rudraksh prashnottari rudraksh ka rakh rakhav kaise karen (0 views)

rudraksh ka laib janch ke bad rudraksh ki gunavatta siddh hoti hai. rudraksh ki saf safai kaise karni chahie? iske lie ap rudraksh dharan se purva iske asli hone ki janch avashya kara len. asli rudraksh hi dharan karen. khandit ya kanton se rahit rudraksh dharan n karen. japadi karyo ke lie chote aur dharan karne se bare rudraksh hi upyogi mane jate hai. rudraksh anguthi men kadapi dharan nahin karen, anyatha bhojn-shauchadi kriya men iski pavitrata khandit ho jaegi. rudraksh pahan kar shamshan ya kisi antyeshti-karm men athva prasuti-grih men n jaen. striyan masik dharm ke samay rudraksh dharan n karen. rudraksh men antargarbhit vidyut tarangen hoti hain jo sharir men sakaratmak aur pranvan urja ka sanchar karne men saksham hoti hain. isi karan rudraksh ko prakriti ki divya aushdhi kaha gaya hai. atah rudraksh ka vanchit labh lene hetu samy-samay par iski saf-safai ka vishesh khayal rakhen. shushk hone par ise tel men kuch samay tak dubakar rakhen. iski saf safai ke lie gangajal se dhokar ise shuddh kiya ja sakta hai. rudraksh ko hrday ke nikat dharan karna sab se adhik sahi mana jata hai. rudraksh dharan ke din upvas karen athva satvik alpahar len. rudraksh ko kachche dudh, panchagavya, panchamrit athva gangajal se pavitra karke, ashtagandh, kesar, chandan, dhup, dip, pushp adi se uski puja kar shiv panchakshari athva shiv gayatri mantra ka jap karke purn shraddha bhav se dharan karen.