am taur par 1 mukhi se lekar 27 mukhi tak ke rudraksh pae jate hain. inhi mukhon ke anusar unka vargikaran kiya jata hai. do rudraksh ek dusre se jure hone par inhen gaurishankar (rudraksha) kaha jata hai. arthat shiv evan parvati ka sanyukt rup hain. rudraksh par bhagvan shiv ke mantron ka jap karke dharan karna chahie tatha shivling se sparsh karakar dharan karna chahie. shivling se sparsh karane par rudraksh ka shakti kamal dal ke saman khul jata hai. jo rudraksh dharan karne valon ko atyant labh pahunchata hai. rudraksh ko puja ghar men rakhna atyant labhdayak hai.
ap ise shraddha vishvas evan vidhipurvak dharan karen, apka jivan sarvatomukhi vikash ki or agrasar hoga. nahin to ise puja ghar men rakhakar shraddha purvak pujan karen, apki bhagyonnati tatkal shuru ho jaegi. rudraksh dharan karne se purva inhen abhimantrit karna avashyak hai. tatpashchat hi rudraksh shaktiyan jagrit hokar vishesh shubh ho jate hai. rudraksh siddh v abhimantrit hone ke bad jab dharan kie jate hai to dharak ke sabhi du:khon ka haran karte hai. rudraksh dharan karte samay kam se kam ek mala shiv mantra ka jap avashya karna chahie. yah jap 11 mala tak kiya ja sakta hai. sath hi mantra jap ke sath pratyek rudraksh ke vishesh dev ka pujan, darshan bhi karna chahie. aiye apko kuch rudrakshon ki upyogita ke vishay men batate hai. jaise-
ek mukhi rudraksh - surya shubhta ke lie ekmukhi rudraksh bada uttam evan pavitra hota hai. ek mukhi rudraksh bade hi bhagyashali ko milta hai. iske darshan matra se hi sabhi papo se chutkara milta hain aur dharan karne se sampurn anisht dur hokar sabhi manokamnaen purn hoti hai. ek mukhi rudraksh atyant durlabh hota hai.
do mukhi rudraksh - chandra dosh dur karne ke lie do mukhi rudraksh dharan kiya jata hai. do mukhi rudraksh ko shiv aur parvati ka svarup mana gaya hai. isko dharan karne se ghor hatya ke pap ka nash hota hai. yah chit ki ekagrata, mansik shanti, adhyatmik shanti tatha kundalini jagrat karne ke lie achuk hai. do mukhi rudraksh bhi atyant durlabh hota hai. shiv aur shakti ki upasna karne vale ko yah avashya pahnna chahie.
tin mukhi rudraksha- tin mukhi rudraksh mangal shanti ke lie dharan kiya jata hai. is rudraksh ko brahma, vishnu evan mahesh ka svarup mana jata hai. janm patri men manglik yog ki ashubhta bhi is rudraksh ko dharan karne se dur hoti hai. yah rudraksh mangal dosh ka nivaran karne men bhi mahatva bhumika nibhata hai.
isi prakar anya rudrakshon ke mahatva, dharan vidhi, mantra evan dev ki jankari ismen vistar se di gai hai.