प्रतिस्पर्धात्त्मक परीक्षा में सफलता कैसे ?

pratispardhattmak pariksha men saflta kaise ?  

Ank ke aur Lekh | Sambandhit Lekh | Views : 8740 |  
manav ke samast karya aur vyavsay ko sanchalit karne men netron ki bhumika jis prakar agraganya mani gai hai thik usi prakar gyan, vigyan vidya ke kshetra men jyotish vigyan drishti ka karya karta hai. vedachakshuah kledam smritan jyotisham. jyotish ko ved ki ankh kaha gaya hai. jis prakar vat vriksh ka samavesh uske bij men hota hai thik usi prakar janma-janmantron ke karmon ka bij rup hota hai jatak ki janmapatri. janmapatri ke pancham bhav se vidya ka vichar uttar bharat men kiya jata hai. dakshin bharat men chaturth bhav v dvitiya bhav se vidya budvi ka vichar kiya jata hai. dvitiya bhav dhan v vani ka sthan hai aur vidya ko manishiyon ne dhan hi kaha hai jiska koi haran nahin kar sakta hai. vidya ek aisa dhan hai jise n koi chin sakta hai n chori kar sakta hai. vidya dhan dene se barhti hai. vidya gyan ki janni hai. jivan ko safal banane ki disha men shiksha hi ek uchch sopan hai jo agyanta ke andhkar se bandhan mukt karti hai. shiksha ke bal se hi manav ne gurh se gurhatam (andhkar) rahasya se parda uthaya hai. adikal se hi manav ko apna shubhashubh bhavishya janne ki utkantha rahi hai. jyotish vigyan is jigyasa vritti ka sahaj utkarsh hai. janmakundli ka chaturth bhav budvi, pancham bhav gyan, navam bhav uchch shiksha ki sthiti ko darshata hai to dvadash bhav ki sthiti jatak ko uchch shiksha hetu videsh gaman karati hai. gyat ho ki ashtam bhavasth krur grah bhi shiksha hetu videsh vas karata hai. kisi bhi pariksha men saflta ki kunji hai chatra ki yogyata aur kathin parishram. yadi iske sath-sath janmakundli ke grahon ki anukulta prapt ho to saflta milti hi hai. apne desh men yah am dharna bani hai ki sarvis pane ke lie hi shiksha grahan ki jati hai, yah vichar bahut hi sankirn hai. vidya vyakti ke vyaktitva ko nikharti v sanvarti hai. ved puran sabhi men varnit hai ki jatak ko pratham vidya adhyayan karna chahie tattapashchat karya kshetra men utre. shikshit vyakti ko hi vidyabal se yash, man, pratishtha svatah milti chali jati hai. shiksha ho athva sarvis sabhi jagah vyakti ko pratiyogita ka samna karna hi parta hai. pariksha men saflta hetu avashyak hai lagan, kari mehanat v sanbandhit vishyon ka vishad gahan adhyayan. kintu sari taiyariyan ho jane ke pashchat bhi kabhi-kabhi asflta hi hath lagti hai. jaise (1) achanak bimar par jana. (2) pariksha bhavan men sab kuch bhul jana. (3) pariksha se bhaybhit hokar purn nirash hona. (4) svayan ke sath anayas durghatana ghat jana ki pariksha men baith hi n sake. (5) parivar men anayas duahkhad ghatna ghat jana, jisse padhne se man uchat hona adi anek karnon se pariksha men vyavdhan ate hain jisse chatron ko asflta ka munh dekhna parta hai. grahon ka prabhav (chandra): chandra man ka karak grah hai aur pariksha men saflta hetu man ki ekagrata ati avashyak hai. jyotishiya drishti se yadi chandra shubh, nirmal, digri adhar par balvan ho, kisi shubh grah se drisht ho to vyakti bari asani se (lagan se) apne vishay men maharat hasil karega. chandra yadi papakrant ho rahu, shani, ketu ka sath ho panchmesh chathe, athven, dvadvash bhav men ho to shiksha adhuri rah jaegi. vyakti sadaiv chintagrast v vikal rahega. budh: budh budvi, vivek, vani ka karak grah hai. budh ganitiya yogyata men daksh aur vani ko ojasvi banata hai. budh yadi kendra men bhadra yog banaye. surya ke sath budhaditya yog ghatit kare, nij rashi