दुर्लभ रत्न माहेमरियम

durlabh ratn mahemriyam  

Ank ke aur Lekh | Sambandhit Lekh | Views : 1786 |  
fyuchar samachar ke sitanbar ank ke sath pathkon ke lie mahemriyam (durlabh ratna) diya ja raha hai. jo sabhi ke lie vishesh upyogi hai. mahemriyam ek bahut hi durlabh ratn hai. yah ek jivashm hai jo himalay ki utpatti ke sath hi astitva men aya. ise ‘‘kailigrafi’’ patthar bhi kahte hain kyonki ise dekhakar aisa pratit hota hai mano ek kalakar ne kali prishthabhumi par chitrakari ki ho. mahemriyam ratn ke anek upyog hain jaise- tanav ki sthiti men bhi shanti pradan karna, nakaratmak paristhatiyon ko anukul v sakaratmak banana, adhyatmik unnati, nakaratmak urja se raksha, srijnatmakata aur sundrta ko barhakar atm vishvas ki vriddhi karna adi. jab tanav ke karan nirnay kshamata kshin hoti pratit ho, aisi sthiti men is ratn ko samip rakhna labhdayak hota hai. is ratn ko dharan karne se bavasir rog men labh v grah shanti milti hai. jinki kundli men kalasarp yog ho, unke lie yah vishesh labhdayak hai. yadi pet kharab rahta ho, ilaj karane par bhi thik n hota ho to mahemriyam dharan karen, labh hoga. kort kachhri ke mamlon men ane vali archnon ko dur karne ke lie bhi yah ratn dharan karne se labh hoga. shatruon ka shaman unke dvara utpann badhaon se mukti aur vijay prapt hoti hai. jin logon ki rahu ketu ki dasha chal rahi ho vah bhi yah ratn kisi visheshagya se paramarsh lekar dharan kar sakte hain. dharan vidhi: is ratn ko gangajal se dhokar apne puja sthan par rakhen. isht dev ka nam lekar dhup dip karke use anguthi ya laeket men jarvakar somvar ya budhvar ke din dharan karen. nav grah ki shanti men adbhut labh milta hai.
Kya aapko lekh pasand aaya? Subscribe
Kya aapko lekh pasand aaya? Subscribe


Apne vichar vyakt karein

blog comments powered by Disqus
.