संयोग
Ank ke aur Lekh | Sambandhit Lekh | Views : 860 |  
janm janmantron ki lanbi rahon men koi birle hi hote hain jo purva karm bandhnon ke karan kisi janm men fir se prem vivah ki dori se jur jate hain aur do sharir - ek atma jaisi kahavat ko charitarth karte hain. aise jore ke melapak men 36 gun ka milan bhi aisa hi kuch darshata hai. pratyek yuva ka ek sapna hota hai ki use aisa jivan sathi mile jisse uske vichar milte hon. jivan shaili saman ho, samajik, buddhi v dharmik star men milan ho tatha mansik rup se bhi donon ke vicharon men samanvay ho yahi sach bhi hai ki saman star ke vivahit jore ko apne naye jivan men pravesh adhik sahaj ho jata hai. vivah ko lekar pashchimi deshon ki sanskriti bharat ki sanskriti se kafi bhinn hai. jahan bharat men abhi bhi mata-pita apne bachchon ke lie bhavi jivan sathi ka chayan karte hain vahi pashchim men sabhi bachche svayan hi unka chayan karte hain. jahan bharat men am taur par 20 se 30 varsh tak ki ayu men larke- larkiyane ka vivah ho jata hai, videsho men yahi umra 30 se 40 varsh tak jati hai kyonki vahan bachche apna nirnay hi nahin le pate. pahle 5-6 sal to vah sath rah kar dekhte hain aur uske bad hi apna nirnay lete hain aur is dauran unke sathi bhi badal jate hain kyonki apas mane koi n koi man mutav a hi jata hai. bharat men bhi liv in rileshnship ka chalan bahut barh gaya hai aur kafi larke larkiyan apni pasand se hi vivah karne lagte hain. lekin uske sath yahan talak ki sankhya bhi barh gai hai kyonki choti-choti si bat par pati-patni apna samanjasya nahin kar pate aur arthik rup se svatantrata bhi iska ek karan bani hai. ise ek sanyog hi kahenge ki svayan chunav karte samay aisa jivan sathi mil jae jo har star par samanta rakhta ho aur jyotish ki paribhasha men jise uttam kundli milan kaha jata hai. aisa hi sanyog mujhe hal hi men dekhne ko mila. shruti ek medikal kalej men homyopaithi daektari ki parhai kar rahi thi. uski klas men lagabhag pachas vidyarthi the. unki klas men tichar ne ath-ath vidyarthiyon ke chah grup bana diye the taki ve log grup men kam kar saken. shrriti ke grup men use varun bahut achcha lagta. unka kam karne ka dhang, sochne ka dhang kisi bhi projekt ko prastut karne ka tarika bahut milta aur donon milakar kam ko saral bana dete. kahan to vah apne ghar se dur hokar hostal men bahut dukhi thi par varun se milne ke bad use kaelej men samay bitana bahut achcha lagta. vah adhik se adhik samay varun ke sath kaelej men bitati. pahla sal kaise nikal gaya, use pata hi nahin chala. dusre sal varun ko dusra grup mil gaya to shruti ka man ek dam bujh gaya. jise klas men ana bahut achcha lagta ya vahi ab use bojhil lagne lagi. vah intjar karti rahti ki kab klas khatm ho aur vah varun se mile. yahi hal barun ka tha. donon ne anya vidyarthiyon se bat karke jab tak apna grup nahin badlvaya unhen chain nahin aya. isi tarah kab unka kors pura ho gaya, unhen pata hi nahin chala aur donon apne-apne ghar chale gaye. chuki ab shruti daektar ban gai thi uske mata-pita uske lie var ki talash karne lage. unhen janmakundli ke milan par atut vishvas tha aur ve shruti ka vivah kundli milan ke pashchat hi karna chahte the. shruti chah kar bhi apne man ki bat unse nahin kah pai. shruti ke lie anek rishte ae lekin kahin bhi uski kundli nahin mili aur isilie uska vivah talta raha. tabhi ek din shruti ne hamare sansthan se varun ki kundli se apni kundli maich karai to vah hairan rah gai. donon ke 36 gun mil rahe the. vah to khushi se uchal pari tabhi to ham dusre ke itne karib hain aur hamare vichar itne milte hain. ab use vishvas tha ki uske papa varun ke lie jarur man jaenge. usne apne mata-pita se is vishay men batchit ki to ve uski vibhinn jati ko lekar pashopesh men par gaye lekin shruti ke prem ke age unki ek n chali aur unhonne is rishte ke lie hami bhar di. aj shruti aur barun ki shadi ko lagabhag panch varsh ho gaye hain aur unka ek beta bhi unke parivar men shamil ho gaya hai. yah ishvariya sanyog hi tha jisne unhen ek dusre ke pas lakar, milakar hamesha ke lie ek kar diya. aiye, karte hain in donon ka jyotishiya vishleshn in donon jatkon ki lagn kundliyan ek hain, tatha yahan tak ki donon ki rashi bhi ek hain, donon ki kundliyon men barah bhavon men ek saman grah sthit hai. aisa grah sanyog bahut kam pati-patniyon ko paraspar dekhne ko milta hai. inhin saman grah, lagn rashi ke hone se in donon ka ek dusre ke prati itna atyant atut prem bana jiske falasvarup donon shighra hi ek dusre ke karib ho gaye. in donon ki kundliyon men sukshmata se gaur karen to pancham sthan jo ki purva janm se sanbandh rakhta hai, arthat pancham bhav ka svami budh ashtam sthan men saptamesh surya, lagnesh shani, labhesh v kutambesh brihaspati ke sath apne hi ghar men sthit hain. is grah yuti sanyog se yah spasht sanket hain ki, inke vivah sanyog ka purva janm se koi gahra sanbandh tha, jiske karan inke mata-pita dvara bahut prayas karne par bhi anyatra inka vivah-sanbandh nahin ban paya aur yah donon manpsand prem vivah karne men safal hue. donon ki lagn kundliyon men saptamesh aur panchmesh ki yuti hone se prem vivah hone ka prabal sanyog bhi ban raha hai. jyotish shastra, evan pauranik granthon ke kathnanusar mrigshira nakshatra men janmen purushon evan rohini nakshatra men janmi striyon ka vivah ke sanbandh men purva janm ka koi bara sanyog hota hai. in jatkon ka janm bhi thik inhin nakshatron men hua hai. mrigshira nakshatra men varun ka tatha rohini nakshatra men shruti ka janm hua hai. in donon ki kundli men kemadrum yog vidyaman hai. is yog ke falasvarup inko dhan ki vachat karne ki koshish karni chahie tatha dhan ka sahi tarike se upyog karne ki adat dalni chahie. anyatha aise men arthik rup se pareshaniyan a sakti hain tatha bhavishya men jab bhi inke jivan men arthik asmanta ayegi, arthat jaise ek vyakti adhik kamaega tatha dusra kam kamaega to aisi sthiti men donon ke madhya kuch matbhed bhi badh sakte hain. bhagya bhav men mul trikon svarashi men yogkarak shukra ke hone se bhagyashali yog ban raha hai jiske prabhav se jivan men dhan, sanpatti, vahan adi sukh ki uttam prapti rahegi. age bhavishya men vaivahik jivan ke anusar donon jatkon ko 2014 tak adhik talmel banane ki avashyakta rahegi, jisse vaivahik jivan men sukh samriddhi bani rahe.
Kya aapko lekh pasand aaya? Subscribe
Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.