साहस और उम्मीद की प्रतीक मलाला

sahas aur ummid ki pratik malala  

Ank ke aur Lekh | Sambandhit Lekh | Views : 2059 |  
pakistan ke khaibar pakhtunakhva ke svat jile men sthit migora shahar men 12 julai 1997 ko jab malala ka janm hua tha to kisi ne socha bhi nahin tha ki ye larki bari hokar mahilaon aur masum bachchon ki avaj banegi. migora men svat ghati ko vahan ka svitjaralaind mana jata hai par 2007 se hi vahan par taliban ne kabja kar rakha tha aur unhonne vahan ki larkiyon par skul jane v tivi dekhne par pabandi laga di thi. malala ko parhai karna aur skul jana bahut pasand tha islie usne bi.bi.si. ki urdu seva ke lie chaù nam (gul makai) ke nam se ‘‘dayri aef e pakistani skul garla’ ke shirshak se blaeg likhna shuru kar diya jismen usne svat men taliban ke kukrityon ka varnana kiya tha. is blaeg ko bahut pasand kiya jane laga aur iske madhyam se usne logon ko n sirfa jagruk kiya balki taliban ke khilaf khara bhi kar diya. malala ne itni choti umra se hi taliban ke farman ke bavjud larkiyon ko shikshit karne ka abhiyan chala diya. shiksha ke lie drirhta se prajjvalit is jyoti ko atyant pratikul paristhitiyon men barhava dene v sahsi aur utkrisht sevaane ke lie pahli bar 19 disanbar 2011 ke din pakistan sarkar dvara malala ko ‘‘rashtriya shanti puraskar’’ se navaja gaya. malala ab tak kafi lokapriya ho chali thi. isi se naraj hokr talibani atankvadiyon ne use apni hit list men le liya aur pakistan men mahilaon ki shiksha ke lie avaj uthane vali is masum si manvadhikar karyakatrta ko anttah charmpanthiyon ke atankvad ka shikar banna para. aktubar 2012 ko skul se lautte samay us par hamla kar diya gaya aur atankiyon ki goli uske ankh ke upar se ar-par ho gai. buri tarah ghayal malala ko ilaj ke lie briten laya gaya jahan daketron ke athak prayason se use bacha liya gaya. tab tak malala pure vishva men prasiddh ho chuki thi aur use maiksiko men ‘ikvieliti aur naen diskrimineshan ka antarrashtriya puraskar aur sanyukt rashtra ne bhi ‘manvadhikar samman’ (hyuman rait avarda) se navaja. itna hi nahin bachchane aur yuvaon ke daman ke khilaf aur sabhi ko shiksha ke adhikar ke lie sansharsha karne vale bhartiya samaj sevi kailash satyarthi ke sath sanyukta rup se shanti ka nobel puraskar bhi pradan kiya gaya. disanbar 2014 ko naerve men ayojit ek karyakram men unhane yah puraskar diya gaya aur malala duniya ki sabse kam umra mahaj 17 varsh ki ayu men nobel puraskar prapt karne vali vijeta ban gai. puraskar grahan karne ke bad apne sanbodhan men malala ne kaha ki ‘main jid ki had tak pratibaddhata rakhne vali insan hun aur chahti hun ki har bachche ko shiksha hasil ho.’’ usne apne pita ko dhanyavad dete hue kaha ki ‘‘main apne pita ko dhanyavad deti hun ki unhonne mere par nahin katre aur mujhe uran bharne di aur man ne mujhe sabra rakhne aur hamesha sach bolne ki prerna di.’’ malala ne kaha ‘‘main ek avaj nahin, kai avajen hun. main un chah karor 60 lakh larkiyon ka rup hun jinhane shiksha nahin mil rahi hai. bahut se bachchon ko shiksha garibi ki vajh se nahin mil pati. main apni kahani islie nahin suna rahi hun ki ye sabse alag hai balki islie suna rahi hun kyonki yah alag nahin hai ......... vastava men yahi bahut si larkiyon ki kahani hai.’’ ek global neta ki tarah bat karte hue usne kaha ‘na atankvadiyon ke irade jit sakte hain n unki goliyan, ham salamat hain aur hamari avaj din b din buland hoti rahegi aur main yahi chahti hun ki duniya ki mahilaon ko saman adhikar mile aur duniya ke har kone men shanti ho.’’ ajakal malala apne mata-pita v donon bhaiyon ke sath briten men barmingham men rahti hai aur skul men parh rahi hai aur hamara purn vishvas hai ki vah nishchit rup se apne mishn ko pura karne ki apni jang jari rakhegi. puri duniya ke ‘bachchane ki shiksha’ ke lie buland avaj uthane vali aur apne makasad men kamyab hone vali malala ki kahani ko janenge unki kundli ke grahon ki jubani- kundli vishleshn janmakundli se grahon ke yogayog tatha drishti v rashi men unki sthiti ke bare men vichar kiya jata hai. yah thik hai ki yah vichar jatak ke bhavishyakathan ke lie upyukt hai. parantu bhavon men grahon ki sukshm sthiti ka gyan chalit kundli ke ganit ke bina nahin ho sakta aur uske bina falakathan men vanchit sukshmata nahin a sakti. kuch