अमृता की हिम्मत

amrita ki himmt  

Ank ke aur Lekh | Sambandhit Lekh | Views : 702 |  
kuch logon ke jivan men itna duahkh a jata hai aur unka jivan aise bikhar jata hai ki inki jivan vyatha sunakar hamara man vichlit ho uthta hai aur yah soechakar bahut hairani hone lagti hai ki is insan ne kaise himmat jutai hogi. kuch aisa hi raha amrita ji ke jivan ka safar aur unki jivan katha sunakar mujhe anand bakhshi ki likhi hui ye panktiyan yad a gain- duniya men kitna gham hai mera gham kitna kam hai. logon ka gham dekha to main apna gham bhul gaya.. jyotish jagat men pratyek jyotishi naye-naye vyaktiyon se milte hain aur unke jivan ke har pahlu ki samasyaon ko suljhane men unki madad karte hain. jyotishi ka vyavsay bhi ek manovaigyanik ki tarah hai jo samasyaon se jujhte vyakti ko ek asha ki kiran dikhata hai aur batata hai ki jindgi men dukh hai to sukh bhi hai jo apki pratiksha men hai, jarurat hai to sirf dhairya ki. kuch upayon v mantron dvara vyakti ka khoya vishvas fir laut ata hai aur vah ishvar ko apne karib mahsus karta hai. use lagta hai ki koi adrishya shakti avashya hi use apni samasyaon se chutkara dila degi aur yahi sochakar uske kasht ke din kafi aram se gujar jate hain aur achche din ate hain to kashton ki yad bhi nahin ati. abhi hal hi men meri mulakat amrita ji se hui. amrita se pichle kai varshon se jan pahchan hai lekin kabhi unki niji jindgi men jhankne ki koshish nahin ki. lekin is bar ve astreliya se ain to kafi pareshan thin. mere jara sa puchne par hi ruansi hokar amrita ne sari baten batain. unki vyatha sunakar meri ankhen nam ho gain. amrita ji ka bachapan kafi achcha bita. ve apne donon bhaiyon se bari thin. unke janm ke bad pita ke vyapar men kafi vriddhi hui aur unke bijnes ne achcha vistrit rup le liya lekin unki unnati ne unke anek dushman bhi paida kar diye jo unhen nicha dikhane ki tak men rahte the. amrita ji ne prem vivah kiya jise pure parivar ne pasand kiya lekin unki hansti khelti hui jindgi men pata nahin kiski buri najar lagi ya kisi ne kuch jadu-tona kiya ki bare bhai ki mrityu ho gai aur char varsh ke bhitar hi unke chote bhai bhi chal base. unke pita apne donon beton ke gam se bimar par gaye aur bimari is had tak barhi ki kuch din men ve bhi duniya se kuch kar gaye. amrita ke mayke men koi nahin raha. vah abhi apne pita ke dukh se ubri bhi nahin thi ki 6 mahine men uske pati bhi uska sath chor gaye. amrita ke pas apne terah varsh ke bete evan man ke alava koi nahin bacha. tabhi kisi ne salah di ki unhen apne iklaute bete ko lekar sat samandar par kar videsh chale jana chahie nahin to beta bhi nahin bachega. amrita ji apne pita ki mrityu ke bad buri tarah tut gai thin. do bar unhonne apni jivan lila samapt karne ka man banaya par kush ko dekh dil par patthar rakh liya aur khud ko parhai men jhonk diya. vah pahle se rhi vavasavahal men danaiban thin lekin unhonne svayan ko vyast rakhne ke lie estrolaeji, hipnothairepi, kampyutar, byuti, reki adi ke bahut se kors kiye. kisi rishtedar ki salah par puri duniya men akeli amrita kisi tarah astreliya pahunch gayi aur vahan kisi ko n jante hue bhi apne lie jagah bana li aur bete kush ke lie jine lagi, ek vahi uske jine ka sahara tha. usne uski parhai men koi kasar nahin rakhi, jo usne manga use lakar diya aur use har tarah ki khushi dene ka prayas kiya. apni jivika chalane ke lie vo red kraes sosayti men kam karne lagi aur vahan ke bujurgon ki madad karne ki muhim cher di aur iske lie unhonne sartifiket kors bhi diya. yah unke ashirvad v duaon ka hi fal tha ki unka sapnon ka ghar ban gaya aur kush bhi achchi naukri karne laga tha. kush ab 25 varsh ka ho gaya tha. amrita uske vivah ke ane vale sukh ki kalpana kar sapne dekhne lagi. vah apne sare dukh bhul gai thi. vah chahti thi ki koi bhartiya bahu ghar men aye jiske lar pyar mane vah apna jivan gujar de. vah apne sapnon men khoi thi ki vahan kush ek astreliyan larki nyasa ke pyar men giraftar ho chuka tha. nyasa ne mano us par jadu kar diya tha. jo vah kahti vah vahi karta tha uska dimag to mano jar ho gaya tha aur ek din usne bina apni man ko batae usse vivah kar liya aur amrita ko aupcharikta ke