रत्न एवं स्वास्थ्य

ratn evan svasthya  

Ank ke aur Lekh | Sambandhit Lekh | Views : 1939 |  
aushdhi mani mantranan-grah nakshatra tarika. bhagya kale bhavetsiddhiah abhagyan nishfalan bhavet.. arthat- aushdhi, ratn evan mantra grah janit rogon ko dur karte hain. yadi samay sahi hai to inse upyukt fal prapt hote hain. lekin viprit samay men ye bhi nishfal ho jate hain. ratn prakriti dvara pradatt ek mulyavan nidhi hai. ratn shabd ka pratham praman rigved ke shlok men milta hai. ratn n keval saundarya ka pratik hai varan yah chikitsa paddhati ka bhi ang hai. iska ullekh ayurved ki prasiddh pustak charak sanhita men hua hai. ayurved ke anusar rognash karne ki jitni kshamata aushdhi sevan men hai usi ke saman ratn dharan karne men bhi hai. acharya dandi ratn ki visheshta batate hue kahte hanai- achintyon hi manimantraushdhinan prabhavaah. ratnon men saundarya hi nahin, aushdhiya prabhav bhi hota hai. jyotish shastra ke anusar rogon ki utpatti anisht grahon ke prabhav se evan purvajanm ke avanchit sanchit karmon ke prabhav se batai gai hai. anisht grahon ke nivaran ke lie puja, path, mantra jap, yantra dharan, vibhinn prakar ke dan evan ratn dharan adi sadhan jyotish shastra men ullikhit hain. lagn sanpurn kundali ki prishthabhumi hota hai. iske dvara vyakti ke gunon v avgunon ka avlokan karne men sahayta prapt hoti hai. yah vyakti ke sharir, sharir ki banavat, vyaktitva, svabhav aur rup ki vyakhya karta hai. isse rogon ka bhi vichar kiya jata hai. islie apne svasthya sukh ko banae rakhne aur nirogi rahne ke lie lagnesh ka ratn dharan karna vishesh rup se shubh rahta hai. lagnesh ka ratn dharak ke sharir ko bal pradan karta hai. sabhi manushyon ko unki lagnanusar kuch rog adhik hone ki sanbhavna rahti hai. aiye jante hain ki svayan ko rogmukt rakhne ke lie ap kaun sa ratn dharan karen, jisse hone vale rog sharirik kasht ka karan n ban saken. mesh lagna: apki lagn ka svami mangal hai. apko thakan aur sir dard shighra pareshan karta hai tatha pachan tantra vikar aur netra rogon se grasit rahna parta hai. sarvapratham apko sadaiv svasth bane rahne ke lie mangal ratn munga jivan bhar ke lie dharan karna chahie. munga rakt vikar dur karta hai. raktachap ko niyantrit rakhne men yah mahatvapurn bhumika nibhata hai. iske atirikt munge ke sath moti evan pukhraj dharan karen. moti apko mansik tanav men aur pukhraj apko livar samasyaon se bachaega. vrish lagna: apka lagnesh shukra hai. apko gale, nak aur chati ke rog ho sakte hain tatha bhojan men ashuddhata ke karan ulti, dast aur pet men jalan ki samasya apko samanya rup se ho sakti hai. sath hi apke uchch athva nimn raktachap se bhi pirit hone ki sanbhavnaen bani rahti hain. atah ap hira ratn dharan kar apne svasthya ko sakaratmak banae rakhen. ap hire ke sath panna bhi pahnen. panna apko tvacha rog v raktachap se mukti aur svasth banae rakhega. mithun lagna: budh apki lagn ke svami hain. apko gais, charm rog aur apach ki shikayat prayah hogi. iske alava jivan men pakshaghat, mirgi, shvansnli aur asthama rogon se bachne ka prayas karna chahie. budh ratn panna dharan karna apke svasthya ko uttam banae rakhega. svasthya sukh ke lie panna ratn ke sath hira v nilam bhi dharan karen . hira ratn apko madhumeh aur nilam apko gathiya rogon se bachaega. kark lagna: apke lagn ka svami chandra hai. apko khansi, jukam, chati men dard, jvar rog bhi samy-samay par kasht dete rahte hanai. apka pachan tantra shighra kharab ho jata hai. ap ajivan moti ratn dharan karen, sath-sath ap munga aur pukhraj bhi dharan karen. yah hriday, dimagi v rakt vikaron ko dur rakhne men sahyog karega. iske atirikt purana dama, kidni, haija adi rog aur striyon ko mahvari men bhi kasht se rahat milti hai. sinh lagna: apke lagn ka svami surya hai. apko rakt vikar, rakt srav aur rakt ki kami jaise rog ho sakte hanai. iske atirikt apko pith, kamar evan joron ke dard bhi shighra apne prabhav men le sakte hain atah surya ratn manikya dharan karna apke svasthya ke lie labhaprad rahega. is ratn ki shubhta se apka asthitantra majbut hoga aur hraday gati pahle se achchi hogi. kanya lagna: apke lagn ka svami budh hai. apko udar rog, choti aur bari ant, kamar dard aur anidra jaise rogon ke karan svasthya vikaron ka samna karna parta hai. sharir ko svasth rakhne ke lie ap panna dharan karen. ise dharan karne se mansik rog apko adhik kasht nahin de payenge. iske sath-sath nilam ratn apko joron ke dard men rahat dega. tula lagna: apke lagn ka svami shukra hai. janendriyon, kamar, nabhi se sanbandhit rogon ke karan apka svasthya kashtamay ho sakta hai. lagnesh shukra ka hira ratn dharan karne se apke svasthya sukh men vriddhi hogi. yah ratn thayraeid ko bhi shighra dur karne men sahyog karega. apke lie nilam evan panna ratn dharan karna bhi uttam rahega. panna ratn apko elarji aur nilam ratn apke gathiya rogon men kami karega. vrishchik lagna: apke lagn ka svami mangal hai. apko rakt chap, sir dard v mansik ashanti ho sakti hai. svayan ko svasth banae rakhne ke lie ap munga dharan karen. yah ratn apke rakt evan hriday vikaron ko dur karega. sath hi ap pukhraj aur moti bhi dharan karen. pukhraj apko manspeshiyon se sanbandhit aur moti apke mansik v netra rogon ka nivaran karega. dhanu lagna: apke lagn ka svami guru hai. apko kulhe, jangh aur manspeshiyon men khinchav jaisi pareshaniyan bar-bar ho sakti hain. sath hi motapa bhi apko rogragrast kar sakta hai. islie ap pukhraj ratn dharan karen. pukhraj ki shubhta se apko livar, jigar v pet ke rogon se rahat milegi. iske sath manikya bhi dharan karen. manikya apko rakt chap v hriday rog se bachaega. makar lagna: apke lagn ka svami shani hai. apko gathiya, rakt vikar, charm rogon se pirit hone ke yog bante hanai. sharir ko svasth banae rakhne ke lie ap shani ratn nilam dharan karen. iske sath hi nilam ratn apko dimagi rogon aur nirasha se bhi mukt karega. iske atirikt hira evan panna ratn bhi dharan karen. hira apko jannendriya sanbandhi rog aur panna apko gurda rog v elarji men raksha karega. kunbh lagna: apke lagn ka svami shani hai. apko pairon se sanbandhit rog, netra rog v rakt vikar de sakta hai. iske sath hi iske karan apko shugar evan pet ke rog pareshan kar sakte hain. rogon men kami karne ke lie ap nilam ratn dharan karen. sath hi ap panna aur hira ratn bhi pahnen. panna apko ant ke rogon aur hira apko thayraeid jaise rogon men labh dega. min lagna: apke lagn ka svami guru hai. apko sankramak rog, mansik tanav evan motava pareshan kar sakta hai. iske atirikt livar ke rog bhi apko kasht denge. lagnesh guru ka pukhraj ratn dharan karna apke svasthya ke lie achcha rahega. iske sath hi ap moti aur munga bhi dharan kar svayan ko nirogi rakh sakte hain. moti ratn apko dama aur munga apko rakt sanbandhi rogon ko dur karne men sahyog karega. rog grah ratn, dhatu evan anguli bavasir chandra mariyam, svarn, kanishtha gurda rog budh kidni ston, svarn, anamika hriday rog, raktachap surya anbar, svarn, anamika pet ke rog surya manikya, svarn, anamika mansik avsad chandrama moti, svarn, kanishtha madhumeh shukra safed munga, svarn, anamika dama ketu taigar ai, panchdhatu, anamika santan badha, stri kundli rahu gomed, ashtadhatu, madhyama santan badha, purush kundli ketu taigar ai, panchdhatu, anamika thayraeid shukra opal, svarn, anamika elarji, pintt vikar budh oneks, svarn, anamika matibhram rahu gomed, ashtadhatu, madhyama sir darda shani chunbak, tanba, madhyama rakt ki kami mangal, guru munga, anamika, pukhraj, tarjani, svarna netra rog surya manikya, svarn, anamika gathiya shani ekvamrin, ashtadhatu, madhyama kainsr shani, rahu nilam, gomed, ashtadhatu, madhyama rog ka nidan n hone par sabhi grah navaratn, svarn, tarjani
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  July 2016

