सूर्य-चंद्र दिलाते हैं कामायाबी

surya-chandra dilate hain kamayabi  

Ank ke aur Lekh | Sambandhit Lekh | Views : 4494 |  
vyakti ke saflta v prabhavshilta grahon ki sthiti, gati aur nakshatron ki chal se tay hoti hai. inki sthiti ke anurup vyakti ko kamyabi milti hai. inke viprit sthiti men hone par vyakti chah kar bhi saflta ka svad nahin chakh pata hai. grahon ka raja surya vyakti ko saflta ke shikhar par pahuncha sakta hai. vishva men apne-apne kshetra men kamyabi ke shikhar par pahunchne vale udyogpti, kalakar, dharm guru, sangitkar, vaigyanik, lekhak, jyotishi, rajnitigyaon adi ki d taims af estrolaji men sanpadit 351 kundaliyon ke adhyayan karne par yah tathya ubhar kar samne ae ki sabhi diggaj purushon ki kundaliyon men surya stri rashi men sthit tha tatha striyon ki kundaliyon men surya purush rashi men tha. surya pratyek prani ke jivan ka adhar hai islie kundali men surya mahatvapurn sthan rakhta hai. surya grah raja hai, jo rajsi sukh dilata hai aur uchch pad par pahunchata hai. in 351 kundaliyon men se 187 kundaliyon men surya stri rashi men tha aur 164 kundaliyon men surya purush rashi men tha. jyotish men adhyayan ke dauran yah bat samne ai ki pratahkal, ardharatri, sandhyakal evan dopahar arthat din v ratri ke gandakal men janm lene vala adbhut vyakti hota hai. is adhar par 119 kundaliyon ka adhyayan kiya gaya, jismen pratahkal men 49 vyakti, sandhyakal men 28, dopahar men 26 evan ardharatri men 16 vyaktiyon ka janm hua. sarvapratham 15 udyogptiyon ki kundaliyan li gain, jismen 11 vyaktiyon ki kundaliyon men surya navansh men stri rashi men evan 4 purushon ki kundali men surya purush rashi men tha evan 9 vyaktiyon ka janm pratahkal men hua tha. is prakar 74 rajnetaon ki kundaliyon ka adhyayan kiya gaya, jismen se 30 vyaktiyon ki kundaliyon men surya navansh men stri rashi men tatha 24 kundaliyon men purush rashi men tha. iske sath hi 24 vyaktiyon ka janm pratahkal men hua. kalakaron ki 72 kundaliyon ke adhyayan se yah tathya samne aya ki 42 logon ki navansh kundali men surya stri rashi men tatha 30 vyaktiyon ki kundaliyon men surya purush rashi men tha. kalakaron ke janm men ek visheshta yah rahi ki dopahar men 23 vyaktiyon ka, sayankal 20, pratahkal 18 tatha ardharatri men 11 vyaktiyon ka janm hua. iske alava yah bat bhi spasht najar ai ki jin vyaktiyon ki kundaliyon men janm lagn men surya stri rashi men tha vah navansh men purush rashi ka ho gaya, lekin stri kalakaron ke surya purush rashi men the. birle hi kundaliyan aisi thin jo janm lagn men v navansh men purush v stri rashi men surya raha ho. chandra jo ki man ka svami hai. yah bhi kalpurush ki kundali men apni pratishtha men kami nahin karna chahta. vishleshan se gyat hua ki sabse adhik logon ki kundaliyon (38) men chandrama sinh rashi men tha, fir tula rashi men (37 logon), makar rashi men (37 lagon), kanya rashi men (34 logon), kark rashi men (31 logon) evan mesh rashi men chandrama 30 vyaktiyon ka tha. iske atirikt sabse kam keval 21 logon ki kundaliyon men chandrama vrishchik v dhanu rashi men tha. yadi bhav kundali ki bat karen to barah bhavon men se- acharya rajnish ke chah, shri ram sharma ke chah, dilip kumar ke chah, hemamalini ke chah, indira gandhi ke chah, kajol mukharji ke chah, jayllita ke chah, devanand ke sat, juhi chavla ke sat, jyoti basu ke sat, arvind maharshi ke ath, asha parikh ke ath, dharmendra ke ath, harivansh ray bachchan ke ath, abhitabh bachchan ke nau, ashokumar ke nau, ritik roshan ke nau, dimpal kapadiya ke panch, gurudatt ke panch, kapil dev ke panch, anil kapur ke do, javahrlal nehru ke char, karishma kapur ke ek tatha kiran bedi ke char bhav prabal the. anya kundaliyon