lie jakar khushkhbri de di. amrita to jaise patthar ki ban gai. vah jor-jor se chillana chahti thi par vah kuch bol nahin pai use bahut mansik aghat pahuncha. jis bete ko usne itna pyar diya usne usko apni khushi men shamil karna bhi jaruri nahin samjha aur n hi nyasa ki bhanak lagne di. dhire-dhire nyasa ke anek raj samne ane lage. vah pahle se hi vivahit thi aur uske anek larkon se sanbandh rah chuke the aur iska asar kush ki sehat par bhi para. amrita ko to vah pahle hi chorakar ja chuka tha lekin nyasa ne use sharirik, mansik v arthik rup se pirit kiya tha. vah bare asmanjas men tha. nyasa ke lie usne apni man ko chora jiska duniya men uske siva koi nahin. nyasa ko kush ki raÿai bhar bhi parvah nahin thi. vah to nyasa ka gharelu naukar banakar rah gaya tha. sharm ke mare vah apni man ko bhi nahin bata sakta tha. uski sthiti thi dhobi ka kuÿaa n ghar ka n ghat ka. amrita ji bilkul ekaki ho gayi thin. bete ke virah v uske dukh se bahut dukhi thin. unhen nahin pata tha ki vee apna dukh kisse kahen. kise apne dil ki bat bataen. ve keval prabhu se prarthana kar rahi thin ki kisi tarah uska beta uske pas vapis a jae. amrita ki kundli ke anusar unka bachapan rahu ki dasha men bita, yauvan guru ki dasha men tatha shani ki 19 varsh ki dasha abhi 2012 men samapt hui hai aur ab budh ki dasha aranbh hui hai. kundli men rahu bhagya sthan men bhagyesh evan sukhesh shukra ke sath tatha shashthesh chandrama ke sath baithe hain. isilie bhagya bhav sthit rahu ne achcha fal diya, unka bachapan achcha bita aur unke janm ke bad pita ke vyavsay men vriddhi v sukh samriddhi ke lie bhi bhagyashali rahi. guru ki dasha men prem vivah kiya panchmesh budh saptam men baithakar prem vivah ki pushti kar raha hai. guru labhesh aur dhanesh hokar ashtam bhav men saptamesh v markesh surya tatha tritiyesh v karmesh mangal ke sath baithe hain isilie guru men mangal ki dasha men unke chote bhai ki mrityu hui, bhratri karak mangal ashtam men purn ast hokar mrityu bhav men sthit hai islie inhen dusre bhai ki mrityu ke dukh se bhi dukhit hona para. saptamesh surya ashtam bhav men ashubh grah mangal v markesh guru ke sath pirit hone se lanbe samay tak pati ka sukh bhi nahin mila. julai 1999 men jab shani men ketu ka antar shuru hua tha aur shani janmasth chandra se saptam tatha janmasth guru se ashtam men apni nich rashi men the tabhi pati ka bhi dehant ho gaya aur isi dauran ve kafi dipreshan men chali gai aur unhonne atmahatya ke lie bhi kai bar socha. chunki shani lagnesh v dvadshesh hokar dasham bhav men baithe hain islie shani ki dasha men hi apne putra ke sath astreliya men setal ho gai aur inhen vahan apne karm kshetra men bhi achche avasar mile. budh panchmesh hokar kendra bhav men sthit hai aur shukra navmesh hokar navam men hai islie inhonne apni uchch shiksha jari rakhi aur anek vishyon men diploma v sartifiket kors kiye tatha do tin vishyon men post grejueshan bhi kiya. santan bhav ka svami budh kendra men hone se inhonne apne putra kush ki shiksha ke lie bhi achche prayas kiye aur unmen safal bhi rahi lekin putra karak grah guru ast hokar ashtam men hone ke karan apne putra ke dukh se dukhit hona para lekin vartaman men inki panchmesh budh ki mahadsha chal rahi hai aur ismen nishchit rup se inhen apne putra se sukh evan sahyog milne ki purn sanbhavna ban rahi hai. shakat yog: kutunb bhav ke svami aur santan ke karak guru ke ashtam bhav men sthit hokar shakat yog se grasit hone ke atirikt v manglik yog banane vale mangal tatha saptamesh surya se yukt hone ke karan inhen jindgi men bhishan duahkhon ko jhelna para. shakat yog ke karan vyakti bhale hi amir parivar men janme use apman, arthik kasht, sharirik pira, mansik dansh milta hai. jo vyakti is yog se pirit hota hai uski yogyata ko samman nahin mil pata tatha jivan men utar-charhav laga rahta hai. shakat bhang yog: jyotish shastra ke anusar chandrama ke balvan evan majbut sthiti men hone se vyakti shakat yog men hone vali pareshaniyon se ghabrata nahin hai aur apni mehanat aur karÿavyanishtha se man-samman ke sath jivan ka sukh prapt kar leta hai. lagnesh aur bhagyesh ke majbut hone par jivan men