चिकित्सक योग

chikitsak yog  

Ank ke aur Lekh | Sambandhit Lekh | Views : 4105 |  
chikitsak yog prashna: chikitsa ke kshetra men saflta prapt kar achche chikitsak banne ke jyotishiya yog kya hain? elopaithik, ayurvedik, homyopaithik, yunani v pashu-chikitsak adi banne ke bhinna-bhinn yog kya hain? chikitsa paddhati chahe koi bhi ho, pratyek men rog nivaran ke lie aushdhi ya davai ki avashyakta hoti hai. atah chikitsa ke kshetra se jure jatkon ke lie rasayan shastra ka gyan hona avashyak hota hai. is kshetra se jure jatkon par mangal ka prabhav hona jaruri hai. jyotish shastra ke anusar rasayan (davai) evan chikitsa kshetra par mangal ka adhikar hota hai. mangal ki do rashiyan mesh tatha vrishchik hoti hain. mesh rashi agni tatva hai tatha vrishchik rashi jal tatva isilie chikitsa kshetra men inka bara mahatva hai. chandra evan shukra grah donon hi jal tatva vale grah hain tatha ye donon hi grah ras (aushdhi ya rasayn) ke karak grah bhi hain. atah vrishchik rashi ka aushdhi, davai ya rasayan se vishesh sanbandh hai. rashi rashi ke adhar par kaise nirnay karen ki kaun jatak kis kshetra ka chikitsak ban sakta hai, vah is prakar hai:- mesh: shalya chikitsak, mastishk shalya chikitsak, dant chikitsak, lagabhag sanpurn sharir (sir, pet, mastishk, ankh, mukh, dant, jibh, mastak, kan, chehra adi) ka visheshagya. vrish: mukh, netra, haddi, mans, dayan netra, kanth, gala, mukhra ka visheshagya. mithun: skandh, baju, hath, mukhra, sans nali, gala, gardan, kan ka visheshagya. karka: rakt, vakshasthal, fefra, hriday, pet, kandha, kohni ka visheshagya. sinh: vanaushdhi vishesh, pet, anten, pith, hriday, kamar ke upar ke bhag, hath ka nichla bhag ka visheshagya. kanya: manochikitsak, haddi, mans, antriyan, pet ke upri bhag, livar, gurde, guptang, kamar, dayan panv, hath, ankh ka visheshagya. tula: guptendriya, pet, udar ke madhya bhag, nabhi, gurde, shvasan kriya ka visheshagya. vrishchik: daektar, nars, bayan panv, andkosh, guptendriya, gurde ka visheshagya. dhanu: tang ka upri bhag, janghen, janghon ki nasen, maladvar, nitanb, kamar ke upar ke bhag ka visheshagya. makr: mans, joron ki haddiyan, ghutne, pet, kandha ka visheshagya. kunbh: mans, ghutne ki haddi, ghutna, ghutne ke nichle bhag, pair, nitanb, banyen hath, gardan, shvas kriya, kan ka visheshagya. min: daektar, nars, chikitsa se jure adhikari ya karmachari, panv, pair ki anguliyan aur unki nasen, pair ke talve, eri, charan ka visheshagya. elopaithik chikitsak banne ke jyotishiya yog yadi janmakundli men surya, mangal evan brihaspati bali ho to jatak daektar banta hai. jab janmakundli men shani, rahu, surya aur mangal vidya prapti ke bhavon visheshtah pratham, dvitiya ke sath ho ya inke svami grahon se sanbandhit ho to jatak ko chikitsa kshetra men saflta milti hai. agni tatva rashiyan arthat mesh, sinh, dhanu athva aushdhikarak rashi vrishchik ka sanbandh dasham karm bhav se ho to jatak chikitsa kshetra men saflta pata hai. jyotish men kanya rashi ko rogopchar evan vrishchik rashi ko aushdhi evan rasayan ki rashi mana gaya hai. jab ye rashiyan bali evan shubh grahon se prabhavit (arthat drisht, yut) hon to jatak ko chikitsak banati hain. jab kundli ke chaturth bhav men surya athva mangal uchch rashi ka ho aur gajkesri yog, shash yog, chandradhi yog, lagnadhi yog adi men se do ya tin yog kundli men vidyaman hon to jatak chikitsak banta hai. kundli men chatha bhav rog ka hai tatha dasvan bhav ajivika ka hai. in donon bhavon ka paraspar sanbandh hone par tatha pancham (vidya) evan shashth (rog) bhav ka paraspar sanbandh hone par jatak chikitsak banta hai. janm kundli men mangal, shani ke sath shadashtak yog ko chorakar kisi bhi prakar ka yog banata hai to jatak chikitsak banta hai. jab dasham bhav men surya, brihaspati, shukra ki yuti ya drishti ho to jatak shishu ya prasuti visheshagya banta hai. mangal ya budh dashmesh hokar shukra ki rashi men sthit ho tatha chandrama se drisht ho to jatak prasuti-visheshagya hota hai. dasham bhav ya dashmesh se mangal athva ketu ki drishti ya yuti tatha dasham bhav men surya, mangal ki yuti evan dasham bhav men mangal ki upasthiti (visheshakar tula rashi ke) jatak ko shalya chikitsak banati hai. dasham bhav men surya evan shani ki drishti yuti jatak ko dant chikitsak banati hai. yadi jatak ki kundli men mangal athva budh balvan hon to jatak shalya-visheshagya hota hai. yadi mangal bali ho to jatak aushdhi visheshagya hota hai. yadi kundli men brihaspati balvan ho to jatak prasiddh chikitsak hota hai. yadi kundli men kunbh rashi bali ho to jatak atikushal chikitsak hota hai. yadi karkansh lagn men shukra evan chandra ho athva vahan sthit chandra ko shukra dekhta ho to jatak farmasist hota hai, kyonki donon hi grah ras ya rasayan ke karak hote hain. yadi karkansh lagn men sthit budh ko chandra dekhta ho to jatak chikitsak hota hai. jab jatak ki kundli men surya evan mangal ki paraspar kendra sthiti ho athva surya evan mangal ka sanbandh ho, surya mangal ke rashi ya nakshatra men ho, mangal surya ki rashi men ho, surya mangal ki nich rashi arthat kark men ho, mangal surya ki uchch rashi arthat mesh men (svagrihi) ho to chikitsak hone ke yog ko darshata hai. jab janm kundli men manglik yog ho arthat lagn, chandra, shukra ya brihaspati kundli se 1, 2, 4, 7, 8, 12ven bhavon men mangal ki upasthiti jatak ko chikitsak banati hai. jab surya evan chandra ke yog tula spasht ke svami grah ka sanbandh chathe bhav ke svami arthat shashthesh se ya mangal se ho tatha yah grah rahu se kendra men ho to jatak chikitsak hota hai. surya tatha mangal aur shani tatha chandra ke bich anshatmak duri ka adhikatam vistar jitna kam hoga, chikitsak banne ki sanbhavna utni hi prabal hogi. chikitsakiya yogon men prayah chandra ashubh hota hai. ashubh yogon men chandra shatrurashigat ya nich rashigat, kalasarp yog, kemadrum yog, chandra ka rahu ya ketu ke sath grahan yog, chandra, guru ka shakat yog. chandra par pap grahon ka prabhav. jin kundliyon men budhaditya yog hota hai. ve mansik rup se uchch star ke hote hain tatha khoji pravritti ke hote hain tatha kisi vishay ki gahrai tak chale jate hain. prayah adhikansh chikitsak ki kundliyon men yah yog dekha jata hai. ke.pi. arthat krishnamurti paddhati: ke.pi. ke anusar nakshatron v in nakshatron ke sath dasham bhav tatha surya ki upasthiti chikitsa kshetra se jurne ke lie mahatvapurn hai. ke.pi. ke anusar chikitsa kshetra ke anya yog nimn hain - jab dasham bhav men upasthit rashi ka svami mangal ya budh ho tatha inmen nakshatra svami kramshah shukra evan mangal tatha upanakshatra svami surya ho to jatak ke chikitsa ka kshetra ‘shalya’ se jura rahta hai. jab dasham bhav men upasthit rashi ka svami surya athva shani ho aur nakshatra ka svami yadi ketu, surya athva rahu ho aur rashi svami surya ke lie upanakshatra svami ketu, surya v rashi svami shani ke lie guru, surya ho to jatak ka karya kshetra aushdhi se jura hota hai. inhen nimn talika se asani se samajh sakte hain. chikitsa rashi upanakshatra chikitsa kshetra svami svami kshetra mangal shukra surya shalya budh