नौकरी एवं व्यवसाय के ज्योतिषीय योग

naukri evan vyavsay ke jyotishiya yog  

Ank ke aur Lekh | Sambandhit Lekh | Views : 582 |  
prashna: jatak naukri karega ya vyapar yah jyotish ke dvara kaise nirnay liya jaye. apne niyamon ko sanlagna kundli men lagakar siddh karen. uttara: - jab dasham bhav ke svami grah (karmesh) ki lagn bhav men sthiti ho to jatak svatantra vyavsay karta hai. is sthiti ka jatak adhyavsayi hota hai. - lagnesh evan karmesh ki yuti kisi bhi bhav men ho to jatak svatantra vyavsayi hota hai. agar yah yuti lagn bhav ya karm (dashm) bhav men ho to jatak svatantra udyog men atyadhik khyati prapt karta hai. - karmesh yadi dvitiya bhav men ho to jatak paitrik vyavsay ko adhik unnat karne vala hota hai. - karmesh ke tritiya bhav men sthit hone par jatak lekhan, sanpadan, patrakarita ke vyavsay men jata hai ya uttam vyakhyata hota hai. - karmesh ke chaturth bhav men hone ki sthiti men jatak krishi karya karnevala, bhumi sanbandhi vyavsay ya transport sanbandhi vyavsay karne vala hota hai. - karmesh pancham bhav men sthit hokr kisi shubh grah se drisht n ho to jatak dalali, satta, laetri, sheyr bajar tatha ejent ka karya karta hai. - karmesh ke chathe bhav men hone par jatak nyayalay, thana, kachhri ya jel se sanbandhit karya karne vala hota hai. - karmesh saptam bhav men sthit ho to rajnaitik karya, sajhedari ke karya ya sahkari udyam men karya karne vala hota hai. - karmesh ke ashtam bhav men hone par jatak shiksha sanbandhi vyavsay vala koching, vidyalay tatha anya shaikshanik jagat se sanbandhit vyavsay karta hai. - karmesh ke navam bhav men hone par jatak adhyatm kshetra men logon ka path pradarshak, paitrik vyavsay karne vala, updeshak, purohit, dharmaguru athva anya samaj sudharak karyon men laga rahne vala hota hai. - karmesh ke dasham bhav men sthit hone par jatak jo bhi karya karta hai usmen atyadhik saflta prapta karta hai. vah svatantra vyavsay karne vala aur usmen shikhar tak pahunchne vala hota hai. - karmesh ke ekadash bhav men hone par jatak sarahniya karyon men laga rahne vala, anek logon ko jivika dene vala tatha sammanit hota hai. - karmesh ke dvadash bhav men sthit hone par jatak videshon men vyavsay karne vala tatha kabhi-kabhi taskari athva nindaniya vyavsay karne vala hota hai. - yadi dasham bhav men akela budh ho to jatak niahsandeh vyavsayi hota hai. - budh vyapar ka karak grah hai, jiske dashmesh hokar saptam bhavgt hone athva saptamesh hokar dashm bhavagat hone par jatak vyapar karta hai. - budh dashmesh hokar ekadash bhavgt ho ya ekadshesh hokar dashm bhavagat ho to bhi jatak vyapar dvara dhanarjan karta hai. - dasham bhav men anek grahon ki yuti ya drishti ho to bhi jatk nishchit hi vyavsayi hota hai. - chaturth bhav men yadi parmnich ka surya ho tatha nichbhang n ho raha ho to jatak apna svatantra vyavsay karta hai. - karmesh yadi kendra ya trikon athva ekadash bhav men shubh grahon se drisht ho to jatak vyapar men kushal hota hai. - yadi karmesh dasham bhav ke atirikt anyatra kahin bhi svagrihi athva uchcharashi ka ho tatha do ya tin grahon se drisht bhi ho to jatk vyapar men kushal hoga tatha sammanit udyogptiyon men gina jayega. - yadi dasham bhav ya karmesh pap kartari prabhav men ho to jatak vyapar men asafal rahne vala tatha nindaniya karya karne vala hota hai. - yadi surya v mangal dasham bhav men sthit ho aur kisi grah se drisht