दीपावली के 21 उपाय 21 चमत्कार

dipavli ke 21 upay 21 chamatkar  

Ank ke aur Lekh | Sambandhit Lekh | Views : 2677 |  
hamare hindu dharm shastron men anek aise chote v asan upay batae gae hain, jinhen karne se jivan ki har pareshani dur ho sakti hai. upay sachche man se kie jaen to jaldi hi inka sakaratmak prabhav dekha ja sakta hai. ap is divali apne durbhagya ko saubhagya men badal sakte hain. pure varsh men kuch hi din aise shubh aur chamatkari fal dene vale hote hain jinmen ap apni manokamnaen puri kar sakte hain. aj ham apko divali par kiye jane vale aise hi chote aur achuk upay bata rahe hain, jinhen sachche man se karne se apke jivan men dhan-vriddhi, sukh samriddhi hogi evan anya badhaon ka samadhan ho jayega. yaugik ganit men 21 ek mahatvapurn sankhya hain, kyonki yah 84 ka chaithai hai aur 84 islie mahatvapurn hai kyonki yaugik ganit ke anusar ham abhi is srishti ke 84ven chakra men hain. isilie ham yahan apko 21-21 upay bata rahe hanai jisse apke jivan ki har samasya ka purnatah samadhan ho jaye. is divali banne vale shubh muhurton ka labh ap kis prakar utha sakte hain, aiye apko batate hain - dhan vriddhi ke achuk upay - 1. pile kapre men jalkunbhi bandhkr apne rasoi ghar men rakhne se ghar khadya upyog ki vastuon se bhara pura rahega. 2. divali ke din sandhyakal men pipal ke per ke niche sabut urad ke dane thora dahi aur sindur dalakar charhayen aur tel ka dipak jalayen. ap dekhenge ki dhan vriddhi hone lagegi. 3. dipavli ki sayankal ko baragad ki jata men ganth laga den, aisa karne se achanak dhan milta hai, dhan milne ke bad us ganth ko khol den. 4. hatthajori ko sindur men bharkr tijori men rakhne se dhan vriddhi hoti hai. 5. dipavli par ganne ke per ki jar ko lakar lal kapre men bandhakar lal chandan lagakr dhan sthan par rakhen. isse dhan men vriddhi hogi. 6. lakshmi pujan ke sath ekakshi nariyal ki sthapna kar uski pujn-upasna karen. isse dhan labh hota hai sath hi parivar men sukh-shanti bani rahti hai. 7. lakshmi ka pujan karne ke lie sthir lagn shreshth mana jata hai. is lagn men puja karne par mahalakshmi sthayi rup se ghar men nivas karti hain. 8. lakshmi pujan men gomti chakra rakhne se ghar men dhan sanbandhi labh hone lagta hai. 9. lakshmi pujan men pili kauriyan rakhne se mahalakshmi bahut jald prasann hoti hain. apki dhan sanbandhi sabhi pareshaniyan khatma ho jaengi. 10. dipavli ke din bina snan kiye pratah kal ek nariyal ko patthar se bandhakar apne najdik ke kisi bhi talab, bavri athva nadi men le jakr dubo den, tatha prarthana karen ki sham ko main apko lakshmi ji ke sath le kar jaunga, sham ke samay punah us nariyal ko jal se nikalakar ghar le ayen aur lakshmi puja men sammilit karke dukan athva ghar ke puja sthal men rakhen, isse prachur dhan ki prapti hogi aur karja nivaran hoga. 11. dipavli ke panchon dinon men ghar men shanti banae rakhen. kisi bhi prakar ka klesh, vad-vivad n karen. jis ghar men shanti rahti hai vahan devi lakshmi hamesha nivas karti hain. 12. saptah men ek bar kisi jarurtmand suhagin stri ko suhag ka saman dan karen. dhyan rakhen yah upay niyamit rup se har saptah karna chahie. 13. kisi pipal ke vriksh ka ek patta toren. us patte par kumkum ya chandan se shriram likhen. iske bad patte par mithai rakhen aur yah hanumanji ko arpit karen. 14. dipavli ke din 3 abhimantrit gomti chakra, 3 pili kaudiyan aur 3 haldi ganthon ko ek pile kapre men bandhen. iske bad is potli ko tijori men rakhen. dhan labh ke yog banne lagenge. 15. sfatik se bana shriyantra dipavli ke din bajar se kharidakar laen. shriyantra ko lal vastra men lapetakar tijori men rakhen. kabhi bhi paison ki kami nahin hogi. 16. ghar men sthayi lakshmi hetu pipl ke vriksh ki chaya men khare rah kar lohe ke bartan men jal, chini, ghi tatha dudh mila kar pipal ke vriksh ki jar men dalne se ghar men lambe samy tak sukh-samriddhi rahti hai. 17. ghar ki arthik sthiti thik karne ke lie ghar men sone ka chairas sikka rakhen. kutte ko dudh den. apne kamre men mor ka pankh rakhen. 18. paki hui mitti ke ghare ko lal rang se rangakar, uske mukh par mauli bandhakar tatha usmen jatayukt nariyal rakhakar bahte hue jal men pravahit kar den. 19. akhandit bhoj patra par surya yantra lal chandan ki syahi se mor pankh ki kalam se banaen aur use sada apne pas rakhen. 20. kachchi ghani ke tel ke dipk men laung dalakar hanuman ji ki arti karen. anisht dur hoga aur dhan bhi prapt hota hai. 21. devi lakshmi ke chitra ke samaksha nau battiyon vali ghi ka dipk jalaen. usi din dhan labh hoga. sukh-samriddhi ke achuk upay 1. ghar men sthit tulsi ke paudhe ke pas dipavli ki rat men dipak jalaen. tulsi ko vastra arpit karen. 2. mah ki har amavasya par pure ghar ki achchi tarah se saf-safai ki jani chahie. saf-safai ke bad ghar men dhup-dip-dhyan karen. 3. dipavli ki ratri rat bhar ghi ka diya suryoday tak jalayen, yah shubh faldayak rahta hai. 4. is ratri men chandi ki katori men agar kapur ko jalayen, to parivar men sukh, samriddhi ki varsha hoti hai. 5. dipavli ki rat men kesr se rangi 9 kauriyon ki bhi puja karen. pujan ke pashchat in kaudiyon ko pile kapre men bandhakar pujasthal par rakhen. vyapar sthal par rakhne se vyapar barhta hai. 6. dipavli se agle din gay ke khur ki mitti se, athva tulsiji ki mitti se tilk karen, sukh-shanti men barkt hogi. 7. amavasya ki madhya ratri ko kisi chairahe par sarson ke tel ka dipak jalakar ayen. murakar piche nahin dekhen. ghar se nirdhanata ka nash hoga. 8. is ratri men kale til parivar ke sabhi sadasyon ke sir par sat bar utaren aur ghar ki pashchim disha men fenk den, aisa karne se dhan hani band hokar, sukh-samriddhi bani rahegi. 