Congratulations!

You just unlocked 13 pages Janam Kundali absolutely FREE

I agree to recieve Free report, Exclusive offers, and discounts on email.

मन की चंचलता कैसे दूर हो?

man ki chanchlta kaise dur ho?  

Ank ke aur Lekh | Sambandhit Lekh | Views : 3565 |  
padarthon men, bhogon men, vyaktiyon men, vastuon men, ghatnaon men jo rag hai, man ka khinchav hai, priyata hai, vahi doshi hai. manki chanchlta itni doshi nahin hai. vah bhi doshi to hai, parantu logon ne keval chanchlta ko hi doshi man rakha hai. vastav men doshi hai rag, asakti aur priyata. sadhk ke lie in baton ko janne ki bari avashyakta hai ki priyata hi vastava men janma-maran dene vali hai. unch-nich yoniyon men janm hone ka hetu gunon ka sang hai. asakti aur priyata ki taraf to khyal hi nahin hai, par chanchlta ki taraf khyal hota hai. vishesh lakshya is bat ka rakhna hai ki vastav men priyata bandhnevali chij hai. man ki chanchlta utni bandhne vali nahin hai. chanchlta to nind ane par mit jati hai, parantu rag usmen rahta hai. rag (priyata) ko lekar vah sota hai. is bat ka bara bhari ashcharya hai ki manushya rag ko nahin chorta. apko rupye bahut achche lagte hain. ap man-barai prapt karne ke lie das-bis lakh rupye kharch bhi kar denge, parantu rupyon men jo rag hai, vah ap kharch nahin kar sakte. rupyon ne kya bigara hai? rupyon men jo rag hai, priyata hai, usko nikalne ki jarurat hai. is taraf logon ka dhyan hi nahin hai, lakshya bhi nahin hai. isliye ap is par dhyan den. yah to rag hai, iski mahatta bhitar jami hui hai. varshon se satsang karte hain, vichar bhi karte hain, parantu un purushon ka bhi dhyan nahin jata ki itne anarth ka karan kya hai? vyavhar men, parmarth men, khan-pan, len-den men sab jagah rag bahut bari badha hai. yah hat jay to apka vyavhar bhi bara sugam aur saral ho jay. parmarth aur vyavhar men bhi unnati ho jay. vishesh bat yah hai ki asakti aur rag kharab hain. aisi satsang ki baten sun loge, yad kar loge, par rag ke tyag ke bina unnati nahin hogi. to prashn yah hona chahie ki rag aur priyata ka nash kaise ho? bhagvan ne gita men is rag ko panch jagh bataya hai. ‘‘indriyasyendriyasyarthe ragadveshau vyavasthitau.’’ svayan men, buddhi men, man men, indriyon men aur padarthon men- in panch jaghon par rag baitha hai. panch jagah men bhi gahri riti se dekha jay to malum hoga ki ‘‘svayan’’ men jo rag hai, vahi shesh char men sthit hai. agar ‘‘svayan’’ ka rag mit jay to ap nihal ho jaoge. chitt chahe chanchal hai, parantu rag ke sthan par bhagvan men prem ho jay to rag ka khata hi uth jayega. bhagvan men akarshan hote hi rag khatm ho jayega. bhagvan se prem ho, iski bari mahima hai, iski mahima gyan aur moksha se bhi adhik kahen to atishyokti nahin. is prem ki bari alaukik lau mahima hai. isse barhakar koi tatva hai hi nahin. gyan se bhi prem barhakar hai. us prem ke saman dusra kuch nahin hai. bhagvan men prem ho jay to sab thik ho jay. vah prem kaise ho? sansar se rag hatne se bhagvan men prem ho jay. rag kaise hate? bhagvan men prem hone se donon hi baten hain - rag hatate jao aur bhagvan se prem barhate jao. pahle kya karen? bhagvan men prem barhao. jaise ramayan ka path hota hai. agar man lagakar aur artha ko samajhakar path kiya jay to man bahut shuddh hota hai. rag mitta hai. bhagvan ki katha prem se sunne se bhitar ka rag svatah hi mitta hai aur prem jagrit hota hai. usmen ek bara vilakshan ras bhara hua hai. path ka