hon ya n hon to jatak aushdhiya sanbdhi vyavsay men bahut nam kamata hai. - budh evan shukra chaturth, dvitiya, dashm tatha ekadash bhav men ho to jatk kavi sahityakar, adhyatmik athva lekhak banta hai. - yadi saptamesh aur ekadshesh ke madhya sthan parivartan ho raha ho to vyapar ke dvara jivikoparjan hoga. - dashmesh v dvitiyesh ke madhya bhi sthan parivartan ho raha ho to bhi vyapar dvara dhanarjan karne hetu jatak ko prerit karta hai. - yadi surya, chandra, mangal aur rahu janmakundli men balshali hokr kendra ya trikon men sthit hon tatha ekadash ya dvitiya bhav se sanbandh sthapit karen ya unmen sthit hon to jatak vyapar dvara dhanarjan karta hai. in charon grah surya, chandra, mangl v rahu ko purn parmatmansh ki sangya pradan ki gai hai. - yadi panch ya isse adhik grah saptam bhav se dvadash bhav tak ya dasham bhav se tritiya bhav tak sthit hon to jatak vyapar dvara javikoparjan karta hai. - uprokt yogon men yadi shani ka sanbandh dashmesh, dasham bhav, shashthesh, ashtamesh ya dvadshesh ke sath ho athva trik bhavadhipti aur dashmadhipti paraspar kisi bhi rup men sanbaddh ho to jatak vyapar n karke naukri dvara jivkoparjan karta hai. - yadi surya, chandra, mangal aur rahu janmakundli ke upri bhag arthat dasham bhav se chaturth bhavagat ho athva inmen se tin grah hi uprokta bhagane men, jise janmang ka alokit bhag kaha jata hai, men sthit ho aur sath-sath ho, sath hi shani yogkarak hokar dasham bhav ya dashmesh se drisht athva yuti sanbandh sthapit kare, to jatak svatantra vyavsay dvara jivikoparjan karta hai. - is yog ke sath-sath yadi lagnesh athva dashmesh uchcharashigt ya svagrihi ho ya shubh grahon se drisht ya balshali ho to jatk udyogpti banta hai. - panch athva panch se adhik grah surya, chandra, mangal aur rahu ke nakshatron men ho athva vayu tatva ki rashiyon men mithun, tula, kunbh men sthit hon to jatak svatantra vyavsay karne vala hota hai. yah tathya nakshatra ke sthan par navansh men bhi panch grahon ke surya, chandra tatha mangal ke navansh men tatha sath hi sath mithun, tula aur kunbh navanshagat hone par spasht rup se drishtigat hota hai. - svatantra vyavsay ke lie surya ka bali hona ati avashyak hai. jin janmakundliyon men kemadrum yog, shakat yog athva daridra yog vidyaman ho, unhen svatantra vyavsay nahin karna chahie anyatha vyapar karne ke uprant use sthagit karne ki sthiti avashya utpann hoti hai aur is karan dhan ki hani bhi hoti hai. vyavsay ke atirikt naukri ke kshetra ko janne ke lie nimnalikhit tathyon ko janna avashyak hai jatak naukri karega athva vyapar, iska nirnay karne athva janmakundli men grah sthitiyane ka samyak vishleshn karne ke pashchat kisi nishkarsh par pahunchna ek parishram sadhya prakriya hai jiske lie gahan adhyayan aur anubhav ki avashyakta hai. - lagn se dasham bhav ka svami grah. - chandra kundli se dasham bhav ka svami grah. - surya se dasham bhav ka svami grah in tinon men jo sarvadhik bali ho kintu chalit bhav men sandhi men n para ho us grah ki prakriti ke anusar naukri ka kshetra janen. - shashth bhav naukri se sanbandhit hota hai. naukri men niyukti, unnati, padonnati athva padachyuti, nilanbn adi hetu shashth bhav ka adhyayn apekshit hai. vastutah dasham bhav vyavsay ko pradarshit karta hai tatha dasham bhav se navam bhav shashth hota hai aur navam bhav se dasham bhav bhi shashth hota hai. islie naukri ka bhagya athva