ka adhyayan jari hai. chandra v surya ki apni adhishthit rashi se yah gyat hua ki surya ki rashi 5, 6, 7, 8, 9, 10 v chandra adhishthit rashi 4, 3, 2, 1, 12, 11 rashiyon men surya ki rashi men jinke sabse adhik grah rahe vah sadharan vyakti hote hue bhi uchchastar par pahanche. agar dekha jae to ek tarah se hora kundali ka vishleshan surya adhishthit rashi v chandra adhishthit rashiyon se karna hamare lie adhik labhaprad rahta hai. mahatma gandhi 5 grah, da rajendra prasad 5 grah, da. radhakrishnan 6 grah, ke. ar narayan 6 grah, abdul kalam 6 grah, rajgopalachari 5 grah, javahrlal nehru 6 grah, abhitabh bachchan 5 grah, indira gandhi 5 grah, indrakumar gujral 5 grah, atal bihari bajpeyi 6 grah, rajiv gandhi 6 grah, lalkrishn advani 5 grah, banshilal 6 grah, em. jiramchandran 5 grah, sampurnanand 7 grah, mayavti 6 grah, soniya gandhi 5 grah, narendra modi 6 grah jahan surya adhishthit rashiyon men (rahu v ketu ko chodkr) the. vahin anya vyaktiyon ke chandra adhishthit rashiyon men the. isi karan in logon ne apne-apne kshetra men saflta ka paracham lahraya. kark lagn dilata hai rajnitik saflta bhartiya rajniti men satta ke shikhar par pahunchne vale 82 rajnetaon ki kundaliyon ke sukshm adhyayan karne par samne aya ki kark lagn men janm lene vale log rajniti men saflta prapt kar satta ke shikhar par pahunchte hain. is lagn men janm lene vale logon men samrat ashok, javahar lal nehru, madan mohan malviya, bal gangadhar tilak, sardar vallabh bhai patel, indira gandhi, ke. ar. narayan, vi.pi. sinh, indra kumar gujral, ech.di. devegauda, kamlapti tripathi, soniya gandhi, najma heptulla, menka gandhi, vasundhara raje, mayavti, mulayam sinh, shila dikshit tatha em. karunanidhi mukhya hain. vishva ke jane mane 33 rajnitigyaon ki kundali ka adhyayan karne par pata chala ki inmen se 9 vyakti kark lagn ke, chah dhanu lagn ke aur panch vyakti kanya lagn ke the. usmen se sat bhartiya rajneta kark lagn ke, kanya lagn vale yuesae aur sinh lagn vale briten ke the. bharat v pakistan men dhanu lagn vale neta uchch rajnitik padon par asin rahe. vrishchik lagn karata hai sangharsh kark lagn valon men shasan chalane ki pratibha hoti hai tatha unhen iska avasar bhi prapt hota hai. isi prakar dhanu lagn men janm lene vale prakhar buddhi ke dhani hote hain aur usi ke bal par shikhar shiromni bante hain. is lagn ke dharak da. rajendra prasad, da. radhakrishnan tatha da. epije abdul kalam ne rashtrapti pad ko sushobhit kiya, jabki da. hedgevar, ti.en. sheshan, mohnlal sukhadiya, farukh abdulla, benjir bhutto, dae. manmohan sinh tatha tipu sultan ne apne asadharan vaishishtya ka paracham lahraya. shodh men ek bat yah bhi ubhar kar ai ki vrishchik lagn vale log kafi sangharsh ke bad bade pad par pahunchte hain. aur use barkrar rakhne ke lie kafi sangharsh karna padta hai. bavjud iske inko apne parishram ka pura labh nahin mil pata. vartaman rajnitik sthitiyon ko dekhen to narendra modi ke bhi vrishchik rashi v vrishchik lagn hai. vahin sirajgopalachari, lalbhadur shastri, lalkrishn advani tatha sharad pavar ke nam bhi shamil hanai. lalkrishn advani ki kundli men vrishchik ka shani hai jo kade parishram ke bavjud pura fal nahin de pata hai. yahi vrishchik ka shani mayavti, menka gandhi v vi.si. shukla ki kundli men bhi maujud hai. kumbh lagn men janme logon ke lie rajniti men vivadaspad hone ka sanket milta hai. halanki aise log pragti to karte hain lekin sadaiv gupt bane rahte hain. em.ji. ramachandran, uma bharti, ajit jogi, dilip sinh judev, murli manohar joshi jaise neta kunbh lagn ke dhani hain. atal bihari vajpeyi ka janm lagn tula hai. yahi lagn mahatma gandhi, v en.ti. rama rav ka bhi hai. atal ji