utar-charhav ke bavjud vyakti man-samman se ji leta hai. yadyapi is kundli men chandrama paksh bali nahin hai lekin fir bhi navamasth chandrama ko sarvashreshth mana jata hai aur chandra, shukra ki yuti bhi bhagya bhav men dhan labh v safltadayak siddh ho rahi hai. svagrihi shukra ko rahu char guna adhik bali kar raha hai. islie purn shakat bhang yog mana jayega. isi shakat bhang yog ke karan amrita ko himmat v sahas ka amrit tatva prapt ho gaya hai. kush ki kundli ka vivechn:.. kush ki janmakundli par tatha uske vaivahik jivan evan prem sanbandhon ki or drishti dalen to inka saptamesh grah shukra jo saptam bhav ka karak bhi hai shashth bhav men rahu aur surya ke sath pap pirit avastha men hai, pancham bhav men nich v ashtamesh ke budh ki sthiti bhi is or ishara kar rahi hai ki kush apna vivek khokar, bina vichare apne dharm v jati se bahar prem sanbandh sthapit kar sakte hain aur yahi inke sath hua. saptamesh v saptam bhav karak tatha pancham bhav ashubh sthiti men hone se inhonne videshi larki se prem vivah kiya aur uska parinam bhi uske lie bura hi hua. kush ki kundli men chandra kemduram yog se pirit hai aur kisi shubh grah ki drishti men bhi nahin hai. mangal ki ashtam drishti se bhi pirit hai, islie shukra ki mahadsha men chandra ki antardasha men hi kush ne nyasa se vivah ka nirnay liya aur usi dasha men mansik pira se grast hokar apni man ko chorakar chala gaya. parantu matri sthan par panchmesh guru hone tatha matri karak bhagyesh chandra svagrihi hone se ye apni mata se adhik samay tak dur nahin rahenge aur unka purn sahyog karenge aur iska vaivahik jivan bhi rahu ki antardasha tak danvadol hi chalega aur grahon ke anusar yahi lagta hai ki navanbar 2014 ke bad jab shani vrishchik rashi men ayenge to 2016 tak kush ke dusre vivah ka yog banega aur nai khushiyon ka agaman hoga. chaturthesh ke lagnasth hone tatha chaturth bhav (man) ke karak chandrama ke shubh bhav men sthit hone v chaturth bhav par guru ki sthiti ke karan kush ki man inke lie atyant bhagyashali hain aur shreshth yogon ke prabhav se kush bhi purn matri bhakt banega aur hai. chaturth bhav, chaturthesh aur chaturth bhav ke karak in sabhi ki sthiti shreshth hai. vastav men amrita ji ki jivan gatha ko sunakar kisi ka bhi dil pasij jayega. yah amrita ji ki himmat hi hai jo is vikat paristhitiyon ka samna kar rahi hain aur is asha men ji rahi hain ki ek din unka beta shighra hi vapas unke pas a jayega. nyasa ki kundli ka vivechn: nyasa ki kundli men vaivahik jivan ki drishti se vichar karen to saptamesh guru chathe bhav men ketu ke sath rahu aur mangal ki drishti se pirit hai. kendra bhav men koi shubh grah n hone se inke andar ahankar ki adhikta v krurta ki bhavna bhi hai aur aise log apni svarthapurti ke lie dusron par atyachar karne se bhi nahin chukte aur yahi usne kiya. usne kush ke khilaf kai kes bhi rajistar kara diye hain. yah vivah lanbe samay tak chal payega is par ek prashn chihn hi dikhai deta hai. iske atirikt nyasa ki janmapatri men bahuvivah yog bhi pratyaksh dikhai deta hai. pancham bhav purva janm ke punya v pap ka hota hai. yahan par atm karak surya nich ke hokar baithe hain jo uski buddhi ko dushit kar rahe hain aur dvadash sthit rahu ki mahadsha ke chalte vah matibhramit hokar avivek purn nirnay leti rahegi.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  April 2013

fyuchar samachar patrika ke paravidya visheshank men navagrah ke saral upay, bhagya, purusharth aur karm, rahu ka anya grahon par prabhav, aprichit mahatvapurn grah, kya ap ban paenge safal injiniyar, dvadshansh se anisht ka satik nirdharan, kriketar banne ke grah yog, lagnanusar videsh yatra ke pramukh yog, vibhinn lagnon men saptam bhavasth guru ka prabhav evan upay, helth kaipsul, lal kitab ke vishisht totke, duryog, sant devraha baba, jagat ki gati ka dyotak hai 108, vikram sanvat 2070, ank jyotish ke rahasya, falit vichar v chandra, satyaktha, ishvar prapti ka sahaj marg kaun, hindu manyataon ka vaigyanik adhar, paryavaran vastu, vastu prashnotri, hastarekha, yantra samiksha/mantra gyan, bihar ka khajuraho: nepali mandir, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.