vyavsay sanbandhi bhagya ka vichar shashth bhav se kiya jana chahie. - yadi shashthesh dasham bhav men sthit ho athva dashmesh shashth bhavagat ho athva lagnesh shashth bhav men hokr dasham bhav par drishti nikshep karen athva fir shashthesh lagn men sthit hokar dasham bhav ko dekhe to jatk naukri karta hai. - lagnesh aur dashmesh ki yuti ho aur shashth bhav par drishti nikshep karte hon athva shashth bhav ka svami un par drishtipat karta ho to jatk naukri dvara jivikoparjan karta hai. - shashthesh lagn men sthit ho ya lagnesh shashth bhavagat hokar dasham bhav par drishtipat kare to bhi jatak naukri karta hai. - yadi navmesh (bhagyesh) shashth bhav men ho aur dasham bhav par drishti kare to jatak naukri dvara jivikoparjana karta hai. - shashth, ashtam aur dvadash bhav ke svamiyon men se koi bhi ek grah yadi dasham bhav ko purn rup se prabhavit kare to bhi jatak naukri karta hai. - shashthesh, ashtamesh aur dvadshesh ka sanbandh chandrama se athva dashmesh se athva dasham bhav se ho to jatk naukri dvara jivnyapan karta hai. - yadi panch athva adhik grah budh, guru, shukra, shani aur ketu nakshatra men tatha prithvi tatva athva jal tatva rashiyon men ho to jatak naukri dvara jivan yapan karta hai. - janm lagn se ya chandra lagn se karmesh jo bhi balvan ho vah navansh kundli men jis rashi men sthit ho us rashi ke svami grah ke anusar jatak ki naukri kahna chahie. - navansh kundli men dashmesh grah ki prakriti ke anusar jatak ki jivika ka nirdharan karna chahie. - janm nakshatra ka svami grah hi karma nakshatra ka svami hai ataev jis dasha men janm ho us dashadhish grah ki prakriti ke anusar jivika janna chahie. - janmakundli men jitne grah vargottama hon unmen jo sarvadhik bali grah ho athva koi ek grah hi vargottama ka ho to uski prakriti ke anusar jatak ki jivika hogi. - lagnadhipti, rashipti athva navanshesh men se jo grah sarvadhik bali ho us grah ke anusar jatak ki jivika hogi. - lagn, chandra ya navansh men jo grah karmabhav men sthit ho us grah ki prakriti ke anusar athva yadi anek grah dasham bhav men ho to unmen jo bali grah ho uski pravritti ke anusar jatak ki naukri ka kshetra janna chahie. - yadi dasham bhav men rahu ya ketu akele baithe hon sath hi kisi grah ki drishti bhi n ho to dasham rashi ke svami grah tatha rahu-ketu ke anusar jatak ki jivika janni chahie. uprokt pramukh sutra hain jinke adhar par jatak ki janmakundli ka vishleshan karne ke uprant jatk ke vyavsay ki disha ko sunishchit kiya ja sakta hai. vichar goshthi men di gayi janmakundli men char grah, k9 men tin aur k10 men punah char grah kendra men hain. shukra svarashisth hokar chandra se kendra men hain isilie malavya mahapurush yog nirmit ho raha hai. baki grahon ki janmakundli aur vargon men sthiti achchi hai jaise navansh men ek grah vargotam, ek uchch aur ek svarashisth hai aur isi prakar dashmansh men do grah uchch rashisth hain. apne vishay ke niyamon ko janchte hue yah nishkarsha nikalne ka prayas karte hain ki jatak naukri karega ya svatantra vyavsay? lagna/lagnesh: janmakundli men surya ki sinh rashi udit hai aur janm nakshatra pufa-shukra hai jo malavya mahapurush yog men lipt hai. lagnesh/ karak surya lagn se chaturth men jyeshtha-budh ke nakshatra men susthit hain. lagnesh ki dasham par drishti hai, rahu/ ketu aksh par hain aur shani se yuti hai. rahu ke rashish mangal yogkarak hain aur