प्रारब्ध का दोष

prarabdh ka dosh  

Ank ke aur Lekh | Sambandhit Lekh | Views : 635 |  
sanbandhon ka mamla bhi karmaadharit hai jo janmon-janmon se chala ata hai. tabhi to ek uchchadhikari ki patni suman apni beti ke sath jivan ki aisi bevsi aur sankton ka samna kar rahi hain jiska koi pratyaksh karan kam dikhai deta hai. is lekh men aise jyotishiya yogon ka vivechan kiya gaya hai jo man beti ki bebsi aur sankat purn jivan yatra ka part-dar-parat vishleshan karte hain. pratyek vivahit stri ka sapna hota hai ki uski santan purn svasth ho aur uska ghar-angan bachchon ki kilkariyane se guunjta rahe. lekin santan hone ke bad bhi jab mat-pita ko santan ka duahkh apni ankhon se dekhna parta hai aur unhen dukh jhelte dekhte hain to ve bahut bebas aur hatash ho jate hain aur yahi sochte hain ki bhagvan, apne hamare sath aisa kyon kiya, yah shayad hamare prarabdh ka dosh tha jo ki hamari santan bhugat rahi hai. aisa hi kuch suman ki bachchi priya ke sath hua. suman ka vivah ek uchch adhikari se hua tha. unka sarkar men bara rutba tha aur bahut man-samman tha. suman apni jindgi se bahut khush thi. aksar vah apne pati ke sath videsh ke dauron par rahti. vivah ke kuch samay pashchat hi usne priya ko janm diya. priya bahut hi sundar thi. jab vah ath mah ki thi to use bukhar a gaya. daektar ne use streptomaisin ki adhik davai de di jiske karan uski sunne v bolne ki shakti jati rahi. shuru men to unhen pata nahin chala ki use kya hua hai lekin lagatar janch hone se pata chala ki davai adhik matra men dene ke karan nanhi priya ko bahut aghat pahuncha hai aur vah hamesha ke lie muk aur badhir ho gai hai. videsh ke bare se bare aspatalon men use ilaj ke lie le jaya gaya lekin sari koshishen ventija rahin. balki davaon ke lagatar asar se 1996 se usko mirgi ke daure bhi parne lage aur kuch din bad vah asthama ki bhi shikar ho gai. 2001 men suman ke pati bhi un donon ko akela chorakar is duniya se kuch kar gaye. apni iklauti beti ke dukh sahne ki kshamata shayad ab khatm ho gai thi. suman priya ke sath bilkul akeli rah gai unhen ghar ke sath-sath priya ko bhi pura vakt dena parta hai unhonne use manetli ritarded children ke skul men bhi dalne ki koshish ki, par vahan bhi kamyabi nahin mili. priya ko draing ka shauk tha par koi use is vishay ko uski tarah se sikhane vala nahin mila. aj priya lagabhag 37 varsh ki ho chuki hai aur bilkul ekaki jivan bita rahi hai apni bimariyon se jujhne ke lie sirf davaiyon ka sahara hai. suman bhi ab apni jindgi aur priya ki jindgi se hatash ho chuki hanai aur yahi sochti hain ki priya ke sath aisa kyon hua aur kya vah aisi hi rahegi ya kabhi us par aur khud un par ishvariya kripa hogi. aiye, dekhen jyotish ke aine se sumn: lagn men labhesh evan karmesh surya v budh budhaditya yog bana rahe hain. pati karak guru labh bhav men aur saptamesh shukra svagrihi hone ke karan, inka vivah ek uchch adhikari ke sath hua tatha inhen anek deshon men rahne ke sanyog bane. saptamesh shukra par rahu ki drishti tatha mangal ki drishti evan badhak chandrama ki drishti hone se pati dirghayu n ho sake jiske falasvarup inhen lanbe samay tak pati sukh se bhi vanchit hona para. brihaspati inki lagn kundli men panchmesh hone ke sath hi pancham bhav ka karak hokar ekadash bhav men shatrurashi men sthit hai tatha brihaspati grah par akarak ashubh shani ki tisri drishti par rahi hai. chalit kundli men brihaspati markesh shukra ke sath barhven bhav men hai, jiske karan jivan men inhen santan ke karan dukhi jivan vyatit karna par raha hai. keval brihaspati ki svarashi par drishti hone se santan to prapt ho gai parantu vah dukhdayi rahi. inke bhagya bhav par vichar karne par yah pratit hota hai ki in sabke lie inka kharab bhagya bhi uÿardayi raha. bhagya bhav ka svami chathe bhav men markesh shukra tatha ashubh shani se drisht hai evan