ham sabhi ke jivan men samasyaen to ati jati rahti hain lekin ap chahen to kuch samasyaon se nijat pane ke lie holi ke avasar par chote-chote upay kar sakte hain jisse in samasyaon ka samadhan bhi ho jaega aur apka bhagyoday bhi ho jaega. jaise- kai bar apko samajh nahin ata ki ap kyon bimar ho rahe hain, kyon achanak se saflta milte-milte rah jati hai, sarvagun sanpann hone ke bavjud vivah nahin ho raha hai ya apko lagta hai jaise - apke bhagya ko kisi ki najar lag gai hai. holi ke din ap apne bhagya ko ek bar fir se jaga sakte hain.
kuch isi prakar ke upayon ke bare men ham apko batane ja rahe hain jinhen karne se apke jivan ki kuch samasyaon ka samadhan hoga tatha kuch men kami hogi.
mesh rashi
yadi apko karobar se juri, parivarik ya svasthya sambandhi pareshaniyon ka bhay bana rahta hai, kai bar mehanat ka uchit fal bhi nahin milta hai to ap holika dahan ke samay ek tanbe ki katori men chameli ka tel, panch laung aur anvle ke per ke panch patte, thora sa gur, ye sabhi saman katori men rakh den.
mangal mantra - un an angarkay namah ka 108 bar jap karte hue samast samagri ko holika dahan ke samay holika men arpit kar den. agle din pratah kal holi ki thori si rakh lekar aen aur us rakh ko chameli ke tel men milakar apne kanth par tilak karen, svasthya sanbandhi, aur ruke hue karyon ka nivaran hoga. ek ghante bad halke garam pani se snan kar len.
vrish rashi
yadi apko koi vyaparik samasya ho, ghar men sukh shanti n ho, len-den ke karyon men pareshani ho rahi ho, svasthya anukul n rahta ho v karobar se labh n mil raha ho to ek chandi ki katori len aur usmen thora sa dudh, panch chutki chaval, gulmohar ke panch patte, panch chutki shakkar lekar, in sabhi samagriyon ko holika dahan ke samay shiv gayatri mantra - un tatpurushay vidmahe mahadevay dhimhi, tanno rudrah prachodyat ka 108 bar jap karke agni ko samarpit kar den. apke jivan men vyaparik samasya ho to uska bhi nivaran ho jaega.
mithun rashi
anavashyak kalah, vyapar men ghata, apnon ka virodh, mansik asthirta, in samasyaon ke nivaran ke lie ap holika dahan ke samay kanse ki katori men 50 gram hare dhaniya ka ras, 108 dane sabut mung ke, pipal ke panch patte aur koi bhi hare rang ki mithai in sari samagriyon ko apne hath men rakhakar un ain hrin klin chamunday vichche namah mantra ka 108 bar jap karke is samagri ko holika dahan ke samay agni ko samarpit kar den. yah upay karne se apke jivan ki uprokt samasyaon men labh prapt hoga.
kark rashi
apke man men kisi bhi prakar ki mansik asthirta, kam men aruchi, kam badlne ki adat ho to aisi avastha men ap apni aisi sabhi samasyaon ke samadhan ke lie ek katori len aur usmen thora dahi, panch chutki chaval, ashok ke sat patte aur safed pethe ki mithai lekar sabhi samagriyon ko katori men rakhakar, mahamrityunjay mantra - un tryanmbakan yajamhe sugandhin pushtivardhanam. urvarukmiv bandhanan mrityormukshiya mamritat ka 108 bar jap karke agni ko samarpit kar den. isse apke jivan ki samasyaon men kami hogi.
sinh rashi
apne karobar men manovanchit saflta, achchi sehat aur karyon ki badhaon ko dur karne ke lie, holika dahan ke din kanse ki katori men thora sa ghi lekar, panch chutki gehun, panch chutki desi khand, ashok vriksh ke panch patte, katori men rakhakar apne hath men le len aur surya gayatri mantra un bhaskaray vidmahe, mahatejay dhimhi tanno suryah prachodyat ka 108 bar jap karke samast samagri ko holika ko samarpit kar den. yah upay apke jivan men shubhta layega aur kashton men kami karega.
