parega. satta se dur rahna parega. akhilesh yadav - grah yog achche hain lekin parti ki vajah se koi bara ya achcha parinam nahin milega. unhen apni satta ganvani paregi. amit shah - is samay farvri march 2017 ke vidhan sabha ke samay unke grah yog bahut achche nahin hain lekin rahu ki dasha men shukra ka antar achcha hai. unhen kai rajyon men sarkar banane ka mauka milega. narendra modi: vidhan sabha chunav farvri march 2017 ke samay inki vinshottari dasha chan./sh. /chan. achchi hai.

inhen nam, yash, samman aur jit milegi. koi bari upalabdhi milegi. nishkarsha: uprokt sanpurn janm kundliyon ke grah nakshatron ke adhyayan ke falasvarup yah nishkarsh nikla hai ki farvri march 2017 ke panch rajyon ke vidhan sabha chunav ke samay am admi parti, kangres parti, baspa sushri mayavti, amit sah ke grah yog achche nahin hanai. chunav ke samay narendra modi ke grah yog bahut achche hain. uttarakhand men bhajpa ki sarkar banegi, uttar pradesh aur panjab men sahyog se unki sarkar banegi, uttar pradesh men bhajpa sabse bari parti hogi, panjab men sabse bara gathbandhan bana sakti hai.

Kya aapko lekh pasand aaya? Subscribe


Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business


.