mangal surya shalya surya ketu ketu aushdhi surya ketu surya aushdhi shani surya guru aushdhi shani rahu surya aushdhi ayurved chikitsak ke yog yadi kendra men mangal tatha shukra, chandra se drisht ho to jatak vaidya hota hai. yadi chathe bhav men dvisvabhav rashi evan pap grah ho tatha us par chandra ki drishti ho to jatak vaidya hota hai. dashmesh mangal, guru athva surya ki rashi men ho tatha chandra se itthashal yog banata ho to jatak vaidya hota hai. jab kundli men shani-shukra se purn drisht ho ya shukra shani ki satvin drishti se drisht ho to jatak andkosh, arsh, bavasir ko thik karne vala vaidya hota hai. yadi uprokt men shukra, surya ya chandrama se drisht ho to jatak ankh ke rog ko dur karne vala vaidya hota hai. yadi shukra dasham bhav men sthit grah se drisht ho to asthi sandhiyon ka vaidya banta hai. jab karkansh lagn men surya evan rahu mishrit grahon se yukt hon, to jatak vishon ka visheshagya vaidya hota hai. karkansh lagn athva dvitiya bhav budh, shukra tatha chandra se drisht ho to jatak vaidya hota hai. hastarekha dvara nirnay hatheli men budh evan guru parvat purn viksit hon, sath hi budh parvat par 3-4 khari rekhaen evan guru parvat par varg ka chihn ho tatha mangal parvat daba hua ho to jatak vaidya hota hai. hatheli men budh parvat purn viksit ho, budh parvat par char se lekar sat tak spasht adhogami rekhaen hon tatha kanishtha anguli ka sira anamika ke upri por ke madhya tak jata ho to jatak ek safal chikitsak banta hai. hatheli men mangal parvat atyant viksit ho tatha mangal rekha bhi pusht evan prabal ho, sath hi daektar banne ke uprokt chihn bhi hatheli men hon to jatak sarjan ya shalya chikitsak banta hai. kuch chikitsakon ki udaharan kundliyon ka sankshipt vishleshan tinon hi kundliyon men budhaditya yog hai. mangal, shani sanbaddh hai. chandra par pap prabhav hai. kundli 3 men kalasarp yog bhi hai. tinon hi kundli manglik hain. kundli men yadi nimn grah yog vidyaman hon to jatak chikitsak athva chikitsa kshetra men safal hota hai. dvitiya bhav athva dvitiyesh par yadi surya, rahu, shani aur budh in charon grahon men se kinhin tin grah ya charon grah ka prabhav ho to, jatak daektari shiksha grahan karta hai jyotish men surya, shani, rahu aur budh in charon ko ‘chikitsa karak grah’ mana gaya hai. atah in charon ka ya charon men se kisi tin ka dvitiya sthan ya dvitiyesh par prabhav ho to jatak medikal shiksha grahan karke em.bi.bi.es, ef.ar.si.es, em.di jaisi uchch upadhiyan bhi prapt karta hai. sath men dasham bhav ka adhyayan bhi avashyak hai. dasham athva dasham sthan ke svami se ashtamesh ki yuti athva us par drishti ho aur surya athva shani ki yuti athva drishti ho. ekadash sthan par evan ekadshesh par surya, shani v ashtamesh ka prabhav ho. lagn men ashtamesh athva surya v shani ki yuti ho. shashth bhav ‘rog’ sthan hai. shashthesh ka dasham aur ekadash bhav athva inke svamiyon ko prabhavit karna daektari shiksha yog banata hai. kundli men lagn, dvitiya, pancham, dasham bhav men yadi surya v budh ke sath guru v mangal ki yuti ho to jatak kushal chikitsak banta hai. kanya, vrishchik ya kunbh rashi men yadi surya v budh ke sath guru v mangal ki yuti ho to jatak kushal chikitsak banta hai. yadi kisi jatak ki kundli men dasven bhav men mangal ya ketu ka drishti yuti athva rashi sanbandh banta ho to aisa jatak shalya chikitsak ban sakta hai. ketu aur brihaspati ki yuti bhi jatak ko chikitsak banne men sahayak hai. jatak ki kundli ke dasven bhav men yadi surya v mangal ki yuti ho to jatak shalya chikitsa