men balvan ho to vyakti uchch shiksha men saflta hasil karta hai kintu yadi budh nich, nirbal, ast, v krur grahon ke lapete men ho to budh apni shubhta kho dega. faltah ganitiya kshetra, vyapar kshetra, kampyutar shiksha men asafal ho jata hai. yadi janmakundli men budhaditya-yog, gajkesri-yog, sarasvati-yog, sharda-yog, hans-yog, bharti-yog, sharda lakshmi yog ho to jatak uchch shiksha avashya prapt kar (achche ank se) safal hoga. dvitiya bhav ka budh madhurbhashi v vyakti ko vyavhar kushal banata hai v budvi bal chaturta se saflta ki or agrasar karta hai. jabki pancham bhav ka budh vyakti ko kalapriya v vividh vishyon ka jankar v apne vyavhar se dusrane ko vash men karne vala hota hai. guru: uchch stariya gyan-guru hi dilate hain. guru gyan ka vistar karte hain. atah janmakundli men guru ki shubh sthiti vidya kshetra v pratiyogi parikshaon men saflta dilati hai. guru $ shukra ka samasaptak yog yadi pancham v ekadash bhav men bane v kendra men shani, budh, uchch ka ho to vyakti kanun ki parhai men uchch shikshit hoga aur shani guru ki yuti nyayadhish bana degi. jyotish ke adhar par pariksha men asflta ke yog: (1) yadi chaturthesh, chathe, athven dvadvash ho to uchch shiksha men badha, parhai men man nahin lagega. (2) yadi chaturthesh nirbal, ast, pap, v krur grahon se akrant ho to shiksha prapti men badha. (3) yadi dvitiyesh par chaturth, pancham bhav par krur grah ki drishti ho ya in bhavon ne apna shubhatva kho diya ho to shiksha prapti men badha. (4) grahan yog bana ho. ukt sthanon men ya grahnkal men janm hua ho to shiksha adhuri. (5) guru nich, nirbal, papakrant hone see uchch shiksha prapti ka marg avruddh ho jaega. (6) janmakundli men kendrum yog ho. shiksha men badha. (7) chandra ke sath shani ukt sthanon men vish yog bana raha ho to parhai avruddh. (8) kundli men kshin chandra ho to shiksha men badha ati hai. (9) budh nich, nirbal, ashubh ho to shiksha purn nahien hogi. (10) atmakarak grah surya yadi pirit, nirbal ashubh prabhav men ho to pratispardhatmak pariksha men hi chatra ka atm bal ghat jane se prayogik (prektikl) pariksha men hi ghabra kar ghar baith jaega. uchch shiksha se vanchit ho jaega. (11) pancham, dvitiya, chaturth, v ashtam men shani nich ka ho to shiksha adhuri rahe. tvarit upay karen. grahyogon ke adhar par pratispardha men saflta: (1) lagnesh panchmesh chaturthesh ka sanbandh kendra ya trikon se banta ho ya inmen sthan parirvatan ho to saflta milegi. (2) kundli men kahin par bhi budhaditya yog ho to saflta milegi lekin budh das ansh ke upar n ho. (3) kendra men uchch ke guru, chandra shukra, shani yadi ho to jatak pariksha (pratiyogita) men asafal nahin hota. (4) pancham ke svami guru ho aur dasham bhav ke svami shukra ho tatha guru dasham bhav men shukra pancham bhav men ho to nishchit saflta milti hai. (5) lagnesh balvan ho. bhagyesh uchch ka hokar kendra ya trikon men sthit ho to saflta har kshetra men milti hai. (6) lagnesh trikon men dhanesh ekadash men tatha pancham bhav men panchmesh ki shubh drishti ho to jatak vidvan hota hai. pratiyogita men saflta prapt karta hai. (7) chandra$guru men sthan parivartan ho chandrama par guru ki drishti ho to sarasvati yog banne se aisa jatak sabhi kshetra men safal hoga, kahin bhi prayas nahin karna parega. (8) charon kendra sthan men kahin se bhi gajkesri yog banta ho to aisa balak pratispardha men avashya safal hota hai. (9) guru lagn bhavasth ho aur budh kendra men navmesh, dashmesh, ekadshesh se yuti kar raha ho ya mesh lagn