ka janm 25 disambar ko hua. unki kundli men dhanu ka surya hai jo lambe jivan sangharsh ke uprant satta sukh pradan karta hai. shodh men yah tathya bhi samne aya ki kisi ki kundli men yadi sinh ka mangal hai to us vyakti ko anayas tatha anashik prayas men hi saflta hasil ho jati hai. indira gandhi, vi.pisinh, devgauda, jyoti basu, pramod mahajan, ramvilas pasvan, jayllita adi ki kundliyan iska udaharan hain. rajniti men saflta dene vale karkon men sarvadhik mahatva sinh ke mangal ka rahta hai jo ki shodh men 14 logon ke tha. isi prakar 13 logon men vrishchik ka shani, 12-12 logon men makar ka budh v sinh ka guru tatha 11-11 logon ki kundali men kanya ka chandrama v tula ka shukra shamil hai. tin mulank dilata hai saflta shodh ke anusar suryoday ke samay janm lene valon ka bhavishya rajniti men ujjval hota hai kyonki 82 men se 36 ka janm brahmamuhurt men hi hua tha. isi prakar dekha gaya ki rajniti men tin mulank vale log safal rahte hain. shodh nishkarsh men 25 logon ka mulank 3 paya gaya jabki 15 logon ka panch, 11 logon ka ek tatha 12 janon ka mulank 8 tha. shodh men ek rochak tathya yah bhi drishtigat hua ki 82 men se 67 rajnetaon ka nam janm rashi ke adhar par nahin rakha gaya. keval 15 logon ka nam hi unki janm rashi ke anurup tha. 351 kundaliyon men adbhut bat yah najar ai ki sabhi kundaliyan dekhne men sadharan si lagti hain. kundaliyon ko dekhakar yah pata nahin laga sakte hain ki yah vyakti itna unnatishil v yashasvi kyon hai, dhan sampada se bhautik sansadhnon se, yukt kyon hai, yah bat thik lagti hai ki kendra v trikon ki yuti ya lagn ko lagnesh ka dekhna dhan-sampti yukt banata hai, fir bhi garib vyaktiyon ki kundali men bhi yah yog dekhe ja sakte hain, parantu antim avastha tak vah garib hi rahta hai. parantu vishesh bat yah ki mahanatam vyaktiyon ki kundaliyon men pap v shubh grahon ka sanbandh, shani-chandra ka sanbandh, shani-surya ka sanbadh, rahu-chandra, rahu-surya ya shubh grah evan pap grahon ka sanyog dekhne men mila. inapar drishti sanbandh ne hi inko uchch sthan par pahunchaya arthat is yug men hamen is bat ko bhulna padega ki shubh grah ke sanyog se hi vyakti uchch star par pahunchega. yah yug kalah yug hai, samasya pradhan yug hai, atah vyakti ke jivan men atma par, man par ashubh grahon ka prabhav nahin hoga to vah jivnshaili ko kaise pahchan sakega. agar ham brahmand ke mahanatam purush shri ram evan shri krishn ki kundali ka adhyayan karenge to yah bat spasht ho jaegi ki donon ki kundaliyon men shani-surya ka sanbandh sam saptam drishti se hai, tabhi vah ishvar ke svarup ko prapt kar sake. jinki kundaliyon men aisa sanyog hai to us vyaktiyon ko janta ki pida ko apne man se dekhna padega, atma se dekhna padega, jo aisa karta hai, vah vyakti apne ap mahan evan uchch star par avashya jayega. shodh men yah bhi pata chala ki 351 kundaliyon men 48 vyaktiyon ki kundali men mangal ki dasha, 43 kundali men rahu ki dasha, 42 kundaliyon men ketu ki dasha, 38-38 kundaliyon men guru aur shukra ki dasha evan 34 kundaliyon men shani ki dasha, 41 kundali men chandra ki dasha, 36 kundaliyon men budh ki dasha men janm hua. yogini dashaon ko lete hain, to 54 kundaliyon men bhramri dasha, 53 kundaliyon men bhadrika dasha, 45 kundaliyon men ulka dasha, 46 kundaliyon men pingla dasha, 29 kundaliyon men siddha dasha, 37 kundaliyon dhanya dasha, 38 kundaliyon sankta, 50 kundaliyon men mangla dasha men janm hua tha. isse yah nishkarsh niklta hai ki vartaman samay men pap grahon ki dasha atyadhik fal dene vali v shubh grahon ki dasha kharab fal dene vali hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2013

Apne vichar vyakt karein

blog comments powered by Disqus
.