kanya rashi
apne karyon men sthirta banae rakhne ke lie, die gae dhan ki vapsi, vyarth ki pareshaniyon ko dur karne ke lie, kanuni aur karobari samasyaon ka ant karne ke lie tambe ki katori men anvle ka thora sa tel lekar, panch nim ke patte, panch ilaychi aur nariyal se bani mithai, in sari samagriyon ko katori men dal kar apne hath men rakh len aur 108 bar budh mantra - un bran brin braun sah budhay namah ka jap karte hue sari samagri ko holika men arpit kar den. is upay ko karne se apki arthik, samajik aur parivarik samasyaon men kami hogi.
tula rashi
apni vyaparik, sharirik ya parivarik samasyaon ka jar se nivaran karne ke lie ap chandi ki katori men panch chammach gay ke dudh ki khir lekar, panch patte shisham ke, panch genda ke ful lekar in sari samagriyon ko shiv mantra - un namah shivay ka 108 bar jap karne ke bad holika dahan ke samay samast samagri agni ko samarpit kar den. yah upay apke karobar aur anya kai samasyaon ka nivaran karega.
vrishchik rashi
jivan men karya saflta aur karobar men ashanurup labh pane ke lie ap tanbe ki katori men chameli ka tel dal kar, panch sabut lal mirch, ek bundi ka laddu, panch gular ke patte, in samast samagri ko apne hath men rakhakar un han pavananandanay svaha mantra ka 108 bar jap karke sari samagri agni ko samarpit kar den. upay karne par ap dekhenge ki apke karya shighra ban rahe hain.
dhanu rashi
apni vyaparik, sharirik ya vaivahik samasyaon aur anavashyak karya badhaon se mukti pane ke lie ap ek pital ki katori men desi gay ka ghi, thora sa gur, panch chutki chane ki dal, panch am ke patte dal apne hath men rakh len fir brihaspati gayatri mantra - un guru devay vidmahe parabrahmay dhimhi, tanno guruah prachodyat ka 108 bar jap karke in samast samagriyon ko holika dahan ke samay agni ko samarpit kar den. yah upay apke jivan ki samasyaon men kami karega aur sukh men vriddhi karega.
makar rashi
vyapar, svasthya sukh ya grihasth jivan se juri apni samasyaon ko dur karne ke lie ap ek lohe ki katori men sarson ka tel lekar, panch chutki kale til, panch baragad ke patte, ek kale gulab jamun ki mithai, in samast samagriyon ko apne hath men lekar un shan shanaishcharay namah mantra ka 108 bar jap karke samast samagri ko holika dahan ke samay agni men samarpit kar den. yah upay shani shanti aur sarvabadha mukti ka karya karega.
kumbh rashi
apne karyon ke madhya ane vali anavashyak badhaon se mukti, danpatya jivan ko sukhamay banane aur uttarottar saflta pane ke lie ap ek stil ki katori men til ka tel, 108 dane sabut urad, kadanb ke panch patte, panch kali mirch, koi bhi kale rang ki ek mithai, in sabhi samagriyon ko apne hath men rakh kar manglkari shani mantra - un shan shanaishcharay namah ka 108 bar jap karke holika dahan ke samay agni ko samarpit kar den. yah upay vishesh rup se shani shanti aur saflta ka karagar upay hai.
min rashi
apne vyapar, bachchon ki shiksha, svasthya sukh aur vaivahik jivan men shanti banae rakhne ke lie ap kanse ki katori men badam ka tel, usmen 108 jore chane ki dal ke, koi bhi pili mithai, am ke panch patte aur ek ganth haldi, in samast samagriyon ko apne hath men lekar un gran grin graun sah gurve namah mantra ka 108 bar jap karke in samast samagriyon ko holika dahan ke din agni ko samarpit kar den. yah upay apke kariyar, vyapar aur parivarik jivan ko anukul karega.