शनि ग्रह से ही नहीं है भाग्य रेखा का संबंध

shani grah se hi nahin hai bhagya rekha ka sanbandh  

Ank ke aur Lekh | Sambandhit Lekh | Views : 738 |  
bhagya rekha jatak ke jivn ki mahatvapurn ghatnaon jaise jivanacharya, dhan-daulat, santan, svasthya sabhi ke bare men batlati hai. hatheli men shani parvat par jane vali rekha ko bhagya rekha kaha jata hai. ise hastarekha shastra ki bhasha men shani rekha bhi kahte hain. iske alava suryarekha manushya ki jivanacharya men vishesh uchch pad, man-pratishtha dhan prapti ki sthiti adi batlati hai. yadi hatheli men shani rekha (bhagya rekha) aur surya rekha donon vidyaman hon to vyakti ko atyant uchch adhikar vala pad, khyati aur vishal sanpatti prapt hoti hai. jis prakar manushya ki kundli men bhagyesh (navmesh) aur dashmesh donon balvan hon to rajyog banta hai, thik usi prakar hatheli men shani aur surya rekhaen donon balvan (spasht, lanbi) hon to hatheli men rajyog banta hai. manushya ki kundli aur hatheli ke sammilit vishleshan se ham yah pate hain ki jatak ki bhagya rekha (shani rekha) ka sanbandh jatak ki kundli ke bhagyesh (navmesh) se tatha surya rekha ka sanbandh dasham bhav ke svami grah se hota hai. is prakar bhagya rekha ke bali ya nirbal hone ko keval shani grah ke bali ya nirbal hone ke rup men nahin liya jana chahie. kyonki jatak ki kundli men bhagya ka svami shani ko chorakar koi bhi grah (surya se shani tak) ho sakta hai. prayah aisa dekha jata hai ki shani rekha ke nirbal hone par jyotishi nilam dharn karne ki salah de dete hain, jabki avashyakta navmesh ka ratn ko dharn karne ki hoti hai is prakar jatk ki samasya aur barh jati hai. yahi sthiti surya rekha ke sath bhi utpanna hoti hai. prakritik rup se jatak ki hatheli men char udhrva ungliyan aur parvat kramshah guru parvat, shani parvat, surya parvat aur budh parvat hote hain. isi prakar jatak ki kundli men char trikon-pratham dharm trikon, dvitiya arth trikon, tritiya kam trikon aur chaturth moksh trikon hote hain. hatheli ki charane udhrva rekhaon ka adhyayan karne par pata chalta hai ki inka sanbandh jatak ki janm kundli ke inhin charon trikonon ke svami grahon ke falon ka sammishran hota hai. hath ki rekhaen vastav men prakriti ki kut bhasha ya kut sanket hain, jinhen samjhna hi daivagya ka karya hai. ham dekhte hain ki hath ki bhagya rekha jise shani rekha bhi kahte hanai, ka sanbandh kundli ke pratham dharm trikon arthat lagn, pancham aur navam grahon ka svamiyon se hai. navam bhav ko dharma bhav bhi kahte hain. is prakar bhagya rekha svasthya, shiksha, santan, bhagya adi sabhi ke vishay men batlati hai. atah bhagya rekha yadi nirbal ho to dharm trikon ke svami grahon ke ratna dharan karne chahie. hath ki surya rekha kundli ke dusre trikon (arth trikon) arthat dusre, chathe aur dasven bhavon ke svamiyon se sanbandhit hai. is prakar jatak ki surya rekha sanchit dhan, vidya, shatru se raksha, pad, pratishtha adi ke bare men batlati hai. is prakar surya rekha keval surya se sanbandhit nahin hoti balki uska sanbandh kundli ke arth trikon ke svami kisi bhi anya grah se ho sakta hai. hath ki budh rekha ka sanbandh jatk ki kundli ke tisre kam trikon arthat tritiya, saptam aur ekadsh bhavon se hota hai. kundli ke saptama bhav se stri sukh ke alava sajha vyapar evan ekadash bhav se dhan labh ka vichar kiya jata hai. is prakar hath ki budh rekha jatak ki vyavsayik kshamata ko batlati hai. jabki jatak ki vivah rekhaon, jinhen kam rekha bhi kahte hain, ki shubh aur ashubh sthitiyon ka vichar hath ke budh parvat par in rekhaon ki sthiti ke anurup kiya jata hai. ant men, hatheli men yadi guru rekha bhi ho to uska sanbandh chaturth moksh trikon arthat chaithe, athven aur barhven bhav ke svami grahon ke anurup hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.