rudraksh ka janm bhagvan shiv ke ashruon se hua hai. rudraksh dharan karne vale vyakti ke sabhi kashton ka nash rudraksh karta hai. iske atirikt rudraksh se naun grahon ke dosh dur hote hai. ek mukhi rudraksh surya, do mukhi chandra, tin mukhi mangal, char mukhi budh isi kram men shesh anya ….. grahon ke dosh rudraksh dur karta hai. vishesh rup se 1 se 15 mukhi rudraksh sarlta se upalabdh ho jate hai jiske karan vishesh rup se prayog men lae jate hai. rudraksh n keval sharirik kasht dur karte hai. balki inhen mansik kasht tatha ganbhir rogon ki chikitsa hetu bhi inhen dharan kiya jata hai. vaivahik jivan ko sukhamay banae rakhne ke lie gauri shankar rudraksh vishesh rup se dharan kiya jata hai. yah rudraksh svasthya sukh hetu bhi dharan kiya jata hai. gauri ganeshah rudraksh yogya santan prapti hetu dharan kiya jata hai. tatha ganesh rudraksh vyapar, durghatana v sukh shanti pradayak rudraksh hai. vishesh sthiti men samyanusar rudraksh kavach bhi dharan kiye jate hai. jaise- dhan barhane ke lie dhan pradayak kavach, buddhi v shiksha ke lie vidya buddhi pradayak kavach isi prakar anya anek samasyaon ka rudraksh kavach rup men dharan kiya jata hai. manovanchit manokamna prapti ke lie bhi kavach dharan kie ja sakte hai. yadi kisi vyakti vishesh ko svasthya sanbandhi pareshaniyan a rahi ho to use arogyadayak kavach dharan karne se labh prapt ho sakta hai. kavach kyonki ek se adhik rudrakshon se milakar bana hota hai. islie isse prapt hone vale labh bhi ek se adhik aur vishesh uddeshyon se jure hote hai. arogyadayak kavach men surya,chandra, mangal aur guru ke rudraksh se milakar bane hota hai. isi kram men vidya pradayak kavach panna, 4 mukhi rudraksh, 6 mukhi rudraksh se milakar bana hota hai. dhan, sukh pradayak kavach, kalasarp kavach, shani kavach ityadi ka vishesh rup se prayog kiya jata hai.
rudraksh aur anya upyog
uchch raktachap men vishesh upyogi.
sarp rog, kshay rog, kusht rog aur kainsar rog men upyogi hota hai.
rudraksh ko jal men bhigokar rakhen tatha kuch samay bad is jal ka sevan karen. yah svasthyavardhak upay hai.
rudraksh ko takiye men rakhakar sone se du:svapn nahin ate hai.
jukam, kaf, elarji men bhi yah labhkari siddh hota hai.