men shukra baithe ho surya shubh ho aur shukra par shubh-grah ki drishti ho to aisa jatak uchch stariya prashasnik pratiyogita pariksha men safal hoga hi. (10) kundli men padmsinhasan yog unchai dega. (11) panchamasth guru jatak ko buddhiman banata hai. (12) guru dvitiyesh ho v guru bali surya, shukra se drisht hon to vyakaran ke kshetra men saflta. (13) kendra ya trikon men guru ho, shukra v budh uchch ke ho to jatak sains vishay men saflta pata hai. (14) dhanesh budh uchch ka ho, guru lagn men aur shani athven men ho to vigyan kshetra men saflta milegi. (15) yadi dvitiya, chaturth, pancham, navam, dasham, ka sanbandh budh, surya, guru v shani inmen se ho to jatak vanijya sanbandhi vishyon se apni shiksha purn karta hai. (16) yadi dvitiya, chaturth, pancham, dasham ka sanbandh surya mangal chandra shani v rahu se ho to jatak ko chikitsa sanbandhi vishyon men apni shiksha purn karni chahiye. (17) yadi dvitiya, chaturth, pancham v dasham ka sanbandh surya, mangal, shani v shukra ho to jatak injiniyaring sanbandhi vishyon se apni shiksha purn karta hai. (18) dvitiya bhav, chaturth bhav, pancham, navam, dasham ka sanbandh surya, budh, shukra, guru, grahon se ho to jatak kala kshetra men apni shiksha avashya purn karta hai. (19) dvitiya, chaturth, pancham, navam, dasham, sthan se surya, mangal, guru, chandra, shani, v rahu ka sanbandh ho to jatak vigyan sanbandhi vishay men shiksha avashya purn karta hai. samadhan: smaran shakti men vriddhi evan tivra buddhi ke lie gayatri yantra ka laeket pahnen shri gayatri vedane ki mata hai jo ved vedant, adhyatmik, bhautik unnati v gyan-vigyan ki datri hai. yah laeket tivra smaran shakti yash, kirti, santosh v ujjavalata pradan karega. (1) budvi ke pradata shrignesh ji ke nimn mantra ka jap 21 bar balak svayan karen. un ain buddhin varddhaye chaitanyan dehit ¬ nam:. balak ke nam se mata pita bhi kar sakte hain. (2) shrignesh chaturthi ko ganesh pujan karke 21 durba shrisfatik ganesh ji par shrigneshji ke 21 namon sahit arpan karen aur ¬ gan ganptye namah kie ek mala jap karen. ¬ ekadant mahabudviah sarva saubhagyadaykah. sarvasiddhikro devaah gauriputro vinaykah.. ukt mantra ko niyamit jape v jis samay pariksha hal men prashn patra hal karne baithen tab 3 bar is mantra ka smaran man hi man karen. (3) mantra ¬ ain sarasvatai ain namah sarasvati ki murti athva chitra ya sarasvati yantra ke samaksh ukt mantra japte hue ashtagandh se apne lalat par tilak lagaen. pila pushp arpan karen. (4) pariksha dene se purva man apne bete ki jibh men shahad se shri sarasvati devi ka bij mantra ain likh den. balak ko mitha dahi khilaen. balak ki smaran shakti tej hogi. vakptu (shreshthavakta) hoga. basant panchmi ke din is prayog ko sanpann karne se balak balika ka man parhai men lagta hai v pariksha men shreshth ank prapt karte hain. (5) ¬ sarasvatyai vidmahe bramhaputrayai dhimhi tanno devi prachodyat.. uchch shiksha ke kshetra men saflta hetu sarasvati yantra ka laeket bahut upyogi v labhdayak hai. pariksha men achche ank ke lie athva kisi intaravyu men saflta prapt karni ho ya shiksha se sanbandhit koi bhi kshetra ho yah laeket balak, balika ke gale men adbhut rup se labhdayi sidva hoga. (6) ¬ budvihin tanu janike sumirau pavan kumar. bal budvi vidya dehu mohi, harhu klesh vikar .. manglvar ya shanivar ke din shri hanuman ji ke mandir men dip jalaen v shuddh pavitra man se ek mala ukt mantra ka jap karen. parikshafal niklne tak yah kram banae rakhen. (7) vidya pradayak shri ganpti: jin gharon men bachche vidya adhyayan men ruchi nahin rakhte unhen apne adhyayan kaksh men tebal ke upar shubh muhurt men shri vidya pradayak shri ganpti ki murti sthapit karni chahiye. (8) parhne ki tebal men man sarasvati ka foto rakhen. kyonki man sarasvati ki aradhna jivan men hamen uchch shikhar evan yash pratishtha dilati hai. man sarasvati ka chitra hi hamen shikshit karta hai ki jivan men yadi vidya grahan karni hai to asan kathor hona chahie. man ke char hathon men se do men vina hai jo batati hai ki vidyarthi jivan vina ki tar ki tarah hona chahiye, vina ke tar ko adhik kasanege to tar tut jaenge aur rhila chodenge to saragam ke sur nahin niklenge, atah vidyarthiyon ko adhik bhojan nahin karna chahie aur n adhik upvas karna chahie. jyada jagna, jyada sona apke vidyabhyas ko bigar sakta hai. ek hath men ved pustak v ek hath men mala hamen gyan ki or prerit karti hai. devi sarasvati ka vahan mayur hai. hamen sarasvati ka anugrah prapt karne ke lie unka vahan mayur banna hai. mitha, namra, vinit, shisht aur atmiyatayukt sanbhashan karna chahie. tabhi man sarasvati hamen apne vahan ki tarah priya patra manegi. prakriti ne mayur ko kalatmak v susajjit banaya hai. hamen bhi apni abhiruchi pariskrit v kriya kalap shalin rakhna chahie. sarasvati aradhna hetu sarasvati strot ka path bhi karane. (9) tebal lainp ko mej ke dakshin kone men rakhna chahie. (10) adhyayan kaksh ki divaron ke rang gahre n hon. halke hare safed v gulabi rang smaran shakti ko barhate hain. (11) darvaje ke samne pith karke n baithane. (12) bim ke niche baith kar padhai n karen. (13) adhyayan kaksh ke parde halke pile rang ke hon. (14) bistar ya sofe men baith kar padhai n karen. (15) jinka man padhai men nahin lagta ho ve dhyanasth bagule ka chitra adhyayan kaksh men lagaen. (16) uttar purva ki or mukh karke adhyayan karen. (17) adhyayan kaksh ke madhya bhag ko khali rakhen. (18) adhyayan kaksh men parhne ki mej par juthe bartan kadapi n rakhen. (19) panchmesh yadi shubh prabhav men hai to us grah ka ratn dharan karen. udarnarth kunbh lagn men panchmesh budh hai atah panna ki anguthi daen hath ki kanishthika men pahnen, vidhi vidhan se ratn ko abhimantrit v pran pratishthit karke hi pahnen. (20) shri ganesh ’’atharva-shirsha’’ ka path karte rahen. isse buddhibal v atmabal barhega tatha saflta milegi. (21) is mantra ka jap subah sham donon samay karen. (22) guru grih parhan gaye raghurai. alp kal vidya sab pai .. anakhon ke khulte hi donane hathon ki hatheliyon ko dekhte huye nimnalikhit shlok ka path karen. karagre vaste lakshmiah karamadhye sarasvati . karmule sthito bramha prabhate karadarshanam.. (23) mata pita guru ka adar karen: utthay matapitrau purvamevabhivadyet. acharyashch tato nityambhivadyo vijanta.. parivar ke vriddh vyakti vat vriksh ki tarah hote hain. jinki snigdh chaya men parivar ke log jivan ki thakan mitate hain. jis prakar nadiyan apna jal nahin piti, per apna fal svayan nahin khate, megh apne lie jal nahin barsate. thik usi prakar sajjanon gurujnon ki kripa varsha, paropkar ke lie hoti hai. gyan v anubhav ki abha bikherne vale vriddhajanon, gurujnon v mata-pita ka anadar (upeksha) n karen. apitu manoyog se seva karen. (24) man gayatri ki sadhna nimn mantra sahit karen: yanmandalan gyanghnan tvagamyan, trailokya pujyan trigunatmarupam. samasta-tejomy-divya rupan, punatu man tatsaviturvarenyam.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2010

Apne vichar vyakt karein

blog comments powered by Disqus
.