bhut, vartaman evan bhavishya janne ki manushya ki utkantha ne logon ko srishti ke prarambh se hi andolit kiya hai. janmakundali ke vishleshan ke samay jyotirvid vibhinn grahon ki sthiti ka akalan karte hain tatha vartaman dasha evan gochar ke adhar par yah nishkarsh nikalne ka prayas karte hain ki vartaman samay men kaun sa grah aisa hai jo apne ashubhatva ke karan saflta men badhaen evan samasyaen utpann kar raha hai. grahon ke ashubhatva ke shaman ke lie tin prakar ki paddhatiyan- tantra, mantra evan yantra vidyaman hain. pratham do paddhatiyan amjnon ko thori mushkil pratit hoti hain atah vartaman samay men tisri paddhati hi thori adhik prachlit hai. isi tisri paddhati ke antargat vibhinn grahon ke ratnon ko dharan karna hai. ye ratn dharan karne ke pashchat ashcharyajanak parinam dete hain tatha manushya ko sukh, shanti evan samriddhi se ot-prot karte hain. fyuchar samachar ke vartaman ank men ratnon se sambandhit anek utkrisht evan ullekhniya alekhon ko sammilit kiya gaya hai jo ratn se sambandhit vibhinn ayamon par prakash dalte hain.

Subscribe

Apne vichar vyakt karein

blog comments powered by Disqus
.