9. dipaparva par shvetark ganesh ki pratima ghar men laenge to hamesha barakat bani rahegi. parivar ke sadasyon ko paison ki kami nahin aegi. 10. is divali ek naya jharu kharid kar layen tatha is din isi jharu se ghar ki achchi tarah se saf-safai karen. saf-safai karne ke bad is jharu ko chupakar rakhen. 11. ratri men lakshmi puja karne ke bad ghar ke pratyek hisse men ghanti bajane se ghar men vas kar rahi ashubh shaktiyon ka vinash hota hai. nakaratmakata ka ant hokar, sakaratmakata bani rahti hai. 12. pratah kal sare ghar ki saf-safai, shuddhata hone ke bad mukhya dvar par am ya ashok ke patton ka bandnvar lagayen. isse shubh shaktiyan ghar men pravesh karti hain. 13. ghar ke mukhya dvar par kumkum se svastik ka chihn banakr dvar ke donon or kumkum se shubh-labh bhi likhen. 14. kisi mandir men jharu ka dan karen. ghar ke aspas mahalakshmi ka mandir ho to vahan gulab ki sugandh vali agarabatti ka dan karen. 15. panch abhimantrit kauriyon par haldi ka tilak lagakar apne upar se ath bar utarkr kisi bhikhari ko kuch paison ke sath dan kar den. 16. pipal ke 11 patte toren, chandn ki syahi ka prayog karte hue unapar shriram ka nam likhen. pipal ke per ke niche baithkr in patton ki mala banakr hanuman ji ko pahnayen. 17. pratahkal jal men lal mircha ke 21 bij dalakar surya ko arpit karen. 18. sayankal pipal ke per ke niche sat dipak jalaen aur sat bar vriksh ki parikrama karen. ghar men sukh-samriddhi ka vas hoga. 19. subh-subah shivling par tanbe ke lote se jal arpit karen. 20. kali rai, sarson ka tel ka do mukh vala dipak lane, sayankal men chairahe par purva disha ki taraf mukh karke donon mutthiyon men rai le, bain or ki rai ko dain or fenk den tatha dain or ki rai ko bain or fenk de. iske bad chairahe par do mukh vala dipk jalayen, aur ghar a jayane. aur hath pair dho len. 21. lakshmiji ko ganna, anar, sitafal avashya charhaen. dipavli ke din pratahkal 7 anar aur 9 sitafal dan karen. badhayen dur karne ke upay 1. divali ki ratri ap kisi garib vyakti ko kale kanbl ka dan karen. aisa karne par shani aur rahu-ketu ke dosh shant honge aur karyon men a rahi rukavten dur ho jaengi. 2. apamarg ki jar layen aur pujan ke pashchat apni dahini bhuja men bandh lane dekhiye apke karyon ki badhaen kaise dur hone lagti hai. 3. gomti chakra ko lakri ki dibbi men pile sindur ke sath rakh diya jae, to vyakti ko jivan men saflta milne lagti hai. 4. is din kisi talab ya nadi men machliyon ko ate ki goliyan banakar khilaen. 5. pipal ke vriksh ke niche chota sa shivling sthapit kar iski nitya puja karen. 6. is tithi ko pipal ke vriksha ko jal arpit karna chahie. aisa karne par shani ke dosh aur kalasarp dosh samapt ho jate hain. 7. pipal ke vriksh ke niche baithkr hanuman chalisa ka path kiya jae to yah chamatkari fal pradan karne vala upay hai. 8. pipal ke vriksh par jal charhakr sat parikrama karni chahie. iske sath hi sham ke samy pipal ke vriksh ke niche dipk bhi lagana chahie. 9. pipal ke per ke niche diya jalane se pitri aur devta prasann hote hain, aur achchi atmaen ghar men janm leti hain. 10. tel ka dipak jalaen aur dipak men ek laung dalkr hanumanji ki arti karen. 11. kisi bujurg insan ka apman n karen aur dipavli ke din vishesh rup se unke charn sparsh karke ashirvad grahn karen. aisa karne par bari-bari pareshaniyan bhi dur ho jati hain. 12. is rat men ek ninbu lekr madhyaratri ke samay kisi chairahe par jaen aur vahan us ninbu ko char bhag men katkr charon raston par fenk den. 13. dipavli ke din ghar ke pashchim men khule sthan par pitron ke nam se 14 dipak lagaen. 14. is ratri ko pipal ke patte par dipak jalakar nadi men pravahit karen. isse arthik pareshaniyon se chutkara milta hai. 15. pratidin subah ghar se niklne se pahle kesar ka tilk lagaen. aisa har roj karen. 16. brahm muhurt men uthen aur snan karte samay nahane ke pani men kachcha dudh aur gangajl milaen. vastra dharan kar surya ko jal arpit karen. lal pushp surya ko charhaen. kisi jarurtmand vyakti ko anaj evan vastra ka dan karen. 17. mahalakshmi ke pujan men pili kauriyan bhi rakhni chahie. ye kaudiyan pujan men rakhne se mahalakshmi bahut hi jalda prasann hoti hain. apki dhan sanbandhi sabhi pareshaniyan khatma ho jaengi. 18. subah jab bhi uthen to uthte hi sabse pahle apni donon hatheliyon ka darshan karna chahie. 19. ratri men kachcha sut le kar, use shuddh kesar se rang kar, apne karya sthan men rakhne se unnati hoti hai. lakshmi pujan men haldi ki ganth bhi rakhen. 20. lakshmi puja karte samay ek bara ghi ka dipak jalaen jismen nau battiyan lagai ja sakane. sabhi 9 battiyan jalaen aur lakshmi puja karen. 21. pipal ka ek patta tor laen aur ise puja sthan par rakhen. shanivar ane par patta punah pipal ko arpit kar den aur dusra patta le aen. yah prakriya har shanivar ko karen. isse ghar men lakshmi ka sthayi nivas rahega aur shanidev bhi prasanna honge.
Kya aapko lekh pasand aaya? Subscribe
Kya aapko lekh pasand aaya? Subscribe