ke kshetra men nam kamata hai arthat jatak sarjan hota hai. isi prakar yadi dasven bhav men surya, guru v shukra ho athva drishti ho jatak prasuti ya shishu visheshagya banta hai. grahon men rahu ko pap grah kaha gaya hai jo vish saman hai, lekin jinki kundli men rahu uchch ka ho, bali ho to jatak jivanunashak davaiyon dvara upchar kar sakta hai. yadi kundli ke dasham bhav men rahu ya ketu ho athva inki drishti ho to jatak jivanunashak aushdhiyon se sanbandhit ajivika prapt karta hai. lagn men yadi rahu ki upasthiti ho to jatak marij ke svasthya sanbandhi rahasyon ko ujagar karne men saksham hota hai. yadi kundli men rahu, surya aur shani ki paraspar yuti athva drishti sanbandh ho to jatak nipun vaidya hota hai. surya svasthya v chikitsa ka karak hai to mangal sharirik bal, urja, utsah v karya shakti ka karak hai. isi tarah guru gyan v sukh ka karak hai. atah kisi jatak ki kundli men ye tinon grah bali hon, inka paraspar yuti athva drishti sanbandh anukul bhavon men ho to jatak ek kushal chikitsak ban sakta hai. jyotish ke vidvanon ka mat hai ki lagn, chaturth, saptam ya dasham bhav men surya, chandra athva guru ke sath mangal ki yuti bhi jatak ko chikitsak bana sakti hai. jin jatkon ki kundli men dvadash bhav athva min rashi ka sanbandh guru se, mangal se ya surya se ho to aise jatak bhi dusron ke kasht mitane men samarth hote hain. min rashi ka sanbandh chikitsa v nirog se hai, atah aise jatak bhi chikitsak ban sakte hain. aise jatak jinki kundli men dasham bhav ka sanbandh agni tatva ki rashiyan se ho, to jatak chikitsa kshetra men hota hai. kundli men surya athva mangal ka rahu ya ketu se yukt athva drisht hona, shani ka rahu se trikon bhav men sinh rashisth hokar lagn ya dasham bhav men sthit hona bhi chikitsak yog banata hai. kundli men dashmesh yadi budh ya shukra se yuti kare to yah jatak ki achchi smaran shakti, karya kushlta v karya men sukshmata ko pradarshit karti hai. yah yog bhi chikitsak banne men sahayak hota hai. dasven bhav ka svami yadi surya se yuti kare to jatak ka vyavsay aushdhi se sanbandhit hota hai athva jatak sarkari seva men karyarat hota hai. kundli men yadi mangal, surya evan rahu ki yuti ashtam bhav men ho tatha shani dasham bhav se sanbandh rakhta ho to jatak avashya hi chikitsa kshetra men nam kamata hai. kundli men dvadash bhav se shani evan budh ka drishti sanbandh hona ya donon ki yuti hona bhi chikitsak yog banata hai. yadi mangal, chandra evan shani ka sanbandh dasham bhav se ho tab bhi jatak ke chikitsak banne ki purn sanbhavna rahti hai. pancham evan chathe bhav ke svamiyon men apsi sanbandh aur parivartan yog hona bhi chikitsak hona darshata hai. kundli ke chathe bhav men rahu, surya, chandra, mangal ki yuti hona bhi chikitsak banne ka sanket karta hai. surya-mangal ka drishti sanbandh ho, brihaspati dvitiya tatha shani dvitiya evan dasham bhav par drishti dale to jatak kushal chikitsak banta hai. kundli men dvadshesh ke svami ka dasham bhav men surya ke sath hona bhi chikitsak banne ka achcha yog hai. chikitsak banne ke lie kark rashi aur mangal ka balvan hona avashyak hai. lagn evan dasham se mangal ya rahu ka sanbandh chikitsa ka kam karata hai. s jatak ke chikitsak hone ke yog ki pushti ke lie surya tatha chandra ke yog tulya spasht ke svami grah ko dekhie. yadi surya tatha chandra ke yog tulya ke svami grah ka sanbandh chathe bhav ke svami se ho, mangal se ho athva yog tulya spasht ka svami grah rahu se kendra men ho to jatak nishchiya hi chikitsak hota hai. kundli men surya, chandra athva