unke lagnesh se sambandh hain, ketu ke rashish dashmesh shukra hi hain aur shani kundli men vargotam hokar mul trikon sadrish hain. arthat, lagna/ lagnesh bali hai. k9 men lagn par svarashisth guru aur janmakundli ke lagnesh surya ki drishti hai. navanshesh budh dvadash men rahu/ketu aksh par hain aur shani se drisht hokar kuch ashubh hain parantu adhik ashubh fal ki prapti nahin hogi kyonki shani vargotam hone ke sath-sath panchmesh bhi hain. k10 lagnesh aur dashmesh ka rashi parivartan hai jo lagn aur dashm ko bal de raha hai. tinon kundliyon men lagna/lagnesh ke akalan se jatk ke svatantra vyavsay ki taraf prerit hone ki sambhavna prabal lagti hai. chandra: is kundli men paksh bali evan uchchabhilashi chandra ki sthiti majbut hai. janmakundli men dvadshesh hokar sam hain, bhagya bhav men hokr shubh aur dashmesh shukra se drishta hokar shubh faldayak hain. k9 men ekadshesh hokar bhagya bhav men apni uchch rashi men hain aur panchmesh shani evan mangal dvara drisht hain. k10 men shubhashubh prabhav rahit hain aur panchm bhav men susthit hai. chandra ke bali hone se jatak men khat ko dekhkr majmun bhanpne ki kshamata hogi aur kuch naisargik ashubh grahon ke prabhav ke karan krur drishti valon ke lie bhi upyukt yojna banane evan samna karne ka bal bhi hoga. dashm/dshmesh: dasham bhav men ketu lagnesh surya ke kritika nakshatra men hain, ketu ke rashish shukra malavya yog men tritiya bhav men sthit hain, lagnesh surya evan vargotam shani ki drishti dashm par hai aur panchmesh guru ki dvitiya bhav se drishti bhi dasham par hai. dashm bhav men sakriyata, urja, sangharsh aur bal hai. k9 dasham men bhagyesh ki sthiti rajyog karak hai parantu dashmesh/nvanshesh budh ki dvadsh men rahu/ketu aksh par sthiti aur shani dvara drishti rajyog falon ko kuch kshin kar rahi hai. k10 dashmesh mangal janmakundli ke yogkarak grah hain. dashmesh aur lagnesh ka rashi parivartan lagna/dasham men hi hai jo ajivika sambandhit sthiti ke lie atyant shubh hai. dasham men vargotam shani sthit hain aur labhesh/dhnesh uchcha ke guru se drisht bhi hain. nishkarshatah dashm/dshmesh bahut bali hain jisse uttarottar pragti ke sanket hain aur svatantra vyavsay ke lie anukul hai. shashthama/shashthesh: janmakundli ka shashtham bhav shashthesh shani dvara drishta hokar bali hai, shashthesh shani vargotm hokar chaturth men lagnesh se yut hain aur shubh kartari men hain. shashthesh shani rahu/ ketu aksh par hokar kuch ashubhta lie bhi hain. shashthesh shani ka lagn evan dasham se drishti sanbandh bhi hai. yah sanbandh jatak ka palra pratispardha, antrik shatruon aur kanuni larai adi men bhari rakhega. navansh men shashthama bhav par navanshesh budh ki drishti hai, shashthesh vargotam hokar svayan ke karma sthan yani tritiya men sthit hain aur shashtham bhav rahu/ketu aksh par bhi hai. k10 men shashtham men guru uchch ke hain, shubh shukra se yut hain aur shashthesh dushprabhav rahit pancham men susthit hain. arthat, shashthama/shashthesh bali to hanai parantu lagna/lagnesh spasht rup se adhik bali hain. iske atirikt shani ast bhi hain. is niyam ka vot bhi svatantra vyavsay ko jata hai. tritiya/tritiyesh: tritiya bhav men tritiyesh shukra sthit hone se bhav/ bhavesh bali hain, donon chandra se aur yogkarak mangal se drisht bhi hain. k9 men tritiya bhav men vargotam shani sthit hain, chandra dvara drisht hain aur panchmesh