kundliyon men janmakundli va chalit kundli men vishesh antar paya jata hai. aisi sthiti men chalit kundli ke sukshm ganit ki sahayta se grahon ki vibhinn bhavon men vastavik sthiti ka adhyayan karke falkthn men shuddhata layi ja sakti hai. yahan yah batana bhi avashyak hoga ki janmakundli men shubh yog ban rahe hon aur chalit kundli men yog banane vale grah ashubh bhavon men chale jaen to janmakundli men banne vale yog kamjor parne lagte hain. thik isi prakar yadi yog ka nirman karne vale grah chalit men apni sthiti na badlen athva shubh bhavon men a jaen to yog prabal ho jate hain. malala ki kundli ka vishleshn karte hue hamen uski lagn kanudli aur chalit kundli donon par vishesh dhyan dena hoga kyonki chalit kundli men grahon ki vastavik sthiti men bara fer badal ho raha hai. lagn kundli par drishti dalane to lagnesh surya balvan hokar ekadsh bhav men sthit hai tatha lagn men rahu hone se malala bahut svabhimani nirbhik aur bahut unche khvab dekhne ki sabhi khubiyan rakhti hai. chalit kundli men surya dasham bhav men, shukra, budh v guru ye sabhi kendra bhav men tatha chandra, mangal ne parakram bhav men sthit hokar itni choti umra men hi vishva vyapi kirti pradan ki va mahilaon ki shiksha ke prati unke adhikaron ko lekar apni jang ko puri lagan se larne ki kshamata va nirbhikta se yukt kar diya. inki janmakundli men vidyaman kuch yogon ka sankshipt vivrn is prakar hai- saral yog - ashtam bhav men ashubh grah shani sthit hai tatha ashtamesh brihaspati chathe bhav men hone se sarl yog ban raha hai. is yog ke prabhav se malala men atyant buddhiman, nirbhay, shatruhanta, dirghayu tatha vikhyat hone ke sabhi gun vidyaman hain. shubh katrtari yog - lagn se dvitiya bhav men chandra tatha dvadash bhav men budh v shukra hone se shubhakartari yog ban raha hai jisse balyavastha se hi usmen achche sanskaron ka vikas hua aur use nyay aur satya ke marg par chalne ki prerna mili. prabal rajyog - kundli men budh, shukra ka guru ke sath paraspar drishti yog hone se rajyog ban raha hai aur chalit kundli men lagnesh va in anya sabhi shubh grahon ki kendra men sthiti ke chalte yah rajyog prabl ho raha hai. isi karan malala ki desh-videsh men itni charcha hui aur use nobel puraskar bhi prapt hua. pitri sukh yog - yadi dasham bhav ka svami shubh grah hokar shubh grah ke sath sthit ho to pitri sukh ki prapti hoti hai. malala ki kundli men dashmesh shukra labhesh shubh grah budh ke sath sthit hai jisse inhen apne mata-pita v parivar ka purna sahyog prapt hua. rog v shatru nashak yog: yadi kundli men chathe bhav men sthit grah evan shashth sthan ko dekhne vale grah tatha shashthesh ye tinon bali hon to prabl shatruhanta yog banta hai. malala ki kundli men shashthesh shani ashtam bhav men sthit hone se viprit rajyog banakar bali ho raha hai. chathe bhav men guru vakri hokar prabl shatruhanta yog banata hi hai. shashtha sthan men panchmesh guru nich bhang hone se aur adhik shubh sthiti men hanai tatha shashth bhav par do shubh grah budh aur shukra ki drishti hone se yah yog purn rupen ghatit ho raha hai jiske falasvarup atankvadiyon dvara janleva hamla hone par bhi bach gai aur ab purn svasth jivan yapn kar rahi hai. uska parivar briten men vyavasthit ho gaya hai. ashtamastha shani dirghayu pradan kar raha hai atah ab atankvadi chah kar bhi uska kuch nahin bigar sakte. iske atirikt labhesh aur dashmesh ki dvadash bhav men yuti tatha un par brihaspati ki drishti hone se malala ke dusre desh men rahne aur parhne ke yog bane. bhagyesh aur dvadshesh ki dhan sthan men yuti se hi malala ko videshon se man-samman, pratishtha v labh ki prapti bhi ho rahi hai. vartaman men rahu ki mahadsha chal rahi hai. rahu sinh rashi men lagnastha hokar surya ka fal de rahe hain jiske karan malala ko antarrashtriya man pratishtha mil rahi hai. sarvochch shanti nobel puraskar milne ke samy rahu men shani tatha shukra ki pratyantr dasha chal rahi thi. shani viprit rajyog karak grah hai tatha shukra karmesh hokar labhesh budh ke sath barhven bhav men sthit hokar atyant shubhafal dayak ho gaye hain. bhavishya men bhi malala apne jivan men naye mukam hasil karegi aur apne shiksha ke mishan men avashya kamyab hogi.
Kya aapko lekh pasand aaya? Subscribe
Kya aapko lekh pasand aaya? Subscribe