lagn se dashmesh ke navansh rashi ka svami yadi surya ke navansh men ho to jatak chikitsak hota hai. lagn, dasham bhav tatha surya, chandra evan mangal men se koi ek athva ek se adhik vrishchik, mithun ya kanya ke navansh men ho to jatak ke chikitsak banne ki sanbhavna hoti hai. ek prasiddh elopaithik chikitsa visheshagya ki kundli shashthasth ya shashth bhav men sthit grah guru aur budh ka paraspar saptam purn drishti sanbandh hai. mangal aur shashthesh shani ka paraspar purn drishti sanbandh hai. mangal, budh aur shashth bhav par purn drishtipat karne vale shukra ko purn chaturth drishti se dekhte hue shashthesh shani ko purn saptam drishti se dekh raha hai. mangal, shashthasth guru, shashthesh shani, budh aur naisargik shubh grah shukra ka paraspar kendriya sanbandh bana hua hai. faltah jatak ne ek safal elopaithik chikitsak banne men saflta arjit ki hai. homyopaithik chikitsak dae. chandan agraval mangal dasham bhav ka svami athva karmesh hai. shubh grah shukra par mangal ki chaturth drishti hai. mangal ke shubh grah shukra aur chandra ke sath kendriya sanbandh hai. mangal sthan bali bhi hai. homyopaithik chikitsa ke dyotak grah ketu ka naisargik shashthesh grah budh ke sath yuti sanbandh hai. chikitsa ka dyotak grah rahu ke sath in donon grahon ka paraspar saptam drishti sanbandh sthapit hai. chikitsa ke dyotak grah surya aur homyopaithi chikitsa ka karak grah shani donon yuti sanbandh sthapit kar shashth bhav ko saptam drishti se dekh rahe hain. chikitsa dyotak grah rahu aur homyopaithik chikitsa ke dyotak grah shani kramshah pancham aur dasham drishti se homyopaithik chikitsa ke dyotak grah guru ko dekh rahe hain. guru svayan shashthesh, bhagyesh hai. svakshetriya bhagyesh bhagya sthan men baithakar shubh grah shukra aur chikitsa dyotak grah rahu ko kramshah pancham aur navam purn drishti se dekh raha hai. inhin karnon se jatak ek safal homyopaithik chikitsak ke rup men pratishthit hai. ayurvedik chikitsak dae. namrata kulashreshth vaidyaraj surya ka shashth bhav par saptam purn drishti hai. vibhinn grahon ke apsi sanbandh hone se nimn prakar ke chikitsak ban sakte hain. sanyukt grah aur rogopchar surya$mangal chikitsa ke kshetra men saflta, yunani chikitsa paddhati, pashchatya chikitsa vigyan, (elopaithik), haddi rog visheshagya, shalya chikitsa visheshagya. surya$budh dama, sans, tapedik rog vibhag. surya$shukra dama, sans, tapedik rog vibhag. surya$budh$shni shishu rog visheshagya, piliya rog nivaran men kushlta. surya$mangl$chandra vaidya athva chikitsak, manochikitsak, mastishk rog, hriday rog visheshagya. surya$mangl$shukra daektar athva sarjan. chandra$mangal granthi, ganth, gilti ke rog nivaran men kushlta. chandra$budh granthi, ganth, gilti ke rog nivaran men kushlta. chandra$guru$shukra ayurved, vaidya, aushdhi shastri, fijishiyan, mahila rog visheshagya. chandra$rahu mastishk rog visheshagya, pagalapan, nimoniya adi rogon ka visheshagya. mangl$guru piliya rog ke ilaj men nipunta. mangl$shukra sarjan. mangl$shni dant chikitsak, kushth rog, korh, rakta-vikar, sharir ka vajan ghat jana adi ke ilaj men nipunta. mangl$budh$guru$shni dant chikitsak. guru$mangal piliya rog ke ilaj men kushlta. guru$rahu dama, sans, tapedik ke ilaj men kushlta. guru$shni$ketu homyopaithi chikitsak. dama, sans, tapedik ka vishesh ilaj karne men nipunta. shukra$rahu namardi, napunskta ke ilaj men kushlta. shukra$ketu svapnadosh adi ke ilaj men kushlta. rahu$ketu bavasir ke ilaj men kushlta.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.