राहु-केतु का योगकारक फल

rahu-ketu ka yogkarak fal  

Ank ke aur Lekh | Sambandhit Lekh | Views : 3922 |  
akash men jis sthan par chandrama ka rasta prithvi ke raste ko katta hai, us bindu ko rahu kahte hain. usse thik 180 degree samne sthit bindu ko ketu kahte hain. rahuah sada chashtamandirasthe roganvitan paprant pragalbham. chairan krishan kapurushan dhanadhyam mayamtitan purushan karoti.. arthat ‘aisa vyakti rogi, nindit karm karne vala, dhani, tatha mayavi (chaliya) hota hai. rahu ki vinshottari dasha 18 varsh ki hoti hai. vah ek rashi men dedh varsh gochar karta hai. 42ven varsh men rahu apni bhav sthiti tatha balanusar vishesh prabhavi hota hai. ketu dhanu men uchch, sinh men mulatrikon, min rashi men svakshetri v mithun rashi men nich hota hai. iske mitra, sam v shatru grah tatha bhav fal rahu ki tarah hi hain. ashtamasth ketu bhi prayah anishtafal karta hai, kintu mesh, vrish, mithun, kanya aur vrishchik rashiyon men se kisi ek men ketu ashtam men ho to dhan labh deta hai. bhavedashtame rahu puchche'rthalabhah sada kit kanya jagoyugm ketuah . ketu ki vinshottari dasha mangal grah ki tarah sat varsh ki hoti hai. gochar men yah ek rashi men dedh varsh rahta hai. 48ven varsh men apni sthiti tatha balanusar ketu vishesh prabhav deta hai. rahu-ketu ke shubhashubh fal ke bare men laghuparashri granth men bataya gaya hai. yadyadbhavgtau vapi yadyadbhavesh sanyutau. tatvatfalani prablau pradishetan tamo grahau. (sangyadhyay, shlok 13) arthat, rahu v ketu jis bhav men sthit hon, athva jis bhavesh ke sath baithe hon, unhin se sanbandhit vishesh fal dete hain.’’ uprokt sutra anusar ‘yadayadbhavgto’ kahakar maharshi parashar ne inka keval sahacharya sanbandh hi mana hai. chaya grah hone ke karan rahu v ketu men apna svatantra fal dene ki kshamata nahin hoti. jis bhav men baithanege usi bhav v bhavesh ka fal dete hain. yah jis rashi men honge us rashi ka svami yadi balvan ho to yah bhi balvan mane jayenge. yadi ukt rashish nirbal ho to yah bhi nirbal mane jayenge. udaharanasvarup, yadi rahu lagn men akela ho to vah lagn bhav ka lagnesh ke balanusar fal dega. yadi inke sath koi grah ho to vah grah jis bhav ka svami hai, us bhav ka bhi fal dega. isi prakar rahu v ketu ki adhishthit rashi ka svami yadi parashar mat se kisi kundli men yogkarak hai to rahu-ketu bhi yogkarak ho jayenge aur yadi vah yogkarak nahin hai to yah bhi yogkarak nahin rahenge. rahu v ketu yadi shubh bhav men sthit ho to shubh fal denge aur ashubh bhav men sthit hone par ashubh fal denge. dvitiya, dvadash ya kendra (4, 7, 10) bhav men rahu-ketu sam honge. trikon v lagn men shubh honge. ashtam bhav men ati ashubh fal denge. atah rahu-ketu yadi kisi anya grah ke sath hon to yah dekhna hoga ki vah grah shubhashubh kaise bhav ka svami hai. jaisa fal sathi grah ka hoga vaisa hi fal rahu-ketu ka hoga. us bhavesh ke fal ko pradan karne ki shakti men rahu-ketu ki bhi shakti sammilit hokar prabhav ko badha degi. ‘laghuparashri’ men age kaha gaya hai: yadi kendretrikone va nivsetan tamograhau. nathenanyatrena'vi sanbandhadyog karkau. (yogadhyay, shlok 8) arthat ‘kendrasth ya trikonasth rahu v ketu ka trikonesh v kendresh grah ke sath sanbandh hone se rahu-ketu ki dasha-antardasha ke samay ‘yog fal’ ki prapti hoti hai.’’ jaise kark lagn men pancham ya dasham bhav men mangal ke sath rahu ya ketu sthit hon to shreshth fal denge. isi prakar lagnesh ke sath rahu baithe to bhi yogkarak fal hota hai. apni adhishthit rashi ke svami ka fal hi rahu v ketu ka hota hai. rahu v ketu apni adhishthit rashi ke svami ke sath sanbandh karen tatha kendra ya trikon men sthit hon to ‘yogkark’ sadrish fal denge. sath hi kisi bhi trikon ya kendra men baithakar yadi anya trikonesh se sanbandh karenge tab bhi yogkarak honge. kendragat hokar trikonesh ke sath hon to shreshth yogkarak, aur trikon men kendresh ke sath hon to kuch kam yogkarak honge. yadi rahu v ketu kendra ya trikon ke atirikt sthanon men baithakar bhi kendra ya trikonesh se sanbandh karen tab bhi yogkarak honge. atah rahu-ketu karak grahon ke sath honge to karak yadi marak grahon ke sath hon to marak ho jate hain. ashtam men ashtamesh ya kisi anya papi grah ke sath baithe rahu-ketu param ashubh (mrityu) karak hote hain. is prakar bhav sahacharya ke adhar par in chaya grahon ke faladesh ka nirnay kiya jata hai. uprokt vivechan ke nishkarsh svarup kaha ja sakta hai ki yadi rahu v ketu akele hon to:- 1. kendra ya trikon men sthit hone par nisarg pap kendresh ki rashi men sam v trikonesh ki rashi men shubhafal denge. 2. shubh kendresh ki rashi men sam faldayak honge. 3. yadi kendresh v trikonesh grah sath hi 3, 6, 8 bhavon ka bhi adhipti ho to rahu v ketu ke fal mane kuch ashubhta bhi a jayegi. 4. ashtam men yah sadaiv ashubh fal denge. 2. yadi rahu-ketu ke sath koi anya grah bhi ho to:- 1. papi kendresh v trikonesh (yogkarak grah) ke sath sada shubhkari honge. 2. shubh kendresh ke sath hokar yadi trikonesh se yukt hon to yogkarak honge. 3. 3, 6, 11 bhaveshon ke sath samanya shubh honge. 4. ashtamesh ke sath sada papi rahenge. bhavesh ke sath-sath bhav sahacharya ka fal bhi is sthiti men inke sath mishrit rup men rahega. dasha antardasha fal 1. yadi rahu v ketu trikon men ho aur kisi se sanbandh n karte hon to: 1. kendresh ki mahadsha men trikonasth rahu ya ketu ki antardasha shubh hoti hai. yogkarak fal ki prapti hoti hai. 2. trikonasth rahu ya ketu ki mahadsha men jab kendresh ki antardasha ati hai tab bhi yogkarak fal milta hai. 3. isi prakar kendra men baithe hue rahu ya ketu ki apni mahadsha men tatha trikonesh ki antardasha men shubh fal milta hai. 4. isi prakar trikonesh ki mahadsha men kendra men baithe hue rahu v ketu ki apni antardasha men shubh fal milta hai. 2. yadi rahu v ketu shubh grah ke sath baithe hon, ya kendra athva trikon men baithe hon, aur kisi papi ya ashubh grah se sanbandh n karte hon, to aise rahu v ketu ki mahadsha men jab yogkarak grah ki antardasha ati hai to bahut uttam fal (yogkarak grah ka fal) milta hai. 3. yadi rahu v ketu duahsthan (ashtam, shashth, dvadsh) men sthit ho, ya ashtamesh adi papi grah ke sath hon, ya ashubh grah ke sath hon, to inki dasha-antardasha achchi nahin hoti. yadi mahadsha rahu ya ketu ki ho to sadharan anisht prabhav hoga. inke antargat anya yogkarak, shubh grah, trikonesh adi ki antardasha ka samay achcha rahega. atah rahu-ketu ashubh bhavon men baithakar asanbandhi hone par ashubh fal denge tatha sanbandhi hone par to avashya hi anisht karenge.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.