guru dvara bhi drisht hain. k10 men tritiyesh/dshmesh lagn men hain aur lagnesh se rashi parivartan men hain, tritiya bhav men janmakundli men lagnesh surya aur navanshesh budh bhi sthit hain. jatak men sahas aur parakram bharpur matra men hoga jo svatantra vyavsay ki taraf hi prerit karega. shani: janmakundli men shani ast aur shashtham se bhi sambandhit hain isilie agocharasth hain parantu vargotam evan anya shubh prabhavon se vargon men bali hain jaise janmakundli men lagnesh surya se yuti, yogkarak mangal se drishti aur shubh kartari adi. shani navansh ke panchmesh aur dashmanshesh bhi hain. aisi sanbhavna lagti hai ki jatak ne ajivika ka shubharanbh to naukri se kiya hoga parantu upyukt dasha milte hi svatantra vyavsay shuru kiya hoga. surya, mangal aur rahu: lagnesh surya ki charcha ho chuki hai aur unka dashm/dshmesh se sambandh hai. mangl ki drishti dashmesh shukra par hai. k10 men mangal dashmesh hokar lagn men sthit hain aur lagnesh se rashi parivartan men hain. janmakundli men rahu ka sambandha lagnesh evan dasham bhav se hai, k9 men navanshesh evan dashmesh se hai aur k10 men lagn aur dashmesh se. tinon parmatmansh grahon ka sambandh lagna/ lagnesh ya/aur dashm/dshmesh se hai aur jatak ko daiviya ashirvad prapt hai jisse atmavishvas ki vriddhi aur svatantra vyavsay ki tarf prerit karega. dhan yog: janmakundli men adhik dhan yog nahin hai. matra panchmesh-navmesh ka drishti sambandha hi hai. navansh men panchmesh-ekadshesh ka drishti sambandh a raha hai. dashmansh men dvitiyesh-navmesh aur navmesh-ekadshesh ka sambandh hai. indu lagn kark rashi hai, indu lagnesh kark se kendra men hain, indu lagn se kendra/trikon men keval shubh grah hain aur indu lagnesh kundli men trikon men sthit hokar bali hai. dhan yogon aur indu lagn ke akalan se lagta hai ki jatak ke pas shuruat men dhan ki kami rahi hogi aur utrottara dhan arjit kiya hoga. yah ek chote star se vyavsay ki shuruat se saflta ki taraf jata hua lagta hai. dasha: pratham char varsh ketu aur fir 20 varsh shukra ki dasha mili. jatak ne is dasha men sangharsh kiya hoga parantu shukra ke vishakha-guru ke nakshatra men hone se aur budh se pancham hone se parhai men samasya nahin ai hogi. iske bad ke 6 varsha lagnesh surya ke the jiska sambandha agocharasth shani se bhi hai. is avdhi (24 se 30 varsh ki umra tak) men jatak ne khub mehanat aur sangharsha kiya hoga aur sanbhvtah naukri se apna vyavsayik jivan shuru kiya hoga kyonki hamare niyamon ke adhar par jatak ko sahi dasha ane par svatantra vyavsay karna chahie aur chandra ki mahadsha ke samay (30 varsh umra) men apne svatantra vyavsay ki taraf le jane ke lie avasar pradan karega. iske bad ki yogkarak mangal ke sat varshon ne shubhashubh raston se uchal diya hoga aur jisse adhar sthapit karne men sahayta mili hogi. rahu ki dasha men bhi vriddhi hogi parantu kuch aniyamittaon ka samna bhi karna par raha hoga. vichar goshthi kundli ke akalan se yah nishkarsh niklta hai ki jatk ko svatantra vyavsay hi karna chahie kyonki niyam puri tarah se lag rahe hain aur jatak ko upyukt dashaen bhi sahi samay par mil gayi thin. nishkarsha: hamne nirdharit niyamon ko anekon kundliyon par parkha aur yah nishkarsh nikala ki ek jyotishi kundli ka akalan karke yah batane men saksham hota hai ki jatak ko vyavsay karna chahie ya naukri.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.