sadharan abhyas hone se to admi ukta sakta hai, parantu jahan ras milne lagta hai, vahan admi uktata nahin. ismen ek vilakshana ras bhara hai- prem. ap path karke dekho. usmen man lagao. bhakton ke charitra parho usse bara labh hota hai, kyonki vah hriday men pravesh karta hai. jab prem pravesh karega to rag mitega, kamna mitegi. unke mitne se nihal ho jaoge. yah vicharpurvak bhi mitta hai, par vichar se bhi vishesh kam deta hai prem. prem kaise ho? jo sant, ishvar bhakt jivan mukta ho gaye. unki kathaen ga sada man ko shuddha karne ke liye.. man ki shuddhi ki avashyakta bahut jyada hai. man ki chanchlta ki apeksha ashuddhi mitane ki bahut jyada jarurat hai. man shuddh ho jayega to chanchlta mitna bahut sugam ho jayega. nirmal hone par man ko chahe kahin par laga do. kapat, chal, chidra bhagvan ko suhate nahin. parantu inse ap darte hi nahin. jhuth bolne se, kapat karne se, dhokha dene se inse to baj ate hi nahin. inko to jan-jankr karte ho to man kaise lage? bimari to ap apni taraf se barha rahe ho. ismen jitni asakti hai, priyata hai, vah bahut khatrnak hai, vichar karke dekho. asakti bahut gahri baithi hui hai. bhitar padarthon ka mahatva bahut baitha hua hai. yah bari bhari badhk hai. ise dur karne ke liye satsang aur sat shastron ka adhyayan karna chahiye, jisse bahut ashcharyajnk labh hota hai. man kaise sthir ho? man ko sthir karne ke lie bahut saral yukti hai. ap man se bhagvan ka nam len aur man se hi ganna rakhen. ram-ram-ram aise ram ka nam len. ek ram, do ram, tin ram, char ram, panch ram. n to ek-do tin bolen, n anguliyon par rakhen, n mala par rakhen. man se hi to nam len aur man se hi ganna karen. karke dekho man lage bina yah hoga nahin aur hoga to man lag hi jaega. ekadam saral yukti hai- man se hi to nam lo, man se hi ginti karo aur fir tisri bar dekho to usko likha hua dekho. ‘‘ram’’ aisa sunhra chamkta hua nam likha hua dikhe. aisa karne se man kahin jaega nahin aur jaega to yah kriya hogi nahin. itni pakki bat hai. koi bhai karke dekh lo. sugmta se man lag jaega. kathinai paregi to yah kram chut jaega. n nam le sakoge, n ganna kar sakoge, n dekh sakoge. islie man ki ankhon se dekho, man ke kanane se suno, man ki juban bolo. isse man sthir ho jaega. dusra upay yah hai ki juban se ap ek nam lo aur man se dusra. jaise munh se nam japo- hare ram hare ram ram ram hare hare. hare krishn hare krishn krishn krishn hare hare.. aisa karte raho. bhitar ram-ram-ram kahakar man lagate raho. dekho man lagta hai ya nahin. aisa sanbhav hai tabhi batata hun. kathin isliye hai ki man apke kabu men nahin hai man lagao, isse man lag jaega. tisra upay hai agar man lagana hai to man se kirtan karo. man se hi ragini men gao. man lag jaega. juban se mat bolo. kanth se kirtana mat karo. man se hi kirtan karo aur man ki ragini se bhagvan ka nam japo. pahle rag ko mitana bahut avashyak hai aur rag mitta hai seva karne se. utpann aur nasht hone vali vastuon ke dvara kisi tarah se seva ho jay, yah bhav rakhna chahiye. parmarthik marg men, avinashi men, bhagvan ki katha men agar rag ho jay to prem ho jaega. bhagvan men, bhagvan ke nam men, gunon men, lila men asakti ho jay to bara labh hota hai. apne svarth aur abhiman ka tyag karke seva karen to bhi rag mit jata hai. narayan ! narayan ! narayan !!!
Kya aapko lekh pasand aaya? Subscribe
Kya aapko lekh pasand aaya? Subscribe

reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

.