lakshmi visheshank  November 2015

devi lakshmi ko har prakar ka dhan evan samriddhi pradayak mana jata hai. adhunik vishva men sabki ichcha aramdeh evan vilasitapurn jivan jine ki hoti hai. pratyek vyakti kam se kam mehanat men adhik se adhik dhan kamane ki abhilasha rakhta hai iske lie devi lakshmi ki kripa evan inka ashirvad avashyak hai. dipavli aisa tyauhar hai jismen devi lakshmi ki puja anek tarikon se inhen khush karne ke uddeshya se ki jati hai taki inka ashirvad prapt kiya ja sake. fyuchar samachar ke vartaman ank men prabuddh lekhkon ne apne saragarbhit lekhon ke dvara devi lakshmi ko khush karne ke alag alag upay batae hain jisse ki devi unke ghar men dhan-dhanya ki varsha kar saken, achcha svasthya pradan karen tatha padonnati den. bahuayami mahatvapurn lekhon men sammilit hain: panch parva dipavli, lakshmi prapti ke achuk evan akhand upay, dosh tantra- niranjni kalp, lakshmi ko khush karne ke upay, dipavli par dhan prapt karne ke achuk upay, shri vaibhav samriddhidayini mahalakshmi archana yog, kyon nahin rukti man lakshmi, lakshmi prapti ke lie vibhinn prayog, dipavli ke 21 upay evan 21 chamatkar adi. iske atikti kuch sthayi kaelam ke lekh bhi upalabdh karae gaye hain.

Subscribe

Apne vichar vyakt karein

blog comments powered by Disqus
.