bhagya bhav men nich ka mangal evan ashubh shani ki yuti ban rahi hai jo ki inke ashubh bhagya sthiti ki or ishara karti hai. chaturth bhav arthat mata ka bhav is bhav ka bhavesh bhagya men hone see inko inki mata ka sukh, sahyog prapt ho raha hai jiske sahare yah apna jivn-yapan kar pa rahi hain. iske atirikt lagnesh mangal nich rashi men hone ke karan bhi unko jivan men sab kuch hone ke bavjud sukh nahin mil saka. is sabke uprant dekhen to mata ka lagn vrishchik rashi hai aur putri ka lagn tula rashi hai arthat inki putri inki chinta aur mansik v arthik hani ka karan banegi. yah suman ki kundli ke dvadash bhav men shukra ki upasthiti se bhi sunishchit hota hai ki koi shukra karak arthat koi stri vah bhi tula lagn vali stri jatak ke vyay ka karan banegi. is prakar uski tula lagn vali putri santan ke rup men suman ke vyay ka karan banin. priya: priya ki janm kundli par vichar karen to lagnesh shukra evan bhagyesh budh ashubh grah ketu ke sath ashtam bhav men pap kartari prabhav se grasit hai, saptam bhav men surya evan navam bhav men shani hone se ashtam bhav pap kartari prabhav men hai tatha sath hi ashubh grah mangal ki bhi ashtam bhav par drishti hone se v lagn par surya ki drishti hone se is jatika ki grah sthiti inhen rogi hone se nahin bacha saki. rog sthan ki sthiti bhi kharab hai. rogesh brihaspati rog sthan men hi sthit hai. rogesh evan rog bhav bhi pap kartari prabhav men hai, jiske karan bahut ilaj karne par bhi rog thik nahin ho saka. chandrama ki sthiti bhi kharab hai. vah pap grah shani ki drishti men hai, jiske karan mansik rog evan asthama jaisi bimari se grasit hain. iske chaturth bhav ka svami shani apne bhav se chathe bhav men sthit hai, jiske karan jatak ko kabhi bhi mansik shanti, jivan ka sukh v sukh suvidhaen nahin mil payin. aisa keval priya ki kundli men hi nahin suman ki kundli men bhi dekhne ko milta hai. suman ki kundli men bhi chaithe bhav ka svami shani chaithe se chathe bhav men sthit hai jiske karan man-beti donon ki amn-chain aur shanti hamesha bhang hi rahi. ekadshesh surya jo ki chathe se chathe bhav ka svami hai, vah bhi uchch ka hokar lagn ko shatru drishti de raha hai jiske karan uska svasthya hamesha kharab hi raha. sath hi krur grah shani ki tisri drishti ekadash bhav par parne se uske rog bhav ko hamesha prabhavit karti rahi hai. abhi priya ki rahu ki dasha 2015 tak chal rahi hai. uske pashchat guru ki dasha praranbh hogi. yah guru ki dasha priya ke liye aur bhi kashtakari ho sakti hai. guru ki dasha men priya ki sthiti sanbhlne ki bajay aur bigrne ke asar najar a rahe hain. is samay men 2014 ke pashchat is par shani ki sadhesati bhi aranbh ho chuki hogi. jab shani dhanu rashi par se gochar kar raha hoga to yah tisre bhav se ayushya karak chandrama se gochar kar raha hoga. is samay shani ki drishti janmakalik mangal par hogi tatha bhagya sthan tatha dvadash bhav donon par hogi. vah samay jatak ke liye atyadhik kashtaprad v mrityutulya kashtadayak rahega. usi samay uski man suman ki kundli men guru men budh ki dasha chal rahi hogi. budh punah akarak grah ki dasha ka fal degi jiske karan suman ko ek bar punah atmik kasht hoga. atah suman ki man ko budh grah ki upasna, dan v puja-path adi karna chahie evan priya ko guru ki puja, upasna v mantra, dan v puja path karke grah ki shanti karni chahie.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  May 2012

fyuchar samachar patrika ke ratn visheshank men ratn chayan v dharan vidhi, ratna: sakaratmak urja srot, navaratn, uparatn, ratnon ki vividhta, vaigyanik vishleshan evan chikitsiya upadeyta, lagnanusar ratn chayan, jyotishiya yogon se tay karen ratn chayan, ratnon ki karya shauli ka upyog, budh ratn panna, chikitsa men ratnon ka yogdan, kai vyadhiyon ki aushdhi hai karanj tatha anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.