lakshmi visheshank  November 2015

devi lakshmi ko har prakar ka dhan evan samriddhi pradayak mana jata hai. adhunik vishva men sabki ichcha aramdeh evan vilasitapurn jivan jine ki hoti hai. pratyek vyakti kam se kam mehanat men adhik se adhik dhan kamane ki abhilasha rakhta hai iske lie devi lakshmi ki kripa evan inka ashirvad avashyak hai. dipavli aisa tyauhar hai jismen devi lakshmi ki puja anek tarikon se inhen khush karne ke uddeshya se ki jati hai taki inka ashirvad prapt kiya ja sake. fyuchar samachar ke vartaman ank men prabuddh lekhkon ne apne saragarbhit lekhon ke dvara devi lakshmi ko khush karne ke alag alag upay batae hain jisse ki devi unke ghar men dhan-dhanya ki varsha kar saken, achcha svasthya pradan karen tatha padonnati den. bahuayami mahatvapurn lekhon men sammilit hain: panch parva dipavli, lakshmi prapti ke achuk evan akhand upay, dosh tantra- niranjni kalp, lakshmi ko khush karne ke upay, dipavli par dhan prapt karne ke achuk upay, shri vaibhav samriddhidayini mahalakshmi archana yog, kyon nahin rukti man lakshmi, lakshmi prapti ke lie vibhinn prayog, dipavli ke 21 upay evan 21 chamatkar adi. iske atikti kuch sthayi kaelam ke lekh bhi upalabdh karae gaye hain.

Subscribe

Apne vichar vyakt karein

blog comments powered by Disqus
.